ಮನೆಗೆ ಬೆಂಕಿ ಹಚ್ಚಿದ ಗಂಡ, ಪೊಲೀಸರ ಮುಂದೆ ಹೊಸ ಕಥೆಯೊಂದನ್ನು ಹೇಳಿದ್ದನು. ಬೆಂಕಿ ಕಾಣಿಸುತ್ತಲೇ ಗ್ರಾಮಸ್ಥರು ಪೊಲೀಸರಿಗೆ ಮಾಹಿತಿ ನೀಡಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಲಕ್ನೋ: ಐದು ಮಕ್ಕಳನ್ನು ಬಿಟ್ಟು ಪ್ರಿಯಕರನ ಜೊತೆ ಪತ್ನಿ ಓಡಿ ಹೋಗಿದ್ದಕ್ಕೆ ಗಂಡ ತನ್ನದೇ ಮನೆಗೆ ಬೆಂಕಿ ಹಚ್ಚಿದ ವಿಚಿತ್ರ ಘಟನೆ ಉತ್ತರ ಪ್ರದೇಶದ ಬಾಂದಾ ಜಿಲ್ಲೆಯಲ್ಲಿ ನಡೆದಿದೆ. ಮಹಿಳೆಗೆ ಪಕ್ಕದೂರಿನ ಯುವಕನ ಜೊತೆ ಅಕ್ರಮ ಸಂಬಂಧ ಇತ್ತು. ಈ ವಿಷಯ ಆಕೆಯ ಗಂಡನಿಗೂ ಗೊತ್ತಿತ್ತು. ಇದರಿಂದ ಮಹಿಳೆಗೆ ಪಕ್ಕದೂರಿನಲ್ಲಿರುವ ಗೆಳೆಯನನ್ನು ಭೇಟಿಯಾಗಲು ಆಕೆ ಗಂಡ ಅವಕಾಶ ನೀಡುತ್ತಿರಲಿಲ್ಲ. ಇದರಿಂದಾಗಿ ಮಹಿಳೆ ಹೆತ್ತ ಮಕ್ಕಳನ್ನು ಬಿಟ್ಟು ಪ್ರಿಯಕರನೊಂದಿಗೆ ಪರಾರಿಯಾಗಿದ್ದಳು. ಈ ವಿಷಯ ತಿಳಿಯುತ್ತಲೇ ತನ್ನದೇ ಮನೆಗೆ ಬೆಂಕಿ ಹಚ್ಚಿದ ಗಂಡ, ಪೊಲೀಸರ ಮುಂದೆ ಹೊಸ ಕಥೆಯೊಂದನ್ನು ಹೇಳಿದ್ದನು. ಬೆಂಕಿ ಕಾಣಿಸುತ್ತಲೇ ಗ್ರಾಮಸ್ಥರು ಪೊಲೀಸರಿಗೆ ಮಾಹಿತಿ ನೀಡಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಮನೆಯಲ್ಲಿದ್ದ ಐವರು ಮಕ್ಕಳು ಮತ್ತು ಮಹಿಳೆ ಪ್ರಾಣಾಪಾಯಾದಿಂದ ಪಾರಾಗಿದ್ದಾರೆ.
ಬಾಂದಾ ಜಿಲ್ಲೆಯ ಕರ್ತಲ್ ಕ್ಷೇತ್ರದ ವ್ಯಾಪ್ತಿಯಲ್ಲಿರುವ ಲಲ್ಲು ಎಂಬ ಮಹಿಳೆ ಶುಕ್ರವಾರ ತಡರಾತ್ರಿ ಮನೆ ತೊರೆದು ಇನಿಯನ ಜೊತೆ ಪರಾರಿಯಾಗಿದ್ದಾಳೆ. ಇತ್ತ ಲಲ್ಲು ಗಂಡ ತನ್ನ ಮನೆಗೆ ಬೆಂಕಿ ಹಚ್ಚಿದ್ದಾನೆ. ಬೆಂಕಿ ಕಾಣಿಸಿಕೊಳ್ಳುತ್ತಿದ್ದಂತೆ ಜನರು ಪೊಲೀಸರಿಗೆ ವಿಷಯ ತಿಳಿಸಿದ್ದಾರೆ. ಆ ಬಳಿಕ ಪೊಲೀಸರ ಸಹಾಯದೊಂದಿಗೆ ಸಣ್ಣ ಪ್ರಮಾಣದಲ್ಲಿದ್ದ ಬೆಂಕಿ ನಂದಿಸಿದ್ದಾರೆ. ಬೆಂಕಿ ಹತೋಟಿಗೆ ಬಂದಿದ್ದರಿಂದ ಯಾವುದೇ ಸಾವು-ನೋವು ಸಂಭವಿಸಿಲ್ಲ.
undefined
ಗಂಡಸರೇ ಹುಷಾರ್‌! ಎದುರಿಗೆ ಗಂಡ ಇದ್ದಾನೆಂದು ಕಲ್ಪಿಸಿಕೊಂಡು ಈ ಪತ್ನಿಯರು ಏನ್‌ ಮಾಡ್ತಿದ್ದಾರೆ ನೋಡಿ..
ಪೊಲೀಸರ ಮುಂದೆ ಕಥೆ ಕಟ್ಟಿದ್ದ!
ನನ್ನ ಪತ್ನಿಯನ್ನು ಪಕ್ಕದೂರಿನ ವ್ಯಕ್ತಿ ಅಪಹರಣ ಮಾಡಿದ್ದಾನೆ. ಅವನೇ ನನ್ನ ಮನೆಗೆ ಬೆಂಕಿ ಹಾಕಿದ್ದಾನೆ ಎಂದು ಲಲ್ಲು ಪತಿ ಪೊಲೀಸರ ಮುಂದೆ ಮೊದಲು ಹೇಳಿಕೆ ದಾಖಲಿಸಿದ್ದನು. ಆದ್ರೆ ಪೊಲೀಸರಿಗೆ ಲಲ್ಲು ಗಂಡನ ಮೇಲೆಯೇ ಅನುಮಾನ ಬಂದಿದ್ದರಿಂದ ತೀವ್ರ ವಿಚಾರಣೆಗೆ ಒಳಪಡಿಸಿದ್ದಾರೆ. ಈ ವೇಳೆ ತಾನೇ ಮನೆಗೆ ಬೆಂಕಿ ಹಚ್ಚಿರೋದಾಗಿ ತಪ್ಪೊಪ್ಪಿಕೊಂಡಿದ್ದಾನೆ.
ಮನೆಗೆ ಬೆಂಕಿ ತಗುಲಿರುವ ವಿಷಯ ತಿಳಿಯುತ್ತಿದ್ದಂತೆ ಊರಿನ ಜನರೆಲ್ಲಾ ಲಲ್ಲು ಮನೆ ಮುಂದೆಯೇ ಜಮಾಯಿಸಿದ್ದರು. ಬೆಂಕಿಯಲ್ಲಿ ಸಿಲುಕಿದ ಮಕ್ಕಳು ಮತ್ತು ತಾಯಿಯನ್ನು ರಕ್ಷಿಸಿದ ಬಳಿಕವೇ ಜನರು ಹಿಂದಿರುಗಿದ್ದಾರೆ. ಪರಾರಿಯಾಗಿರುವ ಮಹಿಳೆ ಎಲ್ಲಿದ್ದಾಳೆ ಎಂಬುದರ ಮಾಹಿತಿ ಲಭ್ಯವಾಗಿಲ್ಲ.
76 ಲಕ್ಷ ರೂ ಖರ್ಚು ಮಾಡಿ ಪತ್ನಿ ವಿದೇಶಕ್ಕೆ ಕಳುಹಿಸಿದ ಗಂಡ, ಕೆನಡಾ ತಲುಪುತ್ತಿದ್ದಂತೆ ಪತಿ ನಂಬರ್ ಬ್ಲಾಕ್!