ಲವಂಗ, ಮೊಸ್ರು ಇದ್ರೆ ಸಾಕು... ಜಿರಳೆ ನಿಮ್​ ಮನೆಯೊಳಗೆ ಸುಳಿಯಲ್ಲ... ಇಲ್ಲಿದೆ ನೋಡಿ ಸುಲಭದ ಟಿಪ್ಸ್​

ಜಿರಳೆಗಳ ಕಾಟ ತಪ್ಪಿಸಲು ನೈಸರ್ಗಿಕ ಉಪಾಯಗಳಿವೆ. ಲವಂಗ ಪುಡಿ, ಉಪ್ಪು, ನೀರು ಮಿಶ್ರಣವನ್ನು ಜಿರಳೆ ಬರುವ ಜಾಗದಲ್ಲಿ ಸಿಂಪಡಿಸಿ. ಹುಳಿ ಮೊಸರು, ನೀರು, ಸಕ್ಕರೆ ಮಿಶ್ರಣವನ್ನು ಬಟ್ಟಲಿನಲ್ಲಿಟ್ಟರೆ ಜಿರಳೆಗಳು ಆಕರ್ಷಿತವಾಗಿ ಸಾಯುತ್ತವೆ. ಮಾರುಕಟ್ಟೆಯ ರಾಸಾಯನಿಕ ಔಷಧಗಳಿಗಿಂತ ಇವು ಸುರಕ್ಷಿತ.

ಜಿರಲೆ ಹೆಸ್ರು ಕೇಳಿದ್ರೆ ಸಾಕು ಹೆಚ್ಚಿನವರು ಅದರಲ್ಲಿಯೂ ಹೆಚ್ಚಾಗಿ ಹಲವು ಮಹಿಳೆಯರು ಹೌಹಾರುವುದು ಉಂಟು. ಜಿರಲೆ ಕಂಡರೆ ಭಯ ಪಡುವ ದೊಡ್ಡ ವರ್ಗವೇ ಇದೆ.  ಅಷ್ಟಕ್ಕೂ ಮನೆಯಲ್ಲಿ ಜಿರಲೆಗಳು ಇದ್ದರೂ ಅದು ಒಳ್ಳೆಯದಲ್ಲ.  ಕಾಯಿಲೆ ಕೂಡ ಹೆಚ್ಚಾದಂತೆ ಎಂದು ಹೇಳುತ್ತಾರೆ. ಸುಮಾರು 70 ದಶಲಕ್ಷ ವರ್ಷಗಳ ಹಿಂದೆ ಜಿರಳೆಗಳು ಪರಮಾಣು ಸ್ಫೋಟದಿಂದ ಬದುಕುಳಿದ ಏಕೈಕ ಜೀವಿಗಳು ಎಂದು ನಂಬಲಾಗಿದೆ. ಅದು ಪವರ್​ಫುಲ್​ ಈ ಕೀಟ. ಜಿರಳೆಯನ್ನು ಓಡಿಸಲು ಮಾರುಕಟ್ಟೆಯಲ್ಲಿ ಹಲವಾರು ರೀತಿಯ ಔಷಧಗಳು ಸಿಗುತ್ತವೆ. ಚಾಕ್​ಪೀಸ್​ಗಳೂ ಲಭ್ಯ. ಆದರೆ ಇವೆಲ್ಲವೂ ಜಿರಳೆಗಿಂತಲೂ ಹೆಚ್ಚು ಮನುಷ್ಯರಿಗೆ ಹಾನಿಕಾರಕ ಎನ್ನುವುದೂ ಅಷ್ಟೇ ಸತ್ಯ. ಇವುಗಳಲ್ಲಿ ಬಳಸುವ ರಾಸಾಯನಿಕದಿಂದಾಗಿಯೇ ಇಂದು ಇನ್ನಿಲ್ಲದ ಅನಾರೋಗ್ಯ ಸಮಸ್ಯೆಗಳು ಕಾಡುತ್ತಿವೆ.

ಹಾಗಿದ್ದರೆ ಸುಲಭದಲ್ಲಿ ಜಿರಳೆಗಳನ್ನು ಓಡಿಸುವುದು ಹೇಗೆ? ಅದರಲ್ಲಿಯೂ ಕೆಲವೊಮ್ಮೆ ಚಿಕ್ಕ ಚಿಕ್ಕ ಜಾತಿಯ ಜಿರಳೆಗಳು ಕಾಡುವುದು ಉಂಟು. ಅವುಗಳನ್ನೂ ಓಡಿಸುವ ಸುಲಭದ ಉಪಾಯವನ್ನು ಇಲ್ಲಿ ಹೇಳಲಾಗಿದೆ. ವಾರ್ಡ್​ರೋಬ್​ಗಳಲ್ಲಿ, ಬಟ್ಟೆ ಸಂದಿಗಳಲ್ಲಿ ಜಿರಳೆ ಬರದಂತೆ ತಡೆಯಲು ಗುಳಿಗೆಗಳು ಮಾರುಕಟ್ಟೆಯಲ್ಲಿ ಸಿಗುತ್ತವೆ. ಅದನ್ನು ತಂದು ಬಟ್ಟೆಯ ಒಳಗೆ ಇಟ್ಟರೆ, ಜಿರಳೆಯಿಂದ ಮುಕ್ತಿ ಪಡೆಯಬಹುದು, ಜೊತೆಗೆ ಬಟ್ಟೆಯ ಪರಿಮಳವೂ ಚೆನ್ನಾಗಿರುತ್ತದೆ. ಇದು ಬಟ್ಟೆಯ ಮಾತಾದರೆ, ಅಡುಗೆ ಮನೆ, ಬಾತ್​ರೂಮ್​ ಇತ್ಯಾದಿಗಳಲ್ಲಿ ಕಾಡುವ ಜಿರಳೆಗೆ ಮನೆ ಮದ್ದು ಇಲ್ಲಿದೆ ನೋಡಿ..

ಇದಕ್ಕೆ ಬೇಕಿರುವುದು ನೀರು, ಲವಂಗ, ಉಪ್ಪು, ಮೊಸರು, ಮತ್ತು ಸಕ್ಕರೆ. ಎರಡು ವಿಧಾನಗಳಲ್ಲಿ ಜಿರಲೆ ಓಡಿಸುವ ಉಪಾಯ ಇಲ್ಲಿ ಹೇಳಲಾಗಿದೆ ನೋಡಿ. ಮೊದಲಿಗೆ ನೀರು ಮತ್ತು ಲವಂಗ ಬಳಸುವುದು. ಅದು ಹೇಗೆಂದರೆ, ಒಂದು ಗ್ಲಾಸ್​​ ನೀರಿಗೆ ಮೂರು ಲವಂಗವನ್ನು ಕುಟ್ಟಿ ಪುಡಿ ಮಾಡಿ ಹಾಕಿಕೊಳ್ಳಬೇಕು. ಅದನ್ನು ಚೆನ್ನಾಗಿ ಮಿಕ್ಸ್​ ಮಾಡಿಕೊಳ್ಳಬೇಕು. ಇದಕ್ಕೆ ಅರ್ಧ ಸ್ಪೂನ್​ ಉಪ್ಪನ್ನು ಮಿಕ್ಸ್​ ಮಾಡಿ ಕರಡಿಕೊಳ್ಳಬೇಕು. ಇಷ್ಟೇ ಮುಗಿಯಿತು.  ಈ ನೀರನ್ನು ಅಡುಗೆ ಮನೆಯಲ್ಲಿ ಎಲ್ಲೆಲ್ಲಿ ಜಿರಳೆ ಬರುತ್ತವೆಯೋ ಅಲ್ಲಲ್ಲಿ ಚಿಮುಕಿಸಬೇಕು. ಅಂದರೆ  ಗ್ಯಾಸ್​ ಸ್ಟೋವ್​, ಸಿಂಕ್​ ಮೇಲೆ, ಸಿಂಕ್​ ಕೆಳಗೆ, ಪಾತ್ರೆಗಳ ಸಂದಿ ಇತ್ಯಾದಿ ಕಡೆಗಳಲ್ಲಿ. ನೀರು, ಉಪ್ಪು, ಲವಂಗ ಯಾವುದೇ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರದ ಕಾರಣ, ಇದರ ಸೇವೆಯಿಂದಲೂ ಏನೂ ಆಗುವುದಿಲ್ಲ. ಆದರೆ ಜಿರಳೆ ಮಾತ್ರ ಸಾಯುತ್ತವೆ.

ಇನ್ನು ಬಹುತೇಕ ಕಡೆಗಳಲ್ಲಿ ನೀರು ಚಿಮುಕಿಸಲು ಸಾಧ್ಯವಾಗದೇ ಇರಬಹುದು. ಅಂಥ ಕಡೆಗಳಲ್ಲಿ ಏನು ಮಾಡಬೇಕು ಎನ್ನುವುದನ್ನು ಇಲ್ಲಿ ಹೇಳಲಾಗಿದೆ. ಇದಕ್ಕೆ ಬೇಕಿರುವುದು ಮೊಸರು. ಮೊಸರು ಎಂದರೆ ಹುಳಿಯಾಗಿರುವಂಥ ಮೊಸರು. 2-3 ಸ್ಪೂನ್​ ಸಾಕು. ಇದಕ್ಕೆ ಸ್ವಲ್ಪ ನೀರು ಮತ್ತು ಎರಡು ಚಮಚ ಸಕ್ಕರೆ ಮಿಕ್ಸ್ ಮಾಡಬೇಕು. ಅದನ್ನು ಪ್ಲಾಸ್ಟಿಕ್​ ಬೌಲ್​ನಲ್ಲಿ ಹಾಕಿ. ನಿಮಗೆ ಬೇಡದ ಬೌಲ್​ಗಳನ್ನು ಬಳಸಿದರೆ ಉತ್ತಮ. ಎಲ್ಲಿಲ್ಲಿ ನೀವು ಇದನ್ನು ಇಡಬೇಕು ಎಂದುಕೊಳ್ಳುತ್ತಿರೋ ಅಷ್ಟು ಬೌಲ್ ಬಳಸಿ, ಅದನ್ನು ಸಿಂಕ್​, ಬಾತ್​ರೂಮ್​, ಗ್ಯಾಸ್​ಸೌಟ್​ ಸೇರಿದಂತೆ ಜಿರಳೆ ಹೆಚ್ಚು ಬರುವ ಜಾಗದಲ್ಲಿ ಈ ಬೌಲ್​ ಇಡಿ. ಈ ನೀರಿಗೆ ಅಟ್ರಾಕ್ಟ್​ ಆಗಿ ಜಿರಳೆ ಬರುತ್ತವೆ. ಮಾರನೆಯ ದಿನ ಚಿಕ್ಕ ಚಿಕ್ಕ ಜಿರಳೆಗಳೂ ಸತ್ತು ಬೀಳುವುದನ್ನು ನೀವು ನೋಡಬಹುದು.