ಪ್ರೀತಿ, ಗೌರವ ಹೊರತು ಪಡಿಸಿ ನೀವು ಲವ್ವಲ್ಲಿ ಬಿದ್ದ ವ್ಯಕ್ತಿಯಿಂದ ನಿಮಗೆ ಹೀಗ್ ಫೀಲ್ ಆಗ್ತಿದ್ಯಾ?

ಹೆಚ್ಚಿನ ಸಂಬಂಧಗಳಲ್ಲಿ ಒಂದು ಹಂತದಲ್ಲಿ, ಜನರು ತಮ್ಮನ್ನು ತಾವು ಒಂದೇ ಪ್ರಶ್ನೆಯನ್ನು ಕೇಳುತ್ತಾರೆ,  ಇವರು ನನಗೆ ನಿಜವಾಗಿಯೂ ಸರಿಯಾದ ವ್ಯಕ್ತಿಯೇ? ಎಂದು. ನೀವು ಈಗಷ್ಟೇ ರಿಲೇಶನ್ ಶಿಪ್ ನಲ್ಲಿರಲಿ ಅಥವಾ ಹಲವು ವರ್ಷದಿಂದ ರಿಲೇಶನ್ ಶಿಪ್ ನಲ್ಲಿರಲಿ ಈ ವ್ಯಕ್ತಿ ಪರ್ಫೆಕ್ಟ್ ಆಗಿದ್ದಾರೆಯೇ ಎನ್ನುವ ಪ್ರಶ್ನೆ ಮೂಡೋದು ಖಚಿತ.  

ಯಾವುದೇ ಸಂಬಂಧದಲ್ಲಿ, ನೀವಿದ್ದರೂ ಜೀವನದ ಒಂದಲ್ಲ ಒಂದು ಘಟ್ಟದಲ್ಲಿ ನಿಮಗೆ ನಿಮ್ಮ ಜೊತೆಗಿರುವ ವ್ಯಕ್ತಿ ಸರಿಯಾದ (dating a right persson) ಆಯ್ಕೆಯೇ ಅಥವಾ ಅಲ್ಲವೇ ಎನ್ನುವ ಯೋಚನೆ ಬಂದೇ ಬರುತ್ತೆ. ಅನೇಕ ಬಾರಿ ಚಲನಚಿತ್ರಗಳಲ್ಲಿನ ಸಂಬಂಧಗಳ ಬಗ್ಗೆ ಕೆಲವು ಅಸಂಬದ್ಧ ವಿಶ್ಲೇಷಣೆ ನೀಡುತ್ತಾರೆ, ಅದು ನಿಜ ಜೀವನದಲ್ಲಿ ನಡೆಯೋದೆ ಇಲ್ಲ. ಡೇಟಿಂಗ್ ಸಮಯದಲ್ಲಿ, ಈ ಪ್ರಶ್ನೆ ಇನ್ನಷ್ಟು ಮುಖ್ಯ. ಇತ್ತೀಚಿನ ದಿನಗಳಲ್ಲಿ ಜನರು ಹುಕಪ್ ಗಳನ್ನು ಮಾತ್ರ ನಂಬುತ್ತಾರೆ ಮತ್ತು ತಮ್ಮ ಸಂಗಾತಿಯನ್ನು ಅನೇಕ ಬಾರಿ ಬದಲಾಯಿಸುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ನಿಜವಾದ ಸಂಬಂಧಗಳನ್ನು ನಂಬುವುದು ಸ್ವಲ್ಪ ಕಷ್ಟ.

ಸರಿಯಾದ ಸಂಬಂಧದಲ್ಲಿರುವುದು (Relationship) ಎಂದರೆ ನೀವು ಅಂತಹ ಸಂಗಾತಿಯನ್ನು ಪಡೆದಿರೋ ನೀವು ಬೆಸ್ಟ್ ಮತ್ತು ನಾನು ಸರಿಯಾದ ವ್ಯಕ್ತಿಯನ್ನೇ ಆಯ್ಕೆ ಮಾಡಿದ್ದೇನೆ ಎಂದು ನಿಮಗೆ ಅನಿಸುತ್ತೆ. ನೀವು ಸರಿಯಾದ ಸಂಬಂಧದಲ್ಲಿದ್ದಾಗ, ನಾನು ಸರಿಯಾದ ಸಂಬಂಧದಲ್ಲಿದ್ದೇನೆಯೇ ಎಂದು ಯೋಚಿಸಲು ನೀವು ಸಾಕಷ್ಟು ಸಮಯವನ್ನು ವ್ಯರ್ಥ ಮಾಡಬೇಕಾಗಿರೋದಿಲ್ಲ.

ಕೆಲವೊಮ್ಮೆ ನೀವು ಸರಿಯಾದ ಸಂಬಂಧದಲ್ಲಿದ್ದೀರಾ ಎಂದು ನಿಮ್ಮನ್ನು ಮತ್ತು ನಿಮ್ಮ ಸಂಗಾತಿಯನ್ನು ಕೇಳಬೇಕು. ಏಕೆಂದರೆ ನಿಮ್ಮ ಸಂಬಂಧದ ಬಗ್ಗೆ ನಿಮ್ಮ ಮನಸ್ಸಿನಲ್ಲಿ ಪ್ರಶ್ನೆಗಳನ್ನು ಹುಟ್ಟುಹಾಕುವ ಪ್ರಶ್ನೆ ಇದ್ದರೆ ಅದಕ್ಕೆ ಉತ್ತರವನ್ನು ಕಂಡುಹಿಡಿಯುವುದು ಬಹಳ ಮುಖ್ಯ. ಇದು ನಿಮ್ಮ ಸಂಬಂಧವನ್ನು ಬಲಪಡಿಸುತ್ತದೆ ಅಥವಾ ನೀವು ಅದರಲ್ಲಿ ಸ್ಪಷ್ಟತೆಯನ್ನು ಪಡೆಯುತ್ತೀರಿ. ನೀವು ಸರಿಯಾದ ವ್ಯಕ್ತಿಯೊಂದಿಗೆ (right person) ಇದ್ದೀರಿ ಎಂದು ಹೇಳುವ ಚಿಹ್ನೆಗಳು ಯಾವುವು ನೋಡೋಣ. 

ಈ 4 ಚಿಹ್ನೆಗಳು ನೀವು ಸರಿಯಾದ ವ್ಯಕ್ತಿಯೊಂದಿಗೆ ಸಂಬಂಧದಲ್ಲಿದ್ದೀರಿ ಎಂದು ತೋರಿಸುತ್ತದೆ

ನಿಮ್ಮನ್ನು ನೀವು ಇದ್ದಂತೆ ಸ್ವೀಕರಿಸುವ ವ್ಯಕ್ತಿ
ಸಂಬಂಧಕ್ಕೆ ಬಂದ ನಂತರ ಅನೇಕ ಜನರು ವ್ಯಕ್ತಿಯನ್ನು ಬದಲಾಯಿಸಲು ಪ್ರಯತ್ನಿಸಲು ಪ್ರಾರಂಭಿಸುತ್ತಾರೆ. ಅವರು ತಮ್ಮ ಸಂಗಾತಿಯನ್ನು ತಮ್ಮಂತೆ ಮಾಡಬೇಕು ಎಂದು ಭಾವಿಸುತ್ತಾರೆ. ಅನೇಕ ಬಾರಿ ನಿಮ್ಮ ಸಂಗಾತಿ ಇಷ್ಟಪಡದ ಕ್ರಿಯೆಗಳನ್ನು ನೀವು ಇಷ್ಟಪಡುತ್ತೀರಿ. ಅನೇಕ ಬಾರಿ ನಿಮ್ಮ ಸಂಗಾತಿಯ ಬಗ್ಗೆ ಕೆಲವು ವಿಷಯಗಳನ್ನು ನೀವು ಇಷ್ಟಪಡುವುದಿಲ್ಲ.

ನೀವು ಇಷ್ಟ ಪಡದಂತಹ ಕೆಲವು  ವಿಷಯಗಳನ್ನು ಬದಲಾಯಿಸಲು ಪ್ರಯತ್ನಿಸುತ್ತೀರಿ. ಈ ಕಾರಣದಿಂದಾಗಿ, ನಿಮ್ಮ ಸಂಬಂಧದಲ್ಲಿ ಬಿರುಕು ಮೂಡುತ್ತದೆ. ನೀವು ಸಂಬಂಧದಲ್ಲಿ ಯಾರನ್ನಾದರೂ ಬದಲಾಯಿಸಲು ಪ್ರಯತ್ನಿಸಿದರೆ, ಇದರಿಂದ ಸಂಬಂಧದಲ್ಲಿ ಬಿರುಕು ಬಿಡುತ್ತದೆ, ಜೊತೆಗೆ ಅಂತಹ ಸಂಬಂಧ ಉಸಿರುಕಟ್ಟಿದ ಅನುಭವ ನೀಡುತ್ತೆ. ನಿಮ್ಮ ಸಂಗಾತಿ ಇದ್ಯಾವುದನ್ನೂ ಮಾಡದೇ ಇದ್ದರೆ ಅವರು ಸರಿಯಾದ ವ್ಯಕ್ತಿ ಅನ್ನೋದನ್ನು ತಿಳಿಯಿರಿ. 

ನೀವಿಬ್ಬರೂ ಪರಸ್ಪರ ಗೌರವ ಮತ್ತು ಬೆಂಬಲವನ್ನು ಹೊಂದಿದ್ದೀರಿ
ಆರೋಗ್ಯಕರ ಸಂಬಂಧದಲ್ಲಿ, ಪರಸ್ಪರ ಗೌರವಿಸುವುದು (respecting each other) ಸಂಬಂಧದ ಅಡಿಪಾಯ. ಇಬ್ಬರೂ ಸಂಗಾತಿಗಳು ಪರಸ್ಪರರ ಅಭಿಪ್ರಾಯಗಳು, ಸ್ಪೇಸ್ ಮತ್ತು ಭಾವನೆಗಳನ್ನು ಗೌರವಿಸುತ್ತಾರೆ. ಪರಸ್ಪರರ ಮಾತುಗಳನ್ನು ಕೇಳುವುದು, ಗಡಿಗಳನ್ನು ಗುರುತಿಸುವುದು ಮತ್ತು ಪರಸ್ಪರರನ್ನು ವೈಯಕ್ತಿಕವಾಗಿ ಅಭಿವೃದ್ಧಿಪಡಿಸುವುದು ಸೇರಿದಂತೆ ಪರಸ್ಪರ ಗೌರವಿಸುವಲ್ಲಿ ಅನೇಕ ವಿಷಯಗಳಿವೆ. ಇಂತಹ ವ್ಯಕ್ತಿ ನಿಮ್ಮ ಜೊತೆ ಇದ್ದರೆ, ಬೇರೇನೂ ಬೇಕಿಲ್ಲ. 

ಅನುಮಾನಕ್ಕೆ ಅವಕಾಶವೇ ಇಲ್ಲ (no space for doubts)
ನೀವು ಸರಿಯಾದ ವ್ಯಕ್ತಿಯೊಂದಿಗೆ ಸಂಬಂಧದಲ್ಲಿದ್ದರೆ, ನಿಮ್ಮ ಸಂಬಂಧದಲ್ಲಿ ಅನುಮಾನಕ್ಕೆ ಅವಕಾಶವಿರೋದಿಲ್ಲ. ನಂಬಿಕೆಯು ಬಲವಾದ ಸಂಬಂಧದ ಮೂಲಾಧಾರ. ಇಬ್ಬರು ಪರಸ್ಪರ ಪಾರದರ್ಶಕವಾಗಿರಬೇಕು ಮತ್ತು ಪ್ರಾಮಾಣಿಕರಾಗಿರಬೇಕು, ಸುರಕ್ಷಿತ ವಾತಾವರಣವನ್ನು ಸೃಷ್ಟಿಸಬೇಕು. ನೀವು ಏನು ಹೇಳುತ್ತೀರಿ ಮತ್ತು ಏನು ಮಾಡುತ್ತೀರಿ ಎಂಬುದು ಭವಿಷ್ಯದಲ್ಲಿ ನಿಮ್ಮಿಬ್ಬರ ನಡುವೆ ವಿಶ್ವಾಸವನ್ನು ಹೆಚ್ಚಿಸುತ್ತೆ.  

ಭಾವನಾತ್ಮಕ ಹೊಂದಾಣಿಕೆ (emotional compatibility)
ಭಾವನಾತ್ಮಕ ಹೊಂದಾಣಿಕೆಯು ಪರಸ್ಪರರ ಮೌಲ್ಯ, ನಂಬಿಕೆ ಮತ್ತು ಗುರಿಗಳನ್ನು ಸಾಧಿಸುವುದನ್ನು ಒಳಗೊಂಡಿರುತ್ತದೆ. ನಿಮ್ಮಿಬ್ಬರ ನಡುವೆ ವ್ಯತ್ಯಾಸಗಳಿರಬಹುದು, ಆದರೆ ನಿಮ್ಮ ಮೌಲ್ಯಗಳು ಒಟ್ಟಿಗೆ ಇರುತ್ತವೆ, ಇದು ಸಂಬಂಧದಲ್ಲಿ ಸ್ಥಿರತೆ ಮತ್ತು ಸಾಮರಸ್ಯವನ್ನು ಸೃಷ್ಟಿಸುತ್ತದೆ. ಕಷ್ಟದ ಸಮಯದಲ್ಲಿ ಭಾವನಾತ್ಮಕ ಬೆಂಬಲ, ಸಂತೋಷದ ಸಮಯಗಳನ್ನು ಹಂಚಿಕೊಳ್ಳುವುದು, ನಗು ಮತ್ತು ಜೀವನದ ಏರಿಳಿತಗಳನ್ನು ಒಟ್ಟಿಗೆ ಜಯಿಸುವ ಸಾಮರ್ಥ್ಯವು ಭಾವನಾತ್ಮಕ ಬಂಧವನ್ನು ಬಲಪಡಿಸುತ್ತದೆ. ನಿಮ್ಮಿಬ್ಬರ ನಡುವೆ ಭಾವನಾತ್ಮಕ ಹೊಂದಾಣಿಕೆ ಇದ್ರೆ ಸರಿಯಾದ ವ್ಯಕ್ತಿ ಜೊತೆ ಇದ್ದೀರಿ ಎಂದರ್ಥ.