ಈ 3 ಶತ್ರುಗಳು ನಿಮ್ಮ ಮನೆಯಲ್ಲಿದ್ದಾರೆ, ಸಮಯಕ್ಕೆ ಸರಿಯಾಗಿ ಗುರುತಿಸದಿದ್ರೆ ಲೈಫೇ ಬರ್ಬಾದ್‌ ಆಗುತ್ತೆ!

ಚಾಣಕ್ಯ ನೀತಿಯ ಪ್ರಕಾರ, ನಿಜವಾದ ಶತ್ರುಗಳು ನಮ್ಮ ಹತ್ತಿರ, ಮನೆಯೊಳಗೆ, ಮನಸ್ಸಿನೊಳಗೆ ಅಡಗಿರುತ್ತಾರೆ. ನಾವು ಅವರನ್ನು ಗುರುತಿಸುವವರೆಗೆ ಶಾಂತಿ, ಯಶಸ್ಸು ಮತ್ತು ಆತ್ಮ ತೃಪ್ತಿ ದೂರದಲ್ಲಿ ಉಳಿಯುತ್ತದೆ. 

Chanakya Niti: ಸಮಸ್ಯೆಗಳ ಮೂಲ ನಿಮ್ಮ ಮನೆಯೊಳಗೇ ಅಡಗಿದೆ ಹೊರತು ಹೊರಗೆ ಅಲ್ಲ. ಚಾಣಕ್ಯ ನೀತಿಯ ಪ್ರಕಾರ, ಕುರುಡು ಬಾಂಧವ್ಯ, ಅಹಂಕಾರ ಮತ್ತು ಸೋಮಾರಿತನ ಈ ಮೂರು ಶತ್ರುಗಳು ಹೆಚ್ಚಾಗಿ ನಮ್ಮ ಸ್ವಂತ ಮನೆಯಲ್ಲಿ ವಾಸಿಸುತ್ತವೆ. ಅವುಗಳನ್ನು ಹೇಗೆ ಗುರುತಿಸುವುದು?, ಅದರಿಂದ ತಪ್ಪಿಸಿಕೊಳ್ಳುವುದು ಹೇಗೆ?, ನಿಮ್ಮ ಜೀವನವನ್ನು ಹೇಗೆ ಯಶಸ್ವಿಯಾಗಿಡುವುದು ಮತ್ತು ಶಾಂತಿಯುತವಾಗಿಡುವುದು ನೋಡೋಣ...

ಜನರು ತಮ್ಮ ಜೀವನದಲ್ಲಿ ಬರುವ ಸಮಸ್ಯೆಗಳಿಗೆ ಹೊರಗಿನವರನ್ನು ದೂಷಿಸುತ್ತಾರೆ. ಉದಾಹರಣೆಗೆ ನೆರೆಹೊರೆಯವರು, ಕಚೇರಿ ಜನರು ಅಥವಾ ಸಮಾಜ. ಆದರೆ ಅನೇಕ ಬಾರಿ ಶತ್ರು ನಮ್ಮ ಮನೆಯೊಳಗೆ ಇರುತ್ತಾನೆ. ಅದನ್ನು ನಾವು ಗುರುತಿಸಲು ಸಾಧ್ಯವಾಗುವುದಿಲ್ಲ. ಮಹಾನ್ ತಂತ್ರಜ್ಞ ಚಾಣಕ್ಯ ಕೂಡ ಇದನ್ನು ನಂಬಿದ್ದರು. ಅವರ ಪ್ರಕಾರ, ನಿಜವಾದ ಶತ್ರುಗಳು ನಮ್ಮ ಹತ್ತಿರ, ಮನೆಯೊಳಗೆ, ಮನಸ್ಸಿನೊಳಗೆ ಅಡಗಿರುತ್ತಾರೆ. ಮತ್ತು ನಾವು ಅವರನ್ನು ಗುರುತಿಸುವವರೆಗೆ ಶಾಂತಿ, ಯಶಸ್ಸು ಮತ್ತು ಆತ್ಮ ತೃಪ್ತಿ ದೂರದಲ್ಲಿ ಉಳಿಯುತ್ತದೆ. ಇಂದು ಈ ಲೇಖನದಲ್ಲಿ ಮನೆಯಲ್ಲಿ ಅಡಗಿರುವ ನಿಜವಾದ ಶತ್ರು ಯಾರು?, ನಾವು ಅವನನ್ನು ಹೇಗೆ ಗುರುತಿಸಬಹುದು? ತಿಳಿದುಕೊಳ್ಳೋಣ.

1.ಸ್ವಂತ ಜನರ ಮೇಲೆಯೇ ಕುರುಡು ಪ್ರೀತಿ ಅಪಾಯಕಾರಿ
ಚಾಣಕ್ಯ ಹೇಳುವ ಪ್ರಕಾರ, “ಅತಿ ಸ್ನೇಹ ಪಾಪಾಯ ಭವತಿ.” ಅಂದರೆ ಅತಿಯಾದ ಪ್ರೀತಿ ಹೆಚ್ಚಾಗಿ ದುಃಖಕ್ಕೆ ಕಾರಣವಾಗುತ್ತದೆ. ಅನೇಕ ಬಾರಿ ನಾವು ನಮ್ಮ ಕುಟುಂಬದ ಸದಸ್ಯರ ಬಗ್ಗೆ ತುಂಬಾ ಭಾವನಾತ್ಮಕರಾಗುತ್ತೇವೆ, ಅವರ ತಪ್ಪುಗಳನ್ನು ಸಹ ನಾವು ನೋಡುವುದಿಲ್ಲ ಅರ್ಥಾತ್ ಗಮನಿಸುವುದಿಲ್ಲ. ಬಹುತೇಕ ಈ ಕುರುಡು ಬಾಂಧವ್ಯವು ಮಕ್ಕಳು, ಒಡಹುಟ್ಟಿದವರು, ಸಂಗಾತಿ ಅಥವಾ ಪೋಷಕರ ಕಡೆಗೆ ಇರುತ್ತದೆ. ಈ ಬಾಂಧವ್ಯದಿಂದಾಗಿ ನಾವು ತಪ್ಪುಗಳನ್ನು ನಿರ್ಲಕ್ಷಿಸುತ್ತೇವೆ ಮತ್ತು ನಾವೇ ನಷ್ಟವನ್ನು ಅನುಭವಿಸುತ್ತೇವೆ. ಬಾಂಧವ್ಯವು ವಿವೇಚನೆಯನ್ನು ಮೀರಿದಾಗ ಅದು 'ಶತ್ರು'ವಾಗುತ್ತದೆ.

ಗುರುತಿಸುವುದು ಹೇಗೆ?
ಒಬ್ಬ ವ್ಯಕ್ತಿಯು ಪದೇ ಪದೇ ತಪ್ಪುಗಳನ್ನು ಮಾಡುತ್ತಿದ್ದರೂ ಅವನನ್ನು ಮತ್ತೆ ಮತ್ತೆ ಸೇವ್ ಮಾಡ್ತಿದ್ದೀರಾ?.
ನೀವು ಬೇರೆಯವರಿಗಾಗಿ ಪದೇ ಪದೇ ನಿಮಗೆ ನೀವೇ ಹಾನಿ ಮಾಡಿಕೊಳ್ಳುತ್ತಿದ್ದೀರಾ?.

2. 'ನಾನು ಸರಿ' ಎಂಬುದೂ ಅವನತಿಗೆ ಕಾರಣ
ಚಾಣಕ್ಯ ಅಹಂಕಾರವನ್ನು ದೊಡ್ಡ ಅವನತಿ ಎಂದು ಬಣ್ಣಿಸಿದ್ದಾನೆ. ಅವನ ಪ್ರಕಾರ, ಒಬ್ಬ ವ್ಯಕ್ತಿ "ನಾನು" ಮತ್ತು "ನನ್ನದು" ಎಂಬ ಒತ್ತಡಕ್ಕೆ ಸಿಲುಕಿಕೊಂಡಾಗ ಅವನು ತನ್ನ ಸುತ್ತಲಿನ ಸಂಬಂಧಗಳನ್ನು ಹಾಳುಮಾಡಿಕೊಳ್ಳುತ್ತಾನೆ. ಕುಟುಂಬದ ಸದಸ್ಯರು ಯಾವಾಗಲೂ ತಮ್ಮನ್ನು ತಾವು ಸರಿ ಎಂದು ಪರಿಗಣಿಸಿದರೆ ಅಲ್ಲಿ ಸಂಘರ್ಷ, ಕೋಪ ಮತ್ತು ಅಂತರ ಹೆಚ್ಚಾಗುತ್ತದೆ.

ಗುರುತಿಸುವುದು ಹೇಗೆ?
ನೀವು ಕ್ಷಮೆ ಕೇಳಲು ಹಿಂಜರಿಯುತ್ತೀರಾ?.
ನೀವು ಇತರರ ಅಭಿಪ್ರಾಯಗಳನ್ನು ಕಡಿಮೆ ಅಂದಾಜು ಮಾಡ್ತೀರಾ?.
ಮನೆಯಲ್ಲಿರುವ ಎಲ್ಲರೂ ನಿಮ್ಮ ಮನಸ್ಥಿತಿಗೆ ಅನುಗುಣವಾಗಿ ವರ್ತಿಸಬೇಕು ಎಂದು ನೀವು ಭಾವಿಸುತ್ತೀರಾ?.

3.ಸೋಮಾರಿತನವು ಅತ್ಯಂತ ಅಪಾಯಕಾರಿ ಶತ್ರು
ಚಾಣಕ್ಯ ಹೇಳುತ್ತಾನೆ.. "ಅಲಾಸ್ಯಂ ಹಿ ಮನುಷ್ಯಾನಾಂ ಶರೀರಸ್ಥೋ ಮಹಾನ್ ರಿಪುಹ್." ಅಂದರೆ, ಸೋಮಾರಿತನವು ಮಾನವ ದೇಹದಲ್ಲಿ ವಾಸಿಸುವ ದೊಡ್ಡ ಶತ್ರು. ಈ ಶತ್ರು ಮನೆಯ ಯಾವುದೋ ಮೂಲೆಯಲ್ಲಿ ಸದ್ದಿಲ್ಲದೆ ಕುಳಿತುಕೊಳ್ಳುತ್ತಾನೆ. ಮುಂದೂಡುವವನು, ನಾಳೆಗೆ ಬಿಟ್ಟುಬಿಡುವವನು, ತನ್ನಿಂದ ದೂರ ಓಡಿಹೋಗುವವನು ತನ್ನನ್ನು ತಾನೇ ನಿಲ್ಲಿಸಿಕೊಳ್ಳುವುದಲ್ಲದೆ, ಇಡೀ ಕುಟುಂಬದ ಅಭಿವೃದ್ಧಿಯನ್ನು ತಡೆಯುತ್ತಾನೆ. ಆಗಾಗ್ಗೆ ಅಂತಹ ವ್ಯಕ್ತಿಯು ಜವಾಬ್ದಾರಿಗಳಿಂದ ಓಡಿಹೋಗುತ್ತಾನೆ ಮತ್ತು ಎಲ್ಲದಕ್ಕೂ ಇತರರನ್ನು ಅವಲಂಬಿಸುತ್ತಾನೆ.

ಗುರುತಿಸುವುದು ಹೇಗೆ?
ಯಾವುದೇ ಸದಸ್ಯರು ಯಾವಾಗಲೂ ನೆಪಗಳನ್ನು ಹೇಳಿ ಜವಾಬ್ದಾರಿಯಿಂದ ತಪ್ಪಿಸಿಕೊಳ್ಳುತ್ತಿದ್ದಾರೆಯೇ?
ನಿಮ್ಮ ಸ್ವಂತ ಅಭ್ಯಾಸಗಳಲ್ಲಿ ವಿಳಂಬ ಮತ್ತು ಹಿಂಜರಿಕೆಯನ್ನು ನೀವು ಗಮನಿಸುತ್ತೀರಾ?.