Sandalwood movies 2025: ಈ ವರ್ಷ ಬಾಕ್ಸ್ ಆಫೀಸ್ ಉಡೀಸ್ ಮಾಡಿದ ಕನ್ನಡ ಸಿನಿಮಾಗಳು

Sandalwood movies 2025: 2025ರಲ್ಲಿ ಚಂದನವನದಲ್ಲಿ ಹಲವಾರು ಸಿನಿಮಾಗಳು ಬಿಡುಗಡೆಯಾಗಿವೆ. ಆದರೆ ಗಲ್ಲಾಪೆಟ್ಟಿಗೆ ಕೊಳ್ಳೆ ಹೊಡೆದ ಸಿನಿಮಾಗಳು ಮಾತ್ರ ಕೆಲವೇ ಕೆಲವು. ಇದರಲ್ಲಿ ಕಾಂತಾರ ಚಾಪ್ಟರ್ 1 ಮೊದಲನೇ ಸ್ಥಾನದಲ್ಲಿದೆ. ಹಾಗಿದ್ರೆ ಸೂಪರ್ ಹಿಟ್ ಆಗಿರುವ ಉಳಿದ ಸಿನಿಮಾಗಳು ಯಾವುವು ನೋಡೋಣ. 

ಬ್ಲಾಕ್ ಬಸ್ಟರ್ ಸಿನಿಮಾ

2025ರಲ್ಲಿ ಹಲವಾರು ಸಿನಿಮಾಗಳು ಕನ್ನಡದಲ್ಲಿ ಬಿಡುಗಡೆಯಾಗಿವೆ. ಆದರೆ ಸೂಪರ್ ಹಿಟ್ ಆದ, ಗಲ್ಲಾ ಪೆಟ್ಟಿಗೆಯಲ್ಲಿ ಸದ್ದು ಮಾಡಿದ ಸಿನಿಮಾಗಳು ಕೆಲವೇ ಕೆಲವು. ಇಲ್ಲಿದೆ ಈ ವರ್ಷ ಸದ್ದು ಮಾಡಿದ ಕೆಲವು ಸಿನಿಮಾಗಳು.

ಕಾಂತಾರ ಚಾಪ್ಟರ್ 1:

ರಿಷಭ್ ಶೆಟ್ಟಿ, ರುಕ್ಮಿಣಿ ವಸಂತ್, ಜಯರಾಂ, ಗುಲ್ಶನ್ ದೇವಯ್ಯ ನಟಿಸಿರುವ ಕಾಂತಾರ ಚಾಪ್ಟರ್ 1 ಚಿತ್ರ, ದೇಶದಾದ್ಯಂತ ರಿಲೀಸ್ ಆಗಿ ಭಾರಿ ಸದ್ದು ಮಾಡಿತ್ತು. ಈ ಚಿತ್ರ 850 ರಿಂದ 900 ಕೋಟಿ ಗಳಿಸಿತ್ತು.

ಮಹಾವತಾರ್ ನರಸಿಂಹ

ಮಹಾವತಾರ್ ನರಸಿಂಹ ಕನ್ನಡ ಸಿನಿಮಾವಲ್ಲ, ಆದರೆ ಕ್ಲೀಮ್ ಪ್ರೊಡಕ್ಷನ್ ಕಂಪನಿಯ ಈ ಆನಿಮೇಷನ್ ಚಿತ್ರ, ಕನ್ನಡದಲ್ಲೂ ಬಿಡುಗಡೆಯಾಗಿ ಯಶಸ್ಸು ಕಂಡಿತ್ತು. ಈ ಸಿನಿಮಾ 300 - 325 ಕೋಟಿ ಗಳಿಸಿತ್ತು.

ಸು ಫ್ರಮ್ ಸೋ

ಯಾರೂ ಊಹಿಸದ ಕನ್ನಡದ ಈ ಸಣ್ಣ ಬಜೆಟ್ ಕಾಮಿಡಿ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಜೆಪಿ ತುಮಿನಾಡ್ ನಟಿಸಿ ನಿರ್ದೇಶಿರುವ, ರಾಜ್ ಬಿ ಶೆಟ್ಟಿ ನಿರ್ಮಾಣ ಮಾಡಿ ನಟಿಸಿರುವ ಈ ಚಿತ್ರ 125 ಕೋಟಿ ಗಳಿಸಿತ್ತು ಇತಿಹಾಸವೇ ಸರಿ.

ಜೂನಿಯರ್

ರಾಧಾ ಕೃಷ್ಣ ರೆಡ್ಡಿ ನಿರ್ದೇಶನ ಮಾಡಿರುವ ಕಿರೀಟಿ ರೆಡ್ಡಿ, ಶ್ರೀಲೀಲಾ, ಜೆಲಿಲಿಯಾ ಹಾಗೂ ರವಿಚಂದ್ರನ್ ನಟಿಸಿರುವ ಸಿನಿಮಾ ಕನ್ನಡ ಮತ್ತು ತೆಲುಗಿನಲ್ಲಿ ರಿಲೀಸ್ ಆಗಿತ್ತು. ಈ ಚಿತ್ರದ ಗಳಿಕೆ 12.45 ಕೋಟಿಯಾಗಿತ್ತು.

ಎಕ್ಕ

ಯುವ ರಾಜಕುಮಾರ್, ಸಂಪದ ಮತ್ತು ಸಂಜನಾ ಆನಂದ್ ನಟಿಸಿರುವ ಈ ಚಿತ್ರದ ಕಥೆಯನ್ನು ಸಹ ಜನರು ಇಷ್ಟಪಟ್ಟಿದ್ದರು, ರೋಹಿತ್ ಪಡಾಕಿ ನಿರ್ದೇಶನ ಮಾಡಿರುವ ಈ ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ 12 ಕೋಟಿ ಗಳಿಸಿತ್ತು.

ಮಾದೇವ

ನವೀನ್ ರೆಡ್ಡಿ ನಿರ್ದೇಶನ ಮತ್ತು ನಿರ್ಮಾಣ ಮಾಡಿರುವ ಈ ಚಿತ್ರದಲ್ಲಿ ವಿನೋದ್ ಪ್ರಭಾಕರ್ ಮತ್ತು ಸೋನಲ್ ಮೊಂಥೆರೋ ನಟಿಸಿದ್ದಾರೆ. ಇದು ಜೈಲು ಮತ್ತು ಹ್ಯಾಂಗ್ ಮ್ಯಾನ್ ಕಥೆಯನ್ನು ಹೊಂದಿದ ಸಿನಿಮಾ. ಈ ಚಿತ್ರವನ್ನು ಜನರು ಮೆಚ್ಚಿಕೊಂಡಿದ್ದರು. ಈ ಚಿತ್ರ 7.37 ಕೋಟಿ ಗಳಿಸಿತ್ತು.

ಛೂ ಮಂಥರ್

ನವನೀತ್ ನಿರ್ದೇಶನ ಮಾಡಿರುವ ಶರಣ್, ಮೇಘನಾ ಗಾಂವ್ಕರ್, ಅದಿತಿ ಪ್ರಭುದೇವ ನಟಿಸಿರುವ ಈ ಹಾರರ್ ಸಿನಿಮಾ ಛೂ ಮಂಥರ್ ಬಾಕ್ಸ್ ಆಫೀಸ್ ನಲ್ಲಿ 6.45 ಕೋಟಿ ಗಳಿಸಿತ್ತು.

ಯುದ್ಧಕಾಂಡ ಚಾಪ್ಟರ್ 2

ಅಜಯ್ ರಾವ್, ಪ್ರಕಾಶ್ ಬೆಳವಾಡಿ ಮತ್ತು ಅರ್ಚನಾ ಜೋಯಿಸ್ ನಟಿಸಿರುವ ಕೋರ್ಟ್ ಕಥೆಯನ್ನು ಹೊಂದಿರುವ ಚಿತ್ರ ಯುದ್ಧಕಾಂಡ ಚಾಪ್ಟರ್ 2. ಈ ಚಿತ್ರವೂ ಸೂಪರ್ ಹಿಟ್ ಆಗಿತ್ತು. ಈ ಚಿತ್ರ 5.54 ಕೋಟಿ ಗಳಿಸಿದೆ.

ಬ್ರಾಟ್

ಇತ್ತೀಚೆಗೆ ಬಿಡುಗಡೆಯಾದ ಡಾರ್ಲಿಂಗ್ ಕೃಷ್ಣ ನಟಿಸಿರುವ ಬ್ರಾಟ್ ಸಿನಿಮಾವನ್ನು ಸಹ ಜನ ಸಿಕ್ಕಾಪಟ್ತೆ ಇಷ್ಟಪಟ್ಟಿದ್ದರು, ಭರ್ಜರಿ ಮನರಂಜನೆ ನೀಡಿರುವ ಈ ಚಿತ್ರ 5.47 ಕೋಟಿ ಗಳಿಸಿತ್ತು.

ಏಳುಮಲೆ

ಇನ್ನು ರಾಣಾ ಮತ್ತು ಪ್ರಿಯಾಂಕಾ ಆಚಾರ್ ನಟಿಸಿರುವ ಪುನೀತ್ ರಂಗಸ್ವಾಮಿ ನಿರ್ದೇಶನದ ಏಳುಮಲೆ ಸಿನಿಮಾ ಪ್ರೇಮಿಗಳ ಕಥೆಯನ್ನು ಹೇಳಿದ್ದು, ಇದನ್ನು ಕೂಡ ಜನ ಇಷ್ಟಪಟ್ಟಿದ್ದರು. ಈ ಚಿತ್ರ 5.25 ಕೋಟಿ ಗಳಿಸಿತ್ತು.