ಮೂಗಿನ ಕೂದಲು ಕಿತ್ತರೆ ಸಾವು?

ನಮ್ಮ ದೇಹದ ಮೇಲಿರುವ ಕೂದಲು ನಮ್ಮನ್ನು ಧೂಳು ಮತ್ತಿತರ ದೇಹ ವಿರೋಧಿ ಶಕ್ತಿಗಳಿಂದ ರಕ್ಷಿಸುತ್ತಿರುತ್ತವೆ. ಆದರೆ, ಕೆಲವು ಅನಗತ್ಯ ಕೂದಲಾದರೆ, ಮತ್ತೆ ಕೆಲವು ಅಗತ್ಯ. ಆದರೆ, ಮೂಗಿನ ಕೂದಲು ಕಿತ್ತರೇನು ಆಗುತ್ತೆ ಗೊತ್ತಾ?

ಏನೋ ಪುಲಪುಲ ಅನಿಸುತ್ತಿದೆ, ನೋಡಲು ಕೆಟ್ಟದಾಗಿ ಕಾಣುತ್ತೆ. ಇದರಿಂದ ನೆಗಡಿಯೂ ಬರುತ್ತದೆ. ಮೊದಲು ಇದನ್ನು ಕಿತ್ತು ಹಾಕೋಣ ಎಂದು ಮೂಗಿನ ಕೂದಲ ಬಗ್ಗೆ ರಗಳೆ ಮಾಡಿಕೊಳ್ಳುವವರಿಗೆ ಇಲ್ಲಿದೆ ಉತ್ತರ! ಅಷ್ಟೇ ಅಲ್ಲ, ನೀವು ಇದೇ ಕೂದಲಿನಿಂದ ಒಂದು ದೊಡ್ಡ ಅಪಾಯದಿಂದ ಪಾರಾಗಿದ್ದರೆಂದರ್ಥ. 

ಮೂಗೊಳಗೆ ಕೂದಲೇಕೆ ಇರುತ್ತದೆ?

ಮೂಗಿನಲ್ಲಿ ಕಾಣಿಸುವ ಕೂದಲು ಒಂದಾದರೆ, ಮತ್ತೊಂದು ಬಗೆಯ ಕೇಶ ಕಣ್ಣಿಗೆ ಕಾಣಿಸುವುದೇ ಇಲ್ಲ. ಅತಿ ಉದ್ದ ಕೂದಲು ಬೆಳೆದರೆ ಮೂಗಿನಿಂದ ಹೊರ ಬರುತ್ತದೆ. ಉದ್ದ ಕೂದಲನ್ನು ವೈಬರಿಸಿ ಎನ್ನುತ್ತಾರೆ. ನಾವು ಉಸಿರಾಡುವಾಗ ಇದು ಆಕ್ಸಿಜನ್‌ನೊಂದಿಗೆ ಬರುವ ಧೂಳು ಹಾಗೂ ಬ್ಯಾಕ್ಟೀರಿಯಾ ದೇಹ ಸೇರದಂತೆ ಫಿಲ್ಟರ್ ಮಾಡುತ್ತದೆ.

ಕೂದಲು ಕಿತ್ತರೇನಾಗುತ್ತದೆ? 

ಮೂಗಿನಿಂದ ಹಿಡಿದು ತುಟಿಯವರೆಗೆ ಅಪಾಯಕಾರಿ ಹಾಗೂ ಸೂಕ್ಷ್ಮವಾದ ಜಾಗ. ಇದು ಕಣ್ಣು, ಬಾಯಿ ಹಾಗೂ ಮೂಗು ಸೇರುವ ಜಾಗವಾಗಿದ್ದು, ಅನೇಕ ರಕ್ತ ನರಗಳು ಈ ಭಾಗದಿಂದಲೇ ಪಾಸ್ ಆಗುತ್ತದೆ. ಆ ಮೂಲಕ ಮೆದುಳಿಗೆ ನೇರ ಸಂಪರ್ಕ ಹೊಂದಿರುತ್ತದೆ. 

ಕಣ್ಣು, ಮೂಗು ಹಾಗೂ ಬಾಯಿಯ ಯಾವುದೇ ಭಾಗಕ್ಕೆ ತೊಂದರೆಯಾದರೂ ಅದು ನೇರವಾಗಿ ಮೆದುಳಿನ ಮೇಲೆ ಪರಿಣಾಮ ಬೀರುತ್ತದೆ.  ಮೂಗಿನ ಕೂದಲು ಕಿತ್ತರೆ ರಕ್ತನಾಳದಲ್ಲಿಯೇ ರಂಧ್ರವಾಗಿ ರಕ್ತಸ್ರಾವ ಆಗುತ್ತದೆ. ಇದರಿಂದ ಸಾವೂ ಸಂಭವಿಸುವ ಸಾಧ್ಯತೆಯೂ ಹೆಚ್ಚು. ಅದಕ್ಕೆ ಅಂದ ಕೆಟ್ಟರೂ ಪರ್ವಾಗಿಲ್ಲ, ಮೂಗಿನ ಕೂದಲ ಸಹವಾಸಕ್ಕೆ ಮಾತ್ರ ಹೋಗಬೇಡಿ....