Mother's Day 2022: ವಿಶ್ವ ತಾಯಂದಿರ ದಿನದ ಶುಭಾಶಯಗಳು

ಅಮ್ಮ( Mother) ಎಂಬ ಒಂದು ಪದವೇ ಅಮೃತ. ಈ ಜಗತ್ತಿನಲ್ಲಿ ದೇವರಿಗಿಂತಲೂ ಮಿಗಿಲಾದ ಶಕ್ತಿ ಎಂದರೆ ಅದು ಅಮ್ಮ ಮಾತ್ರ. ಅಮ್ಮ ಜೊತೆಗಿದ್ದರೆ ನೂರಾನೆಯ ಬಲ ಇದ್ದಂತೆ. ಅಮ್ಮ ಮಕ್ಕಳ (Children) ನಗುವಲ್ಲಿ ನಗುವಾಗುತ್ತಾಳೆ. ಅಳುವಾಗ ಅಳುತ್ತಾಳೆ. ಮಕ್ಕಳಿಗಾಗಿಯೇ ತನ್ನ ಸಂಪೂರ್ಣ ಜೀವನವನ್ನು ಮುಡಿಪಾಗಿಡುತ್ತಾಳೆ. ಅಮ್ಮನ ಬಗ್ಗೆ ಹಿರಿಯ ಚಿಂತಕರು ಏನ್ ಹೇಳಿದ್ದಾರೆ ನೋಡೋಣ.

ತಾಯಿಯೆಂದರೆ ಆಕೆ ಎಲ್ಲರ ಸ್ಥಾನವನ್ನೂ ನಿರ್ವಹಿಸಬಲ್ಲಳು. ಆದರೆ ಆಕೆಯ ಸ್ಥಾನವನ್ನು ಯಾರು ಕೂಡಾ ತುಂಬಲು ಸಾಧ್ಯವಿಲ್ಲ- ಕಾರ್ಡಿನಲ್‌ ಮರ್ಮಿಲೋಡ್

ಈ ವರ್ಷ ಮೇ 8ರಂದು ತಾಯಂದಿರ ದಿನವನ್ನು ಆಚರಿಸಲಾಗುತ್ತದೆ. ಈ ದಿನ ಅಮ್ಮನ ತ್ಯಾಗ, ಪ್ರೀತಿಗೆ ಧನ್ಯವಾದ ಹೇಳಲು ಇರುವ ಅವಕಾಶ ಕೂಡಾ ಹೌದು. 

ಮಾತೃತ್ವ ಎಂದರೆ ಎಲ್ಲಾ ಪ್ರೀತಿ ಇಲ್ಲಿಂದಲೇ ಆರಂಭವಾಗುತ್ತದೆ. ಇಲ್ಲಿಯೇ ಕೊನೆಗೊಳ್ಳುತ್ತದೆ- ರಾಬರ್ಟ್‌ ಬ್ರೌನಿಂಗ್‌

ಅಮ್ಮ ಎಂದರೆ ಬದುಕು ನೀಡಿದ ದೇವತೆ. ಕೈ ಹಿಡಿದು ಮುನ್ನಡೆಸಿದ ಮಹಾಮಾತೆ... ಪ್ರತಿಯೊಬ್ಬರ ಬಾಳಿನಲ್ಲೂ ಅಮ್ಮನಿಗೆ ವಿಶೇಷ ಸ್ಥಾನ ಇದೆ. 

ತಾಯಿಯ ಪ್ರೀತಿಯೆಂದರೆ ಶಾಂತಿ. ಅದನ್ನು ಪಡೆಯುವ ಅಗತ್ಯವಿಲ್ಲ, ಅದಾಗಿಯೇ ದೊರಕುತ್ತದೆ-ಎರಿಚ್‌ ಫ್ರೋಮ್‌

ಪ್ರತಿಯೊಬ್ಬರ ಅಭಿವೃದ್ಧಿಯ ಹಿಂದೆ ಅಮ್ಮನ ಪಾತ್ರ ಬಹಳ ಹಿರಿದು. ಅಮ್ಮ ಎಂದರೆ ನಿಸ್ವಾರ್ಥ ಪ್ರೀತಿಯ ಸಂಕೇತ. ಮಕ್ಕಳ ಖುಷಿಯಲ್ಲಿಯೇ ತನ್ನ ಖುಷಿಯನ್ನು ಕಾಣುವವರು ಅಮ್ಮ. 

ದೇವರು ಎಲ್ಲೆಡೆ ಇರಲು ಸಾಧ್ಯವಿಲ್ಲ. ಅದಕ್ಕಾಗಿಯೇ ಆತ ತಾಯಂದಿರನ್ನು ಸೃಷ್ಟಿಸಿದ- ರುದ್ಯಾರ್ಡ್ ಕಿಪ್ಲಿಂಗ್

ಯಾವುದೇ ಫಲಾಪೇಕ್ಷೆ ಇಲ್ಲದೆ ಅಮ್ಮ ಮಕ್ಕಳಿಗಾಗಿ, ತನ್ನ ಕುಟುಂಬಕ್ಕಾಗಿ, ಮನೆಗಾಗಿ ಸದಾ ದುಡಿಯುತ್ತಿರುತ್ತಾರೆ. ತನ್ನ ಈ ಕೆಲಸದಿಂದ ಇವರು ಯಾವತ್ತೂ ಹಿಂದೆ ಸರಿದವರೇ ಅಲ್ಲ. ತನ್ನ ಬಗ್ಗೆ ಕಿಂಚಿತ್ತೂ ಯೋಚಿಸದೆ ತನ್ನವರಿಗಾಗಿ ಸದಾ ಶ್ರಮ ಪಡುವ ಮಮತಾಮಯಿ ಅಮ್ಮ. 

ಅಮ್ಮ ಎಂದರೆ ನಿಸ್ವಾರ್ಥ ಪ್ರೀತಿಯ ಸಂಕೇತ. ಮಕ್ಕಳ ಖುಷಿಯಲ್ಲಿಯೇ ತನ್ನ ಖುಷಿಯನ್ನು ಕಾಣುವವರು ಅಮ್ಮ. ತನ್ನ ಮಕ್ಕಳಿಗಾಗಿ ಎಂತಹ ಅಪಾಯವನ್ನು ಬೇಕಾದರೂ ಎದುರಿಸಲು, ಯಾವ ತ್ಯಾಗಕ್ಕೂ ಅಮ್ಮ ಸಿದ್ಧರಿರುತ್ತಾರೆ ಎಂಬುದು ಸತ್ಯ.

ಅಳಲು ಉತ್ತಮ ಜಾಗವೆಂದರೆ ತಾಯಿಯ ತೋಳುಗಳು-ಜೋಡಿ ಪಿಕೌಲ್ಟ್‌

ಅಮ್ಮ ಜೊತೆಗಿದ್ದರೆ ನೂರಾನೆಯ ಬಲ ಇದ್ದಂತೆ. ಅಮ್ಮ ಮಕ್ಕಳ (Children) ನಗುವಲ್ಲಿ ನಗುವಾಗುತ್ತಾಳೆ. ಅಳುವಾಗ ಅಳುತ್ತಾಳೆ. ಮಕ್ಕಳಿಗಾಗಿಯೇ ತನ್ನ ಸಂಪೂರ್ಣ ಜೀವನವನ್ನು ಮುಡಿಪಾಗಿಡುತ್ತಾಳೆ. 

ನಿಮ್ಮ ತಾಯಿಯ ಕಣ್ಣುಗಳನ್ನು ನೋಡಿದಾಗ ನೀವು ತಿಳಿಯುತ್ತೀರಿ, ಇದುವೇ ಜಗತ್ತಿನ ಅತಿ ಪವಿತ್ರವಾದ ಪ್ರೀತಿಯೆಂದು-ಮಿಚ್ ಅಲ್‌ಬೋಮ್‌

ಅಮ್ಮನ ಪ್ರೀತಿ ಎಂಥಾ ಸಮಸ್ಯೆಯನ್ನು ಎದುರಿಸುವ ಶಕ್ತಿ ಕೊಡುತ್ತದೆ. ಆಕೆಯ ನಿಸ್ವಾರ್ಥ ಪ್ರೀತಿ ಒಡೆದ ಕುಟುಂಬಗಳನ್ನು ಒಗ್ಗೂಡಿಸುತ್ತದೆ.

ಮಾತೃತ್ವದ ಅತ್ಯುತ್ತಮ ಗುಣವೆಂದರೆ ನಿಸ್ವಾರ್ಥತೆ-ಜೆಸ್ಸಿಕಾ ಲಾಂಜೆ