ಗಂಡ ಹೆಸರು ಯಶ್ ಬದಲು ನವೀನ್‌ ಎಂದು ಕರೆದಿದ್ದಕ್ಕೆ ಗರಂ ಆದ ರಾಧಿಕಾ ಪಂಡಿತ್;ವಿಡಿಯೋ ವೈರಲ್

ರಾಧಿಕಾ ಪಂಡಿತ್ ಬೆಂಗಳೂರಿನಲ್ಲಿ ಆಭರಣ ಮಳಿಗೆ ಉದ್ಘಾಟಿಸಿದರು. ಅಭಿಮಾನಿಗಳ ಜೊತೆ ಸಂವಾದ ನಡೆಸಿ, ಆಭರಣ ಖರೀದಿ ಸಲಹೆ ನೀಡಿದರು. ಯಶ್‌ರನ್ನು "ನವೀನ್" ಎಂದು ಕರೆದ ಪತ್ರಕರ್ತರಿಗೆ "ಅವರ ಹೆಸರು ಯಶ್" ಎಂದು ತಮಾಷೆಯಾಗಿ ಉತ್ತರಿಸಿದ ವಿಡಿಯೋ ವೈರಲ್ ಆಗಿದೆ. ಯಶ್‌ರ ಮೊದಲ ಹೆಸರು ನವೀನ್ ಕುಮಾರ್ ಗೌಡ ಎಂಬುದನ್ನೂ ಅಭಿಮಾನಿಗಳು ಸ್ಮರಿಸಿದ್ದಾರೆ.

ಸ್ಯಾಂಡಲ್‌ವುಡ್‌ ಸಿಂಡ್ರೆಲಾ ರಾಧಿಕಾ ಪಂಡಿತ್ ಬೆಂಗಳೂರಿನ ಪ್ರತಿಷ್ಠಿತ ಏರಿಯಾದಲ್ಲಿ ಆಭರಣ ಮಳಿಗೆ ಉದ್ಘಾಟನೆ ಮಾಡಿದ್ದಾರೆ. ಈ ವೇಳೆ ಅಭಿಮಾನಿಗಳ ಜೊತೆ ಸಮಯ ಕಳೆದು, ಆಭರಣದ ಮಹತ್ವ ಮತ್ತು ಯಾವ ರೀತಿಯಲ್ಲಿ ಆಭರಣ ಖರೀದಿ ಮಾಡಬೇಕು ಎಂದು ಸಲಹೆ ನೀಡಿದ್ದಾರೆ. ಈ ವೇಳೆ ಪ್ಯಾಪರಾಜಿಗಳು ಕೇಳಿದ ಪ್ರಶ್ನೆಗೆ ಕೋಪ ಬಂದರೂ ತಮ್ಮ ಸ್ಟೈಲ್‌ನಲ್ಲಿ ನಗು ನಗುತ್ತಾ ಉತ್ತರಿಸಿದ್ದಾರೆ. 

ಆಭರಣದ ಅಂಗಡಿಯೊಳಗೆ ರಾಧಿಕಾ ಪಂಡಿತ್ ನಡೆದು ಬರುವಾಗ ಪ್ಯಾಪರಾಜಿಗಳು ನವೀನ್ ಸರ್ ಎಲ್ಲಿ ನವೀನ್ ಸರ್ ಎಲ್ಲಿ ಎಂದು ಪ್ರಶ್ನೆ ಮಾಡಿದ್ದಾರೆ. 

ರಾಧಿಕಾ ಪಂಡಿತ್: 'ಯಾರು ನವೀನ್?......ಅವರು ಲೀಗಲಿ ಹೆಸರು ಚೇಂಜ್ ಮಾಡಿಕೊಂಡಿದ್ದಾರೆ ಯಶ್ ಅಂತ'
ಪ್ಯಾಪರಾಜಿ: ನಿಮಗೆ ನವೀನ್ ಅಲ್ವಾ?
ರಾಧಿಕಾ ಪಂಡಿತ್: ಇಲ್ಲ ನನಗೂ ಯಶ್

ಈ ಮಾತುಕತೆಯ ಸಣ್ಣ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಹೆಣ್ಣು ಮಕ್ಕಳು ನಿಮಷ್ಟು ಬೋಲ್ಡ್ ಆಂಡ್ ಬ್ಯೂಟಿಫುಲ್ ಆಗಿದ್ದ ಪತಿ ಜೀವನ ಗೆದ್ದ ಎಂದು ಲೆಕ್ಕ, ಯಶ್ ಮನೆಯ ಮಹಾಲಕ್ಷ್ಮಿ, ನವೀನ್ ಯಶ್ ಆಗಿ ಬದಲಾಗುವುದಕ್ಕೆ ನಿಮ್ಮ ಸಾಥ್ ತುಂಬಾನೇ ಇದೆ ಎಂದು ಅಭಿಮಾನಿಗಳು ಕಾಮೆಂಟ್ ಮಾಡಿದ್ದಾರೆ.

ಯಶ್ ಮೊದಲ ಹೆಸರು ನವೀನ್:

ಕನ್ನಡ ಚಿತ್ರರಂಗಕ್ಕೆ ಕಾಲಿಡುವ ಮುನ್ನ ರಂಗಭೂಮಿ ಮತ್ತು ಸೀರಿಯಲ್‌ಗಳಲ್ಲಿ ಯಶ್ ನಟಿಸುತ್ತಿದ್ದರು. ಆಗ ಪ್ರತಿಯೊಬ್ಬರಿಗೂ ತಮ್ಮ ಹುಟ್ಟು ಹೆಸರು ಅಥವಾ ನಿಜವಾದ ಹೆಸರು ನವೀನ್ ಕುಮಾರ್ ಗೌಡ ಎಂದು ಪರಿಚಯವಾಗಿದ್ದರು. ಆದರೆ ತಾಯಿ ಮನೆ ಕಡೆಯಿಂದ ಯಶ್ವಂತ್ ಎಂದು ನಾಮಕರಣ ಮಾಡಿದ್ದರು. ಇಂಡಸ್ಟ್ರಿಗೆ ಕಾಲಿಡುವ ಸಮಯದಲ್ಲಿ ಜನರು ಗುರುತಿಸಬೇಕು ಎಂದು ಯಶ್ವಂತ್‌ ಹೆಸರನ್ನು ಯಶ್ ಆಗಿ ಮಾಡಿಕೊಂಡರು. ಅಂದಿನಿಂದ ನವೀನ್/ ಯಶ್ವಂತ್ ಬದಲು ಹೆಸರನ್ನು ಯಶ್ ಮಾಡಿಕೊಂಡರು.