KGF 2: ಕೆಜಿಎಫ್ 2 ಸಿನಿಮಾ ಕಂಡು ಹೆದರಿದ್ದೆ ಎಂದ ಅಮಿರ್ ಖಾನ್..!

ಕೆಜಿಎಫ್ ...ಕೆಜಿಎಫ್ ...ಕೆಜಿಎಫ್ (KGF 2) ಎಲ್ಲಿ ಕೇಳಿದ್ರು ಎಲ್ಲಿ ನೋಡಿದ್ರು ಕೆಜಿಎಫ್ ಸಿನಿಮಾದೆ ಸದ್ದು. ಸಿನಿಮಾ ಬಿಡುಗಡೆ ಆಗಿ ಇನ್ನು ಕೆಲವು ದಿನಗಳು ಕಳೆದರೆ ಒಂದು ತಿಂಗಳುಗಳು ಆಗುತ್ತೆ. ಆದ್ರೆ ಕೆಜಿಎಫ್ ಸಿನಿಮಾ ಹವಾ ಮಾತ್ರ ಇನ್ನು ಕಮ್ಮಿ ಆಗ್ತಿಲ್ಲ. ಕೇವಲ ಸ್ಯಾಂಡಲ್ ವುಡ್ ಮಾತ್ರವಲ್ಲ ಬಾಲಿವುಡ್ , ಕಾಲಿವುಡ್ , ಟಾಲಿವುಡ್ ಹಾಗೂ ಮಾಲಿವುಡ್ ಎಲ್ಲಾ ವುಡ್ ಗಳಲ್ಲಿಯೂ ಕೆಜಿಎಫ್ ಸಿನಿಮಾದೇ ಅಬ್ಬರ. 

ಇನ್ನು ಕೆಜಿಎಫ್ 2 ಸಿನಿಮಾ ಕಲೆಕ್ಷನ್ ಬಗ್ಗೆ ಮಾತನಾಡುವ ಹಾಗಿಲ್ಲ. ಸಾವಿರ ಕೋಟಿ ಗಡಿದಾಟಿ ಮುನ್ನುಗ್ಗುತ್ತಿದ್ದಾನೆ ರಾಕಿ ಬಾಯ್ (Yash) ವಿಶ್ವದಾಧ್ಯಂತ ಸದ್ದು ಮಾಡ್ತಿರೋ ಕೆಜಿಎಫ್ 2 ಸಿನಿಮಾ ಬಗ್ಗೆ ಬಾಲಿವುಡ್ ನ ಅಮೀರ್ ಖಾನ್ (Aamir Khan) ಶಾಕಿಂಗ್ ಹೇಳಿಕೆ ನೀಡಿದ್ದಾರೆ. 
 
ಕೆಜಿಎಫ್ ಸಿನಿಮಾ ಕಂಡ ಬಾಲಿವುಡ್ (Bollywood) ಮಂದಿ ಬೆದರಿದ್ದಾರೆ ಅನ್ನೋ ಸುದ್ದಿ ಕೇಳಿ ಬರ್ತಿತ್ತು ಆದ್ರೆ ಈಗ ಅದನ್ನ ಕನ್ಫರ್ಮ್ ಮಾಡಿದ್ದಾರೆ ನಟ ಅಮೀರ್ ಖಾನ್. ಇತ್ತಿಚಿಗಷ್ಟೇ ಸಂದರ್ಶನವೊಂದರಲ್ಲಿ ಭಾಗಿಯಾಗಿದ್ದ ಅಮೀರ್ ಖಾನ್ ಕೆಜಿಎಫ್ ಸಿನಿಮಾ ಕಂಡು ನಾವು ಹೆದರಿದ್ದು ನಿಜ, ಯಾಕಂದ್ರೆ ಆ ಸಿನಿಮಾವನ್ನ ಆ ರೀತಿ ಮಾಡಿದ್ದಾರೆ. ಜನರು ಕೂಡ ಸಿನಿಮಾ ನೋಡಲು ಕಾತುರರಾಗಿದ್ರು ಎಂದಿದ್ದಾರೆ.

ಕೆಜಿಎಫ್ ಚಾಪ್ಟರ್ 2 ಚಿತ್ರ 1000 ಕೋಟಿ ಬಾಚಿ ಮುನ್ನುಗುತ್ತಿದ್ದು, ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿಯೇ ಈ ಸಾಧನೆ ಮಾಡಿದ ನಾಲ್ಕನೇ ಚಿತ್ರ ಎಂಬ ಕೀರ್ತಿ ಕೆಜಿಎಫ್ 2 ಚಿತ್ರಕ್ಕೆ ಸಿಕ್ಕಿದೆ. ಈ ಹಿಂದೆ ದಂಗಲ್, ಬಾಹುಬಲಿ-2 ಮತ್ತು ಇತ್ತೀಚೆಗೆ ತೆರೆಕಂಡ RRR ಚಿತ್ರಗಳು ಈ ಸಾಧನೆ ಮಾಡಿದ್ದವು. ಆದರೀಗ ಈ ಚಿತ್ರಗಳ ಸಾಲಿಗೆ ಕೆಜಿಎಫ್ 2 ಕೂಡ ಸೇರ್ಪಡೆಯಾಗಿದೆ. ನಾಲ್ಕು ಅಂಕಿಗಳ ಗಳಿಕೆ ಕಂಡ ಮೊದಲ ಕನ್ನಡದ ಸಿನಿಮಾ ಕೆಜಿಎಫ್ 2.