Jan 7, 2024, 12:27 PM IST
ಹಾಸನ: ಜಿಲ್ಲೆಯ ತಾಯಿ-ಮಕ್ಕಳ ನಿಗೂಢ ಸಾವು ಪ್ರಕರಣಕ್ಕೆ ಟ್ವಿಸ್ಟ್ ಸಿಕ್ಕಿದ್ದು, ಅವರದ್ದ ಆತ್ಮಹತ್ಯೆಯಲ್ಲ, ಕೊಲೆ(Murder)ಎಂಬ ಅಚ್ಛರಿಯ ಅಂಶ ಪೊಲೀಸ್ ತನಿಖೆಯಲ್ಲಿ ಬೆಳಕಿಗೆ ಬಂದಿದೆ. ರೀಲ್ಸ್ ಪ್ರೇಮಿಯನ್ನ(Reels Lover) ಪಾಪಿ ಪ್ರಿಯಕರ ಕೊಲೆಗೈದಿದ್ದಾನೆ. ಪ್ರಿಯಕರನ ಜೊತೆ ಅಕ್ರಮ ಸಂಬಂಧ ಹೊಂದಿ ಆತನಿಂದಲೇ ಶಿವಮ್ಮ ಕೊಲೆಯಾಗಿದ್ದಾಳೆ. ಪ್ರಿಯತಮೆಯ ಜೊತೆಗೆ ಅವಳ ಎರಡು ಮಕ್ಕಳ ಕೊಲೆಯನ್ನೂ ಮಾಡಲಾಗಿದೆ. ವಿಜಯಪುರ(Vijayapura) ಮೂಲದ ನಿಂಗಪ್ಪ ಕಾಗವಾಡ ಕೊಲೆ ಆರೋಪಿಯಾಗಿದ್ದಾನೆ. ಶಿವಮ್ಮ ಜೊತೆ ಈತ ಅಕ್ರಮ ಸಂಬಂಧ(Illegal Relationship) ಹೊಂದಿದ್ದ. ಈತ ವಿಜಯಪುರದಲ್ಲಿ ಬೇಕರಿ ಅಂಗಡಿ ಇಟ್ಟಿದ್ದ, ಶಿವಮ್ಮ ಪತಿ ತೀರ್ಥಪ್ರಸಾದ್ ಈ ವೇಳೆ ಪರಿಚಯ ಆಗಿದ್ದ. ಬೇಕರಿ ಲಾಸ್ ಆಗಿದ್ದರಿಂದ ಮುಚ್ಚಿ ವಾಪಸ್ ಬಂದಿದ್ದ. ತುಮಕೂರು ಬೇಕರಿಯಲ್ಲಿ ಆಕೆಯ ಪತಿ ತೀರ್ಥಪ್ರಸಾದ್ ಕೆಲಸ ಮಾಡುತ್ತಿದ್ದ. ದೂರವಿದ್ದ ಗಂಡನಿಗೆ ಮರೆಮಾಚಿ ಪ್ರಿಯಕರ ನಿಂಗಪ್ಪನ ಜೊತೆ ಸಲುಗೆಯಿಂದ ಶಿವಮ್ಮ ಇದ್ದಳು. ಕಾರು ಚಾಲಕ ಎಂದು ಪ್ರಿಯಕರನ ಪರಿಚಯವನ್ನು ಶಿವಮ್ಮ ಮಾಡಿಕೊಡುತ್ತಿದ್ದಳು. ಜನವರಿ 1 ರ ರಾತ್ರಿ ಕತ್ತು ಹಿಸುಕಿ ಪ್ರಿಯತಮೆ ಶಿವಮ್ಮ, ಮಕ್ಕಳಾದ ಸಿಂಚನಾ,ಪವನ್‌ರನ್ನು ಆರೋಪಿ ನಿಂಗಪ್ಪ ಕೊಲೆ ಮಾಡಿದ್ದಾನೆ. ಈತನನ್ನು ಪೆನ್ಷನ್ ಮೊಹಲ್ಲಾ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಅನಿಲ ಸೋರಿಕೆಯಿಂದ ಇವರು ಸಾವಿಗೀಡಾಗಿದ್ದಾರೆ ಎಂದು ಈತ ಬಿಂಬಿಸಲು ಪ್ಲ್ಯಾನ್‌ ಮಾಡಿದ್ದ. ಜನವರಿ 1 ರಂದು ಹಾಸನದ ದಾಸರಕೊಪ್ಪಲಿನಲ್ ಈ ಘಟನೆ ನಡೆದಿದೆ.
ಇದನ್ನೂ ವೀಕ್ಷಿಸಿ: ಬೆಳಗಾವಿಯಲ್ಲಿ ಹದಗೆಟ್ಟಿದೆಯಾ ಕಾನೂನು ಸುವ್ಯವಸ್ಥೆ? ಅಕ್ಕ-ತಮ್ಮನ ಮೇಲೆಯೇ ನೈತಿಕ ಪೊಲೀಸ್‌ಗಿರಿ?