ಶೇ. 70 ಭಾರತೀಯ ಮಹಿಳೆಯರು ಪರಾಕಾಷ್ಠೆ ತಲುಪಲ್ಲ: ಕಾಂಡೋಮ್ ಕಂಪನಿಗೆ ಪುರುಷರ ಏಟು!

ಸರ್ಫ್, ಎಚ್ ಡಿಎಫ್ ಸಿ, ಜೋಮ್ಯಾಟೋ, ಸ್ವಿಗ್ಗಿ ತಮ್ಮ ಜಾಹೀರಾತುಗಳಲ್ಲಿ ಭಾರತೀಯರ ಧಾರ್ಮಿಕ ಭಾವನೆಗೆ ಧಕ್ಕೆ ತರುವಂತಹ ಕೆಲಸ ಮಾಡಿದ್ದಾರೆ ಎಂಬ ಆರೋಪಗಳು ಕೇಳಿ ಬಂದಿದ್ದವು. ಈಗ ಕಾಂಡೋಮ್ ಕಂಪನಿ ಡ್ಯುರೆಕ್ಸ್ ಸರದಿ.

ಕಾಂಡೋಮ್ ಕಂಪನಿ ಭಾರತೀಯರನ್ನು ಕೆರಳಿಸುವಂಥಹ ಕೆಲಸ ಮಾಡಿದ್ದು ಸೋಶಿಯಲ್ ಮೀಡಿಯಾದಲ್ಲಿ #BoycottDurex ಮತ್ತು #BanDurex   ಎಂಬುದು ಟ್ರೆಂಡ್ ಆಗಿದೆ.

ಭಾರತದ ಶೇ. 70 ರಷ್ಟು ಮಹಿಳೆಯರು ಸಂಭೋಗದ ಸಮಯದಲ್ಲಿ ಪರಾಕಾಷ್ಠೆ ತಲುಪುವುದಿಲ್ಲ ಎಂದು ಡ್ಯುರೆಕ್ಸ್ ಹೇಳಿತ್ತು. ಇದೇ ಸಂಗತಿ ಅನೇಕರನ್ನು ಕೆರಳಿಸಿದೆ.

ಭಾರತ ನಾವು ಈ ಬಗ್ಗೆ ಮಾತನಾಡಬೇಕು ಎಂದು ಡ್ಯುರೆಕ್ಸ್ ಹೇಳಿತ್ತು. ಮೇ. 29 ರಂದು  ಡ್ಯುರೆಕ್ಸ್ ಟ್ವೀಟ್ ಮಾಡಿದ್ದರೂ ನಿಧಾನವಾಗಿ ಜನರು ಟ್ವೀಟ್ ಮೂಲಕವೇ ಉತ್ತರ ನೀಡಲು ಆರಂಭಿಸಿದರು.

ಪುರುಷರು ಇದು ನಮ್ಮ ಸಾಮರ್ಥ್ಯವನ್ನೇ ಪ್ರಶ್ನೆ ಮಾಡಿದಂತೆ ಇದೆ ಎಂದು ಕಂಪನಿಗೆ ತಿರುಗೇಟು ನೀಡಿದ್ದಾರೆ. ಕೆಲ ಮಹಿಳೆಯರು ಪುರುಷರ ಬೆಂಬಲಕ್ಕೆ ನಿಂತಿದ್ದು ಟ್ವಿಟರ್ ನಲ್ಲಿ #BoycottDurex ಟ್ರೆಂಡ್ ಆಗಿದೆ.