ಖ್ಯಾತ ಗಾಯಕ (Singer) ಜಸ್ಟಿನ್ ಬೀಬರ್(Justin Beiber) ಮುಖಕ್ಕೆ ಪಾರ್ಶ್ವವಾಯು (Face Is Paralysed) ಆಗಿದೆ.ಈ ಅಪರೂಪದ ಕಾಯಿಲೆಯ (Disease) ಹೆಸರೇನು ? ಇದು ಗುಣಮುಖವಾಗುವ ಕಾಯಿಲೆನಾ ? ಇಲ್ಲಿದೆ ಹೆಚ್ಚಿನ ಮಾಹಿತಿ.
ಖ್ಯಾತ ಗಾಯಕ (Singer) ಜಸ್ಟಿನ್ ಬೀಬರ್(Justin Beiber) ವಿಶ್ವಾದ್ಯಂತ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಜಸ್ಟಿನ್ ಹಾಡುವುದನ್ನು ಕೇಳಲು ಜನ ಮುಗಿಬೀಳುತ್ತಾರೆ, ಸಂಗೀತ ಕಾರ್ಯಕ್ರಮಕ್ಕೆ ಲಕ್ಷಾಂತರ ಜನರು ಸೇರುತ್ತಾರೆ. ಇನ್ಸ್ಟಾಗ್ರಾಮ್‌ನಲ್ಲಿ ಜಸ್ಟಿನ್ ಬೇಬರ್ ಅವರನ್ನು 240 ಮಿಲಿಯನ್‌ಗೂ ಅಧಿಕ ಮಂದಿ ಫಾಲೋ ಮಾಡುತ್ತಿದ್ದಾರೆ. ಅಪಾರ ಸಂಖ್ಯೆಯ ಅಭಿಮಾನಿಗಳು ಅವರನ್ನು ಆರಾಧಿಸುತ್ತಾರೆ. ಆದರೆ ಜಸ್ಟಿನ್ ಸದ್ಯ ಗಂಭೀರ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಸಂಗೀತ ಕಾರ್ಯಕ್ರಮ ನೀಡಲು ಸಾಧ್ಯವಾಗದೇ ತೊಂದರೆ ಅನುಭವಿಸುತ್ತಿದ್ದಾರೆ. ಹೌದು, ಜಸ್ಟಿನ್ ಬೀಬರ್ ಮುಖಕ್ಕೆ ಪಾರ್ಶ್ವವಾಯು(Face Is Paralysed) ಆಗಿದೆ. ಈ ವಿಚಾರವನ್ನು ಖುದ್ದು ಜಸ್ಟಿನ್ ಬೀಬರ್ ಅವರೇ ಖಚಿತ ಪಡಿಸಿದ್ದಾರೆ.
ಸೋಷಿಯಲ್ ಮೀಡಿಯಾ (Social Media)ದಲ್ಲಿ ವಿಡಿಯೋ ಹಂಚಿಕೊಂಡಿರುವ ಅವರು, ಗಂಭೀರ ಸಮಸ್ಯೆ ಇದು ಎಂದಿದ್ದಾರೆ. ತಮ್ಮ ಪರಿಸ್ಥಿತಿ ಹೇಗಿದೆ ಎಂಬುದನ್ನು ಬಹಿರಂಗ ಪಡಿಸಿದ್ದಾರೆ. ನೆಚ್ಚಿನ ಗಾಯಕನಿಗೆ ಈ ರೀತಿ ಆಗಿರುವುದು ಕೇಳಿ ಅಭಿಮಾನಿಗಳು ತೀವ್ರ ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಇಷ್ಟಕ್ಕೂ ಖ್ಯಾತ ಗಾಯಕನಿಗೆ ಉಂಟಾಗಿರುವ ಸಮಸ್ಯೆಯೇನು ? ಈ ಅಪರೂಪದ ಕಾಯಿಲೆಯ ಹೆಸರೇನು ? ಇದು ಗುಣಮುಖವಾಗುವ ಕಾಯಿಲೆನಾ ಇಲ್ಲಿದೆ ಹೆಚ್ಚಿನ ಮಾಹಿತಿ.
Periodsಗೆ ಮೊದಲು ಸ್ತನದಲ್ಲಿ ನೋವು, ಕಾಮನ್ ಅಂತ ಇಗ್ನೋರ್ ಮಾಡ್ಬೇಡಿ
ರಾಮ್ಸೇ ಹಂಟ್ ಸಿಂಡ್ರೋಮ್ ಎಂದರೇನು ?
ಜಸ್ಟಿನ್ ಬೀಬರ್ ಸದ್ಯ ಬಳಲುತ್ತಿರುವ ಈ ಅಪರೂಪದ ಕಾಯಿಲೆಯ ಹೆಸರು ರಾಮ್ಸೆ ಹಂಟ್ ಸಿಂಡ್ರೋಮ್. ಸಂಗೀತ ಸೂಪರ್‌ಸ್ಟಾರ್ ಜಸ್ಟಿನ್ ಬೈಬರ್ ಅವರು ಅಪರೂಪದ ನರವೈಜ್ಞಾನಿಕ ಕಾಯಿಲೆಯಾದ ರಾಮ್ಸೆ ಹಂಟ್ ಸಿಂಡ್ರೋಮ್‌ನಿಂದ ಬಳಲುತ್ತಿದ್ದಾರೆ ಎಂದು ತಿಳಿಸಿದ್ದಾರೆ. ಈ ವೈರಸ್‌ನಿಂದ ನನ್ನ ಕಿವಿ, ನನ್ನ ಮುಖದ ನರಗಳ ಮೇಲೆ ದಾಳಿ ಮಾಡುತ್ತದೆ ಮತ್ತು ನನ್ನ ಮುಖವು ಪಾರ್ಶ್ವವಾಯುವಿಗೆ ಕಾರಣವಾಗಿದೆ" ಎಂದು ಬೈಬರ್ ಇನ್‌ಸ್ಟಾಗ್ರಾಮ್‌ಗೆ ಪೋಸ್ಟ್ ಮಾಡಿದ ವೀಡಿಯೊದಲ್ಲಿ ಹೇಳಿದ್ದಾರೆ,
ಕಾಯಿಲೆ ಚಿಕನ್‌ ಫಾಕ್ಸ್ ಮತ್ತು ಸರ್ಪಸುತ್ತು ಎರಡನ್ನೂ ಉಂಟುಮಾಡುತ್ತದೆ ಎಂದು ಅಮೇರಿಕನ್ ಅಕಾಡೆಮಿ ಆಫ್ ಓಟೋಲರಿಂಗೋಲಜಿ ಹೆಡ್ ಮತ್ತು ನೆಕ್ ಸರ್ಜರಿ ವಿವರಿಸುತ್ತದೆ. ಇದು ತುಂಬಾ ಅಪರೂಪದಲ್ಲಿ ಕಾಣಿಸಿಕೊಳ್ಳುತ್ತಿರುವ ಕಾಯಿಲೆಯಾಗಿದೆ. ಅಸ್ವಸ್ಥತೆಗಳ ರಾಷ್ಟ್ರೀಯ ಸಂಘಟನೆಯ ಪ್ರಕಾರ, ಪ್ರತಿ 100,000 ಜನರಿಗೆ ಕೇವಲ ಐದು ಜನರು ವಾರ್ಷಿಕವಾಗಿ ರಾಮ್ಸೆ ಹಂಟ್ ಸಿಂಡ್ರೋಮ್ ಸಮಸ್ಯೆಯನ್ನು ಎದುರಿಸುತ್ತಾರೆ.
Stone Man Syndrome: ಹೆಪ್ಪುಗಟ್ಟುತ್ತಿವೆ 29ರ ಯುವಕನ ಸ್ನಾಯುಗಳು: ಏನಿದು ಅಪರೂಪದ ಕಾಯಿಲೆ?
ರಾಮ್ಸೇ ಹಂಟ್ ಸಿಂಡ್ರೋಮ್ ರೋಗ ಲಕ್ಷಣಗಳೇನು ?
ಮೇಯೊ ಕ್ಲಿನಿಕ್ ಪ್ರಕಾರ, ಚಿಕನ್‌ಫಾಕ್ಸ್ ಹೊಂದಿರುವ ಯಾರಿಗಾದರೂ ಈ ಕಾಯಿಲೆ ಬರಬಹುದು. ಸರ್ಪಸುತ್ತು ಏಕಾಏಕಿ ಉಂಟಾಗುತ್ತದೆ. ಇದು ಒಂದು ಕಿವಿಯ ಸುತ್ತಲೂ ದದ್ದು ಮತ್ತು ಮುಖದ ಒಂದು ಬದಿಯಲ್ಲಿ ಪಾರ್ಶ್ವವಾಯು ಎರಡನ್ನೂ ಉಂಟುಮಾಡಬಹುದು, ಇತರ ರೋಗಲಕ್ಷಣಗಳು ಶ್ರವಣ ನಷ್ಟ ಮತ್ತು ತಲೆತಿರುಗುವಿಕೆಯನ್ನು ಒಳಗೊಂಡಿರಬಹುದು. ಜಸ್ಟಿನ್ ಬೇಬರ್ ಮುಖ್ಯವಾಗಿ ಈ ಎಲ್ಲಾ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ.
ಚೇತರಿಸಿಕೊಳ್ಳಲು ಎಷ್ಟು ಸಮಯ ಬೇಕು ?
ಮೌಂಟ್ ಸಿನೈ ಹೆಲ್ತ್ ಸಿಸ್ಟಮ್‌ನ ಮಾಹಿತಿಯ ಪ್ರಕಾರ, ನರ ಹಾನಿಯ ಪ್ರಮಾಣವನ್ನು ಅವಲಂಬಿಸಿ, ಚೇತರಿಕೆ ಸಾಮಾನ್ಯವಾಗಿ ಕೆಲವು ವಾರಗಳಲ್ಲಿ ಸಂಭವಿಸುತ್ತದೆ. ಚಿಕಿತ್ಸೆಯ ಆಯ್ಕೆಗಳು ಪ್ರೆಡ್ನಿಸೋನ್, ಅಸಿಕ್ಲೋವಿರ್ ಮತ್ತು ವ್ಯಾಲಸಿಕ್ಲೋವಿರ್‌ನಂತಹ ಉರಿಯೂತದ ಮತ್ತು ಆಂಟಿವೈರಲ್ ಔಷಧಿಗಳನ್ನು ಒಳಗೊಂಡಿರಬಹುದು.
Pre menstrual syndrome: ಮುಟ್ಟಿನ ಸಮಯದಲ್ಲಿ ಕೋಪ, ಖಿನ್ನತೆ: ಹೀಗೇಕೆ, ಪರಿಹಾರ?
ತೀವ್ರತರವಾದ ಪ್ರಕರಣಗಳಲ್ಲಿ, ಇದು ಶಾಶ್ವತ ಶ್ರವಣ ನಷ್ಟ ಮತ್ತು ಕಣ್ಣಿನ ಹಾನಿಯನ್ನು ಉಂಟುಮಾಡಬಹುದು ಎಂದು ಮೇಯೊ ಕ್ಲಿನಿಕ್ ಹೇಳುತ್ತದೆ. ಇನ್‌ಸ್ಟಾಗ್ರಾಂ ವೀಡಿಯೊದಲ್ಲಿ, ಬೀಬರ್ ಅವರು ತಮ್ಮ ಚೇತರಿಕೆಯ ಬಗ್ಗೆ ಆಶಾವಾದ ವ್ಯಕ್ತಪಡಿಸಿದ್ದಾರೆ. ನಾನು ಶೀಘ್ರವೇ ಚೇತರಿಸಿಕೊಳ್ಳುತ್ತೇನೆ. ನನ್ನ ಮುಖವನ್ನು ಸಾಮಾನ್ಯ ಸ್ಥಿತಿಗೆ ತರಲು ನಾನು ಈ ಎಲ್ಲಾ ಮುಖದ ವ್ಯಾಯಾಮಗಳನ್ನು ಮಾಡುತ್ತಿದ್ದೇನೆ. ಮತ್ತು ಅದು ಸಹಜ ಸ್ಥಿತಿಗೆ ಮರಳುತ್ತದೆ. ಅದು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ ಎಂಬುದು ಮಾತ್ರ ನನಗೆ ಗೊತ್ತಿಲ್ಲ ಎಂದು ಜಸ್ಟಿನ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.