ಸೌಂದರ್ಯ ವರ್ಧಕ ಚಿಕಿತ್ಸೆಗಳು ಇತ್ತೀಚಿಗೆ ಸಾಮಾನ್ಯವಾಗಿವೆ. ಮೊದಲ್ಲೆಲ್ಲಾ ಕೇವಲ ಹುಡುಗಿಯರಷ್ಟೇ ಇಂಥಾ ಚಿಕಿತ್ಸೆಗಳ ಮೊರೆ ಹೋಗುತ್ತಿದ್ದರು, ಆದರೆ ಈಗ ಹುಡುಗರು ಸಹ ಇಂಥಾ ಅಪಾಯಕಾರಿ ಟ್ರೀಟ್‌ಮೆಂಟ್ ತೆಗೆದುಕೊಳ್ಳುತ್ತಾರೆ. ಈ ರೀತಿ ಕೂದಲು ಕಸಿ ಮಾಡಿದ ವ್ಯಕ್ತಿಯೊಬ್ಬ ಸೋಂಕಿನಿಂದ ಮೃತಪಟ್ಟಿದ್ದಾನೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.
ನವದೆಹಲಿ: ಟೆಲಿವಿಷನ್ ಎಕ್ಸಿಕ್ಯೂಟಿವ್ ಆಗಿರುವ ರಶೀದ್ ಎಂಬಾತ ಕೂದಲು ಕಸಿ ಮಾಡಿಕೊಂಡಿದ್ದು, ಸೆಪ್ಸಿಸ್ ಸೋಂಕಿನಿಂದ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ದೆಹಲಿಯ ನಿವಾಸಿ ಮೂವತ್ತು ವರ್ಷದ ರಶೀದ್ ಅವರ ನೆತ್ತಿಯ ಮೇಲಿನ ಕೂದಲನ್ನು ಸರಿಸಲು ಶಸ್ತ್ರಚಿಕಿತ್ಸೆಗೆ (Operation) ಒಳಗಾದರು, ನಂತರ ಅವರಿಗೆ ಸೋಂಕು ಕಾಣಿಸಿಕೊಂಡಿತು ಎಂದು ಅವರ ತಾಯಿ ಆಸಿಯಾ ಬೇಗಂ ಹೇಳಿದ್ದಾರೆ. ಮೂತ್ರಪಿಂಡ ವೈಫಲ್ಯದಿಂದ (Kidney failure) ಬಳಲುತ್ತಿದ್ದರಲ್ಲದೆ, ರಶೀದ್‌ನ ಮುಖವು ಊದಿಕೊಳ್ಳಲು ಪ್ರಾರಂಭಿಸಿತು ಮತ್ತು ಅಂತಿಮ ಗಂಟೆಗಳಲ್ಲಿ ಕಪ್ಪು ದದ್ದುಗಳು ಅವನ ಇಡೀ ದೇಹ (Body)ವನ್ನು ಆವರಿಸಿದವು ಎಂದು ಅವರು ಹೇಳಿದರು. 'ನನ್ನ ಮಗ ತುಂಬಾ ನೋವಿನಿಂದ ಸಾವನ್ನಪ್ಪಿದನು, ಅವನ ಮೂತ್ರಪಿಂಡಗಳು ಕಾರ್ಯನಿರ್ವಹಿಸುವುದನ್ನು ನಿಲ್ಲಿಸಿದವು ಮತ್ತು ನಂತರ ಅವನ ಎಲ್ಲಾ ಅಂಗಗಳು ಕುಸಿದವು' ಎಂದಿದ್ದಾರೆ. ರಶೀದ್ ಅವರ ಕುಟುಂಬವು ಪೊಲೀಸರಿಗೆ ದೂರು ನೀಡಿದ್ದು, ಶಸ್ತ್ರಚಿಕಿತ್ಸೆ ನಡೆಸಿದ ಇಬ್ಬರು ಸೇರಿದಂತೆ ನಾಲ್ವರನ್ನು ಬಂಧಿಸಲಾಗಿದೆ.
ಸೌಂದರ್ಯ ಹೆಚ್ಚಿಸಲು ಮಾಡುವ ಇಂಥಾ ಶಸ್ತ್ರಚಿಕಿತ್ಸೆಗಳು ಹಲವಾರು ಬಾರಿ ಅನಾಹುತಕ್ಕೆ ಕಾರಣವಾಗಿದೆ. ಅದರಲ್ಲೂ ಕೂದಲು ಕಸಿ (Hair Transplant) ಮಾಡಿ ಅಪಾಯಕ್ಕೆ ಸಿಲುಕುವವರು ಹಲವರು. ಅದೆಷ್ಟೋ ಮಂದಿ ಜೀವವನ್ನು ಸಹ ಕಳೆದುಕೊಂಡಿದ್ದಾರೆ. ಹೀಗಾಗಿ ಕೂದಲು ಕಸಿಯ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿದುಕೊಳ್ಳೋಣ.
undefined
ನಿಮ್ಮ ಈ ತಪ್ಪುಗಳೂ ಸಹ ಕೂದಲು ಉದುರಲು ಕಾರಣವಿರಬಹುದು
ಕೂದಲು ಕಸಿ ಎಂದರೇನು?
ಆರೋಗ್ಯ ಸಂಸ್ಥೆಯ ಪ್ರಕಾರ, ಕೂದಲು ಕಸಿ ಮಾಡುವಿಕೆಯು ತೆಳ್ಳಗಿನ ಅಥವಾ ಬೋಳು ಇರುವ ಪ್ರದೇಶಕ್ಕೆ ಕೂದಲನ್ನು ಸರಿಸಲು ಕಾಸ್ಮೆಟಿಕ್ ಶಸ್ತ್ರಚಿಕಿತ್ಸೆಯನ್ನು ಒಳಗೊಂಡಿರುತ್ತದೆ. ಹೆಚ್ಚಿನ ಕೂದಲು ಕಸಿ ವಿಧಾನಗಳಲ್ಲಿ ತಲೆಯ ಮೇಲೆ, ನೆತ್ತಿಯ ಹಿಂಭಾಗದಲ್ಲಿ ಕೂದಲು ಕಸಿ ಮಾಡಲಾಗುತ್ತದೆ ಎಂದು ತಜ್ಞರು (Experts) ಹೇಳುತ್ತಾರೆ. ಕಸಿ ಮಾಡಿದ ಚರ್ಮವು ವಾಸಿಯಾದ ನಂತರ ಕೂದಲು ಬೆಳೆಯುತ್ತದೆ. ಹಾಗಿದ್ರೆ ಕೂದಲು ಉದುರುವಿಕೆಗೆ ಕಾರಣವೇನು ತಿಳಿಯೋಣ.
ಕೂದಲು ಉದುರುವಿಕೆಗೆ ಕಾರಣಗಳು
ಅಲೋಪೆಸಿಯಾ: ಇದು ಸ್ವಯಂ ನಿರೋಧಕ ಕಾಯಿಲೆಯಾಗಿದ್ದು ಅದು ಕೂದಲಿನ ಕಿರುಚೀಲಗಳ ಮೇಲೆ ದಾಳಿ ಮಾಡುತ್ತದೆ, ಕೂದಲು ಉದುರಲು ಕಾರಣವಾಗುತ್ತದೆ. ಥೈರಾಯ್ಡ್, ಗಾಯಗಳು ಅಥವಾ ಸುಟ್ಟಗಾಯಗಳು (Burned injury) ಸಹ ಕೂದಲು ಉದುರುವಿಕೆಗೆ ಕಾರಣವಾಗುತ್ತವೆ.
ಕಸಿ ಮಾಡುವ ವಿಧಗಳು ಯಾವುವು?
ಕಸಿ ಮಾಡುವುದು: ಇದು ಅತ್ಯಂತ ಸಾಮಾನ್ಯವಾದ ವಿಧಾನವಾಗಿದ್ದು, ತಜ್ಞರು ಆರೋಗ್ಯಕರ ಕೂದಲನ್ನು ಹೊಂದಿರುವ ನೆತ್ತಿಯ ಸಣ್ಣ ತುಂಡುಗಳನ್ನು ಕತ್ತರಿಸಿ ಬೋಳು ಪ್ರದೇಶಗಳಿಗೆ ಕಸಿಮಾಡುತ್ತಾರೆ. ಕಾರ್ಯವಿಧಾನವು ಹಲವಾರು ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. ಏಕೆಂದರೆ ನೆತ್ತಿಯ ಕಾರ್ಯವಿಧಾನ ಗುಣವಾಗಲು ಹಲವು ತಿಂಗಳುಗಳು ತೆಗೆದುಕೊಳ್ಳುತ್ತದೆ.
ತಲೆಯ ಕೂದಲನ್ನೇ ಕಿತ್ತು ತಿನ್ತಿದ್ಲು, ಹೊಟ್ಟೆಯಲ್ಲಿದ್ದ ಕೂದಲೆಷ್ಟು ಗೊತ್ತಾ ?
ನೆತ್ತಿಯ ಕಡಿತ: ನೆತ್ತಿಯಿಂದ ಬೋಳು ಚರ್ಮದ ಸಣ್ಣ ಪ್ರದೇಶವನ್ನು ತೆಗೆದುಹಾಕುವ ಮೂಲಕ ಇದನ್ನು ಮಾಡಲಾಗುತ್ತದೆ. ಇದರಲ್ಲಿ ಕೂದಲನ್ನು ಹೊಂದಿರುವ ಹತ್ತಿರದ ಚರ್ಮ (Skin)ವನ್ನು ಸಡಿಲಗೊಳಿಸುತ್ತಾರೆ ಮತ್ತು ಬೋಳು ಪ್ರದೇಶದ ಮೇಲೆ ಎಳೆಯುತ್ತಾರೆ. ನಂತರ, ಅವರು ಅದನ್ನು ಸ್ಥಳದಲ್ಲಿ ಹೊಲಿಯುತ್ತಾರೆ.
ಫ್ಲಾಪ್ ಶಸ್ತ್ರಚಿಕಿತ್ಸೆ: ನೆತ್ತಿಯ ಮುಂಭಾಗದ ಬಳಿ ದೊಡ್ಡ ಬೋಳು ಪ್ರದೇಶಗಳನ್ನು ಹೊಂದಿರುವವರಿಗೆ ಈ ವಿಧಾನವನ್ನು ಶಿಫಾರಸು ಮಾಡಲಾಗುತ್ತದೆ. ಫ್ಲಾಪ್ ಶಸ್ತ್ರಚಿಕಿತ್ಸೆ ಕೆಲವು ವಾರಗಳಲ್ಲಿ ಹಲವಾರು ಹಂತಗಳಲ್ಲಿ ಸಂಭವಿಸುತ್ತದೆ.
ಕೂದಲು ಕಸಿ ಶಸ್ತ್ರಚಿಕಿತ್ಸೆಯ ಅಡ್ಡಪರಿಣಾಮಗಳು
ಕೂದಲು ಕಸಿ ಶಸ್ತ್ರಚಿಕಿತ್ಸೆ ಸುಲಭವೆನಿಸಿದರೂ ಆರೋಗ್ಯದ ಮೇಲೆ ಹಲವು ರೀತಿಯಲ್ಲಿ ಪರಿಣಾಮ ಬೀರುತ್ತದೆ. ಅರಿವಳಿಕೆಗೆ ಅಲರ್ಜಿಯ ಪ್ರತಿಕ್ರಿಯೆ, ಅತಿಯಾದ ರಕ್ತಸ್ರಾವ, ಸೆಪ್ಸಿಸ್‌ಗೆ ಕಾರಣವಾಗುವ ಸೋಂಕು, ನೆತ್ತಿಯ ಮೇಲೆ ಮರಗಟ್ಟುವಿಕೆ, ಶಾಶ್ವತ ಗುರುತು, ದೀರ್ಘಕಾಲದ ತುರಿಕೆ ದದ್ದುಗಳಿಗೆ ಕಾರಣವಾಗುತ್ತದೆ. ಮಾತ್ರವಲ್ಲ ಉರಿಯೂತ ಮೂತ್ರಪಿಂಡ ವೈಫಲ್ಯ, ಬಹು ಅಂಗಗಳ ವೈಫಲ್ಯದ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ.