ಅಮೇರಿಕಾದ ಮೇರಿಲ್ಯಾಂಡ್ ಮತ್ತು ಮಿಸೌರಿಯಲ್ಲಿ ಮೊದಲ ಬಾರಿಗೆ ಮಣ್ಣಿನ ಮಾದರಿಗಳಲ್ಲಿ ಹಲವಾರು ವಾಂಪೈರ್ ವೈರಸ್‌ಗಳು ಪತ್ತೆಯಾಗಿವೆ. ಇವು ಮಣ್ಣನ್ನು ಬಲವಾಗಿ ಮತ್ತು ಆರೋಗ್ಯಕರವಾಗಿಡಲು ಅಗತ್ಯವಾದ ಉತ್ತಮ ವೈರಸ್‌ಗಳನ್ನು ಸಹ ಕೊಲ್ಲುತ್ತವೆ ಎಂದು ಸಂಶೋಧಕರು ತಿಳಿಸಿದ್ದಾರೆ.
ಅಮೇರಿಕಾದ ಮೇರಿಲ್ಯಾಂಡ್ ಮತ್ತು ಮಿಸೌರಿಯಲ್ಲಿ ಮೊದಲ ಬಾರಿಗೆ ಮಣ್ಣಿನ ಮಾದರಿಗಳಲ್ಲಿ ಹಲವಾರು ವಾಂಪೈರ್ ವೈರಸ್‌ಗಳು ಪತ್ತೆಯಾಗಿವೆ. ವಿಲಕ್ಷಣವಾಗಿರುವ ಹಲವಾರು ವೈರಸ್‌ಗಳ ಬಗ್ಗೆ ಸಂಶೋಧಕರಿಗೆ ಹಲವು ದಶಕಗಳಿಂದ ತಿಳಿದಿದೆ. ಆದರೆ ಯುಎಸ್‌ನಲ್ಲಿ ಇಂಥಾ ವೈರಸ್‌ಗಳ ಕುರುಹುಗಳನ್ನು ಕಂಡು ಹಿಡಿದಿರುವುದು ಇದೇ ಮೊದಲು. ಈ ವಾಂಪೈರ್ ವೈರಸ್ ಅಥವಾ ರಕ್ತಪಿಶಾಚಿ ವೈರಸ್‌ಗಳು ಮತ್ತಷ್ಟು ಬೆಳೆಯಲು ಇತರ ವೈರಸ್‌ಗಳ ಸಹಾಯ ಪಡೆಯುತ್ತವೆ. ಮಣ್ಣಿನಲ್ಲಿ ನಿಧಾನವಾಗಿ ಹರಡಲು ಪ್ರಾರಂಭಿಸುತ್ತವೆ ಎಂದು ತಿಳಿದುಬಂದಿದೆ.
ಮೇರಿಲ್ಯಾಂಡ್‌ನ ಪೂಲೆಸ್ವಿಲ್ಲೆ ಬಳಿ ಸಂಗ್ರಹಿಸಲಾದ ಮಣ್ಣಿನ ಮಾದರಿಯಲ್ಲಿ ಈ ವೈರಸ್‌ನ್ನು ಪತ್ತೆಹಚ್ಚಲಾಗಿದೆ. ಬಾಲ್ಟಿಮೋರ್ ಕೌಂಟಿ ಕಾಲೇಜ್ ಆಫ್ ನ್ಯಾಚುರಲ್ ಮ್ಯಾಥಮೆಟಿಕಲ್ ಸೈನ್ಸಸ್‌ನ ಸಹಾಯಕ ನಿರ್ದೇಶಕ ಟಾಗೈಡ್ ಡಿಕಾರ್ವಾಲೋ ಈ ಬಗ್ಗೆ ಮಾತನಾಡಿ, 'ವೈರಸ್‌ನ್ನು ನೋಡಿದಾಗ ನನಗೆ ಇದನ್ನು ನಂಬಲು ಸಾಧ್ಯವಾಗಲ್ಲಿಲ್ಲ. ಬೇರೊಂದು ವೈರಸ್‌ಗೆ ಬ್ಯಾಕ್ಟೀರಿಯೊಫೇಜ್ ಅಥವಾ ಇನ್ನಾವುದೇ ವೈರಸ್ ಸೇರಿಕೊಂಡಿರುವುದನ್ನು ಯಾರೂ ನೋಡಿಲ್ಲ' ಎಂದು ತಿಳಿಸಿದ್ದಾರೆ.
undefined
ಕೊರೋನಾಗಿಂತ ಡೇಂಜರಸ್ ಚಿಕ್ಕಬಳ್ಳಾಪುರದಲ್ಲಿ ಪತ್ತೆಯಾದ ಝೀಕಾ ವೈರಸ್, ರೋಗ ಲಕ್ಷಣ ಹೇಗಿರುತ್ತೆ?
ಮೇರಿಲ್ಯಾಂಡ್ ವಿಶ್ವವಿದ್ಯಾನಿಲಯ, ಬಾಲ್ಟಿಮೋರ್ ಕೌಂಟಿ ಮತ್ತು ಸೇಂಟ್ ಲೂಯಿಸ್‌ನಲ್ಲಿರುವ ವಾಷಿಂಗ್ಟನ್ ವಿಶ್ವವಿದ್ಯಾಲಯದ ತಂಡವು ಈ ವಾಂಪೈರ್ ವೈರಸ್ ಡೇಂಜರಸ್ ಎಂದು ಹೇಳಿದ್ದಾರೆ. ಈ ವೈರಸ್, ಬೆಳೆಗಳು ಮತ್ತು ಜಾನುವಾರುಗಳನ್ನು ಕೊಲ್ಲುವ ಕಾಯಿಲೆಗಳನ್ನು ನಿರ್ನಾಮ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ, ಆದರೆ ಅವು ಮಣ್ಣನ್ನು ಬಲವಾದ ಮತ್ತು ಆರೋಗ್ಯಕರವಾಗಿಡಲು ಅಗತ್ಯವಾದ ಉತ್ತಮ ವೈರಸ್‌ಗಳನ್ನು ಸಹ ಕೊಲ್ಲುತ್ತವೆ ಎಂದು ಸಂಶೋಧಕರು ತಿಳಿಸಿದ್ದಾರೆ.
ಮಣ್ಣಿನ ಗುಣಮಟ್ಟ ಕಡಿಮೆಯಾದರೆ ಸಹಜವಾಗಿದೆ ಆಹಾರ ಬೆಳೆಯಲು ಕಷ್ಟವಾಗಬಹುದು. ಅಥವಾ ಇಂಥಾ ಮಣ್ಣಿನಲ್ಲಿ ಬೆಳೆಯೋ ಆಹಾರಗಳು ವಿಷಕಾರಿಯಾಗಿರಬಹುದು. ಹೀಗಾಗಿ ಈ ವೈರಸ್‌ನ ಕಾಟ ಮಿತಿ ಮೀರಿದ್ರೆ ಮುಂದೊಂದು ದಿನ ಮನುಷ್ಯರಿಗೆ ತಿನ್ನೋಕೆ ಆಹಾರನೇ ಸಿಗದೇ ಇರೋ ಪರಿಸ್ಥಿತಿನೂ ಬರಬಹುದು ಎನ್ನುತ್ತಾರೆ ತಜ್ಞರು.