ಸಿಕ್ಕಾಪಟ್ಟೆ ರೊಚ್ಚಿಗೆದ್ದ ತನಿಷಾ ಕುಪ್ಪಂಡ, 'ರೇಟ್ ಎಷ್ಟು' ಕೇಳಿದ ಕಿಡಿಗೇಡಿಗೆ ಬಿಗ್ ಶಾಕ್ ಕೊಟ್ಟ 'ಬಿಗ್ ಬಾಸ್' ನಟಿ!

ಇನ್‌ಸ್ಟಾಗ್ರಾಮ್‌ನಲ್ಲಿ ಅನಿಲ್ ಕುಮಾರ್ ಎಂಬ ಹೆಸರಿನ ಈ ವ್ಯಕ್ತಿ, ಆರಂಭದಲ್ಲಿ ತಾನೊಬ್ಬ ಸಭ್ಯ "ಸ್ಟ್ರೀಟ್ ಫೋಟೋಗ್ರಾಫರ್" ಎಂದು ಪೋಸ್ ಕೊಟ್ಟಿದ್ದಾನೆ. ತನಿಷಾ ಅವರ ಇನ್‌ಬಾಕ್ಸ್ ಪ್ರವೇಶಿಸಿದ ಈತ, ಮೊದಲಿಗೆ ಫೋಟೋಗ್ರಫಿ ಬಗ್ಗೆ ಮಾತನಾಡುತ್ತಲೇ ತನ್ನ ಅಸಲಿ ಬಣ್ಣ ಬಯಲು ಮಾಡಿದ್ದಾನೆ. ಏನಿದು ಸ್ಟೋರಿ?

ಬಿಗ್‌ ಬಾಸ್ ಸುಂದರಿ ತನಿಷಾ ಕುಪ್ಪಂಡ ರೊಚ್ಚಿಗೆದ್ದಿದ್ದೇಕೆ? 'ರೇಟ್' ಕೇಳಿದ ಕಿಡಿಗೇಡಿಗೆ ನಟಿ ಕೊಟ್ಟ 'ಬಿಗ್' ಶಾಕ್ ಏನು ಗೊತ್ತಾ?

ಕಿರುತೆರೆಯ "ಫೈರ್ ಬ್ರ್ಯಾಂಡ್", ಬಿಗ್ ಬಾಸ್ ಕನ್ನಡದ ಸೀಸನ್ 10ರ ಖಡಕ್ ಸ್ಪರ್ಧಿ ತನಿಷಾ ಕುಪ್ಪಂದ್ (Tanisha Kuppanda) ಅಂದ್ರೆ ಯಾರಿಗೆ ತಾನೇ ಗೊತ್ತಿಲ್ಲ? ಸದಾ ನೇರ-ನಿಷ್ಠುರ ಮಾತಿನ ಮೂಲಕವೇ ಮನೆಮಾತಾಗಿರುವ ಈ ಸಿಂಹಿಣಿಗೆ ಇತ್ತೀಚೆಗೆ ಸೋಷಿಯಲ್ ಮೀಡಿಯಾದಲ್ಲಿ ಒಬ್ಬ ಕಿರಾತಕ "ಸವಾಲು" ಹಾಕುವ ದುಸ್ಸಾಹಸ ಮಾಡಿದ್ದಾನೆ. ಆದರೆ ಆತ ಮಾಡಿದ್ದು ಸಾಮಾನ್ಯ ಮೆಸೇಜ್ ಅಲ್ಲ, ಒಬ್ಬ ನಟಿಯ ಘನತೆಗೆ ಧಕ್ಕೆ ತರುವಂತಹ ಅಸಭ್ಯ ವರ್ತನೆ!

ಏನಿದು 'ಫೋಟೋಗ್ರಾಫರ್' ಮುಖವಾಡದ ವಿಕೃತಿ?

ಸಿನಿಮಾ ರಂಗದಲ್ಲಿ ಬೆಳೆಯುತ್ತಿರುವ ನಟಿಯರಿಗೆ ಅಭಿಮಾನಿಗಳ ಪ್ರೀತಿ ಎಷ್ಟು ಸಿಗುತ್ತದೋ, ಅಷ್ಟೇ ಕಿರಿಕಿರಿ ಕೊಡುವ ಕಿಡಿಗೇಡಿಗಳೂ ಇರುತ್ತಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಅನಿಲ್ ಕುಮಾರ್ ಎಂಬ ಹೆಸರಿನ ಈ ವ್ಯಕ್ತಿ, ಆರಂಭದಲ್ಲಿ ತಾನೊಬ್ಬ ಸಭ್ಯ "ಸ್ಟ್ರೀಟ್ ಫೋಟೋಗ್ರಾಫರ್" ಎಂದು ಪೋಸ್ ಕೊಟ್ಟಿದ್ದಾನೆ. ತನಿಷಾ ಅವರ ಇನ್‌ಬಾಕ್ಸ್ ಪ್ರವೇಶಿಸಿದ ಈತ, ಮೊದಲಿಗೆ ಫೋಟೋಗ್ರಫಿ ಬಗ್ಗೆ ಮಾತನಾಡುತ್ತಲೇ ತನ್ನ ಅಸಲಿ ಬಣ್ಣ ಬಯಲು ಮಾಡಿದ್ದಾನೆ.

ಬೆತ್ತಲಾಯ್ತು ವಿಕೃತ ಮನಸ್ಸು!

ಯಾವಾಗ ತನಿಷಾ ಮೆಸೇಜ್ ನೋಡಿರಬಹುದು ಎಂದು ಅಂದುಕೊಂಡನೋ, ಕೂಡಲೇ ಈ ಅನಿಲ್ ಕುಮಾರ್ ತನ್ನ ವಿಕೃತ ಬುದ್ಧಿ ತೋರಿಸಿದ್ದಾನೆ. ಅತ್ಯಂತ ಕೀಳು ಮಟ್ಟದ ಭಾಷೆಯಲ್ಲಿ "ಡೇಟಿಂಗ್ ಬರ್ತೀಯಾ? ನಿನ್ನ ರೇಟ್ ಎಷ್ಟು?" ಎಂದು ಮೆಸೇಜ್ ಮಾಡಿದ್ದಾನೆ. ಒಬ್ಬ ಮಹಿಳೆಗೆ, ಅದರಲ್ಲೂ ಸಾರ್ವಜನಿಕವಾಗಿ ಗುರುತಿಸಿಕೊಂಡಿರುವ ನಟಿಗೆ ಇಷ್ಟೊಂದು ಹಗುರವಾಗಿ ಪ್ರಶ್ನೆ ಕೇಳಿದ ಈತನ ಧೈರ್ಯಕ್ಕೆ ತನಿಷಾ ಅಕ್ಷರಶಃ ಕೆಂಡಾಮಂಡಲವಾಗಿದ್ದಾರೆ.

ಸುಮ್ಮನೆ ಬಿಡದ ತನಿಷಾ: ಕಿಡಿಗೇಡಿಗೆ ಸಾರ್ವಜನಿಕವಾಗಿ ಮುಖಭಂಗ!

ಸಾಮಾನ್ಯವಾಗಿ ಇಂತಹ ಮೆಸೇಜ್ ಬಂದಾಗ ಅನೇಕರು ಅದನ್ನು ಇಗ್ನೋರ್ ಮಾಡುತ್ತಾರೆ. ಆದರೆ ತನಿಷಾ ಆ ಗುಂಪಿಗೆ ಸೇರಿದವರಲ್ಲ! ಆತ ಕಳುಹಿಸಿದ ಪ್ರತಿಯೊಂದು ಅಸಭ್ಯ ಮೆಸೇಜ್ ಹಾಗೂ ಆತನ ಇನ್‌ಸ್ಟಾಗ್ರಾಮ್ ಪ್ರೊಫೈಲ್ ಅನ್ನು ಸ್ಕ್ರೀನ್‌ಶಾಟ್ ತೆಗೆದು ತಮ್ಮ ಸ್ಟೇಟಸ್‌ನಲ್ಲಿ ಹಾಕುವ ಮೂಲಕ ಇಡೀ ಜಗತ್ತಿನ ಮುಂದೆ ಆತನನ್ನು ಬೆತ್ತಲೆ ಮಾಡಿದ್ದಾರೆ. "ನೋಡಿ ಇವನ ಯೋಗ್ಯತೆಯನ್ನು" ಎಂದು ಸಾರುವ ಮೂಲಕ ಆತನಿಗೆ ತಕ್ಕ ಶಾಸ್ತಿ ಮಾಡಿದ್ದಾರೆ.

ಪ್ರಾಮಾಣಿಕ ಫೋಟೋಗ್ರಾಫರ್‌ಗಳ ಬಗ್ಗೆ ನಟಿ ಕಳವಳ:

ಈ ಘಟನೆಯಿಂದ ತೀವ್ರ ಮನನೊಂದಿರುವ ತನಿಷಾ, "ಈ ತರಹದ ವಿಕೃತ ಮನಸ್ಥಿತಿಯ ಜನರಿಂದಾಗಿ ಹಗಲಿರುಳು ಕಷ್ಟಪಟ್ಟು ಕೆಲಸ ಮಾಡುವ ಮತ್ತು ಕಲೆಯನ್ನೇ ನಂಬಿಕೊಂಡಿರುವ ನೂರಾರು ಒಳ್ಳೆಯ ಫೋಟೋಗ್ರಾಫರ್‌ಗಳಿಗೆ ಕೆಟ್ಟ ಹೆಸರು ಬರುತ್ತದೆ. ಇವನೊಬ್ಬ ಫೋಟೋಗ್ರಾಫರ್ ಎಂದು ಹೇಳಿಕೊಳ್ಳಲು ನಮಗೆ ನಾಚಿಕೆಯಾಗುತ್ತದೆ" ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಸೈಬರ್ ಪೊಲೀಸ್ ಮೆಟ್ಟಿಲೇರುತ್ತಾರಾ ನಟಿ?

ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಈ ವಿಚಾರ ಕಾಡ್ಗಿಚ್ಚಿನಂತೆ ಹಬ್ಬಿದೆ. ತನಿಷಾ ಅಭಿಮಾನಿಗಳು ಮಾತ್ರವಲ್ಲದೆ, ಸಾಮಾನ್ಯ ಜನರೂ ಕೂಡ ಈ ಕಿಡಿಗೇಡಿಯ ವಿರುದ್ಧ ಹರಿಹಾಯುತ್ತಿದ್ದಾರೆ. "ಕೇವಲ ಸ್ಕ್ರೀನ್‌ಶಾಟ್ ಹಾಕಿದರೆ ಸಾಲದು, ಇಂತಹ ನೀಚರನ್ನು ಜೈಲಿಗಟ್ಟಬೇಕು" ಎಂದು ನೆಟ್ಟಿಗರು ಆಗ್ರಹಿಸುತ್ತಿದ್ದಾರೆ. ಸೈಬರ್ ಕ್ರೈಂ ಪೊಲೀಸರು ಇಂತಹ ಸೈಬರ್ ಕಿರುಕುಳ ನೀಡುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂಬ ಕೂಗು ಬಲವಾಗಿದೆ.

ಒಟ್ಟಿನಲ್ಲಿ, ಪರದೆಯ ಮೇಲೆ ಮಾತ್ರವಲ್ಲ, ನಿಜ ಜೀವನದಲ್ಲೂ ತಾನು "ಬೋಲ್ಡ್ ಅಂಡ್ ಬ್ಯೂಟಿಫುಲ್" ಎಂಬುದನ್ನು ತನಿಷಾ ಕುಪ್ಪಂದ್ ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. ವಿಕೃತ ಮನಸ್ಸಿನ ಕಿಡಿಗೇಡಿಗಳಿಗೆ ಇದು ಒಂದು ದೊಡ್ಡ ಪಾಠವಾಗುವುದರಲ್ಲಿ ಸಂಶಯವಿಲ್ಲ!

ಈ ಸ್ರೀನ್‌ಶಾಟ್‌ ಅನ್ನು ನಟಿ ತನಿಷಾ ಅವರು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.