ಯುವತಿಗೆ ಮೋಸ ಮಾಡಿದನಾ ಎಂಪಿ ಮಗ..? ಕೇಸ್ ದಾಖಲಾಗ್ತಿದ್ದಂತೆ ರಂಗನಾಥ್ ನಾಪತ್ತೆ..!

ಅವನು ಬಿಜೆಪಿ ಸಂಸದನ ಮಗ. ಆದ್ರೆ ಆತ ರಾಜಕೀಯ ಬಿಟ್ಟು ಮಕ್ಕಳಿಗೆ ಪಾಠ ಮಾಡೋ ವೃತ್ತಿಯನ್ನ ಆಯ್ದುಕೊಂಡಿದ್ದ.ಕಾಲೇಜಿನಲ್ಲಿ ಲಕ್ಚೆರ್ ಆಗಿದ್ದ ಆತ ನೂರಾರು ಮಕ್ಕಳಿಗೆ ದಾರಿ ತೋರಿಸೋ ಕೆಲಸ ಮಾಡ್ತಿದ್ದ. ಆದ್ರೆ ಅಂತವನ ಮೇಲೆ ಒಂದು ಆರೋಪ ಬಂದಿದೆ. ಒಬ್ಬ ಯುವತಿಯನ್ನ ನಂಬಿಸಿ ಆಕೆಯೊಂದಿಗೆ ದೈಹಿಕ ಸಂಪರ್ಕ ಸಾಧಿಸಿಕೊಂಡು ನಂತರ ಆಕೆಗೆ ಮೋಸ ಮಾಡಿದ್ದಾನೆ ಅನ್ನೋ ಆರೋಪ ಸದ್ಯ ಸಂಸದನ ಮಗನ(MP Son) ಮೇಲೆ ಕೇಳಿ ಬಂದಿದೆ. ಸದ್ಯ ರಂಗನಾಥ್ ಎಲ್ಲಿದ್ದಾರೋ ಗೊತ್ತಿಲ್ಲ. ಮನೆಗೆ ಬೀಗ ಹಾಕಿದ್ರೆ ಅವರ ಫೋನ್ ಸ್ವಿಚ್ ಆಫ್ ಆಗಿದೆ. ಆದ್ರೆ ಪೊಲೀಸರು ಮಾತ್ರ ರಂಗನಾಥ್ರವರಿಗೆ(Ranganath) ವಿಚಾರಣೆಗೆ ಹಾಜರಾಗುವಂತೆ ನೋಟಿಸ್‌ ಕೊಟ್ಟಿದ್ದಾರೆ. ಎಲೆಕ್ಷನ್ ಇನ್ನೂ 5 ತಿಂಗಳಿರುವಾಗ ದೇವೇಂದ್ರಪ್ಪರಿಗೆ(Devendrappa) ಈ ರೀತಿಯ ಒಂದು ಪ್ರಚಾರ ಅವಶ್ಯಕತೆ ಇರಲಿಲ್ಲ. ಇನ್ನೂ ಇದೇ ಕೇಸ್ ಬಗ್ಗೆ ಸ್ವತಃ ಅವರನ್ನೇ ಮಾತನ್ನಾಡಿಸಿದಾಗ ಅವರು ಹೇಳೀದ್ದು ನನಗೇನು ಗೊತ್ತಿಲ್ಲ ನನ್ನನ್ನ ರಾಜಕಿಯವಾಗಿ ಮುಗಿಸಲೆಂದೇ ಒಂದು ಟೀಂ ವರ್ಕ್ ಮಾಡ್ತಿರಬಹುದು ಅಂದುಬಿಟ್ರು.ಇನ್ನೂ ಪ್ರಕರಣ ದಾಖಲಿಸಿಕೊಂಡಿರೋ ಪೊಲೀಸರು ಸಂತ್ರಸ್ತ ಮಹಿಳೆ ಮತ್ತು ರಂಗನಾಥ್ ಇಬ್ಬರಿಗೂ ನೋಟೀಸ್ ನೀಡಿದ್ದಾರೆ. ಪೊಲೀಸರು ವಿಚಾರಣೆಯನ್ನ ಆರಂಭಿಸಿದ್ದಾರೆ.ನಿಜಕ್ಕೂ ರಂಗನಾಥ್ ಆ ಮಹಿಳೆಗೆ ಅನ್ಯಾಯ ಮಾಡಿದ್ರೆ ಅವರಿಗೆ ತಕ್ಕ ಶಿಕ್ಷೆಯಾಗಲಿ ಇಲ್ಲ ಅವರೇ ಆರೋಪ ಮಾಡುವಂತೆ ಮಹಿಳೆಯೇ ಅವರನ್ನ ಹನಿ ಟ್ರ್ಯಾಪ್ ಮಾಡಿದ್ರೆ ಆಕೆಯನ್ನ ಅರೆಸ್ಟ್ ಮಾಡಲಿ. 

ಇದನ್ನೂ ವೀಕ್ಷಿಸಿ:  ರಾಜ್ಯ ರಾಜಧಾನಿಯಲ್ಲೂ ಕರಾವಳಿಯ ಕ್ರೀಡೆಯ ಕಂಪು..! ಪುನೀತ್-ರಾಜ್ ಹೆಸರಲ್ಲಿ ನಡೆಯುತ್ತೆ ಅದ್ಧೂರಿ ಕಂಬಳ..!