Bigg Bossನಲ್ಲಿ ಈ ಬಾರಿ ದಾಖಲೆಯ 37 ಕೋಟಿ ವೋಟ್​ ಪಡೆದೋರು ಯಾರು? ಕಿಚ್ಚನಿಂದ ಅಚ್ಚರಿಯ ವಿಷ್ಯ ರಿವೀಲ್​

ಕನ್ನಡ ಬಿಗ್​ಬಾಸ್​ ಈ ಬಾರಿ 37 ಕೋಟಿಗೂ ಅಧಿಕ ಮತಗಳನ್ನು ಪಡೆದು ಹೊಸ ಇತಿಹಾಸ ಸೃಷ್ಟಿಸಿದೆ. ಈ ವಿಷಯವನ್ನು ಕಿಚ್ಚ ಸುದೀಪ್ ಅವರೇ ಬಹಿರಂಗಪಡಿಸಿದ್ದು, ಮೊದಲ ಮತ್ತು ಎರಡನೇ ಸ್ಥಾನಗಳ ನಡುವೆ ಅತಿ ಕಡಿಮೆ ಮತಗಳ ಅಂತರವಿದೆ ಎಂದು ತಿಳಿಸಿದ್ದಾರೆ. 

ನೆಕ್​ ಟು ನೆಕ್​ ಫೈಟ್​

ಅಬ್ಬಬ್ಬಬ್ಬಾ ಎನ್ನುವಂಥ ವಿಷಯವೊಂದು ಈ ಬಾರಿಯ ಕನ್ನಡದ ಬಿಗ್​ಬಾಸ್​ ಸೃಷ್ಟಿಸಿದೆ. ಇದೊಂದು ರೀತಿಯಲ್ಲಿ ಇತಿಹಾಸವೇ ಆಗಿದೆ. ಬಹುಶಃ ಬೇರೆ ಭಾಷೆಗಳಿಗೆ ಹೋಲಿಸಿದರೂ ಇದು ದಾಖಲೆ ಎನ್ನಬಹುದೇನೋ. ಅದೇನೆಂದರೆ, ನಿನ್ನೆ ಮಧ್ಯರಾತ್ರಿ 12 ಗಂಟೆಯವರೆಗೆ ವಿನ್ನರ್​ಗೆ ಬಂದಿರುವ ವೋಟ್​ 37 ಕೋಟಿ!

ಕಿಚ್ಚ ರಿವೀಲ್​

ಈ ಬಗ್ಗೆ ಕಿಚ್ಚ ಸುದೀಪ್​ (Kichcha Sudeep) ರಿವೀಲ್​ ಮಾಡಿದ್ದಾರೆ. ಕಳೆದ ವರ್ಷ ವಿನ್ನರ್​ಗೆ ಐದು ಕೋಟಿ ವೋಟ್​ ಬಂದಿತ್ತು. ಈ ಬಾರಿ ಎಷ್ಟು ವೋಟ್​ ಬಂದಿರಬಹುದು ಎಂದು ಪ್ರಶ್ನಿಸಲಾಗಿದೆ.

37 ಕೋಟಿ ವೋಟ್​

ಅದಕ್ಕೆ ರಘು ಅವರು 12 ರಿಂದ 13 ಕೋಟಿ ಅಂದಿದ್ದರೆ, ಗಿಲ್ಲಿ 8-10 ಕೋಟಿ ಎಂದಿದ್ದಾರೆ. ಆದರೆ ಸುದೀಪ್​ ಅವರು ರಿವೀಲ್​ ಮಾಡಿದ್ದು 37 ಕೋಟಿ ಪ್ಲಸ್​. ನಿನ್ನೆ ಮಧ್ಯರಾತ್ರಿ 12 ಗಂಟೆಯ ವರೆಗೆ ಇಷ್ಟು ವೋಟ್​ ಬಂದಿದೆ ಎಂದಾಗ ಎಲ್ಲರೂ ದಂಗಾಗಿದ್ದಾರೆ.

ಅಚ್ಚರಿಯ ವಿಷ್ಯ ರಿವೀಲ್​

ಇದೇ ವೇಳೆ ಇನ್ನೊಂದು ಅಚ್ಚರಿಯ ವಿಷಯವನ್ನೂ ಸುದೀಪ್​ ರಿವೀಲ್​ ಮಾಡಿದ್ದಾರೆ. ಮೊದಲ ಸ್ಥಾನ ಮತ್ತು ಎರಡನೆಯ ಸ್ಥಾನಕ್ಕೆ ಬಹಳ ಕಡಿಮೆ ಅಂತರವಿದೆ ಎಂದಿದ್ದಾರೆ. ಅಲ್ಲಿಗೆ ವಿನ್ನರ್​ ಮತ್ತು ಮೊದಲ ರನ್ನರ್​ ಅಪ್​ ನಡುವೆ ಸಿಕ್ಕಾಪಟ್ಟೆ ಕಡಿಮೆ ಅಂತರವಿದೆ.

ಯಾರಿವರು?

ಹಾಗಿದ್ದರೆ ವಿನ್​ ಆಗುವವರು ಯಾರು, ರನ್ನರ್ಸ್​ ಅಪ್​ ಯಾರು ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ. ಅಷ್ಟಕ್ಕೂ ಈಗಿರುವ ಕ್ರೇಜ್​ ನೋಡಿದರೆ, ಗಿಲ್ಲಿ ನಟ ಮತ್ತು ಅಶ್ವಿನಿ ಗೌಡ ನಡುವೆ ಈ ಫೈಟ್​ ಇರಬಹುದು ಎನ್ನಲಾಗಿದೆ.