ಮಹಿಳೆ ಜತೆ ಪ್ರಭಾಸ್ ಫೋಟೋ ವೈರಲ್: ಸಲಾರ್ ಸಿನಿಮಾ 'ಉಗ್ರಂ' ರಿಮೇಕ್ ಎಂದ ನೆಟ್ಟಿಗರು
ಸಲಾರ್ ಸಿನಿಮಾದ ಒಂದು ದೃಶ್ಯ ಲೀಕ್ ಆಗಿದ್ದು,ಸಲಾರ್ ಸಿನಿಮಾವು ಉಗ್ರಂ ಚಿತ್ರದ ರಿಮೇಕ್ ಎಂಬ ಅನುಮಾನ ಮೂಡಿದೆ.
'ಸಲಾರ್' ಉಗ್ರಂ ರಿಮೇಕ್ ಅನ್ನುವ ಆರೋಪ ಸಿನಿಮಾ ಶುರುವಾದಾಗಿನಿಂದ ಇದೆ. ಸಲಾರ್ ಮ್ಯೂಸಿಕ್ ಡೈರೆಕ್ಟರ್ ರವಿ ಬಸ್ರೂರು ಸಲಾರ್ ಉಗ್ರಂ ರಿಮೇಕ್ ಅಂತ ಬಾಯ್ ತಪ್ಪಿ ಹೇಳಿದ್ರು. ಇದು ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಕೊನೆಗೆ ನಿರ್ದೇಶಕ ಪ್ರಶಾಂತ್ ನೀಲ್ ಬಂದು ಸಲಾರ್ ಉಗ್ರಂ ರಿಮೇಕ್ ಅಲ್ಲ ಅಂತ ಕ್ಲಾರಿಟಿ ಕೊಟ್ಟಿದ್ರು. ಆದ್ರೀಗ ಸಲಾರ್ ಕೆಲವೊಂದು ಮೇಕಿಂಗ್ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ. ಅದರಲ್ಲಿ ಮಹಿಳೆಯೊಬ್ಬರ ಜೊತೆ ಪ್ರಭಾಸ್ ಮಾತನಾಡುತ್ತಿರೋ ಫೋಟೋ ವೈರಲ್ ಆಗಿದೆ. ಇಂಥದ್ದೇ ದೃಶ್ಯ ಉಗ್ರಂ ಸಿನಿಮಾದಲ್ಲೂ ಇದೆ. ಇದನ್ನೇ ಇಟ್ಟುಕೊಂಡು ಸಲಾರ್ ಸಿನಿಮಾ ಉಗ್ರಂ ರಿಮೇಕ್ ಅಂತ ನೆಟ್ಟಿಗರು ಕಾಲೆಳೆಯುತ್ತಿದ್ದಾರೆ. ಪ್ರಶಾಂತ್ ನೀಲ್'ಗೆ ಬೆಳ್ಳಿತೆರೆ ಬ್ರೇಕ್ ಕೊಟ್ಟಿದ್ದೇ ಉಗ್ರಂ ಸಿನಿಮಾ. ಅಂದೇ ಪ್ರಭಾಸ್ ನೀಲ್ ಅವರನ್ನು ಕರೆದು ಸಿನಿಮಾ ಮಾಡೋಣ ಅಂದಿದ್ರು. ಆ ಕಮೀಟ್ಮೆಂಟ್ ಈಗ ಸಲಾರ್ ರೂಪ ಪಡೆದಿದೆ. ಪ್ರಶಾಂತ್ ನೀಲ್ ಉಗ್ರಂ ಕಥೆಯನ್ನೇ ಅಪ್ಡೇಟ್ ಮಾಡಿ ಸಲಾರ್ ಸ್ಟೋರಿ ಹೆಣೆದಿದ್ದಾರೆ ಅನ್ನೋ ವಾದವೂ ಇದೆ. ಆದ್ರೆ ಇದಕ್ಕೆಲ್ಲಾ ಉತ್ತರ ಸಲಾರ್ ರಿಲೀಸ್ ಆದ್ಮೇಲೆ ಸಿಗಲಿದೆ.
