Bigg Boss: ಜಾಹ್ನವಿ ಮುಚ್ಚಿಟ್ಟಿದ್ದ ಸೀಕ್ರೆಟ್​ ಎಲ್ಲರೆದುರೇ ರಟ್ಟು ಮಾಡಿದ ಸುದೀಪ್​- ಬೇಕಿತ್ತಾ ಹಳ್ಳ ತೋಡಿಕೊಳ್ಳೋ ಕೆಲ್ಸ?

ಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿ ಸ್ಪಂದನಾ ವಾಹಿನಿಯ protegee ಎಂದು ಆರೋಪಿಸಿದ್ದ ಜಾಹ್ನವಿಗೆ ಸುದೀಪ್ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಈ ವೇಳೆ, ಜಾಹ್ನವಿ ಅವರೇ ಚಾನೆಲ್ ಬಳಿ ಅವಕಾಶಕ್ಕಾಗಿ ಅಂಗಲಾಚಿದ್ದ ಸತ್ಯವನ್ನು ಸುದೀಪ್ ಬಯಲು ಮಾಡಿದ್ದಾರೆ.

ಫೈನಲಿಸ್ಟ್​ ಆಗುವ ಮುನ್ಸೂಚನೆ

ಸದ್ಯ ಜಾಹ್ನವಿ ಅವರು ಬಿಗ್​ಬಾಸ್​ನಲ್ಲಿ ಫೈನಲಿಸ್ಟ್​ ಆಗುವ ಮುನ್ಸೂಚನೆ ತೋರುತ್ತಿದ್ದಾರೆ. ಜಗಳ, ಗದ್ದಲ ಎಲ್ಲವುಗಳಿಂದ ನೆಗೆಟಿವ್​ ಕಮೆಂಟ್ಸ್​ಗಳಿಂದಲೇ ಫೇಮಸ್​ ಆಗ್ತಿರೋ ಕೆಲವು ಸ್ಪರ್ಧಿಗಳ ಪೈಕಿ ಜಾಹ್ನವಿ ಕೂಡ ಒಬ್ಬರು. ಇದೇ ಕಾರಣಕ್ಕೆ ಇವರು ಇಷ್ಟು ಬೇಗ ಮನೆಯಿಂದ ಹೊರಕ್ಕೆ ಹೋಗುವ ಸೂಚನೆ ಇಲ್ಲ ಎಂದೇ ವಿಶ್ಲೇಷಿಸಲಾಗುತ್ತಿದೆ.

ಸದ್ದು ಮಾಡ್ತಿರೋ ಸುದ್ದಿ

ಹೀಗೊಂದು ವೇಳೆ ಅವರನ್ನು ಹೊರಕ್ಕೆ ಹಾಕುವುದಿದ್ದರೆ, ಬಿಗ್​ಬಾಸ್​ಗೆ ಅವಕಾಶ ಕೊಟ್ಟ ಕಲರ್ಸ್​ ವಾಹಿನಿಯ ವಿರುದ್ಧ ಮಾತನಾಡಿದಾಗಲೇ ಕ್ರಮ ತೆಗೆದುಕೊಳ್ಳಬೇಕಿತ್ತು ಎಂದು ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ಸುದ್ದಿ ಸದ್ದು ಮಾಡುತ್ತಿದೆ. ಇದೇ ಕಾರಣಕ್ಕೆ ಅವರನ್ನು ಸದ್ಯ ಅಂತೂ ಹೊರಗೆ ಹಾಕುವ ಸೂಚನೆ ಇಲ್ಲ.

ಬಹುದೊಡ್ಡ ಸೀಕ್ರೆಟ್​

ಆದರೆ, ಇದೇ ವೇಳೆ ಜಾಹ್ನವಿ ಅವರ ಬಹುದೊಡ್ಡ ಸೀಕ್ರೆಟ್​ ಒಂದು ರಿವೀಲ್​ ಆಗಿದೆ. ಇದಕ್ಕೆ ಖುದ್ದು ಜಾಹ್ನವಿ ಅವರೇ ಕಾರಣ ಆಗಿದ್ದಾರೆ. ಸುದೀಪ್​​ ಈ ಗುಟ್ಟನ್ನು ರಟ್ಟು ಮಾಡಿದ್ದಾರೆ. ಈ ಮೂಲಕ ಜಾಹ್ನವಿ ತಮ್ಮ ಹಳ್ಳವನ್ನು ತಾವೇ ತೋಡಿಕೊಂಡಿದ್ದಾರೆ!

ಸ್ಪಂದನಾ ಉದ್ದೇಶಿಸಿ ಮಾತು

ಕೆಲ ದಿನಗಳ ಹಿಂದೆ ಜಾಹ್ನವಿ ಅವರು, ಸ್ಪಂದನಾ ಅವರನ್ನು ಉದ್ದೇಶಿಸಿ, ಇವರು ವಾಹಿನಿ ಕಡೆಯಿಂದ ಬಂದವರಾಗಿರುವ ಕಾರಣ, ಅವರನ್ನು ಹೊರಕ್ಕೆ ಕಳುಹಿಸುವುದಿಲ್ಲ. ಅವರನ್ನು ಪ್ರೊಟೆಕ್ಟ್​ ಮಾಡಲಾಗುತ್ತಿದೆ. ಅವರು ಚೆನ್ನಾಗಿ ಆಡದಿದ್ದರೂ ಮನೆಯಲ್ಲಿಯೇ ಉಳಿಸಿಕೊಳ್ಳಲಾಗುತ್ತಿದೆ ಎಂದಿದ್ದರು.

ಮಾತನ್ನು ಸಮರ್ಥಿಸಿಕೊಂಡ ಜಾಹ್ನವಿ

ಈ ಬಗ್ಗೆ ಸುದೀಪ್​ ಚೆನ್ನಾಗಿ ಕ್ಲಾಸ್​ ತೆಗೆದುಕೊಳ್ಳುತ್ತಾರೆ ಎಂದು ಸೋಷಿಯಲ್​ ಮೀಡಿಯಾದಲ್ಲಿ ಸಾಕಷ್ಟು ಮಂದಿ ಹೇಳಿದ್ದರು. ಅದೇ ರೀತಿ ಸುದೀಪ್​​ ಈ ವಿಷಯವಾಗಿ ಮಾತನಾಡಿದರು ಕೂಡ. ಆಗಲೂ ಜಾಹ್ನವಿ ತಮ್ಮ ಮಾತನ್ನು ಸಮರ್ಥಿಸಿಕೊಂಡರು. ಫ್ಯಾನ್ ಫಾಲೋವಿಂಗ್ ಮ್ಯಾಟರ್ ಆಗುತ್ತೆ ಅಂತ ನಾನು ಹೇಳಿದ್ದೀನಿ. ನನ್ನ ಹೇಳಿಕೆಗೆ ಬದ್ಧವಾಗಿದ್ದೀನಿ ಎಂದರು.

ಗುಟ್ಟು ರಿವೀಲ್​

ಈ ಸಮಯದಲ್ಲಿ ಸುದೀಪ್​ ಒಂದು ಗುಟ್ಟನ್ನು ರಿವೀಲ್​ ಮಾಡಿದ್ರು. ನಿಮ್ಮ ಮಾತಿಗೆ ಗೌರವ ಕೊಟ್ಟೇ ಒಂದು ಪ್ರಶ್ನೆ ಕೇಳುತ್ತೇನೆ. ಇಷ್ಟೆಲ್ಲಾ ತಿಳಿವಳಿಕೆ ನಿಮಗೆ ಇದೆ ಎನ್ನೋದಾದ್ರೆ, ನೀವೂ ಕೂಡ ಚಾನೆಲ್​ ಕಡೆಯವರೇ ಅಲ್ವಾ ಎಂದು ಪ್ರಶ್ನಿಸಿದರು.

ನೀವೇ ತಾನೇ?

ನೀವೇ ತಾನೇ ಚಾನೆಲ್‌ ಹತ್ತಿರ ರಿಕ್ವೆಸ್ಟ್ ಮಾಡಿ ಮಾಡಿ ಮಾಡಿ ಬಿಗ್​ಬಾಸ್​​ನಲ್ಲಿ ಅವಕಾಶ ಗಿಟ್ಟಿಸಿಕೊಂಡಿರೋದು? ಈ ಸತ್ಯ ನಿಮಗೆ ಅನಿಸಿದರೆ ಯಾಕೆ ಇಷ್ಟೆಲ್ಲಾ ರಿಕ್ವೆಸ್ಟ್​ ಮಾಡಿಕೊಳ್ಳಬೇಕಿತ್ತು ಎಂದು ಪ್ರಶ್ನಿಸುವ ಮೂಲಕ, ಜಾಹ್ನವಿ ಅವರೇ ಚಾನೆಲ್​ ಬಳಿ ಹೋಗಿ ಅಂಗಲಾಚಿರುವ ವಿಷಯವನ್ನು ರಿವೀಲ್​ ಮಾಡಿದ್ರು.