KGF 2: ಜೈಹೋ ರಾಕಿಭಾಯ್ ಎಂದ ಫ್ಯಾನ್ಸ್, ವಿಮರ್ಶಕರಿಂದ 4 ಸ್ಟಾರ್‌ ರೇಟಿಂಗ್‌

ಕೆಜಿಎಫ್ -2 (KGF 2) ಬಗ್ಗೆ ಹಾಗೆ ಹೀಗೆ ಎಂದು ಟೀಕಿಸಿದವರು ಸಿನಿಮಾ ಎಬ್ಬಿಸಿರುವ ಸುಂಟರಗಾಳಿಗೆ ಗಪ್‌ಚುಪ್ ಆಗಿದ್ದಾರೆ. ಈ ಸಿನಿಮಾವನ್ನು ರಾಕಿಭಾಯ್ ನೆಕ್ಸ್ಟ್‌ ಲೆವೆಲ್‌ಗೆ ಕೊಂಡೊಯ್ದಿದ್ದಾರೆ. ಸಿನಿಮಾ ನೋಡಿದವರು ಸೂಪರ್ ಎನ್ನುತ್ತಿದ್ದಾರೆ. ಬರೀ ಕರ್ನಾಟಕ ಮಾತ್ರವಲ್ಲಿ ಬೇರೆ ಬೇರೆ ರಾಜ್ಯಗಳಲ್ಲೂ ಜೈಹೋ ರಾಕಿಭಾಯ್ ಎನ್ನುತ್ತಿದ್ದಾರೆ. 

ಈ ಸಿನಿಮಾ ಮೊದಲ ದಿನವೇ ವಿಶ್ವಾದ್ಯಂತ ರು.250 ಕೋಟಿಗೂ ಅಧಿಕ ಕಲೆಕ್ಷನ್‌ (Boxoffice Collection) ದಾಖಲಿಸಿದೆ. ದೇಶದ ನಾನಾ ಭಾಗದ ಬಹುತೇಕ ವಿಮರ್ಶಕರು 4 ಸ್ಟಾರ್‌ ಕೊಟ್ಟು, ಕನ್ನಡ ಸಿನಿಮಾದ ಅಗಾಧ ವೈಭವ ಮೆಚ್ಚಿ ಕೊಂಡಾಡಿದ್ದಾರೆ. ತೆಲುಗು, ಮಲಯಾಳಂ, ಹಿಂದಿ ಭಾಷೆಯ ಅಭಿಮಾನಿಗಳು ಅಭೂತಪೂರ್ವವಾಗಿ ಸಿನಿಮಾವನ್ನು ಸ್ವಾಗತಿಸಿದ್ದಾರೆ. ಅಮೆರಿಕಾ ಒಂದರಲ್ಲೇ ಮೊದಲ ದಿನವೇ 10 ಲಕ್ಷ ಡಾಲರ್‌ ಗಳಿಸಿದ ಮೊದಲ ಕನ್ನಡ ಸಿನಿಮಾ ಎಂಬ ಕೀರ್ತಿಗೂ ಕೆಜಿಎಫ್‌ 2 ಪಾತ್ರವಾಗಿದೆ.