ಪಬ್ಜಿ ಗುಬ್ಬಿಗಳ ಲವ್ ಸ್ಟೋರಿ ಹಿಂದೆ ಷಡ್ಯಂತ್ರ..?: ಭಾರತಕ್ಕೆ ಬಂದಳಾ ಗೂಢಚಾರಿಣಿ..?

ಪ್ರೀತಿ ಏಕೆ ಭೂಮಿ ಮೇಲಿದೆ ಅಂತ ಕೇಳಿದ್ರೆ ಬೇರೆ ಎಲ್ಲೂ ಜಾಗವಿಲ್ಲದೇ ಅನ್ನೋ ಉತ್ತರ ಬರಬಹುದು. ಆದ್ರೆ ಈಗ ಅದೇ ಪ್ರೀತಿ (Love)ಪ್ರೇಮ ಇತ್ಯಾದಿ ಜಾಗವಲ್ಲದ ಜಾಗಕ್ಕಾಗಿ ಶುರುವಾಗ್ತಾ ಇರೋದು ಅಪಾಯಕಾರಿ ಅನಿಸೊಕೆ ಶುರುವಾಗಿದೆ. ಅದಕ್ಕೆ ಕಾರಣ ಪಾಕಿಸ್ತಾನ(Pakisthan) ಹಾಗೂ ಭಾರತದ(India) ಪ್ರೇಮ ಪಕ್ಷಿಗಳು. ಇತ್ತೀಚಿನ ದಿನಗಳಲ್ಲಿ ಒಂದು ಹೆಸರು ಪ್ರಸಿದ್ಧವಾಗಿದೆ ಅವಳೇ ಸೀಮಾ ಹೈದರ್(Seema Haider), ಪಾಕಿಸ್ತಾನಿ ಸಂಜಾತ ಹೆಣ್ಣು ವೀಸಾ ಇಲ್ಲದೆ ಭಾರತಕ್ಕೆ ಪ್ರವೇಶಿಸಿದ್ದಾಳೆ. ಪಬ್ಜಿಯಲ್ಲಿ ಸಿಕ್ಕ ಗೆಳೆಯನನ್ನ ಮದುವೆ ಆಗೋಕೆ ಬಂದಿರೋದಾಗಿ ಹೇಳಿದ್ದಾಳೆ. ಸೀಮಾ ಹೈದರ್ ಮತ್ತು ಸಚಿನ್ ಅವರು ಮಾರ್ಚ್ 2023 ರಲ್ಲಿ ನೇಪಾಳದ(Nepal) ಪಶುಪತಿನಾಥ ದೇವಾಲಯದಲ್ಲಿ ವಿವಾಹವಾದ್ರು. ಅಲ್ಲಿ ಅವರು ಹೋಟೆಲ್‌ನಲ್ಲಿ ಒಂದು ವಾರ ತಂಗಿದ್ದರು. ಸೀಮಾ ಹೈದರ್ ಮತ್ತು ಸಚಿನ್ ಮೀನಾ ಅವರ ಪ್ರೇಮಕಥೆಯು ಸಿನಿಮಾ ಮಾಡುವಂತಹ ಕಂಟೆಂಟು. ಸೀಮಾ ಹೈದರ್ ತನ್ನ ಪ್ರೀತಿಯನ್ನು ಪಡೆಯಲು ಅಕ್ರಮವಾಗಿ ಅಂತಾರಾಷ್ಟ್ರೀಯ ಗಡಿಗಳನ್ನು ದಾಟಿ ಭಾರತಕ್ಕೆ ಬಂದಳು. ಸೀಮಾ ಹೈದರ್ ಪಾಕಿಸ್ತಾನಿ ಮಹಿಳೆಯಾಗಿದ್ದು, ಅವರು 2019 ರಲ್ಲಿ ಆನ್‌ಲೈನ್ ಗೇಮ್ PUBG ಆಡುವಾಗ ಗ್ರೇಟರ್ ನೋಯ್ಡಾದ ಸಚಿನ್ ಮೀನಾ ಜೊತೆ ಲವ್ ಶುರುವಾಯ್ತು. ಇಬ್ಬರ ಪ್ರೀತಿ ದಿನೇ ದಿನೇ ಬಲಿಯೋಕೆ ಶುರುವಾಯ್ತು. ಎಷ್ಟು ಬೆಳೆಯಿತು ಎಂದರೆ ಸೀಮಾ ತನ್ನ ನಾಲ್ಕು ಮಕ್ಕಳೊಂದಿಗೆ ಪಾಕಿಸ್ತಾನದಿಂದ ಭಾರತಕ್ಕೆ ಬಂದಳು.

ಇದನ್ನೂ ವೀಕ್ಷಿಸಿ:  ನಾಳೆ ದೆಹಲಿಯಲ್ಲಿ ಬಿಜೆಪಿ ಹೈವೋಲ್ಟೇಜ್ ಸಭೆ: ವಿಪಕ್ಷ ನಾಯಕ, ರಾಜ್ಯಾಧ್ಯಕ್ಷ ಘೋಷಣೆ ಸಾಧ್ಯತೆ ?