Amruthadhaare: ಪೊಲೀಸ್​ ಮಲ್ಲಿಯ ಭರ್ಜರಿ ಎಂಟ್ರಿ- ಜೈದೇವ್​, ಶಕುಂತಲಾಗೆ ಮುಹೂರ್ತ ಫಿಕ್ಸ್​

ಅಮೃತಧಾರೆ ಧಾರಾವಾಹಿಯಲ್ಲಿ ಭೂಮಿಕಾಗೆ ಕ್ಯಾನ್ಸರ್​ ಬಂದಿದ್ದು, ಆಕೆಯ ಬದುಕು ಹೋರಾಟಮಯವಾಗಿದೆ. ಇನ್ನೊಂದೆಡೆ, ಇನ್ಸ್​ಪೆಕ್ಟರ್​ ಆಗಿ ಎಂಟ್ರಿ ಕೊಟ್ಟಿರುವ ಮಲ್ಲಿ, ಜೈದೇವ್ ಮತ್ತು ಶಕುಂತಲಾ ಕುತಂತ್ರವನ್ನು ಬಯಲಿಗೆಳೆಯುವ ಸೂಚನೆ ನೀಡಿದ್ದಾಳೆ.

ಭೂಮಿಕಾ ಮತ್ತು ಗೌತಮ್​ ಬಾಳಿನಲ್ಲಿ ಬಿರುಗಾಳಿ

ಅಮೃತಧಾರೆ ಸೀರಿಯಲ್​ (Amruthadhaare Serial)ನಲ್ಲಿ ಸದ್ಯ ಭೂಮಿಕಾ ಮತ್ತು ಗೌತಮ್​ ಬಾಳಿನಲ್ಲಿ ಬಿರುಗಾಳಿ ಬಂದಿದೆ. ಭೂಮಿಕಾಗೆ ಬ್ರೆಸ್ಟ್​ ಕ್ಯಾನ್ಸರ್​ ಬಂದಿದ್ದು, ವೈದ್ಯರು ಟ್ರೀಟ್​ಮೆಂಟ್​ ಶುರು ಮಾಡುವಂತೆ ಹೇಳಿದ್ದಾರೆ. ಕ್ಯಾನ್ಸರ್ ಎಂದಾಕ್ಷಣ ಕಿಮೋಥೆರಪಿಗೆ ಎಲ್ಲದ್ದಕ್ಕೂ ಮದ್ದು ಎನ್ನುವ ಅಂಶವನ್ನು ಈ ಸೀರಿಯಲ್​ನಲ್ಲಿಯೂ ಹೇಳಲಾಗಿದ್ದು, ಅದರಂತೆ ಭೂಮಿಕಾಗೆ ಕಿಮೋಥೆರಪಿಗೆ ಡಾಕ್ಟರ್​ ಶಿಫಾರಸು ಮಾಡಿದ್ದಾರೆ.

ಮಲ್ಲಿ ಭರ್ಜರಿ ಎಂಟ್ರಿ

ಅದೇ ಇನ್ನೊಂದೆಡೆ, ಮಲ್ಲಿ ಪೊಲೀಸ್​ ಇಲಾಖೆಗೆ ಜಾಯಿನ್​ ಆಗಿದ್ದಾಳೆ. ಓಡಿಹೋಗುತ್ತಿರುವ ಕಳ್ಳನೊಬ್ಬನನ್ನು ಹಿಡಿಯುವ ಮೂಲಕ ಮಲ್ಲಿ ಗ್ರ್ಯಾಂಡ್​ ಎಂಟ್ರಿ ನೀಡಿದ್ದಾಳೆ.

ಜೈದೇವ್​, ಶಕುಂತಲಾ ಕುತಂತ್ರ

ಅದೇ ಇನ್ನೊಂದೆಡೆ, ಜೈದೇವ್​ ಮತ್ತು ಶಕುಂತಲಾ ಗೌತಮ್​ ಫ್ಯಾಮಿಲಿಯನ್ನು ಬೀದಿಗೆ ತರುವ ಹುನ್ನಾರ ಮಾಡುತ್ತಿದ್ದಾರೆ. ಇಲ್ಲಿಯವರೆಗೆ ಅವರಿಬ್ಬರೂ ಹೇಗೋ ತಪ್ಪಿಸಿಕೊಂಡಿದ್ದರು. ಅದರಲ್ಲಿಯೂ ಜೈದೇವ ದಿಯಾಳ ಕೊಲೆ ಮಾಡಿದ್ದು, ಇನ್ನೂ ಯಾರಿಗೂ ಗೊತ್ತಿಲ್ಲ.

ಜೈದೇವ್​ಗೆ ಮುಹೂರ್ತ ಫಿಕ್ಸ್​

ಇದೀಗ ಮಲ್ಲಿ ಇನ್ಸ್​ಪೆಕ್ಟರ್​ ಆಗಿರುವ ಹಿನ್ನೆಲೆಯಲ್ಲಿ, ಜೈದೇವ್​ಗೆ ಮುಹೂರ್ತ ಫಿಕ್ಸ್​ ಮಾಡೋದು ಗ್ಯಾರೆಂಟಿ. ದಿಯಾಳ ಕಣ್ಮರೆ ಕೇಸನ್ನು ತೆಗೆದುಕೊಂಡು ಜೈದೇವ್​ ನನ್ನು ಜೈಲಿಗೆ ತಳ್ಳುವಲ್ಲಿ ಎರಡು ಮಾತಿಲ್ಲ.

ಕೆಟ್ಟ ದಿನ ಶುರು

ಅದೇ ರೀತಿ, ಶಕುಂತಲಾ ಕುತಂತ್ರ ಕೂಡ ಬಯಲು ಮಾಡಿ ಆಕೆಗೂ ಮಗನ ಜೊತೆಗೇ ಜೈಲೂಟ ಹಾಕಿಸುತ್ತಾಳೆ. ಅಲ್ಲಿಗೆ ಜೈದೇವ್​ ಮತ್ತು ಶಕುಂತಲಾರ ಕೆಟ್ಟ ದಿನ ಶುರುವಾದಂತಿದೆ.

ಭೂಮಿಕಾ ಹೋರಾಟದ ಬದುಕು

ಇದು ಖುಷಿಯ ವಿಷಯವೇ ಆಗಿದ್ದರೂ, ಅದೇ ಇನ್ನೊಂದೆಡೆ, ಗೌತಮ್​ ಮತ್ತು ಭೂಮಿಕಾ ಹೋರಾಟ ಬದುಕು ನಡೆಸುತ್ತಿದ್ದಾರೆ. ವೈದ್ಯೆ ಉಳಿಯುವ ಭರವಸೆಯನ್ನೂ ನೀಡಿರುವ ಹಿನ್ನೆಲೆಯಲ್ಲಿ ಪತ್ನಿಯನ್ನು ಉಳಿಸಿಕೊಳ್ಳಲು ಗೌತಮ್​ ಸಾಹಸ ಮಾಡೇ ಮಾಡುತ್ತಾನೆ.

ಹ್ಯಾಪ್ಪಿ ಎಂಡಿಂಗ್​

ಕೊನೆಗೂ ಗೆಲುವು ಗೌತಮ್​ ಮತ್ತು ಭೂಮಿಕಾರದ್ದು ಆಗಿಯೇ ಆಗುತ್ತದೆ ಎನ್ನುವುದು ನಿಜನೇ. ಸೀರಿಯಲ್​ ಹ್ಯಾಪ್ಪಿ ಎಂಡಿಂಗ್​ ಆಗುತ್ತದೆ. ಆದರೆ, ಇದರ ನಡುವೆಯೇ ಕ್ಯಾನ್ಸರ್​ ರೋಗಿಗಳ ಬಾಳಿನಲ್ಲಿ ಆಶಾದಾಯಕ ಮಾತುಗಳನ್ನು ವೈದ್ಯರ ಬಾಯಿಯಿಂದ ಹೇಳಿಸಿ ಎನ್ನುವ ಕಮೆಂಟ್ಸ್​ ಸೋಷಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿದೆ.