ಮಂಗಳಮುಖಿ ಪಾತ್ರದಲ್ಲಿ ಅಕ್ಷಯ್ ಸವಾರಿ, ರಾಜ್ಯದಲ್ಲಿ ಮತ್ತೆ ಲಾಕ್‌ಡೌನ್ ಜಾರಿ?ಜೂ.30ರ ಟಾಪ್ 10 ಸುದ್ದಿ!

ಚೀನಾ ಮೂಲದ 59 ಆ್ಯಪ್ ಬ್ಯಾನ್ ಮಾಡಿದ ಬೆನ್ನಲ್ಲೇ ಚೀನಾದಲ್ಲಿ ಆತಂಕ ಹೆಚ್ಚಾಗಿದೆ. ಸೇನಾ ಶಕ್ತಿ ಬಳಸಿ ಭಾರತದ ಪ್ರಹಾರಕ್ಕೆ ಮುಂದಾಗಿದ್ದ ಚೀನಾಗೆ ಇದೀಗ ಆರ್ಥಿಕ ಹೊಡೆತ ನೀಡಿದೆ. ಇಷ್ಟೇ ಅಲ್ಲ 5 ಜಿಯಿಂದ ಚೀನಾ ಹೊರಗಿಡಲು ಭಾರತ ಚಿಂತಿಸಿದೆ. ಕೊರೋನಾ ವೈರಸ್ ಆತಿಯಾಗುತ್ತಿರುವ ಕಾರಣ ಮತ್ತೆ ಕರ್ನಾಟಕ ಲಾಕ್‌ಡೌನ್ ಆಗಲಿದೆಯಾ ಅನ್ನೋ ಅನುಮಾನ ಹೆಚ್ಚಾಗಿದೆ. ಇದರ ಬೆನ್ನಲ್ಲೇ ಚೀನಾದಲ್ಲಿ ಮತ್ತೊಂದು ಡೆಡ್ಲಿ ವೈರಸ್ ಹುಟ್ಟಿಕೊಂಡಿದೆ. ಅಕ್ಷಯ್ ಕುಮಾರ್ ಮಂಗಳಮುಖಿ ಪಾತ್ರ, ಗಲ್ವಾನ್ ಗರ್ಷಣೆ ಸೀಕ್ರೆಟ್ ಸೇರಿದಂತೆ ಜೂನ್ 30ರ ಟಾಪ್ 10 ಸುದ್ದಿ ಇಲ್ಲಿವೆ.

ಗಡಿ ಸಂಘರ್ಷ ಹೆಚ್ಚಾಗುತ್ತಿರುವ ಬೆನ್ನಲೇ ಭಾರತ ಸರ್ಕಾರ ಚೀನಾಗೆ ಆರ್ಥಿಕ ಹೊಡೆತ ನೀಡಿದೆ. ಚೀನಾದ 59 ಆ್ಯಪ್ ಬ್ಯಾನ್ ಮಾಡಿದೆ. ಚೀನಾ ಊಹಿಸಲು ಸಾಧ್ಯವಾಗದ ರೀತಿಯಲ್ಲಿ ತಿರುಗೇಟು ನೀಡಿದೆ. ಇದರ ಬೆನ್ನಲ್ಲೇ ಚೀನಾ ವಿದೇಶಾಂಗ ಇಲಾಖೆ ಭಾರತದ ನಿರ್ಧಾರದ ಕುರಿತು ಪ್ರತಿಕ್ರಿಯೆ ನೀಡಿದೆ.

ಕೊರೋನಾ ವೈರಸ್ ಮಹಾಮಾರಿ ವಿಶ್ವದೆಲ್ಲೆಡೆ ವ್ಯಾಪಿಸಿದೆ. ಅಪಾರ ಸಾವು ನೋವು ಉಂಟು ಮಾಡಿರುಉವ ಈ ವೈರಸ್‌ನಿಂದ ಜಗತ್ತು ಇನ್ನೂ ಸುಧಾರಿಸಿಕೊಂಡಿಲ್ಲ, ಅಷ್ಟರಲ್ಲೇ ಮತ್ತೊಂದು ಡೆಡ್ಲಿ ವೈರಸ್ ಜನರನ್ನು ಕಂಗಾಲುಗೊಳಿಸಿದೆ. ಈ ಹೊಸ ವೈರಸ್‌ನಿಂದ ಮಹಾಮಾರಿ ಮತ್ತಷ್ಟು ಹಬ್ಬಿಕೊಳ್ಳುವ ಸಾದ್ಯತೆ ಹೆಚ್ಚು ಇದೆ ಎಂಬುವುದು ವಿಜ್ಞಾನಿಗಳ ಅಭಿಪ್ರಾಯವಾಗಿದೆ.

ಮುಸ್ಲಿಂ ಮೌಲ್ವಿಯೊಬ್ಬರು ಚೀನಾ ಕಂಪನಿಗಳು ಪಾಕಿಸ್ತಾನದಲ್ಲಿರುವ ಮುಸಲ್ಮಾನ ಉದ್ಯೋಗಿಗಳಿಗೆ ನಮಾಜ್ ಮಾಡಲು ಬಿಡುತ್ತಿಲ್ಲ ಎಂದು ಆರೋಪಿಸುತ್ತಿರುವ ವಿಡಿಯೋ ಒಂದು ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದೆ. 

ಪೂರ್ವ ಲಡಾಖ್‌ನ ಗಲ್ವಾನ್‌ ಕಣಿವೆಯಲ್ಲಿ ಭಾರತ ಹಾಗೂ ಚೀನಾ ಯೋಧರ ನಡುವೆ 45 ವರ್ಷಗಳಲ್ಲೇ ಮೊದಲ ಬಾರಿ ಭೀಕರ ಹಿಂಸಾಚಾರ ನಡೆದು 20 ಭಾರತೀಯ ಯೋಧರ ಸಾವಿಗೆ ಕಾರಣವಾದ ಘರ್ಷಣೆ ಆರಂಭವಾಗಿದ್ದು ಹೇಗೆಂಬ ಸಂಗತಿ ಇದೀಗ ಬೆಳಕಿಗೆ ಬಂದಿದೆ.

ರಾಜ್ಯದಲ್ಲಿ ಮತ್ತೆ ಲಾಕ್‌ಡೌನ್ ಜಾರಿಯಾಗುವ ಬಗ್ಗೆ ಉಸ್ತುವಾರಿ ಸಚಿವ ಆರ್ ಅಶೋಕ್ ನೀಡಿದ್ದಾರೆ. ಜುಲೈ 7 ರ ಬಳಿಕ ಲಾಕ್‌ಡೌನ್ ಪಕ್ಕಾ ಎನ್ನಲಾಗುತ್ತಿದೆ. 

ಅಂತಾ​ರಾ​ಷ್ಟ್ರೀಯ ಟೆನಿಸ್‌ನಲ್ಲಿ ನಡೆ​ದಿದೆ ಎನ್ನಲಾದ ಮ್ಯಾಚ್‌ ಫಿಕ್ಸಿಂಗ್‌ಗೆ ಭಾರ​ತೀಯ ಫಿಕ್ಸರ್‌ಗಳೇ ಕಾರಣ ಎನ್ನುವ ಆಘಾತಕಾರಿ ವಿಚಾರವನ್ನು ಆಸ್ಪ್ರೇಲಿ​ಯಾದ ವಿಕ್ಟೋರಿಯಾ ಪೊಲೀ​ಸರು ಬಹಿರಂಗಪಡಿ​ಸಿ​ದ್ದಾರೆ. 

ಕೇಂದ್ರ ಸರ್ಕಾರ ದೇಶಾದ್ಯಂತ  5 ಜಿ  ಸೇವೆ ನೀಡಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ.  ಚೀನಾದ  59 ಆ್ಯಪ್ ಗಳನ್ನು ನಿಷೇಧ ಮಾಡಿದ್ದು  5 ಜಿ ವಿಚಾರದಿಂದಲೂ ಚೀನಾ ಹೊರಗಿಡಲು ಯೋಜನೆ ರೂಪಿಸಿದೆ. 

ದೈತ್ಯ ಕೋಣದ ಬಳಿ ನಿಂತು ಫೋಟೋ ತೆಗೆಯಲಾರಂಭಿಸಿದ. ಆದರೆ ಕ್ರಿಸ್‌ ಮಾಡಿದ ದೊಡ್ಡ ತಪ್ಪೇ ಇದು. ನೋಡ ನೋಡುತ್ತಿದ್ದಂತೆಯೇ ಕ್ರಿಸ್‌ ಮೇಲೆ ಅಟ್ಯಾಕ್ ಮಾಡುವ ಕೋಣ ತನ್ನ ಕೊಂಬಿಉಗಳಿಂದ ಆತನನ್ನು ತಿವಿಯಲಾರಂಭಿಸಿದೆ. ಸದ್ಯ ಈ ಫೋಟೋಗಳು ಭಾರೀ ವೈರಲ್ ಆಗಿವೆ.

ಕೊರೋನಾ ವೈರಸ್ ಕಾರಣ ವಿಳಂಬವಾಗಿದ್ದ ಹೊಂಡಾ ಲಿವೋ ಬೈಕ್ ಇದೀಗ ಬಿಡುಗಡೆಯಾಗಿದೆ. BS6 ಎಂಜಿನ್ ಸೇರಿದಂತೆ ಹಲವು ಫೀಚರ್ಸ್‌ನೊಂದಿಗೆ ನೂತನ ಲಿವೊ ಮಾರುಕಟ್ಟೆ ಪ್ರವೇಶಿಸಿದೆ.