ತಿನ್ನುವಾಗ ಮತ್ತು ಕುಡಿಯುವಾಗ ನೀವು ಮಾಡೋ ತಪ್ಪುಗಳಿಂದಾಗಿ, ಯಕೃತ್ತು ಹದಗೆಡಲು ಪ್ರಾರಂಭಿಸುತ್ತೆ. ಈ ಕಾರಣದಿಂದಾಗಿ, ಅನೇಕ ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು. ಹೀಗಾಗಿ ಮೊದಲೇ ರೋಗಲಕ್ಷಣಗಳನ್ನು ತಿಳಿದುಕೊಂಡ್ರೆ ಆರೋಗ್ಯವಾಗಿರಬಹುದು. ಈ ಕೆಳಗೆ ಹೇಳಿರುವ ಯಾವುದೇ ರೋಗಲಕ್ಷಣಗಳನ್ನು ಅನುಭವಿಸುತ್ತಿದ್ದರೆ ನಿಮ್ಮ ಯಕೃತ್ತಿನ ಆರೋಗ್ಯವನ್ನು ಗಂಭೀರವಾಗಿ ಪರಿಗಣಿಸಿ
ಯಕೃತ್ತಿನ ಸಮಸ್ಯೆ (Liver problem) ಆರೋಗ್ಯದ ಮೇಲೆ ಪರಿಣಾಮ ಬೀರುವ ಸಾಮಾನ್ಯ ಕಾಯಿಲೆ (Disease)ಗಳಲ್ಲಿ ಒಂದಾಗಿದೆ. ಆದ್ರೆ ಹೆಚ್ಚಿನವರು ಯಕೃತ್ತಿನ ವೈಫಲ್ಯದ ಬಗ್ಗೆ ಹೆಚ್ಚು ಯೋಚಿಸುವುದಿಲ್ಲ. ಯಾಕೆಂದರೆ ಯಕೃತ್ತಿನ ರೋಗವು ವಯಸ್ಸಾದವರಿಗೆ ಮಾತ್ರ ಪರಿಣಾಮ ಬೀರುತ್ತದೆ ಎಂದು ಭಾವಿಸುತ್ತಾರೆ. ಆದರೆ ವಾಸ್ತವದಲ್ಲಿ ಇದು ಹಾಗಲ್ಲ. ಯಕೃತ್ತಿನ ರೋಗಗಳು ಯಾವುದೇ ಸಮಯದಲ್ಲಿ ಯಾರನ್ನಾದರೂ ಕಾಡಬಹುದು. ಈ ರೋಗಗಳಲ್ಲಿ ಅತ್ಯಂತ ಸಾಮಾನ್ಯವಾದವು ಕೊಬ್ಬಿನ ಪಿತ್ತಜನಕಾಂಗದ ಕಾಯಿಲೆಯಾಗಿದೆ. ಇದನ್ನು ಕೆಲವೊಮ್ಮೆ 'ಮೂಕ ಪಿತ್ತಜನಕಾಂಗದ ಕಾಯಿಲೆ' ಎಂದು ಕರೆಯಲಾಗುತ್ತದೆ. ಏಕೆಂದರೆ ಇದು ಯಾವುದೇ ಪ್ರಮುಖ ಲಕ್ಷಣಗಳನ್ನು (Symptoms) ತೋರಿಸುವುದಿಲ್ಲ. ಹೀಗಿದ್ದೂ ಈ ಕಾಯಿಲೆಯಿದ್ದಾಗ ದೇಹ (Body)ದಲ್ಲಿ ಕೆಲವು ಬದಲಾವಣೆಗಳು ಸಂಭವಿಸಬಹುದು.
ಯಕೃತ್ತಿನ ಅನಾರೋಗ್ಯದ ರೋಗಲಕ್ಷಣಗಳು
ಯಕೃತ್ತು ದೇಹದ ಪ್ರಮುಖವಾದ ಅಂಗವಾಗಿದೆ. ನೀವು ತಿನ್ನುವ ಅಥವಾ ಕುಡಿಯುವ ಎಲ್ಲವನ್ನೂ ಹೀರಿಕೊಳ್ಳುತ್ತದೆ ಮತ್ತು ಫಿಲ್ಟರ್ ಮಾಡುತ್ತದೆ ಯಕೃತ್ತಿನ ಶೋಧನೆ ಪ್ರಕ್ರಿಯೆಯು ದೇಹಕ್ಕೆ ಅಗತ್ಯವಿರುವ ಪೋಷಕಾಂಶಗಳನ್ನು ಉಳಿಸಿಕೊಳ್ಳುತ್ತದೆ ಮತ್ತು ದೇಹಕ್ಕೆ ಅಗತ್ಯವಿಲ್ಲದ ಅಥವಾ ದೇಹಕ್ಕೆ ಹಾನಿ ಮಾಡಬಹುದಾದ ತ್ಯಾಜ್ಯಗಳು, ವಿಷಗಳು ಮತ್ತು ಹೆಚ್ಚುವರಿ ವಸ್ತುಗಳನ್ನು ಹೊರಹಾಕುತ್ತದೆ. ಮಾತ್ರವಲ್ಲ, ದೇಹದಲ್ಲಿ ಕೊಬ್ಬುಗಳು, ಕಾರ್ಬೋಹೈಡ್ರೇಟ್‌ಗಳು ಮತ್ತು ಪ್ರೋಟೀನ್‌ಗಳನ್ನು ಚಯಾಪಚಯಗೊಳಿಸಲು ಯಕೃತ್ತು ಸಹಾಯ ಮಾಡುತ್ತದೆ.
undefined
ಪ್ರತಿದಿನ ತಿನ್ನುವ ಈ ಆಹಾರಗಳಿಂದ ಆಗುತ್ತೆ ಲಿವರ್ ಡ್ಯಾಮೇಜ್
ಹಾರ್ಮೋನುಗಳನ್ನು ಸಮತೋಲನಗೊಳಿಸುವುದು ಮತ್ತು ಜೀರ್ಣಕ್ರಿಯೆ (Digestion)ಯನ್ನು ಸುಧಾರಿಸಲು ಇದು ಕಾರಣವಾಗಿದೆ. ಹೀಗಾಗಿ ಯಕೃತ್ತು ಉತ್ತಮ ಸ್ಥಿತಿಯಲ್ಲಿಲ್ಲ ಎಂದು ಸೂಚಿಸುವ ಕೆಲವು ರೋಗಲಕ್ಷಣಗಳು ಕಂಡು ಬಂದರೆ ನೀವಿದನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕು. ಏಕೆಂದರೆ ಅದು ದೇಹದಲ್ಲಿನ ಅತಿದೊಡ್ಡ ಮತ್ತು ಪ್ರಮುಖ ಅಂಗಗಳಲ್ಲಿ ಒಂದಾಗಿದೆ. ರೋಗಲಕ್ಷಣಗಳನ್ನು ಕಡೆಗಣಿಸಿದರೆ ಇದು ಗಂಭೀರ ಆರೋಗ್ಯ ಸಮಸ್ಯೆಗೆ ಕಾರಣವಾಗಬಹುದು.
ವಿವಿಧ ರೀತಿಯ ಯಕೃತ್ತಿನ ರೋಗಗಳು
ಅನೇಕ ವೈದ್ಯಕೀಯ ಸಂಸ್ಥೆಗಳ ಪ್ರಕಾರ, ನಿಮ್ಮ ಮೇಲೆ ಪರಿಣಾಮ ಬೀರುವ ಹಲವಾರು ರೀತಿಯ ಯಕೃತ್ತಿನ ಕಾಯಿಲೆಗಳಿವೆ. ಅವುಗಳ ಬಗ್ಗೆ ಇಲ್ಲಿದೆ ಮಾಹಿತಿ.
ಆಟೋಇಮ್ಯೂನ್ ಪಿತ್ತಜನಕಾಂಗದ ಕಾಯಿಲೆಗಳು: ಪ್ರತಿರಕ್ಷಣಾ ವ್ಯವಸ್ಥೆಯು ಯಕೃತ್ತಿನ ಮೇಲೆ ದಾಳಿ ಮಾಡಿದಾಗ ಪ್ರಾಥಮಿಕ ಬೈಲರಿ ಕೋಲಾಂಜೈಟಿಸ್ ಮತ್ತು ಆಟೋಇಮ್ಯೂನ್ ಹೆಪಟೈಟಿಸ್ ಸಂಭವಿಸುತ್ತದೆ.
ಹೆಪಟೈಟಿಸ್: ವೈರಲ್ ಸೋಂಕಿನಿಂದ ಹೆಪಟೈಟಿಸ್ ಎ, ಹೆಪಟೈಟಿಸ್ ಬಿ ಮತ್ತು ಹೆಪಟೈಟಿಸ್ ಸಿ ಸಂಭವಿಸಬಹುದು.
ಆನುವಂಶಿಕ ಪಿತ್ತಜನಕಾಂಗದ ಕಾಯಿಲೆಗಳು: ನಿಮ್ಮ ಕುಟುಂಬದಲ್ಲಿ ಯಾರಿಗಾದರೂ ಈ ಪಿತ್ತಜನಕಾಂಗದ ಕಾಯಿಲೆಗಳು ಇದ್ದರೆ ವಿಲ್ಸನ್ ಕಾಯಿಲೆ ಮತ್ತು ಹಿಮೋಕ್ರೊಮಾಟೋಸಿಸ್ ಬೆಳೆಯಬಹುದು.
ಯಕೃತ್ತಿನ ಕ್ಯಾನ್ಸರ್: ಯಕೃತ್ತಿನಲ್ಲಿ ಅಸಹಜ ಕೋಶಗಳು ವೃದ್ಧಿಸಿದಾಗ, ಅದು ಮಾರಣಾಂತಿಕ ಅಥವಾ ಹಾನಿಕರವಲ್ಲದ ಯಕೃತ್ತಿನ ಕ್ಯಾನ್ಸರ್‌ಗೆ ಕಾರಣವಾಗಬಹುದು.
ಕೊಬ್ಬಿನ ಪಿತ್ತಜನಕಾಂಗದ ಕಾಯಿಲೆ: ದೇಹದಲ್ಲಿನ ಹೆಚ್ಚಿನ ವಿಷಗಳು ಮತ್ತು ಕೊಬ್ಬುಗಳು ಆಲ್ಕೋಹಾಲ್-ಸಂಬಂಧಿತ ಫ್ಯಾಟಿ ಲಿವರ್ ಅಥವಾ ಆಲ್ಕೋಹಾಲ್-ಅಲ್ಲದ ಕೊಬ್ಬಿನ ಪಿತ್ತಜನಕಾಂಗದ ಕಾಯಿಲೆಗೆ ಕಾರಣವಾಗಬಹುದು.
ನಿಮ್ಮ ಲಿವರ್ ಜೋಪಾನ: ಕಲ್ಮಶರಹಿತ ಯಕೃತ್’ಗಾಗಿ ಈ ಆಹಾರ ಸೇವನೆ ಅತಿ ಮುಖ್ಯ.
ಗಮನಹರಿಸಬೇಕಾದ ರೋಗಲಕ್ಷಣಗಳು ಯಾವುವು ?
ಯಕೃತ್ತಿನ ಆರೋಗ್ಯವನ್ನು ಹತೋಟಿಯಲ್ಲಿಟ್ಟುಕೊಳ್ಳಲು ಬಯಸಿದಲ್ಲಿ ನೀವು ಈ ಕೆಳಗೆ ಹೇಳಿರುವ ರೋಗಲಕ್ಷಣಗಳನ್ನು ಗಮನಿಸಿಕೊಳ್ಳಬೇಕಾಗುತ್ತದೆ. ಹೊಟ್ಟೆ ಉಬ್ಬುವುದು ಮತ್ತು ಅನಿಲ, ಅತಿಯಾದ ಕೋಪ, ಕಿರಿಕಿರಿ, ಮೊಡವೆ (Pimple) ಮತ್ತು ದದ್ದುಗಳು, ಮುಟ್ಟಿನ ಸಮಸ್ಯೆಗಳು ಮತ್ತು ನಿದ್ರೆಯ (Sleep) ಸಮಸ್ಯೆಗಳು, ದುರ್ಬಲ ಪ್ರತಿರಕ್ಷಣಾ ವ್ಯವಸ್ಥೆ, ಆಹಾರ ಸೂಕ್ಷ್ಮತೆ, ಭಾರೀ ಊಟದ ನಂತರ ವಾಕರಿಕೆ ಭಾವನೆ, ಯಕೃತ್ತಿನ ರೋಗ ಯಕೃತ್ತಿನ ಕಾಯಿಲೆಯ ಸಂಕೇತವಾಗಿರಬಹುದು.
ಯಕೃತ್ತು ಆರೋಗ್ಯಕರವಾಗಿರಬೇಕಾದರೆ ಈ ರೋಗಲಕ್ಷಣಗಳನ್ನು ಗಮನಿಸಿಕೊಳ್ಳಿ. ಈ ಚಿಹ್ನೆಗಳು ಗಂಭೀರ ಆರೋಗ್ಯ ಸಮಸ್ಯೆಯನ್ನು ಸೂಚಿಸಬಹುದು. ನೀವು ಯಾವ ಕಾಯಿಲೆಯಿಂದ ಬಳಲುತ್ತಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಲು ವೈದ್ಯರೊಂದಿಗೆ ಮಾತನಾಡುವುದು ಉತ್ತಮ.