ಮದುವೆಯಲ್ಲಿ ಲೈಂಗಿಕತೆ ಅನ್ನೋದು ಪ್ರಮುಖ ಭಾಗವಾಗಿದೆ. ಆದರೆ ಸೆಕ್ಸ್ ಇಲ್ಲದೆ ದಾಂಪತ್ಯ ಉಳಿಯಲ್ವಾ. ಹೀಗೊಂದು ಪ್ರಶ್ನೆ ಕೇಳಿದರೆ ಉತ್ತರಿಸಲು ಹೆಚ್ಚಿನವರಿಗೆ ಗೊಂದಲವಾಗಬಹುದು. ಆದ್ರೆ ಇಲ್ಲೊಂದು ಜೋಡಿ ಲೈಂಗಿಕತೆ ಇಲ್ಲದೆಯೂ ಮದ್ವೆ ಅನ್ನೋ ಸಂಬಂಧ ಉಳಿಯುತ್ತೆ ಅನ್ನೋದನ್ನು ಸಾಬೀತುಪಡಿಸಿದ್ದಾರೆ. ಆ ಬಗ್ಗೆ ಮಾಹಿತಿ ಇಲ್ಲಿದೆ.
ಮದುವೆ ಎನ್ನುವುದು ಗಂಡ-ಹೆಂಡತಿ ಇಬ್ಬರೂ ಹೊಂದಾಣಿಕೆಯಿಂದ ಅನುಸರಿಸಿಕೊಂಡು ಹೋಗಬೇಕಾದ ಸಂಬಂಧ. ಮದುವೆಯಲ್ಲಿ ಪ್ರೀತಿ, ನಂಬಿಕೆ, ವಿಶ್ವಾಸ ಮೊದಲಾದ ವಿಷಯಗಳು ಮುಖ್ಯವಾಗುವಂತೆಯೇ ಲೈಂಗಿಕತೆ ಸಹ ಪ್ರಮುಖ ಸ್ಥಾನವನ್ನು ವಹಿಸುತ್ತದೆ. ಲೈಂಗಿಕ ಜೀವನ ಚೆನ್ನಾಗಿಲ್ಲದಿದ್ದಾಗ ಅದೆಷ್ಟೋ ದಾಂಪತ್ಯಗಳು ಕೊನೆಗೊಳ್ಳುತ್ತವೆ. ಅತೃಪ್ತಿ, ನಿರಾಸೆ, ಸಂಗಾತಿಯ ಅಲಭ್ಯತೆ ಅದೆಷ್ಟೋ ಮಂದಿ ಮದುವೆಯೆಂಬ ಸಂಬಂಧದಿಂದ ವಿಮುಖರಾಗಲು ಕಾರಣವಾಗುತ್ತದೆ. ಹೀಗಾಗಿ ಸಹಜವಾಗಿಯೇ ಸೆಕ್ಸ್ ಅನ್ನೋದು ಮದುವೆಯಲ್ಲಿ ಅತ್ಯಂತ ಪ್ರಮುಖ ವಿಚಾರವೆಂದು ಗುರುತಿಸಿಕೊಂಡಿದೆ.
ಸೆಕ್ಸ್ ಇಲ್ಲದಿದ್ದರೂ ಮದ್ವೆಯಲ್ಲಿ ಖುಷಿಯಾಗಿದ್ದಾರೆ ದಂಪತಿ
ಹೆಚ್ಚಾಗಿ ಕೆಲವೊಂದು ಆರೋಗ್ಯ ಸಮಸ್ಯೆ (Health problem)ಗಳಿದ್ದಾಗ ದಂಪತಿ ಪರಸ್ಪರ ಲೈಂಗಿಕತೆ (Sex)ಯಲ್ಲಿ ತೊಡಗಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಯಾವುದೇ ಸಮಸ್ಯೆಯಿಲ್ಲದೆ ಸಕ್ರಿಯವಾಗಿ ಲೈಂಗಿಕತೆಯಲ್ಲಿ ತೊಡಗಿಕೊಳ್ಳದವರು ತುಂಬಾ ವಿರಳ. ಲೈಂಗಿಕತೆಯನ್ನು ಹೊಂದಲು ಸಾಧ್ಯವಾಗದಿದ್ದರೆ, ಏನಾದರೂ ತಪ್ಪಾಗಿದೆ ಎಂದೇ ಎಲ್ಲರೂ ಭಾವಿಸುತ್ತಾರೆ. ಆದರೆ ಇಲ್ಲಿ ಹಾಗಿಲ್ಲ. ಈ ದಂಪತಿ (Couple) ಸ್ವ-ಇಚ್ಛೆಯಿಂದಲೇ ಲೈಂಗಿಕ ಜೀವನದಲ್ಲಿ ಸಕ್ರಿಯವಾಗಿಲ್ಲ. ಮದುವೆಯಾಗಿ (Marriage) ಎರಡು ವರ್ಷಗಳಿಗೂ ಹೆಚ್ಚು ಕಾಲವಾಗಿದೆ ಮತ್ತು ಅವರ ಲೈಂಗಿಕರಹಿತ ವಿವಾಹವು ಸಂಪೂರ್ಣವಾಗಿ ಆನಂದದಾಯಕವಾಗಿದೆ ಎಂದು ಅವರು ಹೇಳುತ್ತಾರೆ.
ದಾಂಪತ್ಯದಲ್ಲಿ ಇಂಟರ್ ಡಿಪೆಂಡೆನ್ಸಿ ಇದ್ದರೆ ಚೆಂದ, ಬದುಕು ಹಸನು
ಕಬೀರ್ ಮತ್ತು ಪ್ರೀತಾಂಜಲಿ ಸೆಕ್ಸ್ ಇಲ್ಲದಿದ್ದರೂ ಮದ್ವೆಯಲ್ಲಿ ಖುಷಿಯಾಗಿರೋದಾಗಿ ಹೇಳಿಕೊಂಡಿದ್ದಾರೆ. ನಾನು ಮತ್ತು ನನ್ನ ಹೆಂಡತಿ ಪ್ರೀತಾಂಜಲಿ ಮದುವೆಯಾಗಿ ಎರಡು ವರ್ಷಗಳಾಗಿವೆ ಮತ್ತು ನಾವು ಲೈಂಗಿಕತೆಯನ್ನು ಹೊಂದಿರದಿದ್ದರೂ ತುಂಬಾ ಖುಷಿಯಾಗಿದ್ದೇವೆ ಎಂದು ಕಬೀರ್ ತಿಳಿಸಿದ್ದಾರೆ.
ಅಲೈಂಗಿಕರಾಗಿರುವ ಸಂಗಾತಿಗಳಲ್ಲಿ ಸಾಮರಸ್ಯ
ಮದುವೆ ಎಂದರೆ ಎಲ್ಲರೂ ಲೈಂಗಿಕ ಸಂಬಂಧವನ್ನು ಹೊಂದಲು ಹೆಚ್ಚು ಉತ್ಸುಕರಾಗಿರುತ್ತಾರೆ. ಆ ಉತ್ಸಾಹ ಇಲ್ಲದಿದ್ದರೆ ಸಂಗಾತಿಯಲ್ಲಿಯೇ ಏನೋ ತಪ್ಪಿದೆಯೆಂದು ಭಾವಿಸುತ್ತಾರೆ. ಆದರೆ ನಮ್ಮಿಬ್ಬರಲ್ಲೂ ಯಾವುದೇ ರೀತಿಯ ಸಮಸ್ಯೆಯಿಲ್ಲ. ಹೀಗಿದ್ದೂ ನಾವು ಲೈಂಗಿಕತೆಯ ಬಗ್ಗೆ ಉತ್ಸಾಹ ಹೊಂದಿಲ್ಲ ಎಂದು ದಂಪತಿ ತಿಳಿಸಿದ್ದಾರೆ. ಹಾಗೆಂದು ನಾವು ಖುಷಿಯಿಂದ (Happiness) ವಂಚಿತರಾಗಿಲ್ಲ. ಸೆಕ್ಸ್ ಇಲ್ಲದಿದ್ದರೂ ನಾವು ಇತರ ದಂಪತಿಗಳಂತೆ ಸಂತೋಷವಾಗಿರುತ್ತೇವೆ, ಎಂದು ತಿಳಿಸಿದ್ದಾರೆ.
ನಾವಿಬ್ಬರೂ LGBTQ ರ್ಯಾಲಿಯಲ್ಲಿ ಭೇಟಿಯಾದೆವು ಮತ್ತು ನಾವು ಭೇಟಿ (Meet)ಯಾದ ಮೊದಲ ಬಾರಿಗೆ ಸ್ನೇಹ ಬೆಳೆಸಿಕೊಂಡೆವು. ಇದು ಫೇಸ್‌ಬುಕ್ ಪತ್ರವ್ಯವಹಾರ, ಅಂತಹ ಇತರ ಕಾರ್ಯಕ್ರಮಗಳಿಗೆ ಆಹ್ವಾನಗಳ ವಿನಿಮಯ, ಕೆಲವು ಟ್ಯಾಗ್‌ಗಳು ಮತ್ತು ಪೋಕಿಂಗ್‌ಗೆ ಕಾರಣವಾಯಿತು. ಅವಳ ಲೈಂಗಿಕ ದೃಷ್ಟಿಕೋನ ಸಲಿಂಗಕಾಮ ಅಥವಾ ಬಹುಶಃ, ದ್ವಿಲಿಂಗಿತ್ವವಾಗಿತ್ತು ಎಂದು ನಾನು ಭಾವಿಸಿದ್ದೆ. ನಾನು ಸಹ ಅವಳ ಬಗ್ಗೆ ಹಾಗೆಯೇ ಯೋಚಿಸಿದ್ದೆ. ವಾಸ್ತವವಾಗಿ, ನಾವಿಬ್ಬರೂ ಅಲೈಂಗಿಕರಾಗಿದ್ದೆವು. ನಾವು ಅದನ್ನು ಸ್ವಲ್ಪ ಸಮಯದ ನಂತರ ತಿಳಿದುಕೊಂಡೆವು. ಇದೇ ವಿಷಯ ನಮ್ಮಲ್ಲಿ ಅನ್ಯೋನ್ಯತೆಗೆ ಕಾರಣವಾಯಿತು ಎಂದು ಕಬೀರ್ ತಿಳಿಸಿದ್ದಾರೆ.
ಮಾತೇ ಆಡದ ಪತಿಗಿಂತ ಹ್ಯಾಂಡ್ಸಮ್ ಮೈದುನ ಇಷ್ಟವಾಗ್ತಾನಂತೆ ಇವ್ಳಿಗೆ!
ನಾವು ಒಬ್ಬರನ್ನೊಬ್ಬರು ಪ್ರೀತಿಸುತ್ತೇವೆ, ಮುದ್ದಾಡುತ್ತೇವೆ, ಪಾರ್ಟಿ ಮಾಡುತ್ತೇವೆ, ಚುಂಬಿಸುತ್ತೇವೆ, ಆದರೆ ನಾವು ಮಾಡದ ಒಂದು ವಿಷಯವಿದೆ. ಅದು ಸೆಕ್ಸ್. ವಾಸ್ತವವಾಗಿ, ಆರಂಭದಲ್ಲಿ, ನಮ್ಮ ಮುದ್ದುಗಳು ಕೂಡ ಬಹಳ ಸಂಕ್ಷಿಪ್ತವಾಗಿರುತ್ತವೆ. ನಾವು ದೈಹಿಕವಾಗಿ ಪರಸ್ಪರ ಆರಾಮದಾಯಕವಾಗಲು ಸಮಯ ತೆಗೆದುಕೊಂಡೆವು ಎಂದು ಕಬೀರ್ ಹೇಳಿದ್ದಾರೆ. ನಾವು ಪ್ರತ್ಯೇಕ ಮಲಗುವ ಕೋಣೆಗಳನ್ನು ಹೊಂದಿದ್ದೇವೆ. ಏಕೆಂದರೆ ನಾವಿಬ್ಬರೂ ನಮ್ಮ ವೈಯಕ್ತಿಕ ಭೌತಿಕ ಜಾಗವನ್ನು ಹೆಚ್ಚು ಗೌರವಿಸುತ್ತೇವೆ ಎಂದು ನಾನು ನಂಬುತ್ತೇನೆ. ನಾವು ಒಟ್ಟಿಗೆ ಮಲಗುವುದಿಲ್ಲ ಅಂತಲ್ಲ. ನಾವು ಅದನ್ನು ಆಗಾಗ್ಗೆ ಮಾಡುತ್ತೇವೆ. ಹೀಗಿದ್ದೂ ನಾವು ನಮ್ಮ ಪ್ರೈವೆಸಿಯನ್ನು ಇಷ್ಟಪಡುತ್ತವೆ ಎಂದು ಪ್ರೀತಾಂಜಲಿ ಹೇಳಿದ್ದಾರೆ.
ನಮ್ಮ ಸ್ನೇಹಿತರು ನಮ್ಮ ಸಂಬಂಧದ ಬಗ್ಗೆ ಪ್ರಶ್ನಿಸುತ್ತಾರೆ ಲೈಂಗಿಕತೆಯನ್ನು ಇಷ್ಟಪಡದಿದ್ದರೆ ಹೇಗೆ ಎಂದು ಅವರು ಆಗಾಗ ಕೇಳುತ್ತಾರೆ. ಕೆಲವರು ಲೈಂಗಿಕತೆ ಇಲ್ಲದಿದ್ದರೆ ಪ್ರೀತಿ ಇಲ್ಲ ಎಂದು ಹೇಳುವ ಮಟ್ಟಕ್ಕೆ ಹೋಗುತ್ತಾರೆ. ನಾವು ಮದುವೆಯಾಗಿ ಎರಡು ವರ್ಷಗಳು ಕಳೆದಿವೆ ಮತ್ತು ನಮ್ಮಲ್ಲಿ ಏನಾದರೂ ತಪ್ಪಾಗಿದೆ ಎಂದು ನೀವು ಭಾವಿಸುತ್ತೀರಾ? ಇಲ್ಲವೇ ಇಲ್ಲ. ನಾವು ಕೇವಲ ಈ ಪ್ರಪಂಚದ ಒಂದು ಸ್ಪೆಕ್ಟ್ರಮ್‌ಗೆ ಸೇರಿದ್ದೇವೆ ಮತ್ತು ಅವರು ಅಲ್ಲಿಗೆ ಸೇರದ ಕಾರಣ ಅದು ತಪ್ಪು ಎಂದು ಹೇಳಲು ಯಾರಿಗೂ ಯಾವುದೇ ಹಕ್ಕಿಲ್ಲ. ನಾನು ಪ್ರೀತಾಂಜಲಿಯನ್ನು ಬಹುಶಃ ನೀವು ಊಹಿಸುವುದಕ್ಕಿಂತ ಹೆಚ್ಚಾಗಿ ಪ್ರೀತಿಸುತ್ತೇನೆ ಎಂದು ಕಬೀರ್ ಹೇಳಿದರು.. ಕ್ಕಳ ಬಗ್ಗೆ ಹೇಳುವುದಾದರೆ, ನಾವು ಶೀಘ್ರದಲ್ಲೇ ಮಗುವನ್ನು ಪಡೆದುಕೊಳ್ಳಲು ಯೋಜಿಸುತ್ತಿದ್ದೇವೆ ಎಂದರು.