ಕಾಲಿವುಡ್‌ನಲ್ಲಿ 300 ಚಿತ್ರಮಂದಿರಗಳಲ್ಲಿ ರಾಕಿ ಭಾಯ್ ಅಬ್ಬರ, ಬೀಸ್ಟ್‌ಗೆ ಹಿನ್ನಡೆ.?

ಕೆಜಿಎಫ್-2 ರಾಕಿಂಗ್ ಸ್ಟಾರ್ ಯಶ್ ನಯಾ ಸೆನ್ಸೇಷನ್. ಇಡೀ ದೇಶದ ಸಿನಿ ಪ್ರೇಕ್ಷಕರು ಈಗ ಕೆಜಿಎಫ್-2 ಜ್ವರದಲ್ಲಿದ್ದಾರೆ. ಏಪ್ರಿಲ್ 14ಕ್ಕೆ ಕೆಜಿಎಫ್-2 ತೆರೆಗಪ್ಪಳಿಸುತ್ತೆ. ಆದ್ರೆ ಅದಕ್ಕೂ ಒಂದು ದಿನ ಮುಂಚೆ ಏಪ್ರಿಲ್ 13ಕ್ಕೇ ಕಾಲಿವುಡ್ ಸ್ಟಾರ್ ದಳಪತಿ ವಿಜಯ್ ನಟಿಸಿರೋ ಬೀಸ್ಟ್ ಸಿನಿಮಾ ಬರ್ತಿದೆ. ತಮಿಳುನಾಡು ಸಿನಿ ಮಾರ್ಕೆಟ್‌ನಲ್ಲಿ ಈಗ ಕೆಜಿಎಫ್-2 ಬೀಸ್ಟ್ ಸಿನಿಮಾಗಳ ಮಧ್ಯೆ ನಾನಾ ನೀನಾ ಅನ್ನೋ ಟಗಾಫರ್ ಸೃಷ್ಟಿಯಾಗಿದೆ. ಈ ಮಧ್ಯೆ ತಮಿಳುನಾಡಿನಲ್ಲಿ ಕೆಜಿಎಫ್-2 ಹಾಗೂ ಬೀಸ್ಟ್ ಚಿತ್ರಗಳ ಮಧ್ಯೆ ಯಾವ ಸಿನಿಮಾಕ್ಕೆ ಎಷ್ಟು ಚಿತ್ರಮಂದಿರಗಳು ಸಿಕ್ಕಿವೆ ಅನ್ನೋ ಅಂಕಿ ಅಂಶ ಹೊರ ಬಿದ್ದಿದೆ.

ಕೆಜಿಎಫ್-2 ತಮಿಳುನಾಡಿನಲ್ಲಿ 300 ಕ್ಕೂ ಅಧಿಕ ಚಿತ್ರಮಂದಿರಗಳಲ್ಲಿ ತೆರೆಗೆ ಬರುತ್ತಿದೆ. ಇಷ್ಟೊಂದು ಥಿಯೇಟರ್‌ನಲ್ಲಿ ಕನ್ನಡಿಗರ ಸಿನಿಮಾ ತೆರೆಗೆ ಬರ್ತಿರೋದು ಇದೇ ಮೊದಲು. ಇನ್ನು ತಮಿಳು ಸಿನಿಮಾ ಬೀಸ್ಟ್ ಆಗಿದ್ದು, ಅಲ್ಲಿ ದಳಪತಿ ವಿಜಯ್‌ಗೆ ದೊಡ್ಡ ಮಾರ್ಕೆಟ್ ಇರೋದ್ರಿಂದ 700 ಚಿತ್ರಮಂದಿರಗಳಲ್ಲಿ ಬೀಸ್ಟ್ ರಿಲೀಸ್ ಆಗ್ತಿದೆ. ಆದ್ರೆ ಕೆಜಿಎಫ್-2 ಚಿತ್ರಮಂದಿರಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ತಮಿಳು ನಾಡಿನಲ್ಲಿ 400 ಥಿಯೇಟರ್ಗಳಲ್ಲಿ ಕೆಜಿಎಫ್-2 ತೆರೆಗಪ್ಪಳಿಸಲಿದೆ ಅಂತ ಅಂದಾಜಿಸಲಾಗಿದೆ. ಈ ಮೂಲಕ ತಮಿಳು ನಾಡಿನಲ್ಲೂ ಯಶ್ ಮೇನಿಯಾ ಇರಲಿದೆ.