BBK 12: ಕನ್ನಡ ಸರಿಯಾಗಿ ಬರಲ್ಲ ಎಂದು Rakshitha Shetty ಸುಳ್ಳು ಹೇಳ್ತಿದ್ದಾರಾ? ಅಶ್ವಿನಿ SN ಹೇಳಿದ್ದೇನು?

ಬಿಗ್​ಬಾಸ್​ ಮನೆಯಲ್ಲಿ ರಕ್ಷಿತಾ ಶೆಟ್ಟಿಯವರ ಕನ್ನಡ ಭಾಷೆಯ ಬಗ್ಗೆ ಚರ್ಚೆಗಳು ನಡೆಯುತ್ತಿವೆ. ಅವರು ಉದ್ದೇಶಪೂರ್ವಕವಾಗಿ ಅರ್ಧಂಬರ್ಧ ಕನ್ನಡ ಮಾತನಾಡುತ್ತಿದ್ದಾರೆ ಎಂದು ಕೆಲವರು ಆರೋಪಿಸಿದ್ದಾರೆ. ಈ ಬಗ್ಗೆ ಮನೆಯಿಂದ ಹೊರಬಂದಿರುವ ಸ್ಪರ್ಧಿ ಅಶ್ವಿನಿ SN ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.

ರಕ್ಷಿತಾ ಹವಾ

ಸದ್ಯ ಬಿಗ್​ಬಾಸ್​ (Bigg Boss)ನಲ್ಲಿ ರಕ್ಷಿತಾ ಶೆಟ್ಟಿಯ ಹವಾ ಜೋರಾಗಿಯೇ ಇದೆ. ಕೆಲ ದಿನಗಳ ಹಿಂದೆ ಇವರ ವೈಯಕ್ತಿಕ ನಿಂದನೆ ಮಾಡುವ ಮೂಲಕ ಜಾನ್ವಿ ಮತ್ತು ಅಶ್ವಿನಿ ಗೌಡ ಸುದೀಪ್​ ಅವರಿಂದ ತರಾಟೆಗೆ ಒಳಗಾಗಿದ್ದರ ಜೊತೆಗೆ ವೀಕ್ಷಕರಿಂದಲೂ ಟ್ರೋಲ್​ಗೆ ಒಳಗಾಗುತ್ತಿದ್ದಾರೆ. ಇದೀಗ ಈ ಬಗ್ಗೆ ಖುದ್ದು ಜಾನ್ವಿ ಕೂಡ ಮಾಡಿರೋದು ತಪ್ಪಾಗಿದೆ ಎಂದು ಕಣ್ಣೀರು ಇಟ್ಟಿದ್ದಾರೆ.

ಕನ್ನಡದ ಬಗ್ಗೆ ಸುಳ್ಳು ಹೇಳ್ತಿದ್ದಾರಾ ರಕ್ಷಿತಾ?

ಇದರ ನಡುವೆಯೇ ರಕ್ಷಿತಾ ಶೆಟ್ಟಿ ಅವರಿಗೆ ಕನ್ನಡ ಬಂದರೂ ಸುಳ್ಳು ಹೇಳ್ತಿರೋದಾಗಿ ಬಿಗ್​ಬಾಸ್​​ ಮನೆಯಲ್ಲಿ ಗುಸುಗುಸು ಶುರುವಾಗಿತ್ತು. ತುಳು ನಾಡಿನ ರಕ್ಷಿತಾ ಶೆಟ್ಟಿ ಅವರು ಅರ್ಧಂಬರ್ಧ ಕನ್ನಡ ಮಾತನಾಡುತ್ತಲೇ ಸಕತ್​ ಫೇಮಸ್​ ಆದವರು. ಇವರು ತಮ್ಮ ಸೋಷಿಯಲ್​ ಮೀಡಿಯಾದಲ್ಲಿ ಹೆಚ್ಚು ಫಾಲೋವರ್ಸ್​ ಹೊಂದಿರುವುದಕ್ಕೂ ಒಂದು ಇದೇ ಕಾರಣ.

ಅವಕಾಶ ಸಿಕ್ಕಿದ್ದೂ ಇದಕ್ಕಾಗಿಯೇ

ಅಷ್ಟೇ ಅಲ್ಲದೇ ಇವರಿಗೆ ಇದೇ ಅರ್ಧಂಬರ್ಧ ಕನ್ನಡದ ಖ್ಯಾತಿಯೇ ಬಿಗ್​ಬಾಸ್​ ಮನೆಯೊಳಕ್ಕೂ ಹೋಗಲು ಅವಕಾಶ ಕಲ್ಪಿಸಿದೆ. ಕನ್ನಡ ಭಾಷೆ ಅಲ್ಲದಿದ್ದರೂ ಕನ್ನಡವನ್ನು ಕಲಿತು ಇಷ್ಟಾದರೂ ಮಾತನಾಡುತ್ತಾರೆ ಎಂದು ಅವರ ಅಭಿಮಾನಿಗಳೂ ಅಂದುಕೊಳ್ಳುವುದು ಇದೆ. ಆದರೆ ನಿಜಕ್ಕೂ ಇವರು ಫೇಕ್​ ಮಾಡ್ತಿದ್ದಾರಾ?

ರಕ್ಷಿತಾ ಕನ್ನಡದ ಚರ್ಚೆ

ರಕ್ಷಿತಾ ಶೆಟ್ಟಿಯ ಕನ್ನಡದ ಬಗ್ಗೆ ಬಿಗ್​ಬಾಸ್​ ಸ್ಪರ್ಧಿಗಳಲ್ಲಿ ಒಂದು ಹಂತದಲ್ಲಿ ಚರ್ಚೆಯಾಗಿತ್ತು. ಆಕೆ ಫೇಕ್​ ಮಾಡುತ್ತಿದ್ದಾಳೆ ಎಂದಿದ್ದರು ಕೆಲವರು. ಇದೀಗ ಬಿಗ್​ಬಾಸ್​​ನಿಂದ ಹೊರಬಂದಿರುವ ಅಶ್ವಿನಿ SN (Bigg Boss Ashwini SN) ಈ ಬಗ್ಗೆ ಮಾಧ್ಯಮಕ್ಕೆ ನೀಡಿರುವ ಸಂದರ್ಶನದಲ್ಲಿ ತಮ್ಮ ಅನಿಸಿಕೆ ವ್ಯಕ್ತಪಡಿಸಿದ್ದಾರೆ.

ಜಗಳ ಮಾಡುವಾಗ...

ಜಗಳ ಮಾಡುವಾಗ ರಕ್ಷಿತಾ ಕನ್ನಡವನ್ನು ಫ್ಲುಯೆಂಟ್​ ಆಗಿಯೇ ಮಾತನಾಡ್ತಾರೆ, ಬೇರೆ ಸಮಯದಲ್ಲಿ ಅರ್ಧಂಬರ್ಧ ಮಾತನಾಡ್ತಾರೆ. ಸೋ ಒಂದು ಹಂತದಲ್ಲಿ ಈ ಬಗ್ಗೆ ಚರ್ಚೆಯಾಗಿದ್ದು ನಿಜ ಎಂದಿದ್ದಾರೆ.

ತುಂಬಾ ದಿನ ಫೇಕ್​ ಆಗಲ್ಲ

ಆದರೆ ಯಾರದ್ದೇ ಮಾತೃಭಾಷೆ ಕನ್ನಡ ಆಗಿದ್ದರೆ, ಅವರು ತುಂಬಾ ದಿನ ಫೇಕ್​ ಮಾಡಲು ಆಗುವುದಿಲ್ಲ. ಒಂದಿಲ್ಲೊಂದು ದಿನ ಅದು ಬಹಿರಂಗವಾಗಲೇಬೇಕು. ಆದ್ದರಿಂದ ರಕ್ಷಿತಾ ಶೆಟ್ಟಿ ಅವರು ಫೇಕ್​ ಮಾಡುತ್ತಿದ್ದಾರೆ ಎಂದು ನನಗೆ ಅನ್ನಿಸುತ್ತಿಲ್ಲ ಎಂದು ಹೇಳಿದ್ದಾರೆ ಅಶ್ವಿನಿ SN