Bigg Boss 12 ಝೂನಲ್ಲಿದ್ರೆ ಎಲ್ಲರೂ ಯಾವ ಪ್ರಾಣಿ ಆಗಿರ್ತಿದ್ರು? ನೆಚ್ಚಿನ ಸ್ಪರ್ಧಿಗಳ ಹುಡುಕಿದ ನೆಟ್ಟಿಗರು!

ಬಿಗ್​ಬಾಸ್​ 12ರ ಸ್ಪರ್ಧಿಗಳನ್ನು ಪ್ರಾಣಿಗಳಿಗೆ ಹೋಲಿಸಿ ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್​ವೊಂದು ವೈರಲ್ ಆಗಿದೆ. ಈ ಕಲ್ಪನೆಯ ಪ್ರಕಾರ, ಕಿಚ್ಚ ಸುದೀಪ್ ಸಿಂಹವಾದರೆ, ವಿನ್ನರ್ ಗಿಲ್ಲಿ ನಟ ಹುಲಿಯಾಗಿದ್ದಾರೆ. ಆದರೆ, ಅಶ್ವಿನಿ ಗೌಡ ಅವರ ಬಗ್ಗೆ ಹೆಚ್ಚು ಚರ್ಚಿಸಲಾಗುತ್ತಿದೆ. 

ಬಿಗ್​ಬಾಸ್ ಗುಂಗು

ಬಿಗ್​ಬಾಸ್​ 12 (Bigg Boss 12) ಮುಗಿದು ಹೋದರೂ ಇಂದಿಗೂ ಅದರ ಗುಂಗಿನಿಂದ ಹಲವರು ಹೊರಬಂದಿಲ್ಲ. ಕುತೂಹಲದ ಪೋಸ್ಟ್​ಗಳನ್ನು ಶೇರ್​ ಮಾಡುತ್ತಲೇ ಇದ್ದಾರೆ. ಕೆಲವರು ತಮ್ಮ ನೆಚ್ಚಿನ ಸ್ಪರ್ಧಿಗಳ ತುಣುಕುಗಳನ್ನು ಶೇರ್​ ಮಾಡುತ್ತಿದ್ದರೆ, ಮತ್ತೆ ಕೆಲವರು ವಿಡಿಯೋಗಳನ್ನು ಶೇರ್​ ಮಾಡಿ ತಮಗೆ ಆಗದವರ ಟ್ರೋಲ್​ ಮಾಡುತ್ತಿದ್ದಾರೆ.

ಝೂನಲ್ಲಿ ಇದ್ದಿದ್ದರೆ?

ಆದರೆ ಇವೆಲ್ಲಕ್ಕಿಂತಲೂ ಭಿನ್ನವಾಗಿ itsdhanush_s ಎನ್ನುವ ಇನ್​ಸ್ಟಾಗ್ರಾಮ್​ನಲ್ಲಿ ಡಿಫರೆಂಟ್​ ಪೋಸ್ಟ್​ ಶೇರ್​ ಮಾಡಲಾಗಿದೆ. ಒಂದು ವೇಳೆ ಬಿಗ್​ಬಾಸ್​ ಸೀಸನ್​ 12 ಝೂನಲ್ಲಿ ಇದ್ದರೆ, ಈ ಬಾರಿ ಇದ್ದ ಸ್ಪರ್ಧಿಗಳೆಲ್ಲಾ ಯಾವ ಪ್ರಾಣಿ ಆಗಿರುತ್ತಿದ್ದರು ಎನ್ನುವ ಬಗ್ಗೆ ತಮ್ಮ ಅನಿಸಿಕೆಯನ್ನು ಅವರು ತಿಳಿಸಿದ್ದಾರೆ. ಒಂದೊಂದು ಸ್ಪರ್ಧಿಯ ಹಿಂದೆ, ತಮ್ಮ ಕಲ್ಪನೆಯ ಪ್ರಾಣಿಗಳ ಚಿತ್ರವನ್ನು ಅವರು ಶೇರ್​ ಮಾಡಿದ್ದಾರೆ. ಆದರೆ ಬಹುತೇಕ ಕಮೆಂಟಿಗರು ಕಣ್ಣು ಮಾತ್ರ ಅಶ್ವಿನಿ ಗೌಡ ಅವರತ್ತ ನೆಟ್ಟಿರುವುದು ಮಾತ್ರ ವಿಶೇಷವಾಗಿದೆ.

ಚಂದ್ರಪ್ರಭ, ಡಾಗ್​, ಸತೀಶ್​, ಕಾವ್ಯಾ ಶೈವ

ಇವರ ಪ್ರಕಾರ, ಚಂದ್ರಪ್ರಭ ನೀರು ಕುದುರೆ, ಡಾಗ್​ ಸತೀಶ್​ ನಾಯಿ, ಕಾವ್ಯಾ ಆಡು ಅಂತೆ.

ಜಾಹ್ನವಿ, ಸೂರಜ್​ ಸಿಂಗ್​, ಧನುಷ್​!

itsdhanush_s ಅವರ ಕಲ್ಪನೆಯಲ್ಲಿ, ಜಾಹ್ನವಿ ಸರ್ಪ, ಸೂರಜ್​ ಸಿಂಗ್​ ಕಪ್ಪು ಚಿರತೆ (ಜಾಗ್ವಾರ್​), ಧನುಷ್​ ಚಿರತೆಯಂತೆ!

ಕರಿಬಸಪ್ಪ, ಕಾಕ್ರೋಚ್​ ಸುಧಿ, ಸ್ಪಂದನಾ

ಈ ಪೋಸ್ಟ್​ನಲ್ಲಿ ಕರಿಬಸಪ್ಪ ಅವರ ಹಿಂದೆ ಗೋರಿಲ್ಲ, ಕಾಕ್ರೋಚ್​ ಸುಧಿ ಹಿಂದೆ ಕತ್ತೆ ಕಿರುಬ, ಸ್ಪಂದನಾ ಸೋಮಣ್ಣ. ಹಿಂದೆ ಸೋಮಾರಿ ಕರಡಿ ಫೋಟೋ ಹಾಕಲಾಗಿದೆ.

ರಾಶಿಕಾ, ರಕ್ಷಿತಾ, ರಘು, ಧ್ರುವಂತ್​ ಏನಂತೆ?

ಇನ್ನು ರಾಶಿಕಾ ಶೆಟ್ಟಿಯನ್ನು ಜಿರಾಫೆಗೆ ಹೋಲಿಸಿದ್ದರೆ, ರಕ್ಷಿತಾ ಶೆಟ್ಟಿ ಅವರನ್ನು ಕೋತಿಗೂ ಮ್ಯೂಟೆಂಟ್​ ರಘು ಅವರನ್ನು ಆನೆಗೂ ಹೋಲಿಸಲಾಗಿದೆ. ಧ್ರುವಂತ್​ ಅವರನ್ನು ತೋಳಕ್ಕೆ ಹೋಲಿಕೆ ಮಾಡಲಾಗಿದೆ.

ಸುದೀಪ್​, ಗಿಲ್ಲಿ ನಟ ಮತ್ತು ಅಶ್ವಿನಿ ಗೌಡ ಬಗ್ಗೆ ಏನಂದ್ರು?

ಬಿಗ್​ಬಾಸ್​ನಿಂದ ಹೊರಕ್ಕೆ ಬಂದ ಮೇಲೆಯೂ ಅಸಮಾಧಾನವನ್ನು ಹೊರಹಾಕುತ್ತಿರುವ ಅಶ್ವಿನಿ ಗೌಡ ಅವರನ್ನು ಊಸರವಳ್ಳಿಗೆ ಹೋಲಿಕೆ ಮಾಡಲಾಗಿದ್ದು, ವಿನ್ನರ್​ ಗಿಲ್ಲಿ ನಟ (Bigg Boss Winner Gilli Nata) ಅವರನ್ನು ಹುಲಿಗೂ ಹಾಗೂ ಕೊನೆಯದಾಗಿ ಕಿಚ್ಚ ಸುದೀಪ್​ ಸಿಂಹಕ್ಕೂ ಹೋಲಿಕೆ ಮಾಡಲಾಗಿದೆ.