Bigg Boss ರಕ್ಷಿತಾ ಗೌಡಗೆ ಕೂಡಿ ಬಂತು ಕಂಕಣ ಭಾಗ್ಯ? ಗೆಜ್ಜೆ ಹಾಕಿ ಪ್ರಪೋಸ್​ ಮಾಡಿದ ನಟ ಭವಿಷ್​ ಗೌಡ

ಬಿಗ್ ಬಾಸ್ ಖ್ಯಾತಿಯ ರಕ್ಷಿತಾ ಶೆಟ್ಟಿ 'ಕ್ವಾಟ್ಲೆ ಕಿಚನ್-2' ಶೋನಲ್ಲಿ ಭಾಗವಹಿಸುತ್ತಿದ್ದು, ಇದೇ ವೇದಿಕೆಯಲ್ಲಿ ನಟ ಭವಿಷ್ ಗೌಡ ಗೆಜ್ಜೆ ತೊಡಿಸಿ ಪ್ರಪೋಸ್ ಮಾಡಿದ್ದಾರೆ. ಆದರೆ, ರಿಯಾಲಿಟಿ ಶೋಗಳಲ್ಲಿ ಟಿಆರ್‌ಪಿಗಾಗಿ ಇಂತಹ ಘಟನೆಗಳು ಸಾಮಾನ್ಯವಾಗಿದೆ. 

ಕ್ವಾಟ್ಲೆ ಕಿಚನ್​-2ನಲ್ಲಿ ರಕ್ಷಿತಾ ಶೆಟ್ಟಿ

Bigg Boss ರಕ್ಷಿತಾ ಶೆಟ್ಟಿ ಸದ್ಯ ಕಲರ್ಸ್​ ಕನ್ನಡದ ಕ್ವಾಟ್ಲೆ ಕಿಚನ್​-2ನಲ್ಲಿ ಭಾಗವಹಿಸುತ್ತಿದ್ದಾರೆ. ಇದೇ ವೇದಿಕೆ ಮೇಲೆ ರಕ್ಷಿತಾಗೆ ಕಂಕಣ ಭಾಗ್ಯವೂ ಕೂಡಿ ಬಂದಿದೆ.

ರಕ್ಷಿತಾಗೆ ಪ್ರಪೋಸ್​

ನಟ ಭವಿಷ್​​ ಗೌಡ, ರಕ್ಷಿತಾ ಶೆಟ್ಟಿಗೆ ಗೆಜ್ಜೆ ಹಾಕಿ ವೇದಿಕೆ ಮೇಲೆ ಪ್ರಪೋಸ್ ಮಾಡಿದ್ದಾರೆ. ರಕ್ಷಿತಾ ನಾನು ನಿನ್ನ ಕಾಲಿಗೆ ಹಾಕಿ ಈ ಗೆಜ್ಜೆ, ತುಳಿಯುವೆ ಏಳು ಹೆಜ್ಜೆ ಎಂದಿದ್ದಾರೆ. ಇದನ್ನು ಕೇಳಿ ರಕ್ಷಿತಾ ಶೆಟ್ಟಿ ನಾಚಿ ನೀರಾಗಿದ್ದಾರೆ.

ಷೋಗಳಲ್ಲಿ ಸರ್ವೇ ಸಾಮಾನ್ಯ

ಅಷ್ಟಕ್ಕೂ ರಿಯಾಲಿಟಿ ಷೋಗಳಲ್ಲಿ ಟಿಆರ್​ಪಿಗಾಗಿ ಇಂಥ ದೃಶ್ಯಗಳನ್ನು ತೋರಿಸುವುದು ಸರ್ವೇ ಸಾಮಾನ್ಯ. ಅದು ಡಾನ್ಸ್​ ರಿಯಾಲಿಟಿ ಷೋ ಆಗಿರಲಿ, ಸಂಗೀತದ್ದೇ ಆಗಿರಲಿ, ಇಲ್ಲಿರುವಂತೆ ಅಡುಗೆಯದ್ದೇ ಆಗಿರಲಿ. ಅಲ್ಲಿ ಅವುಗಳಿಗಿಂತಲೂ ಹೆಚ್ಚಿಗೆ ರಾರಾಜಿಸುವುದು ಇಂಥ ಲವ್​ ವಿಷಯಗಳೇ. ಇಂಥ ಜೋಕ್​ಗಳೇ. ಜನರು ಇಂಥದ್ದನ್ನು ತುಂಬಾ ಇಷ್ಟಪಟ್ಟು ನೋಡುವ ಕಾರಣ ವಾಹಿನಿಗಳು ಇವುಗಳನ್ನು ತೋರಿಸುತ್ತವೆ.

ಷೋ ಭಾಗವಾಗಿ...

ಅದೇ ರೀತಿ ಇಲ್ಲಿ ಕೂಡ ರಕ್ಷಿತಾ ಶೆಟ್ಟಿಗೆ ನಟ ಭವಿಷ್ ಗೌಡ ಅವರು ರಿಯಾಲಿಟಿ ಷೋನ ಭಾಗವಾಗಿ ಹೀಗೊಂದು ಡೈಲಾಗ್​ ಹೇಳಿದ್ದಾರಷ್ಟೇ.

ಗಂಧದ ಗುಡಿ ನಾಯಕ

ಇಷ್ಟು ನಟ ಭವಿಷ್​ ಗೌಡ ಎಂದರೆ ಕೆಲವರಿಗೆ ತಿಳಿಯಲಿಕ್ಕಿಲ್ಲ. ಇವರು ಜೀ ಕನ್ನಡದ ಲಕ್ಷ್ಮೀ ನಿವಾಸ ಸೀರಿಯಲ್​​ನಲ್ಲಿ ಮೊದಲು ವಿಶ್ವನ ಪಾತ್ರ ಮಾಡುತ್ತಿದ್ದರು. ಆ ಬಳಿಕ ಕಲರ್ಸ್​ ಕನ್ನಡದ ಗಂಧದ ಗುಡಿ ಸೀರಿಯಲ್​ನಲ್ಲಿ ಲೀಡ್​ ರೋಲ್​ ಸಿಕ್ಕ ಕಾರಣ, ಲಕ್ಷ್ಮೀ ನಿವಾಸ ಸೀರಿಯಲ್​​ ಬಿಟ್ಟರು.

ರಕ್ಷಿತಾಗೆ ಜೋಡಿ

ಇದೀಗ ಕ್ವಾಟ್ಲೆ ಕಿಚನ್​ (Kwatle Kitchen-02) ಷೋನಲ್ಲಿ ರಕ್ಷಿತಾ ಶೆಟ್ಟಿಗೆ ಜೋಡಿಯಾಗಿ ಬಂದಿದ್ದಾರೆ. ಅದೇ ರೀತಿ ಬಿಗ್​ಬಾಸ್​ ಸೂರಜ್​ ಸಿಂಗ್​ ಕೂಡ ಈ ಬಾರಿ ಕಾಣಿಸಿಕೊಳ್ಳಲಿದ್ದಾರೆ. ಅನುಪಮಾ ಗೌಡ ಬದಲು ಈ ಬಾರಿ ಸುಷ್ಮಾ ಕೆ.ರಾವ್​ ನಿರೂಪಣೆ ಮಾಡಲಿದ್ದಾರೆ. ಮೇಘನಾ ರಾಜ್​ ತೀರ್ಪುಗಾರರಾಗಿ ಬಂದಿದ್ದಾರೆ.