Bigg Boss TRP ಪ್ರಶ್ನೆಗೆ ಸಂಗೀತಾ ಶೃಂಗೇರಿ ಗರಂ: ಇಷ್ಟ ಇಲ್ಲಾಂದ್ರೆ ನೋಡ್ಬೇಡಿ, ನಿಮಗ್ಯಾಕೆ ಅದೆಲ್ಲಾ ಎಂದು ಕಿಡಿ

ಬಿಗ್​ಬಾಸ್​ ಅಗ್ನಿಪರೀಕ್ಷೆ ತೀರ್ಪುಗಾರ್ತಿಯಾಗಿರುವ ಸಂಗೀತಾ ಶೃಂಗೇರಿ, ಟಿಆರ್‌ಪಿಗಾಗಿ ಸ್ಪರ್ಧಿಗಳಿಗೆ ಅವಮಾನ ಮಾಡಲಾಗುತ್ತಿದೆ ಎಂಬ ಆರೋಪಕ್ಕೆ ಗರಂ ಆಗಿ ಪ್ರತಿಕ್ರಿಯಿಸಿದ್ದಾರೆ. ನಿಮಗೆ ಇಷ್ಟವಿದ್ದರೆ ನೋಡಿ, ಇಲ್ಲದಿದ್ದರೆ ಬಿಡಿ ಎಂಬ ಅವರ ಉತ್ತರಕ್ಕೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಬಿಗ್​ಬಾಸ್​ ಖ್ಯಾತಿಯ ಸಂಗೀತಾ ಶೃಂಗೇರಿ

ಬಿಗ್​ಬಾಸ್​ ಮೂಲಕ ಖ್ಯಾತಿ ಪಡೆದವರು ಸಂಗೀತಾ ಶೃಂಗೇರಿ. ಬಿಗ್​ಬಾಸ್​ನಿಂದ ಅಪಾರ ಜನಪ್ರಿಯತೆಯನ್ನೂ ಗಳಿಸಿದ ಅವರು ಇದೀಗ ಬಿಗ್​ಬಾಸ್​​ 13ನೇ ಸೀಸನ್​ನಲ್ಲಿ ಜಡ್ಜ್​ ಆಗಿದ್ದಾರೆ. ಜನ ಸಾಮಾನ್ಯರಿಗೆ ಬಿಗ್​ಬಾಸ್​​ ಮನೆಯೊಳಕ್ಕೆ ಹೋಗುವ ಅವಕಾಶ ನೀಡುವ ಸಲುವಾಗಿ ನಡೆದ ಅಗ್ನಿಪರೀಕ್ಷೆಯಲ್ಲಿ (Bigg Boss Agni Pareekshe) ಅವರು ತೀರ್ಪುಗಾರರಲ್ಲಿ ಒಬ್ಬರು.

ಅಗ್ನಿಪರೀಕ್ಷೆಯ ಬಗ್ಗೆ ಟೀಕೆ

ಬಿಗ್​ಬಾಸ್​ ಅಗ್ನಿ ಪರೀಕ್ಷೆಯಲ್ಲಿ ಜನರನ್ನು ತೀರ್ಪುಗಾರರು ನಡೆಸಿಕೊಳ್ಳುತ್ತಿರುವ ರೀತಿಯ ಬಗ್ಗೆ ಇದಾಗಲೇ ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ಟೀಕೆಗಳು ವ್ಯಕ್ತವಾಗುತ್ತಿವೆ. ತೀರ್ಪುಗಾರರು ಹೇಳುವ ಮಾತುಗಳ ಬಗ್ಗೆ ತೀವ್ರ ಅಸಮಾಧಾನ ವ್ಯಕ್ತವಾಗುತ್ತಿದ್ದು, ಇದು ದುರಹಂಕರಾದ ಮಾತುಗಳು, ಖುದ್ದು ಸುದೀಪ್​ ಅವರೇ ಇಂಥ ದುರಹಂಕಾರದ ಮಾತುಗಳನ್ನು ಆಡುವುದಿಲ್ಲ ಎಂದೆಲ್ಲಾ ಟೀಕೆ ಮಾಡಲಾಗುತ್ತಿದೆ.

ಸ್ಪರ್ಧಿಗಳಿಗೆ ಅವಮಾನ

ಕೆಲವರು, ಈ ಅಗ್ನಿ ಪರೀಕ್ಷೆ ಅಂತ ಮಾಡಿರೋದೇ ಟಿಆರ್​ಪಿಗಾಗಿ. ಅದಕ್ಕಾಗಿ, ಸ್ಪರ್ಧಿಗಳನ್ನು ಕೀಳಾಗಿ ನೋಡಲಾಗುತ್ತಿದೆ ಎಂದೆಲ್ಲಾ ಹೇಳಲಾಗುತ್ತಿದ್ದು, ಇದೀಗ ಅದೇ ಪ್ರಶ್ನೆಯನ್ನು ಸಂಗೀತಾ ಶೃಂಗೇರಿ ಅವರಿಗೂ ಕೇಳಲಾಗಿತ್ತು.

ಇವೆಲ್ಲಾ TRPಗಾಗಿಯಾ?

ಇವೆಲ್ಲಾ ಮಾಡ್ತಿರೋದು ಟಿಆರ್​ಪಿಗಾಗಿ ಅಂತಾರೆ. ನಿಜವಾಗಿಯೂ ಸಾಮಾನ್ಯ ಜನರನ್ನು ಕಳಿಸೋದು ಹೌದಾ? ಹೀಗೆ ಅವರನ್ನು ಅವಮಾನ ಮಾಡ್ತಿರೋದೆಲ್ಲಾ ಯಾಕೆ ಎನ್ನುವ ಪ್ರಶ್ನೆಯನ್ನು ಕೇಳಲಾಗಿದೆ.

ಇಷ್ಟ ಇದ್ರೆ ನೋಡಿ, ಇಲ್ಲಾಂದ್ರೆ...

ಅದಕ್ಕೆ ಗರಂ ಆದ ಸಂಗೀತಾ, ಟಿಆರ್​ಪಿ ಟಿಆರ್​ಪಿ ಅಂತೀರಾ. ಅದೆಲ್ಲಾ ನಿಮಗೆ ಯಾಕೆ? TRPನೋ ಇನ್ನೇನೋ, ಅದನ್ನು ಹೇಳಿ ಹೇಳಿನೇ ನೀವು ಟಿಆರ್​ಪಿ ಹೆಚ್ಚು ಮಾಡ್ತಿರೋದು, ಅದನ್ನೆಲ್ಲಾ ಕಟ್ಟಿಕೊಂಡು ನಿಮಗೆಲ್ಲಾ ಏನು ಆಗಬೇಕಿದೆ ಎಂದರು. ನಿಮಗೆ ಇಷ್ಟವಿದ್ದರೆ ಬಿಗ್​ಬಾಸ್​ ನೋಡಿ, ಇಲ್ಲದಿದ್ದರೆ ಬಿಡಿ. ಸುಮ್ಮನೇ ಟಿಆರ್​ಪಿ ವಿಷ್ಯ ಎಲ್ಲಾ ಮಾತನಾಡಲು ಹೋಗಬೇಡಿ ಎಂದು ಕಿಡಿ ಕಾರಿದರು.

ನೆಟ್ಟಿಗರ ಆಕ್ರೋಶ

ಸೋಷಿಯಲ್​ ಮೀಡಿಯಾದಲ್ಲಿ ನಟಿಯ ವಿರುದ್ಧ ಅವರ ಅಭಿಮಾನಿಗಳೇ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಅಷ್ಟಕ್ಕೂ ಸಂಗೀತಾ ಹೇಳಿದ್ದು, ಟಿಆರ್​ಪಿ ವಿಷ್ಯ ಬಿಡಿ. ನಿಮಗೆ ಮನರಂಜನೆ ಸಾಕಲ್ವಾ? ಇಷ್ಟ ಆದ್ರೆ ನೋಡಿ, ಇಲ್ಲಾಂದ್ರೆ ಇಲ್ಲ ಎಂದು. ಆದರೆ ಹೀಗೆ ಹೇಳಿದ್ದು, ಅತಿಯಾಯ್ತು, ಇದು ಅಹಂಕಾರದ ಪರಮಾವಧಿ ಎಂದೆಲ್ಲಾ ಕಮೆಂಟ್​ನಲ್ಲಿ ನಟಿಯ ಟ್ರೋಲ್​ ಮಾಡಲಾಗುತ್ತಿದೆ.