Amruthadhaare: ಅಖಿಲಾಂಡೇಶ್ವರಿ ಹುಡುಕುವ ಮಗಳೇ ಗೌತಮ್​ಗೆ ಕಂಟಕ ಆಗ್ತಾಳಾ? ಜೈದೇವ್​ ಮಾಸ್ಟರ್​ ಪ್ಲ್ಯಾನ್​ ಏನು

ಅಮೃತಧಾರೆ ಧಾರಾವಾಹಿಯಲ್ಲಿ ಜೈದೇವ್, ಶಕುನಿ ಮಾಮನ ಸಹಾಯದಿಂದ ಜೈಲಿನಿಂದ ಬಿಡುಗಡೆಯಾಗಿದ್ದಾನೆ. ಗೌತಮ್ ಜೀವಕ್ಕೆ ಸ್ವಂತ ಮಗಳಿಂದಲೇ ಅಪಾಯವಿದೆ ಎಂಬ ಜ್ಯೋತಿಷಿಗಳ ಭವಿಷ್ಯದಂತೆ, ಜೈದೇವ್ ಗೌತಮ್-ಭೂಮಿಕಾರ ಕಾಣೆಯಾದ ಮಗಳನ್ನು ಹುಡುಕಿ, ಆಕೆಯ ಮೂಲಕವೇ ಗೌತಮ್‌ಗೆ ಕಂಟಕ ತರುವ ಸಾಧ್ಯತೆ ದಟ್ಟವಾಗಿದೆ.

ಜೈದೇವ್​ಗೆ ಜೈಲಿನ ಸಹವಾಸ

ಅಮೃತಧಾರೆ ಸೀರಿಯಲ್​ (Amruthadhaare Serial) ಸದ್ಯ ರೋಚಕ ಹಂತ ತಲುಪಿದೆ. ಜೈದೇವ ಜೈಲುಪಾಲಾಗಿದ್ದಾನೆ. ಜೈಲಲ್ಲಿ ಆತನಿಗೆ ಎಲ್ಲಾ ಬಗೆಯ ಶಿಕ್ಷೆಯನ್ನು ಇದಾಗಲೇ ಪೊಲೀಸರು ನೀಡಿಯಾಗಿದೆ. ಏಳೇಳು ಜನ್ಮಕ್ಕಾಗುವಷ್ಟು ಟಾರ್ಚರ್​ ಜೈಯಲ್ಲಿ ಅನುಭವಿಸಿದ್ದಾನೆ ಜೈದೇವ್​.

ಬಂದೇ ಬಿಟ್ಟ ಶಕುನಿ ಮಾಮಾ

ಇದೇ ಹೊತ್ತಿನಲ್ಲಿ ಕುತೂಹಲ ಎನ್ನುವಂತೆ ಶಕುನಿ ಮಾಮಾ ಜೈದೇವನ ರಕ್ಷಣೆಗೆ ಬಂದಿದ್ದಾನೆ. ಅವನನ್ನು ಜೈಲಿನಿಂದ ಬಿಡಿಸಿಕೊಂಡು ಹೋಗಲು ಬಂದಾಗ, ನಿಮ್ಮ ಯಾರ ಸಹವಾಸ ನನಗೆ ಬೇಡ ಎಂದಿದ್ದಾನೆ ಜೈದೇವ್​. ಕೊನೆಗೆ ಪೊಲೀಸರು ಧಮ್ಕಿ ಕೊಟ್ಟ ಮೇಲೆ ಹೋಗಲು ಒಪ್ಪಿಕೊಂಡಿದ್ದಾನೆ.

ಶಕುನಿ ಮಾಮಾ ಡಬಲ್​ ಗೇಮ್?

ಶಕುನಿ ಮಾಮಾ ಡಬಲ್​ ಗೇಮ್ ಆಡ್ತಿದ್ದಾನಾ, ಅಥವಾ ಗೌತಮ್​ ಅಣತಿಯಂತೆ ಜೈದೇವನನ್ನು ಬಿಡಿಸಿಕೊಂಡು ಹೋಗಲು ಬಂದಿದ್ದಾನಾ ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ. ಆದರೆ ಜೈಲಿನಿಂದ ಬಿಡುಗಡೆ ಹೊಂದುವ ಜೈದೇವ ಅಂತೂ ಸುಮ್ಮನೇ ಇರಲ್ಲ. ಅದು ಹುಟ್ಟುಗುಣ, ಎಲ್ಲಿ ಬಿಡುತ್ತಾನೆ ಹೇಳಿ.

ಜ್ಯೋತಿಷಿಗಳ ಮಾತು

ಇದಾಗಲೇ ಹೆತ್ತ ಮಗಳಿಂದ ಗೌತಮ್​ ಜೀವಕ್ಕೆ ಅಪಾಯ ಇದೆ ಎಂದು ಜ್ಯೋತಿಷಿಗಳು ಹೇಳಿಯಾಗಿದೆ. ನಿಜ ಜೀವನದಲ್ಲಿ ಜ್ಯೋತಿಷಿಗಳ ಮಾತು ಎಷ್ಟು ನಿಜವಾಗುತ್ತೋ ಬಿಡುತ್ತೋ, ಆದರೆ ಸೀರಿಯಲ್​ಗಳಲ್ಲಂತೂ ಅದು ನಿಜವಾಗುತ್ತದೆ. ಅವರ ಪ್ರಕಾರ ಭೂಮಿಕಾ ಮತ್ತೊಮ್ಮೆ ಗರ್ಭಿಣಿಯಾಗುತ್ತಾಳೆ ಎನ್ನುವುದು. ಆದರೆ ಈಗ ಮಿಸ್​ ಆಗಿರುವ ಮಗಳೇ ಗೌತಮ್​ ಪಾಲಿಗೆ ವಿಲನ್​ ಆಗುತ್ತಾಳಾ ಎನ್ನುವುದು ಸಂದೇಹ.

ಅಖಿಲಾಂಡೇಶ್ವರಿ ಜವಾಬ್ದಾರಿ

ಅಖಿಲಾಂಡೇಶ್ವರಿ ಇದಾಗಲೇ ಗೌತಮ್​ ಮತ್ತು ಭೂಮಿಕಾಗೆ ಮಗಳನ್ನು ಹುಡುಕಿ ಕೊಡುವ ಜವಾಬ್ದಾರಿ ಹೊತ್ತಿದ್ದಾಳೆ. ತಮ್ಮ ಎನ್​ಜಿಒದಿಂದ ಇದನ್ನು ಬಗೆಹರಿಸುವುದಾಗಿ ಹೇಳಿದ್ದಾಳೆ. ಅಲ್ಲಿಗೆ ಗೌತಮ್​ ರಿಯಲ್​ ಮಗಳು ಸಿಗುವುದು ಪಕ್ಕಾ ಆದಂತಿದೆ.

ಮಗಳಿಗೆ ಕೆಟ್ಟ ಬುದ್ಧಿ ತುಂಬ್ತಾನಾ?

ಒಂದೆಡೆ ಜೈಲಿನಿಂದ ಬಿಡುಗಡೆಯಾದ ಜೈದೇವ್​, ಇನ್ನೊಂದು ಗೌತಮ್​ಗೆ ಮಗಳಿಂದ ಕಂಟಕ ಇವೆರಡೂ ತಾಳೆ ಹಾಕಿನೋಡಿದರೆ, ಗೌತಮ್​- ಭೂಮಿಕಾ ರಿಯಲ್​ ಮಗಳ ತಲೆಗೆ ಜೈದೇವ್​ ಏನೇನೋ ತುಂಬಿ ಅವಳನ್ನು ವಿಲನ್​ ಮಾಡುವ ಸಾಧ್ಯತೆ ಇದೆ. ಒಟ್ಟಿನಲ್ಲಿ ಸದ್ಯ ಸೀರಿಯಲ್​ ಏನಾಗುತ್ತದೆಯೋ ನೋಡಬೇಕಿದೆ.