ಅಬ್ಬಬ್ಬಾ ಏನೀ 'ರಾಮಾಯಣ'ದ ದೃಶ್ಯ ವೈಭವ: ರಾಮನ ಬಾಣ.. ರಾವಣನ ತೀಕ್ಷ್ಣ ನೋಟ!
ರಣ್ಬೀರ್ ರಾಮನಾಗಿ ಬಿಲ್ವಿದ್ಯೆ ಪ್ರದರ್ಶಿಸೋ ದೃಶ್ಯ ಇದ್ರೆ ಯಶ್ರ ಒಂದೇ ಒಂದು ತೀಕ್ಷ್ಣ ನೋಟದ ಝಲಕ್ ಮಾತ್ರ ಇದೆ. ಅಷ್ಟು ಮಾತ್ರವೇ ಫ್ಯಾನ್ಸ್ನ ಎಕ್ಸೈಟ್ ಮಾಡಿದೆ.
ರಾಕಿಂಗ್ ಸ್ಟಾರ್ ಯಶ್ ನಟನೆಯ ಪ್ಯಾನ್ ವರ್ಲ್ಡ್ ಮೂವಿ ರಾಮಾಯಣದ ಫಸ್ಟ್ ಗ್ಲಿಂಪ್ಸ್ ಹೊರಬಂದಿದೆ. ಇಡೀ ಜಗತ್ತೇ ಕಾಯ್ತಾ ಇದ್ದ ಈ ಬಿಗ್ ಬಜೆಟ್ , ಎಪಿಕ್ ಸಿನಿಮಾದ ಮೊದಲ ಝಲಕ್ ನೋಡಿದವರು ಅಬ್ಬಬ್ಬಾ ಅಂತ ಮೂಗಿನ ಮೇಲೆ ಬೆರಳಿಟ್ಟುಕೊಂಡಿದ್ದಾರೆ. ರಣ್ಬೀರ್ ಕಪೂರ್ ರಾಮನಾಗಿ - ಯಶ್ ರಾವಣನಾಗಿ ಮಿಂಚಲಿರೋ ಈ ಮೂವಿಯ ಟೈಟಲ್ ಗ್ಲಿಂಪ್ಸ್ ಕಿಚ್ಚು ಹಚ್ಚಿದೆ. ರಾಕಿಂಗ್ ಸ್ಟಾರ್ ಯಶ್ ರಾಮಾಯಣ ಸಿನಿಮಾದಲ್ಲಿ ನಟಿಸ್ತಾ ಇರೋ ಸುದ್ದಿ ಬಂದು ವರ್ಷದ ಮೇಲಾಯ್ತು. ಆದ್ರೆ ಇದೂವರೆಗೂ ಈ ತಂಡ ಒಂದೇ ಒಂದು ಆಫೀಷಿಯಲ್ ಪೋಸ್ಟರ್ನ ಕೂಡ ರಿಲೀಸ್ ಮಾಡಿರಲಿಲ್ಲ. ಸದ್ಯ ಶೂಟಿಂಗ್ ಕಂಪ್ಲೀಟ್ ಮಾಡಿದ ಬಳಿಕ ಸಿನಿಮಾದ ಮೊದಲ ಗ್ಲಿಂಪ್ಸ್ನ ರಿವೀಲ್ ಮಾಡಿದೆ.
ದಂಗಲ್ ಖ್ಯಾತಿಯ ನಿತೇಶ್ ತಿವಾರಿ ರಾಮಾಯಣವನ್ನ ತೆರೆಗೆ ತರುವ ಹೊಣೆ ಹೊತ್ತಿದ್ದು , ನಮಿತ್ ಮಲ್ಹೋತ್ರಾ ಈ ಬಿಗ್ ಬಜೆಟ್ ಎಪಿಕ್ ಸಿನಿಮಾಗೆ ಬಂಡವಾಳ ಹೂಡ್ತಾ ಇದ್ದಾರೆ. ಯಶ್ ಒಡೆತನದ ಮಾನ್ಸ್ಟರ್ ಮೈಂಡ್ ಕ್ರಿಯೇಷನ್ಸ್ ನಿರ್ಮಾಣದಲ್ಲಿ ಕೈ ಜೋಡಿಸಿದೆ. ಸದ್ಯ ರಿಲೀಸ್ ಮಾಡಿರೋ ಗ್ಲಿಂಪ್ಸ್ ತುಂಬಾನೇ ವಿಶೇಷವಾಗಿದೆ. 2.5 ಶತಕೋಟಿ ಜನರು 5000 ವರ್ಷಗಳಿಂದ ಆರಾಧಿಸುತ್ತಿರುವ ರಾಮ-ರಾವಣರ ಅಮರಕತೆ ಇದು. ರಾವಣನ ಶಕ್ತಿ ಮತ್ತು ಪ್ರತೀಕಾರ. ರಾಮನ ಧರ್ಮ ಮತ್ತು ತ್ಯಾಗ ಅಂತ ತೋರಿಸುತ್ತಾ ಟೀಸರ್ನಲ್ಲಿ ಪಾತ್ರ ಪರಿಚಯ ಮಾಡಿಕೊಡಲಾಗಿದೆ. ಇದ್ರಲ್ಲಿ ರಣ್ಬೀರ್ ಮತ್ತು ಯಶ್ರ ಪುಟ್ಟದೊಂದು ಝಲಕ್ ಮಾತ್ರ ನೋಡ್ಲಿಕ್ಕೆ ಸಿಕ್ಕಿದೆ.
ರಣ್ಬೀರ್ ರಾಮನಾಗಿ ಬಿಲ್ವಿದ್ಯೆ ಪ್ರದರ್ಶಿಸೋ ದೃಶ್ಯ ಇದ್ರೆ ಯಶ್ರ ಒಂದೇ ಒಂದು ತೀಕ್ಷ್ಣ ನೋಟದ ಝಲಕ್ ಮಾತ್ರ ಇದೆ. ಅಷ್ಟು ಮಾತ್ರವೇ ಫ್ಯಾನ್ಸ್ನ ಎಕ್ಸೈಟ್ ಮಾಡಿದೆ. ಯಶ್. ರಣ್ಬೀರ್ ಹೊರತು ಪಡಿಸಿ ಈ ಸಿನಿಮಾದಲ್ಲಿ ಸೀತೆಯಾಗಿ ಸಾಯಿ ಪಲ್ಲವಿ, ಲಕ್ಷ್ಮಣನಾಗಿ ರವಿ ದುಬೆ, ಮತ್ತು ಹನುಮಂತನಾಗಿ ಸನ್ನಿ ಡಿಯೋಲ್ ನಟಿಸ್ತಾ ಇದ್ದಾರೆ. ಚಿತ್ರತಂಡ ಹೊಸ ಪೋಸ್ಟರ್ ಮೂಲಕ ಇದನ್ನ ಅಧಿಕೃತಗೊಳಿಸಿದೆ. ಹೌದು ರಾಮಾಯಣ ಸಿನಿಮಾತಂಡ VFX ಗಂತಲೇ ದೊಡ್ಡ ಸಮಯ ಮತ್ತು ಬಜೆಟ್ನ ಮೀಸಲಿಟ್ಟಿದೆ. ಸದ್ಯ ರಿಲೀಸ್ ಆಗಿರೋ ಗ್ಲಿಂಪ್ಸ್ ನೋಡ್ತಾ ಇದ್ದರೇನೇ ಈ ಸಿನಿಮಾ ಹೇಗೆ ಮೂಡಿಬರಬಹುದು ಅನ್ನೋ ಸೂಚನೆ ಸಿಕ್ತಾ ಇದೆ.
ಸದ್ಯ ರಿಲೀಸ್ ಮಾಡಿರೋ ರಾಮಾಯಣ ಚಿತ್ರದ ಟೈಟಲ್ ಟೀಸರ್ ಅನ್ನ 3D I max ಅಲ್ಲಿ ನೋಡಿದ್ರೆ ಸಿಗೋ ಅನುಭವವೇ ಬೇರೆ. ಸದ್ಯ ದೇಶಾದ್ಯಂತ ಅನೇಕ ನಗರಗಳಲ್ಲಿ ಇದನ್ನ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಮಾಡಲಾಗಿದೆ. ಅಲ್ಲಿ ಟೈಟಲ್ ಟೀಸರ್ ನೋಡಿದ ಫ್ಯಾನ್ಸ್ ಅದ್ಭುತ-ಅಮೋಘ ಅಂತಿದ್ದಾರೆ. ರಾಮಾಯಣ ಎರಡು ಭಾಗಗಳಲ್ಲಿ ಮೂಡಿಬರಲಿದ್ದು ಮೊದಲ ಭಾಗ 2026ರ ದೀಪಾವಳಿಗೆ ರಿಲೀಸ್ ಆದ್ರೆ, 2027ರ ದೀಪಾವಳಿಗೆ ಭಾಗ-2 ಬರಲಿದೆ. ಭಾರತ ದೇಶದ ರಾಮಾಯಣ ಮಹಾಕಾವ್ಯವನ್ನ ಈ ಸಿನಿಮಾ ವಿಶ್ವದ ಮುಂದೆ ತೆರೆದಿಡಲಿದೆ. ಸದ್ಯ ಫಸ್ಟ್ ಗ್ಲಿಂಪ್ಸ್ನಿಂದಲೇ ಕಿಚ್ವು ಹಚ್ಚಿರೋ ರಾಮಾಯಣ ಬರಲಿರುವ ದೀಪಾವಳಿಯ ರಂಗು ಹೆಚ್ಚಿಸೋದು ಫಿಕ್ಸ್ ಅಂತಿದ್ದಾರೆ ಫ್ಯಾನ್ಸ್.
