ಹಾಳಾದ ಬೂಟುಗಳು, ಬಟ್ಟೆಗಳು ಅಥವಾ ಪಾತ್ರೆಗಳನ್ನು ಯಾವಾಗ ಬದಲಾಯಿಸಬೇಕೆಂದು ತಿಳಿಯುವುದು ಸುಲಭ. ಆದರೆ ನಿಮ್ಮ ಹಲ್ಲುಜ್ಜುವ ಬ್ರಷ್ ಅನ್ನು ಯಾವಾಗ ಬದಲಾಯಿಸಬೇಕು ಎಂಬುದು ನಿಮಗೆ ತಿಳಿದಿದೆಯೇ ?
ಹಲ್ಲುಗಳ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ದೈನಂದಿನ ಜೀವನದಲ್ಲಿ ಅಗತ್ಯವಾಗಿದೆ. ಬಾಯಿಯನ್ನು ಶುಚಿಯಾಗಿಟ್ಟುಕೊಂಡರೆ ಅರ್ಧ ಹಲ್ಲಿನ ರಕ್ಷಣೆ ಮಾಡಿದಂತಾಗುತ್ತದೆ. ಇದಕ್ಕೆ ನಿಯಮಿತವಾಗಿ ಹಲ್ಲನ್ನು ಬ್ರಷ್ ಮಾಡುವುದು ಮುಖ್ಯ. ಹಾಗೆಯೇ ಸರಿಯಾದ ರೀತಿಯಲ್ಲಿ ಬ್ರಷ್ ಮಾಡುವುದು, ಸರಿಯಾದ ಬ್ರಷ್ ಆಯ್ದುಕೊಳ್ಳುವುದು ಮುಖ್ಯವಾಗಿದೆ. ಹಾಗೆಯೇ ಬ್ರಷ್‌ನ್ನು ಯಾವಾಗ ಬದಲಾಯಿಸಬೇಕು ಎಂಬುದನ್ನು ಸಹ ತಿಳಿದುಕೊಳ್ಳಬೇಕು. ಹಲ್ಲುಜ್ಜುವ ಬ್ರಷ್‌ನ್ನು ಎಷ್ಟು ಬಾರಿ ಬದಲಾಯಿಸಬೇಕು ? ಇದು ನಿಮ್ಮ ಬಳಕೆ, ಆರೋಗ್ಯ ಮತ್ತು ಆದ್ಯತೆಗಳನ್ನು ಅವಲಂಬಿಸಿರುತ್ತದೆ.
ಹಲ್ಲುಜ್ಜುವ ಬ್ರಷ್‌ಗಳ ವಿಧಗಳು
ಹಲ್ಲುಜ್ಜುವ ಬ್ರಷ್‌ನ ಎರಡು ವಿಧಗಳಿವೆ. ಒಂದು ಕೈಯಲ್ಲೇ ಬ್ರಷ್ ಮಾಡುವ ಸ್ಟಿಕ್, ಇನ್ನೊಂದು ಎಲೆಕ್ಟ್ರಿಕ್ ಟೂತ್ ಬ್ರಷ್. ಆರಾಮದಾಯಕ ಎಂದು ಮನಸ್ಸಿಗೆ ಅನಿಸುವುದನ್ನು ಆರಿಸಿ. ಹಸ್ತಚಾಲಿತ ಟೂತ್ ಬ್ರಷ್ ಪೋರ್ಟಬಲ್ ಮತ್ತು ನಿಮಗೆ ಅಗತ್ಯವಿರುವಾಗಲೆಲ್ಲಾ ಬಳಸಬಹುದಾಗಿದೆ. ಇದು ಯಾವುದೇ ಶಬ್ದವನ್ನು ಮಾಡುವುದಿಲ್ಲ ಮತ್ತು ನಿಮ್ಮ ಹಲ್ಲುಗಳು ಮತ್ತು ಒಸಡುಗಳ ಮೇಲೆ ಒತ್ತಡದ ಮೇಲೆ ನೀವು ಸಂಪೂರ್ಣ ನಿಯಂತ್ರಣವನ್ನು ಹೊಂದಿರುತ್ತೀರಿ. ಎಲೆಕ್ಟ್ರಿಕ್ ಟೂತ್ ಬ್ರಷ್‌ಗೆ ಚಾರ್ಜಿಂಗ್ ಅಗತ್ಯವಿರುತ್ತದೆ ಮತ್ತು ಪ್ರಯಾಣಿಸುವಾಗ ತೆಗೆದುಕೊಂಡು ಹೋಗಲು ಸ್ವಲ್ಪ ಹೆಚ್ಚು ತೊಡಕಾಗಿರುತ್ತದೆ. ಆದರೂ, ಬಿರುಗೂದಲುಗಳ ತಿರುಗುವ ಚಲನೆಯು ಹಲ್ಲುಗಳ ನಡುವೆ ಮತ್ತು ಗಮ್ ಲೈನ್‌ನಲ್ಲಿ ಸ್ವಚ್ಛಗೊಳಿಸಲು ಸುಲಭಗೊಳಿಸುತ್ತದೆ. ಅನೇಕ ಎಲೆಕ್ಟ್ರಿಕ್ ಟೂತ್ ಬ್ರಷ್‌ಗಳು ಅಂತರ್ನಿರ್ಮಿತ ಸಂವೇದಕಗಳನ್ನು ಹೊಂದಿದ್ದು, ನೀವು ಸಾಕಷ್ಟು ಸಮಯ ಬ್ರಷ್ ಮಾಡುತ್ತಿದ್ದರೆ ಹಲ್ಲುಗಳು ಹಾನಿಗೀಡಾಗಬಹುದು.
ಈ ಟೂತ್ ಪೇಸ್ಟ್ ನಿಮ್ಮ ಹಲ್ಲುಗಳನ್ನು ವಜ್ರಗಳಂತೆ ಬಿಳಿಯಾಗಿಸುತ್ತೆ
ಹಲ್ಲುಜ್ಜುವ ಬ್ರಷ್ ನಿರ್ವಹಿಸುವುದು ಹೇಗೆ ?
ನೀವು ಯಾವುದೇ ರೀತಿಯ ಟೂತ್ ಬ್ರಷ್ ಬಳಸಿದರೂ ಅದನ್ನು ಸ್ವಚ್ಛವಾಗಿಟ್ಟುಕೊಳ್ಳಿ. ಉಳಿದಿರುವ ಪೇಸ್ಟ್ ತೆಗೆದುಹಾಕಲು ಪ್ರತಿ ಬಳಕೆಯ ನಂತರ ಟೂತ್ ಬ್ರಷ್ ಅನ್ನು ಸಂಪೂರ್ಣವಾಗಿ ತೊಳೆಯಲು ಅಮೇರಿಕನ್ ಡೆಂಟಲ್ ಅಸೋಸಿಯೇಷನ್ ಸೂಚಿಸುತ್ತದೆ. ಟೂತ್ ಬ್ರಷ್ ಗಳನ್ನು ಬಳಸಿದ ನಂತರ ನೆಟ್ಟಗೆ ಇರಿಸಿ ಮತ್ತು ಅವುಗಳನ್ನು ಗಾಳಿಯಲ್ಲಿ ಒಣಗಲು ಅನುಮತಿಸಿ. ಮುಚ್ಚಿದ ಪಾತ್ರೆಯಲ್ಲಿ ತೇವಾಂಶವುಳ್ಳ ಹಲ್ಲುಜ್ಜುವ ಬ್ರಷ್ ಅನ್ನು ಸಂಗ್ರಹಿಸುವುದು ಸೂಕ್ಷ್ಮಜೀವಿಯ ಬೆಳವಣಿಗೆಯನ್ನು ಹೆಚ್ಚು ಉತ್ತೇಜಿಸುತ್ತದೆ. ನೀವು ಪ್ರಯಾಣಿಸುತ್ತಿದ್ದರೆ, ಪ್ರವಾಸದ ಸಮಯದಲ್ಲಿ ಬಿಸಾಡಬಹುದಾದ ಟೂತ್ ಬ್ರಷ್‌ಗಳನ್ನು ಬಳಸುವುದನ್ನು ಪರಿಗಣಿಸಿ.
ಟೂತ್ ಬ್ರಷ್ ಯಾವಾಗ ಬದಲಾಯಿಸಬೇಕು ?.
ಪ್ರತಿ 3ರಿಂದ 4 ತಿಂಗಳಿಗೊಮ್ಮೆ ಹಲ್ಲುಜ್ಜುವ ಬ್ರಷ್‌ಗಳನ್ನು ಬದಲಾಯಿಸಿ. ನೀವು ಅನಾರೋಗ್ಯದಿಂದ ಬಳಲುತ್ತಿದ್ದರೆ, ನಿಗದಿತ ಸಮಯಕ್ಕಿಂತ ಮೊದಲೇ ಬ್ರಷ್ ಚೇಂಜ್ ಮಾಡಬಹುದು. ಬ್ರಷ್ ಬದಲಾವಣೆ ಮಾಡಬೇಕೆ, ಬೇಡವೇ ಎಂಬ ಗೊಂದಲ ಎದುರಾದರೆ ಬ್ರಷ್‌ನ ಬಿರುಗೂದಲುಗಳನ್ನು ನೋಡಿ. ಅವು ಕ್ಷೀಣಿಸಿದ್ದರೆ, ಅವು ಸಂಪೂರ್ಣವಾಗಿ ಹಲ್ಲು (Teeth)ಗಳನ್ನು ಸ್ವಚ್ಛಗೊಳಿಸುವುದಿಲ್ಲ. ಹೀಗಾಗಿ ಇದು ಹಲ್ಲುನೋವಿಗೆ, ದಂತಕುಳಿಗೆ ಕಾರಣವಗಬಹುದು ಮಕ್ಕಳು ಹೆಚ್ಚಾಗಿ ವಯಸ್ಕರಿಗಿಂತ ಹೆಚ್ಚು ಕಟ್ಟುನಿಟ್ಟಾಗಿ ಬ್ರಷ್ ಮಾಡುವ ಕಾರಣ, ಅವರು ತಮ್ಮ ಹಲ್ಲುಜ್ಜುವ ಬ್ರಷ್‌ಗಳನ್ನು ಹೆಚ್ಚಾಗಿ ಬದಲಾಯಿಸಬೇಕಾಗಬಹುದು (Change).
No Plastic Please: ಬಿದಿರಿನ ಬ್ರಷ್ ಬಳಸಿ, ಪರಿಸರ ಉಳಿಸಿ
ಒಂದೇ ಟೂತ್ ಬ್ರಷ್ ಅನ್ನು ಹೆಚ್ಚು ಕಾಲ ಬಳಸುವುದರಿಂದ ಬ್ರಷ್‌ನಲ್ಲಿ ಬ್ಯಾಕ್ಟೀರಿಯಾಗಳು ಬೆಳೆಯುತ್ತವೆ. ಇದು ಹಲ್ಲಿನ ಹುಳುಕಿಗೆ ಕಾರಣವಾಗಬಹುದು. ಹೀಗಾಗಿ ಹಲ್ಲುಜ್ಜುವ ಬ್ರಷ್ ಅನ್ನು ಕಾಲಕಾಲಕ್ಕೆ ಬದಲಾಯಿಸುವ ಅಗತ್ಯವಿರುತ್ತದೆ. ಕೆಲವು ಬಾರಿ ಹಲ್ಲುಜ್ಜಿದ ನಂತರ ಕೂಡ ಹಲ್ಲು ಕ್ಲೀನ್‌ ಆಗುವುದಿಲ್ಲ. ಇದಕ್ಕೆ ಕಾರಣ ಬ್ರಷ್‌ಗಳ ಎಳೆಗಳು ಸರಿಯಾಗಿ ಸ್ವಚ್ಛ (Clean)ಗೊಳಿಸದೇ ಇರುವುದು. ಆ ಸಂದರ್ಭದಲ್ಲಿ ಅವಶ್ಯವಾಗಿ ಟೂತ್ ಬ್ರಷ್‌ನ್ನು ಬದಲಿಸಿ ಬಿಡಿ.
ಇದಲ್ಲದೇ, ಜ್ವರ ಅಥವಾ ಯಾವುದೇ ರೀತಿಯ ಅನಾರೋಗ್ಯಕ್ಕೆ ಒಳಗಾಗಿ ಗುಣಮುಖರಾದ ಮೇಲೆ ಬ್ರಷ್‌ನ್ನು ಬದಲಾಯಿಸಬೇಕು. ಏಕೆಂದರೆ ಅನಾರೋಗ್ಯದ ವೇಳೆ ಹಲ್ಲುಜ್ಜಿದಾಗ ಬ್ಯಾಕ್ಟೀರಿಯಾಗಳು ಸೇರಿಕೊಂಡಿರುವ ಸಾಧ್ಯತೆ ಹೆಚ್ಚಾಗಿರುತ್ತದೆ.ಅಲ್ಲದೇ ಕೆಲವರು ಹಲ್ಲು ಕ್ಲೀನ್‌ ಆಗಲೆಂದು ಹಾರ್ಡ್‌ ಆಗಿರುವ ಬ್ರಷ್ ಅನ್ನು ಬಳಸುತ್ತಾರೆ. ಹಾರ್ಡ್‌ ಬ್ರಷ್‌ಗಳ ಬಳಕೆ ಹಲ್ಲಿಗೆ ನೋವುಂಟು ಮಾಡಬಹುದು. ಹೀಗಾಗಿ ಮೃದು ಎಳೆಗಳ ಬ್ರಷ್ ಬಳಸಿ. ಇದರಿಂದ ಹಲ್ಲುಗಳಿಗೆ ಹಾನಿ ಆಗುವುದನ್ನು ತಪ್ಪಿಸಬಹುದು. ಅಮೇರಿಕನ್ ಡೆಂಟಲ್ ಅಸೋಸಿಯೇಷನ್ (ADA) ನಿಮ್ಮ ಹಲ್ಲುಜ್ಜುವ ಬ್ರಷ್ ಅನ್ನು ಸರಿಸುಮಾರು ಮೂರರಿಂದ ನಾಲ್ಕು ತಿಂಗಳಿಗೊಮ್ಮೆ ಅಥವಾ ಅದಕ್ಕೂ ಮುನ್ನ ಬದಲಾಯಿಸುವಂತೆ ಶಿಫಾರಸು ಮಾಡುತ್ತದೆ.