ಬಾತ್‌ಟಬ್ ರೊಮಾನ್ಸ್‌ಗೂ ಮುನ್ನ ಇರಲಿ ಎಚ್ಚರ...

ಬಾಲಿವುಡ್, ಹಾಲಿವುಡ್ ಚಿತ್ರಗಳನ್ನು ನೋಡಿ ಬೋಲ್ಡ್ ಆಗುವ ಯುವ ಮನಸ್ಸುಗಳಿಗೆ ಕೆಲವೊಂದು ಹುಚ್ಚು ಆಸೆಗಳಿರುತ್ತವೆ. ಕೆಲವು ಆಸೆಗಳನ್ನು ಈಡೇರಿಸಿಕೊಳ್ಳುವಾಗ ಮುಂಜಾಗ್ರತಾ ಕ್ರಮಗಳೂ ಅಗತ್ಯ. ಅದರಲ್ಲಿಯೂ ಹೆಚ್ಚು ಸಮಸ್ಯೆ ಎದುರಿಸುವ ಹೆಣ್ಣು ಹುಷಾರಾಗಿರಬೇಕು. 

ಕಳೆದ ವರ್ಷ ಬಾಲಿವುಡ್‌ನ ಅತಿಲೋಕ ಸುಂದರಿ ದುಬೈ ಹೊಟೇಲ್‌ನ ಬಾತ್‌ಟಬ್‌ನಲ್ಲಿ ಅನುಮಾನಸ್ಪಾದವಾಗಿ ಕೊನೆಯುಸಿರೆಳೆದರು. ಆಗ, ಬಾತ್ ಟಬ್ ಸಾವಿನ ಬಗ್ಗೆ ಸಾಕಷ್ಟು ಚರ್ಚೆಗಳು ಹುಟ್ಟಿಕೊಂಡಿದ್ದವು. ಅದರಲ್ಲಿಯೂ ಅಮೆರಿಕದಲ್ಲಿ ಇಂಥ ಸಾವು ಆಗಾಗ ಸಂಭವಿಸುತ್ತವೆ ಎಂಬೊಂದು ವರದಿ ಪ್ರಕಟವಾಗಿತ್ತು. 

ಬೆಚ್ಚಗಿನ ನೀರು, ಕೂತರೆ ಜರ್ರ ಎಂದು ಜಾರುವ ಬಾತ್ ಟಬ್, ಮೈಗಂಟಿದ ಸೋಪ್ ಫೋಮ್ ಎಲ್ಲವೂ ಜೀವನವನ್ನು ಹೆಚ್ಚು ರೊಮ್ಯಾಂಟಿಕ್ ಆಗಿ ಮಾಡುತ್ತದೆ. ಆದರೆ, ಇವೆಲ್ಲ ತೆರೆ ಮೇಲೆ ಕಂಡಷ್ಟು ನಿಜ ಜೀವನದಲ್ಲಿ ಅಪ್ಲೈ ಮಾಡ್ಲಿಕ್ಕಾಗೋಲ್ಲ. ಅಕಸ್ಮಾತ್ ಇಂಥ ಸಾಹಸಕ್ಕೆ ಕೈ ಹಾಕುವುದಾದರೆ ಕೆಲವು ಮುಂಜಾಗ್ರತಾ ಕ್ರಮಗಳು ಅತ್ಯಗತ್ಯ. 

• ತುಂಬಾ ಬಿಸಿ ನೀರಿನಲ್ಲಿ ಸ್ನಾನ ಮಾಡಿದರೆ ಚರ್ಮದ ಕಾಂತಿ ಹಾಳಾಗುತ್ತದೆ. 
• ಸುದೀರ್ಘಸಮಯದವರೆಗೆ ಬಾತ್ ಟಬ್‌ನಲ್ಲಿ ಕೂತರೆ ಮೂತ್ರ ಕೋಶ ಸೋಂಕಿನಂಥ ಸಮಸ್ಯೆಗಳೂ ಕಾಮನ್. 
• ದೇಹದ ತೇವಾಂಶವನ್ನು ನೀರು ಕಡಿಮೆ ಮಾಡುತ್ತದೆ. ಲೈಂಗಿಕ ಕ್ರಿಯೆ ವೇಳೆ ಉತ್ಪತ್ತಿಯಾಗೋ ತೇವಾಂಶವನ್ನೂ ಇದು ಕುಂದಿಸುತ್ತದೆ. - ವಿವಿಧ ಭಂಗಿಯ ಸೆಕ್ಸ್‌ಗೂ ಇದು ಭಂಗ ತರಲಿದ್ದು, ಲೈಂಗಿಕ ಸುಖವನ್ನು ಕುಂಠಿತಗೊಳಿಸುತ್ತದೆ. 

• ಸ್ನಾನ ಮಾಡಲು ಬಳಸುವ ಬೂರ್ವೇಲ್ ನೀರಲ್ಲಿ ಲವಣಾಂಶವೂ ಹೆಚ್ಚಿರುತ್ತದೆ. ಇದು ಯೋನಿ ಸೋಂಕಿಗೂ ಎಡೆ ಮಾಡಿ ಕೊಡಬಹುದು. 
• ಕಾಂಡೋಮ್ ಬಳಸಿದಲ್ಲಿ, ಶಕ್ತಿ ಕುಂದಬಹುದು.  ನೀರು ಕಾಂಡೋಮ್ ತೇವಾಂಶವನ್ನು ಹೀರಿಕೊಳ್ಳುತ್ತದೆ. ಇದರಿಂದ ಕಾಂಡೋಮ್ ಹರಿದು, ಗರ್ಭ ಧರಿಸಬಹುದು. ಅಲ್ಲದೇ STDs ಹರಡುವ ಸಾಧ್ಯತೆಯನ್ನು ಅಲ್ಲಗಳೆಯಲಾಗುವುದಿಲ್ಲ. 
• ರೊಮ್ಯಾನ್ಸ್‌ನಲ್ಲಿ ಮೈ ಮರೆತಾಗಿ, ನೀರಲ್ಲಿ ಮುಳುಗಿ ಉಸಿರುಗಟ್ಟಲೂಬಹುದು. ಈ ಬಗ್ಗೆ ಎಷ್ಟು ಹುಷಾರಾಗಿದ್ದರೂ ಕಡಿಮೆಯೇ.