ಮಡಿದರೂ ಮಗುವಾಗಿ ಹುಟ್ಟಿ ಬರುವೆ, ಯೋಧ ಸತ್ತರೂ ಮಕ್ಕಳಾಗಲ್ಲವೆಂಬ ಭಯವಿಲ್ಲ !
ಸಾರಾಂಶ
ಉಕ್ರೇನ್ ಯುದ್ಧ ಯಾವಾಗ್ಲೂ ವಿಚಿತ್ರ ಸನ್ನಿವೇಶಗಳಿಗೆ ಸಾಕ್ಷಿಯಾಗ್ತಾನೆ ಇರುತ್ತೆ. ಅದಕ್ಕೀಗ ಮತ್ತೊಂದು ವಿಚಾರ ಸೇರ್ಪಡೆಯಾಗಿದೆ. ರಷ್ಯಾ ಯೋಧರು ತಮ್ಮ ವೀರ್ಯವನ್ನು ಉಚಿತವಾಗಿ ಫ್ರೀಝ್ ಮಾಡಿ ಸ್ಟೋರ್ ಮಾಡ್ಬೋದು ಅಂತ ಇಲ್ಲಿನ ಸರ್ಕಾರ ಸ್ಪಷ್ಟಪಡಿಸಿದೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ಯುದ್ಧ ಭೂಮಿ, ಯೋಧರ (Soldiers) ಜೀವನ ಅಂದ್ರೆ ಸುಮ್ನೆ ಏನಲ್ಲ. ಎಲ್ಲವನ್ನೂ ಎದುರಿಸೋಕೆ ಸಿದ್ಧವಾಗಿರಬೇಕಾಗುತ್ತದೆ. ದೇಶ ಕಾಯುವ ಯೋಧರು ಪ್ರಾಣದ ಹಂಗು ತೊರೆದು ಇಲ್ಲಿ ಹೋರಾಡುತ್ತಾರೆ. ಊರು, ಕುಟುಂಬ, ಬಂಧು-ಬಳಗ, ಸ್ನೇಹಿತರು ಎಲ್ಲವನ್ನೂ ಮರೆತು ದೇಶದ ಗಡಿ ಕಾಯುತ್ತಾರೆ. ಶತ್ರು ಸೈನ್ಯ ನುಗ್ಗಿ ಬಂದಾಗ ಜಗ್ಗದೆ, ಕುಗ್ಗದೆ ಎದೆಯೊಡ್ಡಿ ಹೋರಾಡುತ್ತಾರೆ. ಹೀಗೆ ನಡೆಯುವ ವಾರ್ನಲ್ಲಿ ಸೈನಿಕರು ಅದೆಷ್ಟೋ ಬಾರಿ ಪ್ರಾಣ ಕಳೆದುಕೊಳ್ಳುತ್ತಾರೆ. ಹೀಗಾದಾಗ ಅವರ ಕುಟುಂಬ ಅನಾಥವಾಗುತ್ತದೆ. ಮೆಚ್ಚಿನ ಮಗ, ಗಂಡ, ಸಹೋದರ, ಅಣ್ಣನನ್ನು ಕಳೆದುಕೊಂಡ ಕುಟುಂಬ ಕಂಗಾಲಾಗುತ್ತದೆ. ಜೀವನದ ಸಂಪೂರ್ಣ ಖುಷಿಯನ್ನು ಅನುಭವಿಸದೆಯೇ ಅದೆಷ್ಟೋ ಬಾರಿ ಸೋಲ್ಜರ್ಸ್ ಇಹಲೋಕ ತ್ಯಜಿಸಿಬಿಡುತ್ತಾರೆ.
ಕೆಲವೊಬ್ಬ ಸೈನಿಕರು ಯುದ್ಧಭೂಮಿಯಿಂದ ಮರಳಿ ಬರುವುದೇ ಇಲ್ಲ. ಇನ್ನು ಕೆಲ ಯೋಧರು ಯುದ್ಧಭೂಮಿಯಿಂದ ಮರಳಿದರೂ ಕೈ, ಕಾಲು ಕಳೆದುಕೊಂಡಿರುತ್ತಾರೆ. ಆರೋಗ್ಯವಂತರಾಗಿರುವುದಿಲ್ಲ ಅಥವಾ ಮಕ್ಕಳನ್ನು (Children) ಪಡೆಯುವ ಸ್ಥಿತಿಯಲ್ಲಿರುವುದಿಲ್ಲ. ಹೀಗಾದಾಗ ಅವರ ಕುಟುಂಬ ಮುಂದುವರಿಯುವುದಿಲ್ಲ. ಇಂಥಾ ಸಂದರ್ಭಗಳು ಬರುತ್ತವೆ ಅನ್ನೋ ಕಾರಣಕ್ಕೇ ಸೈನಿಕರು ಮೊದಲೇ ತಮ್ಮ ವೀರ್ಯ (Sperm)ವನ್ನು ಸ್ಟೋರ್ ಮಾಡಿಟ್ಟು ಬರುತ್ತಿದ್ದರು. ಆದರೆ ಇದಕ್ಕೆ ತುಂಬಾ ವೆಚ್ಚವಾಗುತ್ತಿತ್ತು. ಇದನ್ನು ಗಮನಿಸಿದ ರಷ್ಯಾ ಸರ್ಕಾರ, ತನ್ನ ಸೈನಿಕರು ಉಚಿತವಾಗಿ (Free) ವೀರ್ಯ ಸ್ಟೋರ್ ಮಾಡಬಹುದು ಎಂದು ಹೇಳಿದೆ.
ಚಳಿಗಾಲದಲ್ಲಿ ಬಿಸಿ ನೀರಿನ ಸ್ನಾನ, ಪುರುಷರ ವೀರ್ಯದ ಸಂಖ್ಯೇನೆ ಕಡಿಮೆಯಾಗುತ್ತೆ!
ಯೋಧರು ವೀರ್ಯವನ್ನು ಉಚಿತವಾಗಿ ಸ್ಟೋರ್ ಮಾಡಲು ಅವಕಾಶ
ಉಕ್ರೇನ್ ವಿರುದ್ಧದ ಯುದ್ಧದಲ್ಲಿ ಭಾಗವಹಿಸುವ ಯುಎಸ್ ಸೈನಿಕರು ಉಚಿತ ವೀರ್ಯವನ್ನು ಘನೀಕರಿಸಲು ಮತ್ತು ಕ್ರಯೋಬ್ಯಾಂಕ್ಗಳಲ್ಲಿ ಸಂಗ್ರಹಿಸಲು ಅರ್ಹರಾಗಿರುತ್ತಾರೆ ಎಂದು ಅಧಿಕೃತವಾಗಿ ತಿಳಿಸಲಾಗಿದೆ. 'ಮಿಲಿಟರಿ ಸೇವೆಗೆ ಬಂದವರ ಕುಟುಂಬಗಳು ಫಲವತ್ತತೆ ಚಿಕಿತ್ಸೆಗೆ ಉಚಿತ ಪ್ರವೇಶವನ್ನು ಪಡೆಯುತ್ತಾರೆ ಮತ್ತು ಕ್ರಯೋಬ್ಯಾಂಕ್ನಲ್ಲಿ ಬಯೋಮೆಟೀರಿಯಲ್ ಅನ್ನು ಉಚಿತವಾಗಿ ಸಂಗ್ರಹಿಸಬಹುದು' ಎಂದು ಹಲವಾರು ದಂಪತಿಗಳನ್ನು ಪ್ರತಿನಿಧಿಸುವ ರಷ್ಯಾದ ಒಕ್ಕೂಟದ ವಕೀಲರ ಒಕ್ಕೂಟದ ಅಧ್ಯಕ್ಷ ಇಗೊರ್ ಟ್ರುನೊವ್ ತಿಳಿಸಿದೆ.
ರಷ್ಯಾದ ಆರೋಗ್ಯ ಸಚಿವಾಲಯವು, 'ವಿಶೇಷ ಮಿಲಿಟರಿ ಕಾರ್ಯಾಚರಣೆಯಲ್ಲಿ ಭಾಗವಹಿಸುವ RF (ರಷ್ಯನ್ ಫೆಡರೇಶನ್) ನಾಗರಿಕರಿಗೆ ಉಚಿತ ಫಲವತ್ತತೆ ಚಿಕಿತ್ಸಾ ಕೋಟಾವನ್ನು ನಿಯೋಜಿಸಲು ಆನುವಂಶಿಕ ವಸ್ತುಗಳ ಉಚಿತ ಕ್ರಯೋಬ್ಯಾಂಕ್ ಮತ್ತು ಕಡ್ಡಾಯ ಆರೋಗ್ಯ ವಿಮಾ ವ್ಯವಸ್ಥೆಗೆ ತಿದ್ದುಪಡಿಗಳ ರಚನೆಯ ಕುರಿತು' ವಿನಂತಿ ಮಾಡುವಂತೆ ಕೇಳಿಕೊಂಡಿದೆ.
31ರ ಹರೆಯದಲ್ಲಿ 48 ಮಕ್ಕಳಿಗೆ ತಂದೆಯಾದ ಮಹಾ ಅಪ್ಪ: ಈತ ಅಮೆರಿಕಾದ ವಿಕ್ಕಿ ಡೋನರ್!
ಬಜೆಟ್ನಿಂದ ಹಣವನ್ನು ಬಳಸಲು ರಷ್ಯಾ ಆರೋಗ್ಯ ಸಚಿವಾಲಯ ನಿರ್ಧಾರ
2022-2024ರಲ್ಲಿ ವಿಶೇಷ ಮಿಲಿಟರಿ ಕಾರ್ಯಾಚರಣೆಗೆ ಸಜ್ಜುಗೊಂಡ ನಾಗರಿಕರಿಗೆ ವೀರ್ಯ ಶುಲ್ಕ-ಮುಕ್ತ ಸಂರಕ್ಷಣೆ ಮತ್ತು ಸಂಗ್ರಹಣೆಗೆ ಹಣವನ್ನು ನೀಡಲು ಫೆಡರಲ್ ಬಜೆಟ್ನಿಂದ ಹಣವನ್ನು ಬಳಸಲು ರಷ್ಯಾ ಆರೋಗ್ಯ ಸಚಿವಾಲಯ ನಿರ್ಧರಿಸಿದೆ. ನೆರವಿನ ಸಂತಾನೋತ್ಪತ್ತಿ ತಂತ್ರಜ್ಞಾನದಲ್ಲಿ ಸಂರಕ್ಷಿತ ಆನುವಂಶಿಕ ವಸ್ತುಗಳ ಯಾವುದೇ ನಂತರದ ಉಚಿತ ಬಳಕೆಯನ್ನು ಕಾನೂನಿನಿಂದ ನಿಯಂತ್ರಿಸಲಾಗುತ್ತದೆ, ಅದನ್ನು ಕಡ್ಡಾಯ ಆರೋಗ್ಯ ವಿಮಾ ಪ್ಯಾಕೇಜ್ನ ಭಾಗವಾಗಿ ಸೂಚಿಸಲಾಗುತ್ತದೆ ಎಂದು ತಿಳಿದುಬಂದಿದೆ.
ಡಿಸೆಂಬರ್ 27, 2022ರ ಮಂಗಳವಾರ, ಉಕ್ರೇನ್ನ ಬಖ್ಮುಟ್ನ ಹೊರವಲಯದಲ್ಲಿ ರಷ್ಯಾದ ದಾಳಿಯ ನಂತರ ಉಕ್ರೇನ್ನಲ್ಲಿ ಪರಿಸ್ಥಿತಿ ಬಿಗಡಾಯಿಸಿದೆ. ನವೆಂಬರ್ನಲ್ಲಿ, ಯುಎಸ್ ಮಿಲಿಟರಿ ಮುಖ್ಯಸ್ಥರು ಉಕ್ರೇನ್ ಯುದ್ಧದಲ್ಲಿ ಕೊಲ್ಲಲ್ಪಟ್ಟ ಅಥವಾ ಗಾಯಗೊಂಡ ರಷ್ಯಾದ ಸೈನಿಕರ ಸಂಖ್ಯೆಯನ್ನು 100,000 ಕ್ಕಿಂತ ಹೆಚ್ಚು ಎಂದು ಹೇಳಿದರು, ಉಕ್ರೇನಿಯನ್ ಭಾಗದಲ್ಲಿ ಇದೇ ಸಂಖ್ಯೆಯಿದೆ. ಯುದ್ಧಭೂಮಿಯಲ್ಲಿ ಹಿನ್ನಡೆಗಳ ಸರಣಿಯನ್ನು ಎದುರಿಸುತ್ತಿರುವ ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಸೆಪ್ಟೆಂಬರ್ನಲ್ಲಿ 300,000 ಹೆಚ್ಚುವರಿ ಪಡೆಗಳನ್ನು ರಚಿಸಿದ್ದರು. ಇದರ ಬೆನ್ನಲ್ಲೇ ಈಗ ಯೋಧರಿಗೆ ಅನುಕೂಲವಾಗುವಂತೆ ಉಚಿತ ವೀರ್ಯ ಸಂಗ್ರಹಕ್ಕೆ ಅವಕಾಶ ಮಾಡಿಕೊಡಲಾಗುತ್ತಿದೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.