BBK ಗಿಲ್ಲಿ ನಟ ಭಾವುಕ: ಸೋತಿರ್ಬೋದು ಆದ್ರೆ ಸತ್ತಿಲ್ಲ, ಎವಿಕ್ಟ್​ ಆದೆ ಆದ್ರೆ ಜನರ ಮನಸ್ಸಿಂದ ಡಿಲೀಟ್​ ಆಗ್ಲಿಲ್ಲ!

ಬಿಗ್​ಬಾಸ್​ ಫಿನಾಲೆ ಸಮೀಪಿಸುತ್ತಿದ್ದಂತೆ, ಮನೆಯಿಂದ ಹೊರಹೋಗುವ ಬಗ್ಗೆ ಸುದೀಪ್​ ಪ್ರಶ್ನೆಗೆ  ಗಿಲ್ಲಿ ನಟ ಭಾವುಕ ಉತ್ತರ ನೀಡಿದ್ದಾರೆ. ತಾನು ಎವಿಕ್ಟ್ ಆಗಬಹುದು ಆದರೆ ಜನರ ಮನಸ್ಸಿನಿಂದ ಡಿಲೀಟ್ ಆಗುವುದಿಲ್ಲ ಎಂದ ಅವರ ಮಾತು ವೈರಲ್ ಆಗಿದೆ. 

ಸ್ಪರ್ಧಿಗಳ ಹಣಾಹಣಿ

ಸದ್ಯ ಬಿಗ್​ಬಾಸ್​ ಮನೆಯಲ್ಲಿ ಆರು ಜನ ಸ್ಪರ್ಧಿಗಳ ಹಣಾಹಣಿ ನಡೆಯುತ್ತಿದೆ. ಫಿನಾಲೆಗೆ ಇನ್ನೇನು ಕೆಲವೇ ದಿನಗಳು ಬಾಕಿ ಇವೆ. ಆದರೆ ಈ ಸಂದರ್ಭದಲ್ಲಿ ಯಾರು ಬೇಕಾದರೂ ಸೋಲಬಹುದು, ಯಾವ ಕ್ಷಣದಲ್ಲಿ ಯಾರು ಬೇಕಾದರೂ ಹೊರಕ್ಕೆ ಬರಬಹುದು.

ಯಾವ ಕ್ಷಣದಲ್ಲಾದರೂ

ಬಿಗ್​ಬಾಸ್​ ಗೆಲ್ಲಬೇಕು ಎನ್ನುವುದು ಪ್ರತಿಯೊಬ್ಬರ ಕಿಚ್ಚಾದರೂ, ಯಾವ ಕ್ಷಣದಲ್ಲಿಯಾದರೂ ಮನೆಯಿಂದ ಹೊರಕ್ಕೆ ಹೋಗಲು ರೆಡಿಯಾಗಿಯೇ ಇರಬೇಕಿದೆ. ವಾರಾಂತ್ಯದಲ್ಲಿ ಮಾತ್ರವಲ್ಲದೇ, ಮಿಡ್​ವೀಕ್​ನಲ್ಲಿಯೂ ಮನೆಯಿಂದ ಹೊರಕ್ಕೆ ಕಳುಹಿಸುವ ಸಾಧ್ಯತೆ ಇದೆ.

ಸುದೀಪ್​ ಪ್ರಶ್ನೆ

ಇದೀಗ, ಮನೆಯಿಂದ ಹೊರಕ್ಕೆ ಹೋದರೆ ಹೇಗಿರುತ್ತದೆ ಎನ್ನುವ ಬಗ್ಗೆ ಸುದೀಪ್​ ಅವರು ಎಲ್ಲಾ ಸ್ಪರ್ಧಿಗಳನ್ನು ಪ್ರಶ್ನಿಸಿದ್ದರು. ಆಗ ಗಿಲ್ಲಿ ನಟ (Bigg Boss Gilli Nata) ಹೇಳಿರುವ ಮಾತು ಸೋಷಿಯಲ್​ ಮೀಡಿಯಾದಲ್ಲಿ ಭಾರಿ ವೈರಲ್​ ಆಗುತ್ತಿದೆ.

15 ವಾರಗಳ ಅನುಭವ

ನಾನು ಇಲ್ಲಿಗೆ ಬಂದಾಗ ಏಳೆಂಟು ವಾರ ಇರಬಹುದು ಎಂದುಕೊಂಡಿದ್ದೆ. ಆದರೆ ಜನರು ಆಶೀರ್ವದಿಸಿ 15 ವಾರಗಳವರೆಗೆ ನನ್ನನ್ನು ಇಲ್ಲಿಯೇ ಇರುವಂತೆ ಮಾಡಿದ್ದಾರೆ. ಅವರ ಆಶೀರ್ವಾದ ನನ್ನ ಮೇಲೆ ಇರುವುದನ್ನು ಋಣಿಯಾಗಿದ್ದೇನೆ ಎಂದಿದ್ದಾರೆ.

ಡಿಲೀಟ್​ ಆಗಲ್ಲ

ಇದೇ ವೇಳೆ, ನಾನು ಎವಿಕ್ಟ್​ ಆಗಬಹುದು, ಆದರೆ ಜನರ ಮನಸ್ಸಿಂದ ಡಿಲೀಟ್​ ಆಗುವುದಿಲ್ಲ, ನಮ್ಮ ಕನ್ನಡ ಜನತೆ ಅಲ್ಟಿಮೇಟು ಎಂದಿದ್ದಾರೆ. ಅದೇ ವೇಳೆ ಸುದೀಪ್​ ಅವರ ಡೈಲಾಗ್​ ನೆನಪಿಸಿಕೊಂಡ ಗಿಲ್ಲಿ ನಟ, ಸೋಲಬಹುದು ಆದರೆ ಸತ್ತಿಲ್ಲ ಎಂಬ ಡೈಲಾಗ್​ ಕೂಡ ನನಗೆ ನೆನಪಾಗುತ್ತದೆ ಎಂದಿದ್ದಾರೆ.

ಜನರಿಗೆ ಧನ್ಯವಾದ

ಇದನ್ನು ಕೇಳಿದ ಸುದೀಪ್​, ಮೊದಲಿಗೆ ಈ ರೀತಿ ಭಾಷಣ ಮಾಡುತ್ತಿರಲಿಲ್ಲ. ಈಗ ಹೇಗೆ ಕಲಿತ್ರಿ? ಯಾವ ಪಕ್ಷಕ್ಕೆ ಸೇರುವ ಉದ್ದೇಶವಿದೆ ಎಂದು ತಮಾಷೆ ಮಾಡಿದ್ದಾರೆ. ಕೊನೆಗೆ ನೀವು ಸೇಫ್​. ಫೈನಲಿಸ್ಟ್​ ಆಗಿದ್ದೀರಿ ಎಂದಾಗ ಕನ್ನಡದ ಜನತೆಗೆ ಧನ್ಯವಾದ ಎಂದಿದ್ದಾರೆ ಗಿಲ್ಲಿ.