ಹಸಿವು ಕಡಿಮೆ, ರಾತ್ರಿ ಮಲಗಿದಾಗ ಬೆವರುತ್ತೀರಾ? ಇದು ಈ ಆರೋಗ್ಯ ಸಮಸ್ಯೆಯ ಸೂಚನೆ

ರಾತ್ರಿ ಮಲಗಿದಾಗ ಬೆವರುತ್ತೀರಾ? ಹಸಿವು ಕಡಿಮೆಯಾಗಿದೆಯಾ? ಕಣ್ಣುಗಳು ಹಳದಿ ಬಣ್ಣಕ್ಕೆ ತಿರುಗುವುದು, ಕಿಬ್ಬೊಟ್ಟೆಯಲ್ಲಿ  ನೋವು  ಕಂಡು ಬರುವುದು ಸೇರಿದಂ ಕೆಲ ಲಕ್ಷಣಗಳು ರಾತ್ರಿ ವೇಳೆ ಕಾಣಿಸಿಕೊಂಡರೆ ಈ ಆರೋಗ್ಯ ಸಮಸ್ಯೆ ಇದೆ ಎಂಬ ಸೂಚನೆ.

ಯಾವುದೇ ಕಾಯಿಲೆಯಾಗಿದ್ದರೂ ಪ್ರಾರಂಭದಲ್ಲಿಯೇ ಗುರುತಿಸಿದರೆ ಚೇತರಿಸಿಕೊಳ್ಳಲು ಸುಲಭವಾಗುವುದು. ಲಿವರ್‌ಗೆ ಸಮಸ್ಯೆಯಾದಾಗ ಕೂಡ ಅದರ ಲಕ್ಷಣ  ರಾತ್ರಿ ಹೊತ್ತಿನಲ್ಲಿ ಕಂಡು ಬರುವುದು, ಅದರೆ ಸಾಕಷ್ಟು ಜನ ಪ್ರಾರಂಭದಲ್ಲಿ ಆ ಲಕ್ಷಣಗಳನ್ನು ನಿರ್ಲಕ್ಷ್ಯ ಮಾಡುವುದರಿಂದ ಲಿವರ್ ಸಮಸ್ಯೆ ಗಂಭೀರವಾಗುವುದು. ಆದ್ದರಿಂದ ರಾತ್ರಿ ಹೊತ್ತಿನಲ್ಲಿ ಈ ಬಗೆಯ ಲಕ್ಷಣಗಳು ಕಂಡು ಬಂದರೆ ನಿರ್ಲಕ್ಷ್ಯ ಮಾಡಲು ಹೋಗಲೇಬೇಡಿ:

ಆಗಾಗ ಮೂತ್ರ ವಿಸರ್ಜನೆ:
ಲಿವರ್‌ಗೆ ಹಾನಿಯುಂಟಾದಾಗ ಆಗಾಗ ಮೂತ್ರವಿಸರ್ಜನೆಗೆ ಹೋಗಬೇಕೆನಿಸುವುದು. ಇದನ್ನು ವೈದ್ಯಕೀಯ ಭಾಷೆಯಲ್ಲಿ nocturia ಎಂದು ಕರೆಯಲಾಗುವುದು.  ಆಗಾಗ ಮೂತ್ರ ವಿಸರ್ಜನೆಗೆ ಹೋಗಬೇಕೆನಿಸುವುದರಿಂದ ನಿದ್ದೆಗೆ ಭಂಗ ಉಂಟಾಗುವುದು. ಮಧುಮೇಹಿಗಳಲ್ಲಿ ಈ ಬಗೆಯ ಲಕ್ಷಣಗಳು ಕಂಡು ಬಂದರೆ ನಿರ್ಲಕ್ಷ್ಯ ಮಾಡಲೇಬೇಡಿ. ಮಧುಮೇಹದಿಂದ ಲಿವರ್ ಆರೋಗ್ಯ ಹಾಳಾಗುವುದು.

ತುರಿಕೆ
ಲಿವರ್ ಹಾಳಾದಾಗ ತುರಿಕೆ ಉಂಟಾಗುವುದು, ಲಿವರ್‌ ಸಂಪೂರ್ಣವಾಗಿ ಹಾನಿಗೊಳಗಾದಾಗ ತ್ವಚೆಯಲ್ಲಿ ತುರಿಕೆ ಉಂಟಾಗುವುದು,  ತುರಿಕೆಯಿಂದಾಗಿ ರಾತ್ರಿ ಹೊತ್ತಿನಲ್ಲಿ ನಿದ್ದೆ ಬರುವುದು ಕಷ್ಟವಾಗುವುದು.

ರಾತ್ರಿ ಹೊತ್ತಿನಲ್ಲಿ  ಮೈ ತುಂಬಾನೇ ಬೆವರುವುದು
ರಾತ್ರಿ ಹೊತ್ತಿನಲ್ಲಿ ಮೈ ತುಂಬಾನೇ ಬೆವರುವುದು ಕೂಡ ಲಿವರ್‌ಗೆ ಹಾನಿಯಾಗಿದೆ ಎಂಬುವುದನ್ನು ಸೂಚಿಸುವ ಲಕ್ಷಣವಾಗಿದೆ. ಮೈ ವಿಪರೀತ ಬೆವರಲಾರಂಭಿಸುವುದು, ಹಾಟ್‌ ಫ್ಲ್ಯಾಷ್‌ ಅನುಭವ ಉಂಟಾಗುವುದು.

ತುಂಬಾನೇ ಅಸ್ವಸ್ಥತೆ  ಉಂಟಾಗುವುದು
ಲಿವರ್‌ ತನ್ನ ಕಾರ್ಯ ನಿರ್ವಹಿಸಲು ವಿಫಲವಾದಾಗ  ದೇಹದಿಂದ ಕಶ್ಮಲ ಹೊರಹಾಕಲು ವಿಫಲವಾಗುವುದು, ರಕ್ತದಲ್ಲಿ ಕಶ್ಮಲ ಸೇರಿಕೊಂಡು ಮತ್ತಷ್ಟು ಅರೋಗ್ಯ ಸಮಸ್ಯೆ  ಉಂಟು ಮಾಡುತ್ತೆ,  ಇದರಿಂದ ಅಸ್ವಸ್ಥತೆ ಕಾಡುವುದು. 

ಲಿವರ್ ಸಮಸ್ಯೆಯಾದಾಗ  ಈ ಬಗೆಯ ಲಕ್ಷಣಗಳೂ ಕಂಡು ಬರುವುದು
ಕಣ್ಣುಗಳು ಹಳದಿ ಬಣ್ಣಕ್ಕೆ ತಿರುಗುವುದು
ಕಿಬ್ಬೊಟ್ಟೆಯಲ್ಲಿ  ನೋವು  ಕಂಡು ಬರುವುದು
ಕಾಲುಗಳಲ್ಲಿ ಊತ ಕಂಡು ಬರುವುದು
ಸುಸ್ತು, ತಲೆಸುತ್ತು
ಕಣ್ಣುಗಳಲ್ಲಿ ರಕ್ತಸ್ರಾವ
ಮೂತ್ರದ ಬಣ್ಣ ತುಂಬಾ ಹಳದಿಯಾಗಿರುತ್ತೆ
 ಹೊಟ್ಟೆ ಹಸಿವು ಇಲ್ಲದಿರುವುದು
ಮಲ ಕಂದು ಬಣ್ಣದಲ್ಲಿರುವುದು
ಕಾಲುಗಳಲ್ಲಿ ಊತ

 ಲಿವರ್‌ ಸಮಸ್ಯೆಗೆ ಕಾರಣ:
ಅನೇಕ ಕಾರಣಗಳಿಂದ ಲಿವರ್ ಸಮಸ್ಯೆ ಉಂಟಾಗಬಹುದು, ವಂಶಪಾರಂಪರ್ಯವಾಗಿ ಬರಬಹುದು ಅಥವಾ  ಒಬೆಸಿಟಿ,  ಮದ್ಯಪಾನ, ಕೆಲವೊಂದು ವೈರಸ್‌ಗಳಿಂದಲೂ ಲಿವರ್‌ನ ಆರೋಗ್ಯಕ್ಕೆ ಹಾನಿಯುಂಟಾಗಬಹುದು.

ಲಿವರ್‌ಗೆ ಹಾನಿಯುಂಟಾದಾಗ ಅದು  ರಕ್ತವನ್ನು ಶುದ್ಧೀಕರಿಸುವುದಿಲ್ಲ, ಹೀಗಾಗಿ ಬಹು ಅಂಗಾಂಗ ವೈಫಲ್ಯ ಉಂಟಾಗುವುದು. ಲಿವರ್ ಸಮಸ್ಯೆಯನ್ನು  ಬೇಗನೆ ಗುರುತಿಸಿದರೆ ಅದಕ್ಕೆ ಚಿಕಿತ್ಸೆ ಪಡೆದರೆ ಬೇಗನೆ ಗುಣಮುಖರಾಗಬಹುದು. ಹಾಗಾಗಿ ಲಿವರ್ ಸಮಸ್ಯೆ ಉಂಟಾದಾಗ ಕಂಡು ಬರುವ ಪ್ರಾರಂಭಿಕ ಲಕ್ಷಣ ನಿರ್ಲಕ್ಷ್ಯ ಮಾಡಬೇಡಿ.