ತಲೆಗೆ ಕ್ಯಾಪ್ ಹಾಕಿ ಓಡುತ್ತಿರುವ ಪ್ರಭಾಸ್; ಏನಿದು ಸಲಾರ್ ಸ್ಟಾರ್‌ನ ಟೋಪಿ ರಹಸ್ಯ?

ಟಾಲಿವುಡ್ ಸ್ಟಾರ್ ಪ್ರಭಾಸ್ ಸದ್ಯ ಸಲಾರ್ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಪ್ರಶಾಂತ್ ನೀಲ್ ಸಾರಥ್ಯದಲ್ಲಿ ಮೂಡಿಬರುತ್ತಿರುವ ಈ ಸಿನಿಮಾದಲ್ಲಿ ಪ್ರಭಾಸ್ ನಾಯಕನಾಗಿ ಮಿಂಚುತ್ತಿದ್ದಾರೆ. ಈಗಾಗಲೇ ಸಾಕಷ್ಟು ಭಾಗ ಚಿತ್ರೀಕರಣ ಸಹ ಮುಗಿಸಿದ್ದಾರೆ. ಈ ನಡುವೆ ಪ್ರಭಾಸ್ ಟೋಪಿ ಹಾಕಿ ಓಡಾಡುತ್ತಿರುವುದು ಅಚ್ಚರಿ ಮೂಡಿಸಿದೆ. ಪ್ರಭಾಸ್ ಎಲ್ಲೆ ಹೋದರು ತಲೆಗೆ ಕ್ಯಾಪ್ ಹಾಕಿರುವ ಲುಕ್ ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪ್ರಭಾಸ್ ಯಾಕೆ ಹೀಗೆ ಟೋಪಿ ಹಾಕಿ ಓಡುತ್ತಿದ್ದಾರೆ ಎಂದು ಅಭಿಮಾನಿಗಳು ತಲೆಕೆಡಿಸಿಕೊಂಡಿದ್ದಾರೆ. ಅಲ್ಲದೆ ಪ್ರಭಾಸ್ ಮೇಕಪ್ ಮ್ಯಾನ್ ರನ್ನ ಎಲ್ಲರೂ ಕೇಳುತ್ತಿದ್ದಾರಂತೆ. ಯಾಕೆ ಪ್ರಭಾಸ್ ಟೋಪಿ ಹಾಕಿ ಓಡುತ್ತಿದ್ದಾರೆ ಅಂತ. ಪ್ರಭಾಸ್‌ಗೂ ಹೇರ್ ಲಾಸ್ ಸಮಸ್ಯೆ ಉಂಟಾಗಿದ್ಯಾ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ. ಆದರೆ ಪ್ರಭಾಸ್ ಹೀಗೆ ಟೋಪಿ ಹಾಕಿ ಓಡಾಡುತ್ತಿರುವುದು ಹೊಸ ಹೇರ್ ಸ್ಟೈಲ್ ರಿವೀಲ್ ಮಾಡಬಾರದು ಎನ್ನುವ ಕಾರಣಕ್ಕೆ ಎನ್ನಲಾಗಿದೆ.