ಸದಾ ನೀರಿನಲ್ಲಿಯೇ ನಿಂತು ಕೆಲಸ ಮಾಡುವವರಿಗೆ ಫಂಗಲ್ ಇನ್ಫೆಕ್ಷನ್ ಕಾಡೋದು ಸಹಜ. ಬೆರಳು ಸಂದುಗಳು ಕರಗಿ, ಅದರಿಂದ ಪಡಬಾರದ ಯಾತನೆ ಪಡಬೇಕು. ಇದರಿಂದ ರಕ್ಷಣೆ ಹೇಗೆ?
ಒಂದೊಂದು ಕಾಲದಲ್ಲಿ ಒಂದು ಚರ್ಮ ಸಂಬಂಧಿ ಸಮಸ್ಯೆಗಳು ಕಾಡುತ್ತವೆ. ಒಮ್ಮೆ ದೇಹದಲ್ಲಿ ನೀರಿನಂಶ, ಜಿಡ್ಡಿನಾಂಶ ಕಡಿಮೆಯಾಗಿ ಚರ್ಮದಲ್ಲಿ ಒಡಕು ಕಂಡರೆ, ಮತ್ತೊಮ್ಮೆ ನೀರಲ್ಲಿ ಹೆಚ್ಚು ಓಡಾಡಬೇಕಾದ ಪ್ರಸಂಗ ಬರುವುದರಿಂದ ಕಾಲಿನ ಸಂದು ಕೊಳೆಯುತ್ತವೆ. ಅದರಲ್ಲಿಯೂ ಮಲೆನಾಡಿನ ಮಂದಿ ಮಳೆಗಾಲದಲ್ಲಿ ಆ ಸಮಸ್ಯೆಯಿಂದ ಬಳಲುವುದು ಹೆಚ್ಚು.
ಕೆಸರು, ಮಳೆ, ನೀರು, ತೇವಾಂಶದಿಂದ ಕಾಲಿನಲ್ಲಿ ಫಂಗಲ್ ಇನ್ಫೆಕ್ಷನ್ ಕಾಣಿಸಿಕೊಳ್ಳುತ್ತದೆ. ಇದಕ್ಕಾಗಿಯೇ ತ್ವಚೆ ಬಗ್ಗೆ ಹೆಚ್ಚಿನ ಗಮನ ಹರಿಸುವುದು ಮುಖ್ಯ....
ಈ ಸಮಸ್ಯೆಯನ್ನು ಆರಂಭದಲ್ಲಿಯೇ ಪತ್ತೆ ಹಚ್ಚಿ, ಸೂಕ್ತ ಚಿಕಿತ್ಸೆ ನೀಡಿದರೆ ಬೇಗ ಗುಣಪಡಿಸಿಕೊಳ್ಳಬಹುದು. ಆದರೆ, ನೆಗ್ಲೆಕ್ಟ್ ಮಾಡಿದರೆ ಸಮಸ್ಯೆ ಗಂಭೀರವಾಗುತ್ತದೆ. ದೊಡ್ಡ ಗಾಯ, ತುರಿಕೆ, ರಕ್ತ ಸ್ರಾವವೂ ಆಗಬಹುದು. ಅದು ವಿಪರೀತವಾದರೆ ವೈದ್ಯರ ಸಲಹೆ ಪಡೆಯುವುದು ಅನಿವಾರ್ಯ.