ಮಕ್ಕಳು ಹೊಟ್ಟೆ ನೋವೆಂದಾಗ ನೆಪ ಅಂದ್ಕೋಬೇಡಿ, ಗಂಭೀರ ಸಮಸ್ಯೆನೂ ಆಗಿರ್ಬೋದು
ಸಾರಾಂಶ
ಮಕ್ಕಳು ಹೊಟ್ಟೆನೋವೆಂದು ಬಳಲುವುದು ಹೊಸದೇನಲ್ಲ. ಸ್ಕೂಲಿಗೆ ಹೋಗಲು ಬೇಜಾರಾದಾಗ, ಹೋಂ ವರ್ಕ್ ಮಾಡದಿದ್ದಾಗ ಮಕ್ಕಳು ಹೊಟ್ಟೆನೋವೆಂದು ಕುಳಿತುಬಿಡುತ್ತಾರೆ. ಆದ್ರೆ ಇಂಥಾ ಕಳ್ಳ ಹೊಟ್ಟೆನೋವು ಅಲ್ದೆ ಮಕ್ಕಳಿಗೆ ನಿಜವಾಗಿಯೂ ಸ್ಟಾಮಕ್ ಪೈನ್ ಕಾಣಿಸಿಕೊಳ್ಳುತ್ತೆ. ಇದನ್ನು ನೆಗ್ಲೆಕ್ಟ್ ಮಾಡೋದು ಸರಿಯಲ್ಲ.
ಪುಟ್ಟ ಮಕ್ಕಳನ್ನು ಹೆಚ್ಚು ಕಾಡುವ ಆರೋಗ್ಯ ಸಮಸ್ಯೆಯೆಂದರೆ ಹೊಟ್ಟೆ ನೋವು. ಹಲವು ಸಂದರ್ಭಗಳಲ್ಲಿ ಇದು ಶಾಲೆ ತಪ್ಪಿಸುವ ಅತ್ಯುತ್ತಮ ನೆಪವಾಗಿದ್ದರೆ, ಇನ್ನು ಕೆಲವೊಮ್ಮೆ ಫುಡ್ ಅಲರ್ಜಿ, ಜೀರ್ಣಕಾರಿ ಸಮಸ್ಯೆಯಿಂದಾನೂ ಆಗಿರಬಹುದು. ಇನ್ನೂ ಕೆಲವೊಮ್ಮೆ ಕಿಬ್ಬೊಟ್ಟೆಯ ಸೆಳೆತವು ಆರೋಗ್ಯ ಸಮಸ್ಯೆ ಆಗರುವುದನ್ನು ಸೂಚಿಸುತ್ತದೆ. ಆದ್ದರಿಂದ ಮಕ್ಕಳು ಹೊಟ್ಟೆನೋವೆಂದು ಹೇಳಿದಾಗ ಪ್ರತಿಬಾರಿಯ ನೆಪವಾಗಿರಲು ಸಾಧ್ಯವಿಲ್ಲ. ಹೊಟ್ಟೆ ಕೆಟ್ಟಿರುವುದರಿಂದಲೂ ನೋವು ಕಾಣಿಸಿಕೊಳ್ಳಬಹುದು. ಆದರೆ ಪೋಷಕರು ಈ ಬಗ್ಗೆ ತಿಳಿದುಕೊಳ್ಳುವುದು ಕಷ್ಟ. ಹಾಗಿದ್ರೆ ಮಕ್ಕಳ ಹೊಟ್ಟೆನೋವು ಅಸಲಿನಾ ಅಂತ ತಿಳಿದುಕೊಳ್ಳುವುದು ಹೇಗೆ ? ಪೋಷಕರಿಗೆ ಸಹಾಯ ಮಾಡುವ ಕೆಲವೊಂದು ಸಲಹೆಗಳು ಇಲ್ಲಿವೆ.
ಹೊಟ್ಟೆನೋವಿನ (Stomach pain) ರೋಗಲಕ್ಷಣದ ತೀವ್ರತೆಯನ್ನು ಮೂರು ವರ್ಗಗಳಾಗಿ ವಿಭಜಿಸಲಾಗುತ್ತದೆ. ರೋಗ ಲಕ್ಷಣವನ್ನು (Symptoms) ಗಮನಿಸಿಕೊಂಡು ತುರ್ತು ಚಿಕಿತ್ಸೆಯ (Treatment) ಅಗತ್ಯವಿದೆಯೇ ಎಂಬುದನ್ನು ತಿಳಿದುಕೊಳ್ಳಬಹುದು.
ನಾಭಿ ಪ್ರತಿದಿನ ಹಿಂಗು ಹಚ್ಚಿದ್ರೆ… ಹೊಟ್ಟೆ ಸಮಸ್ಯೆಗೆ ಅದ್ಭುತ ಮದ್ದು!
ರೋಗಲಕ್ಷಣಗಳ ಬಗ್ಗೆ ಗಮನವಿರಲಿ
ವಾಂತಿಯಲ್ಲಿ (Omit) ರಕ್ತ, ಗಾಢ-ಹಸಿರು ಬಣ್ಣದ ಪಿತ್ತರಸ, ಹುಡುಗರಲ್ಲಿ ವೃಷಣ ನೋವು, ನೋವು ನಿವಾರಕವನ್ನು ಸೇವಿಸಿದರೂ ತೀವ್ರ ನೋವು ಮಕ್ಕಳಲ್ಲಿ ಲಘು ಹೊಟ್ಟೆನೋವಿನ ಲಕ್ಷಣಗಳು. ಈ ಸಮಸ್ಯೆ ತೀವ್ರವಾಗಿದ್ದಲ್ಲಿ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು. ಮಲ ಅಥವಾ ಮೂತ್ರದಲ್ಲಿ ರಕ್ತ, ಹಳದಿ ಚರ್ಮ ಅಥವಾ ಕಣ್ಣುಗಳು, ಊದಿಕೊಂಡ ಹೊಟ್ಟೆ, ವಿಪರೀತ ಬಾಯಾರಿಕೆ, ಸಾಮಾನ್ಯಕ್ಕಿಂತ ಹೆಚ್ಚು ಮೂತ್ರ ವಿಸರ್ಜನೆ, ಐದು ದಿನಗಳ ಕಾಲ ಜ್ವರ (Fever), ಹೆಚ್ಚು ತೂಕ ನಷ್ಟ ಕಂಡು ಬಂದರೆ ವೈದ್ಯಕೀಯ ಸಲಹೆಯ ಅಗತ್ಯವಿರಬಹುದು. ರೋಗಲಕ್ಷಣಗಳು ನಾಲ್ಕು ಗಂಟೆಗಳ ಕಾಲ ಮುಂದುವರಿದರೆ, ಸಾಧ್ಯವಾದಷ್ಟು ಬೇಗ ವೈದ್ಯರನ್ನು ಸಂಪರ್ಕಿಸಿ:
ಕೆಲವೊಮ್ಮೆ ರೋಗಲಕ್ಷಣಗಳ ಅನುಪಸ್ಥಿತಿಯ ಹೊರತಾಗಿಯೂ, ಮಗುವು ಹೊಟ್ಟೆಯಲ್ಲಿ ತೀವ್ರ ಅಸ್ವಸ್ಥತೆಯನ್ನು ಅನುಭವಿಸುವ ಸಾಧ್ಯತೆಯಿದೆ. ನೀವು ಕಾಳಜಿವಹಿಸಿದರೆ ಮತ್ತು ನಿಮ್ಮ ಮಗುವಿಗೆ ಪರಿಹಾರವನ್ನು ನೀಡಲು ಸಾಧ್ಯವಾಗದಿದ್ದರೆ, ಅಭಿಪ್ರಾಯಕ್ಕಾಗಿ ವೈದ್ಯರನ್ನು ಪರೀಕ್ಷಿಸಲು ಅಥವಾ ಪರಿಹಾರಕ್ಕಾಗಿ ಪ್ರತ್ಯಕ್ಷವಾದ ಔಷಧವನ್ನು ಪಡೆದುಕೊಳ್ಳಲು ಸಲಹೆ ನೀಡಲಾಗುತ್ತದೆ. ಮಕ್ಕಳಲ್ಲಿ ಆಗಾಗ ಕಾಡೋ ಮಲಬದ್ಧತೆಯು (Constipation) ಹೊಟ್ಟೆನೋವಿಗೆ ಕಾರಣವಾಗುತ್ತೆ. ಹೀಗಾಗಿ ಪ್ರತಿ ಸಾರಿ ಹೊಟ್ಟೆನೋವು ಬಂದಾಗ ಸುಮ್ಮನಿರೋ ಬದಲು ತಕ್ಷಣ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು.
Health Tips: ಅತಿಸಾರವಾದಾಗ ಈ ಆಹಾರ ಸೇವಿಸಿ, ತಕ್ಷಣವೇ ಪರಿಹಾರ ಪಡೆಯಿರಿ
ಮಕ್ಕಳ ಹೊಟ್ಟೆನೋವಿನ ಬಗ್ಗೆ ಚಿಂತಿಸಬೇಕಾದದ್ದು ಯಾವಾಗ ?
1. ನೋವು ತೀವ್ರವಾಗಿರುತ್ತದೆ: ಮಕ್ಕಳಲ್ಲಿ ಹೊಟ್ಟೆನೋವು ವಿಪರೀತವಾಗಿದ್ದರೆ ಹೆಚ್ಚು ನಿರ್ಲಕ್ಷ್ಯ ವಹಿಸಬೇಡಿ. ಅದರಲ್ಲೂ ಹೊಟ್ಟೆನೋವಿನಿಂದ ಮಕ್ಕಳು ಅಳುವುದು, ರಚ್ಚೆ ಹಿಡಿಯುವುದು ಮಾಡುತ್ತಿದ್ದರೆ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು.
2. ಮಲದಲ್ಲಿ ರಕ್ತವಿದೆ: ಮಲದಲ್ಲಿ ರಕ್ತ ಕಂಡುಬಂದರೆ ಇದು ಸಾಮಾನ್ಯವಾಗಿ ಗಂಭೀರ ಸಮಸ್ಯೆಯಾಗಿದೆ. ಮಲದಲ್ಲಿನ ರಕ್ತ ಕಾಣಿಸಿಕೊಳ್ಳಬಹುದು ಸೋಂಕು, ಉರಿಯೂತದ ಕರುಳಿನ ಕಾಯಿಲೆಯ (Gut disease) ಸಂಕೇತವಾಗಿದೆ. ಆದ್ದರಿಂದ, ಯಾವುದೇ ಸಮಯದಲ್ಲಿ ನಿಮ್ಮ ಮಗುವಿಗೆ ಹೊಟ್ಟೆನೋವು ಮತ್ತು ಮಲದಲ್ಲಿ ರಕ್ತ ಕಂಡುಬಂದರೆ ವೈದ್ಯರನ್ನು ಭೇಟಿ ಮಾಡಿ
3. ಮಗು ರಕ್ತ ವಾಂತಿ ಮಾಡುತ್ತದೆ: ಮಲದಲ್ಲಿನ ರಕ್ತದಂತೆಯೇ, ಮಗು ರಕ್ತವನ್ನು ವಾಂತಿ ಮಾಡುವುದು ಗಂಭೀರವಾದ ಆರೋಗ್ಯ ಸಮಸ್ಯೆಯನ್ನು ಸೂಚಿಸುತ್ತದೆ. ಹೆಚ್ಚು ವಾಂತಿ ಮಾಡುವ ಮಕ್ಕಳು ಕೆಲವೊಮ್ಮೆ ಸ್ವಲ್ಪ ರಕ್ತವನ್ನು ವಾಂತಿ (Blood omit) ಮಾಡಬಹುದು, ಮತ್ತು ಮೂಗು ಸೋರುವಿಕೆ ಸಮಸ್ಯೆ ಇರಬಹುದು. ಆದರೆ ಮಲದಲ್ಲಿನ ರಕ್ತದಂತೆಯೇ, ರಕ್ತದೊಂದಿಗೆ ವಾಂತಿಯಾದರೆ ಇದು ಗಾಬರಿಗೊಳ್ಳುವ ವಿಷಯ.
4. ನ್ಯುಮೋನಿಯಾದ ಲಕ್ಷಣವಿರಬಹುದು: ಜ್ವರ ಮತ್ತು ಕೆಟ್ಟ ಕೆಮ್ಮು ಕೆಲವೊಮ್ಮೆ ನ್ಯುಮೋನಿಯಾದ ಸೂಚನೆಯಾಗಿರುತ್ತದೆ. ಅನೇಕ ವೈರಸ್ಗಳು ಕೆಮ್ಮಿನ ಜೊತೆಗೆ ಹೊಟ್ಟೆ ನೋವನ್ನು ಉಂಟುಮಾಡಬಹುದು, ಆದರೆ ಕೆಮ್ಮು (Cough) ವಿಶೇಷವಾಗಿ ಕೆಟ್ಟದಾಗಿದ್ದರೆ, ಅಥವಾ ಹೊಟ್ಟೆಯ ನೋವು ಉಲ್ಬಣಗೊಳ್ಳುತ್ತಿದ್ದರೆ ವೈದ್ಯರನ್ನು ಸಂಪರ್ಕಿಸಿ.
8. ಮೂತ್ರ ವಿಸರ್ಜಿಸಲು ತೊಂದರೆ: ಮಗು ಮೂತ್ರ (Urine) ವಿಸರ್ಜಿಸಲು ತೊಂದರೆಯಾಗುತ್ತಿದೆ ಎಂದು ಹೇಳುತ್ತಿದ್ದರೆ ಅದನ್ನು ಪರಿಗಣಿಸಬೇಕು. ಒಮ್ಮೊಮ್ಮೆ ಇದು ಕಡಿಮೆ ನೀರು (Water) ಕುಡಿಯುವುದರಿಂದ ಆಗಿರಬಹುದು. ಆದರೆ ಇನ್ನು ಕೆಲವೊಮ್ಮೆ ಹೊಟ್ಟೆನೋವು ಮೂತ್ರನಾಳದ ಸೋಂಕಿನ ಸಂಕೇತವಾಗಿರಬಹುದು.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.