ಸ್ತನ ಕ್ಯಾನ್ಸರ್ ನ ಚಿಹ್ನೆಗಳು ಮತ್ತು ಲಕ್ಷಣಗಳು (Signs and symptoms of breast cancer)
ಸ್ತನ, ಕಂಕುಳು ಅಥವಾ ಎದೆಯ ಮೇಲ್ಭಾಗದಲ್ಲಿ ಊತ ಕಾಣಿಸಿಕೊಂಡರೆ, ಸ್ತನದ ಗಾತ್ರದಲ್ಲಿ ಬದಲಾವಣೆ (ಗಾತ್ರದಲ್ಲಿ ಹೆಚ್ಚಳವನ್ನು ಗಮನಿಸಬಹುದು) ಮೊಲೆ ತೊಟ್ಟು (ದದ್ದು ಅಥವಾ ಉರಿಯೂತ) ಅಥವಾ ಮೊಲೆತೊಟ್ಟುಗಳಿಂದ ಹೊರಸೂಸುವ ಯಾವುದೇ ಬದಲಾವಣೆಗಳು ಸ್ತನದ ನೋವು ಕ್ಯಾನ್ಸರ್ ಸಂಕೇತವಾಗಿರಲಿಕ್ಕಿಲ್ಲ. ಆದರೆ ಅಸಾಮಾನ್ಯ ನೋವು ಕ್ಯಾನ್ಸರ್ ಸಂಕೇತವಾಗಿರಬಹುದು.
ಕುಟುಂಬ ಇತಿಹಾಸದ ಅಪಾಯ (Risk of family history)
ಕುಟುಂಬದ ಇತಿಹಾಸವಿದ್ದರೆ ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ ಅಪಾಯ ಹೆಚ್ಚು. ಸ್ತನ ಅಥವಾ ಅಂಡಾಶಯದ ಕ್ಯಾನ್ಸರ್ ಹೊಂದಿರುವ ತನ್ನ ತಾಯಿ ಅಥವಾ ತಂದೆಯ ಕುಟುಂಬದಲ್ಲಿ ಅಥವಾ ಕುಟುಂಬ ಸದಸ್ಯರನ್ನು ಹೊಂದಿದ್ದರೆ, ಕ್ಯಾನ್ಸರ್ ತರುವ ಅಪಾಯವು ಹೆಚ್ಚು. ತಪಾಸಣೆ ಮಾಡುವುದು ಮುಖ್ಯ.
ಬಿಆರ್ ಸಿಎ1 ಮತ್ತು ಬಿಆರ್ ಸಿಎ2 ನಂತಹ ಆನುವಂಶಿಕ ಜೀನ್ ರೂಪಾಂತರಗಳು ಸ್ತನ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತವೆ. ಈ ಆನುವಂಶಿಕ ಬದಲಾವಣೆಗಳನ್ನು ಆನುವಂಶಿಕವಾಗಿ ಪಡೆದ ಮಹಿಳೆಯರು ಹೆಚ್ಚಿನ ಅಪಾಯ ಎದುರಿಸುತ್ತಾರೆ. ಬಿಆರ್ ಸಿಎ ಜೀನ್ ಪರೀಕ್ಷೆಯು ರಕ್ತ ಪರೀಕ್ಷೆಯಾಗಿದ್ದು, DNAಯಲ್ಲಿ ಸ್ತನ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುವ ಮ್ಯುಟೇಶನ್ ಗಳಿವೆಯೇ ಎಂದು ನಿರ್ಧರಿಸಲು ಸಹಾಯ ಮಾಡುತ್ತದೆ.
ಸ್ವಯಂ-ಸ್ತನ ಪರೀಕ್ಷೆ (Self-breast examination)
ಸ್ತನ ಕ್ಯಾನ್ಸರ್ ಅನ್ನು ಬೇಗನೆ ಪತ್ತೆ ಹಚ್ಚುವಲ್ಲಿ ಇತರ ರೋಗನಿರ್ಣಯ ಸಾಧನಗಳೊಂದಿಗೆ ಸ್ವಯಂ - ಸ್ತನ ಪರೀಕ್ಷೆ ಶಕ್ತಿಯುತವಾಗಿರುತ್ತದೆ. ಸ್ತನ ಸ್ವಯಂ ಪರೀಕ್ಷೆಯು ಯಾವುದೇ ವೆಚ್ಚ ಮತ್ತು ಅನಾನುಕೂಲಕರವಲ್ಲ ಮತ್ತು ನಿಮ್ಮ ದೇಹವನ್ನು ಉತ್ತಮವಾಗಿ ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಎಲ್ಲಕ್ಕಿಂತ ಮುಖ್ಯವಾಗಿ ಯಾವುದೇ ಬದಲಾವಣೆಗಳಿದ್ದರೆ, ಅದನ್ನು ಬೇಗನೆ ಹಿಡಿಯಬಹುದು.
20 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲಾ ಮಹಿಳೆಯರಿಗೆ ಸ್ವಯಂ ಸ್ತನ ಪರೀಕ್ಷೆಯನ್ನು ಶಿಫಾರಸು ಮಾಡಲಾಗುತ್ತದೆ. ವಿವರವಾದ ಸ್ವಯಂ-ಸ್ತನ ಪರೀಕ್ಷೆಯಲ್ಲಿ ಸಹಾಯ ಮಾಡುವ ಅನೇಕ ಮಾರ್ಗದರ್ಶಿಗಳಿವೆ ಮತ್ತು ಇದು ಸಾಮಾನ್ಯವಾಗಿ 15 ನಿಮಿಷಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಳ್ಳುವುದಿಲ್ಲ. ಋತುಚಕ್ರದ ಒಂದು ವಾರದ ನಂತರ ಸ್ವಯಂ ಪರೀಕ್ಷೆ ಮಾಡಲು ಉತ್ತಮ ಸಮಯ.
ಕ್ಲಿನಿಕಲ್ ಸ್ತನ ಪರೀಕ್ಷೆ (Clinical breast examination)
20 ರಿಂದ 30 ವರ್ಷ ವಯಸ್ಸಿನವರಿಗೆ ವಾರ್ಷಿಕವಾಗಿ ವೈದ್ಯಕೀಯ ಸ್ತನ ಪರೀಕ್ಷೆಯನ್ನು ಶಿಫಾರಸು ಮಾಡಲಾಗುತ್ತದೆ, 30 ರಿಂದ 60 ವರ್ಷ ವಯಸ್ಸಿನವರಿಗೆ ಅರ್ಧ ವಾರ್ಷಿಕ ಮತ್ತು 60 ವರ್ಷಮೇಲ್ಪಟ್ಟವರಿಗೆ ವಾರ್ಷಿಕವಾಗಿ ಸ್ತನ ಪರೀಕ್ಷೆ ಮಾಡಲು ಶಿಫಾರಸು ಮಾಡುತ್ತದೆ. ವೈದ್ಯರ ಕಚೇರಿಯಲ್ಲಿ ಕ್ಲಿನಿಕಲ್ ಸ್ತನ ಪರೀಕ್ಷೆ ನಡೆಯುತ್ತದೆ.
ಮ್ಯಾಮೋಗ್ರಾಮ್ ಗಳು (M೦ammograms)
ಮ್ಯಾಮೋಗ್ರಾಮ್ ಗಳು ಸ್ತನಗಳ ಕಡಿಮೆ ಡೋಸ್ ಎಕ್ಸ್-ರೇಗಳಲ್ಲದೆ ಬೇರೇನೂ ಅಲ್ಲ. ಮ್ಯಾಮೋಗ್ರಾಮ್ ಎಷ್ಟು ಮುಂಚಿತವಾಗಿ ಸ್ತನ ಬದಲಾವಣೆಗಳನ್ನು ಪತ್ತೆ ಹಚ್ಚಬಲ್ಲದು ಎಂದರೆ ದೈಹಿಕ ರೋಗಲಕ್ಷಣಗಳು ಬೆಳೆಯಲು ವರ್ಷಗಳ ಮೊದಲು ಪತ್ತೆ ಹಚ್ಚುತ್ತದೆ ಮತ್ತು ಆದ್ದರಿಂದ ಸರಾಸರಿ ಅಪಾಯದಲ್ಲಿರುವ ಮಹಿಳೆಯರಿಗೆ, ಮ್ಯಾಮೋಗ್ರಾಮ್ ಒಂದು ಉತ್ತಮ ರೋಗ ನಿರ್ಣಯ ಸಾಧನವಾಗಿದೆ, ವಿಶೇಷವಾಗಿ ಯಾವುದೇ ಬದಲಾವಣೆಗಳನ್ನು ಗಮನಿಸಿದಾಗ ವೈದ್ಯಕೀಯ ಸ್ತನ ಪರೀಕ್ಷೆ ಮಾಡಿಸಿಕೊಳ್ಳಬಹುದು.
ಮ್ಯಾಮೋಗ್ರಾಮ್ ಗಳು ಪರಿಪೂರ್ಣವಾಗಿಲ್ಲ ಮತ್ತು ಕೆಲವು ಕ್ಯಾನ್ಸರ್ ಪತ್ತೆ ಹಚ್ಚಲು ವಿಫಲವಾಗಬಹುದು ಮತ್ತು ಅತಿಯಾದ ರೋಗ ನಿರ್ಣಯಕ್ಕೂ ಕಾರಣವಾಗಬಹುದು. ಸ್ಕ್ರೀನಿಂಗ್ ಸಮಯದಲ್ಲಿ ಕ್ಯಾನ್ಸರ್ ಪತ್ತೆಯಾಗಿರುವ ಸಾಧ್ಯತೆಯಿದೆ, ಇದು ಯಾವುದೇ ಸಮಸ್ಯೆಗಳನ್ನು ಉಂಟು ಮಾಡದಿರಬಹುದು. ಈಗ 3ಡಿ ಮ್ಯಾಮೋಗ್ರಾಮ್ ಕೂಡ ಲಭ್ಯವಿದೆ, ಅದು ವಿಶೇಷವಾಗಿ ದಟ್ಟ ಸ್ತನಗಳನ್ನು ಹೊಂದಿರುವ ಮಹಿಳೆಯರಿಗೆ ಉಪಯುಕ್ತ. ನಿಮ್ಮ ವೈದ್ಯರು ಮ್ಯಾಮೋಗ್ರಾಮ್ ನ ಅಪಾಯ ಮತ್ತು ಮಿತಿಗಳನ್ನು ಅರ್ಥಮಾಡಿಕೊಳ್ಳಲು ನಿಮಗೆ ಸಹಾಯ ಮಾಡುತ್ತಾರೆ ಮತ್ತು ಅದಕ್ಕೆ ಅನುಗುಣವಾಗಿ ವೈದ್ಯಕೀಯ ಮಾರ್ಗದರ್ಶನವನ್ನು ನೀಡುತ್ತಾರೆ.
ಅಮೇರಿಕನ್ ಕ್ಯಾನ್ಸರ್ ಸೊಸೈಟಿಯ ಪ್ರಕಾರ ಸರಾಸರಿ ಅಪಾಯಹೊಂದಿರುವ ಮಹಿಳೆಯರಿಗೆ ಮ್ಯಾಮೋಗ್ರಾಮ್ ಮಾರ್ಗದರ್ಶನವು ಈ ಕೆಳಗಿನಂತಿದೆ. ಒಬ್ಬ ಮಹಿಳೆ ಸ್ತನ ಕ್ಯಾನ್ಸರ್‌ನ ಕುಟುಂಬದ ಇತಿಹಾಸ ಹೊಂದಿಲ್ಲದಿದ್ದರೆ ಅಥವಾ ಬಿಆರ್‌ಸಿಎ ಜೀನ್‌ನಂತಹ ಆನುವಂಶಿಕ ರೂಪಾಂತರವನ್ನು ಹೊಂದಿಲ್ಲದಿದ್ದರೆ ಅಥವಾ 30 ವರ್ಷಕ್ಕಿಂತ ಮೊದಲು ಎದೆ ವಿಕಿರಣ ಚಿಕಿತ್ಸೆಗೆ ಒಳಗಾಗಿಲ್ಲದಿದ್ದರೆ, ಅಪಾಯದ ಸಾಧ್ಯತೆ ಕಡಿಮೆ ಇರುತ್ತದೆ.
40 ರಿಂದ 44 ರ ವಯಸ್ಸಿನ ನಡುವಿನ ಮಹಿಳೆಯರು ಪ್ರತಿ ವರ್ಷ ಮ್ಯಾಮೋಗ್ರಾಮ್ ನೊಂದಿಗೆ ಸ್ಕ್ರೀನಿಂಗ್ ಪ್ರಾರಂಭಿಸುವ ಆಯ್ಕೆಯನ್ನು ಹೊಂದಿದ್ದಾರೆ.
45 ರಿಂದ 54 ವರ್ಷದ ಮಹಿಳೆಯರು ಪ್ರತಿ ವರ್ಷ ಮ್ಯಾಮೋಗ್ರಾಮ್ ಪಡೆಯಬೇಕು.
ಸ್ತನ ಕ್ಯಾನ್ಸರ್ ಅನ್ನು ಪತ್ತೆಹಚ್ಚಲು ಅಲ್ಟ್ರಾಸೌಂಡ್ ಅನ್ನು ಹೆಚ್ಚುವರಿ ರೋಗನಿರ್ಣಯ ಸಾಧನವಾಗಿ ಸಹ ಬಳಸಲಾಗುತ್ತದೆ.
55 ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಮಹಿಳೆಯರು ವಾರ್ಷಿಕ ಮ್ಯಾಮೋಗ್ರಾಮ್ ಗೆ ಬದಲಾಗಬಹುದು ಅಥವಾ ಪ್ರತಿ ಎರಡು ವರ್ಷಗಳಿಗೊಮ್ಮೆ ಮ್ಯಾಮೋಗ್ರಾಮ್ ಗೆ ಒಳಗಾಗಬಹುದು.
ಮಹಿಳೆ ಉತ್ತಮ ಆರೋಗ್ಯದಲ್ಲಿರುವವರೆಗೂ ವಯಸ್ಸು ಮುಂದುವರೆದಂತೆ ಸ್ಕ್ರೀನಿಂಗ್ ಇದೇ ಮಾದರಿಯಲ್ಲಿ ಮುಂದುವರಿಯಬೇಕು.
ಬದುಕುಳಿಯುವ ದರಗಳು ಮತ್ತು ಚಿಕಿತ್ಸೆಯ ಫಲಿತಾಂಶಗಳನ್ನು ಸುಧಾರಿಸಲು, ಮಹಿಳೆಯರು ಮತ್ತು ಪುರುಷರು ಸ್ತನ ಕ್ಯಾನ್ಸರ್ ಬಗ್ಗೆ ಸಂಪೂರ್ಣವಾಗಿ ತಿಳಿದಿರುವುದು, ಒಬ್ಬರ ಸ್ವಂತ ಅಪಾಯವನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಸ್ತನ ಕ್ಯಾನ್ಸರ್ ಅನ್ನು ಬೇಗನೆ ಪತ್ತೆಮಾಡುವ ಸಾಧ್ಯತೆಗಳನ್ನು ಹೆಚ್ಚಿಸಲು ಕ್ರಮಗಳನ್ನು ತೆಗೆದುಕೊಳ್ಳುವುದು ಮುಖ್ಯ.