ಸೆಕ್ಸ್ ಲೈಫ್‌ ಸೂಪರ್ ಆಗಿರ್ಬೇಕು ಅಂದ್ರೆ ಈ ಎಕ್ಸರ್‌ಸೈಸ್ ಬಗ್ಗೆ ಗೊತ್ತಿರ್ಲಿ

ಇಂಟಿಮೇಟ್ ಲೈಫ್ ಎಲ್ಲಾ ದಂಪತಿಗಳ ಬಾಳಲ್ಲಿ ಬಹಳ ಮುಖ್ಯ. ಆದರೆ ಹೆಚ್ಚಿನ ಜನರ ಸೆಕ್ಸ್‌ ಲೈಫ್‌ನಲ್ಲಿ ಹೇಳಿಕೊಳ್ಳಲಾಗದ ಸಮಸ್ಯೆಗಳಿರಬಹುದು. ಅವುಗಳಿಗೆ ಪರಿಹಾರವಾಗಿ ಇಲ್ಲಿ ಕೆಲವು ಎಕ್ಸರ್ ಸೈಸ್‌ ಬಗ್ಗೆ ಹೇಳಲಾಗಿದೆ. ಅವುಗಳ ಸಹಾಯದಿಂದ ನಿಮ್ಮ ಸೆಕ್ಸ್ ಲೈಫ್‌ನ್ನು ಬ್ಯೂಟಿಫುಲ್ ಮಾಡ್ಕೊಳ್ಳಿ.

ಇಂಟಿಮೇಟ್ ಲೈಫ್ (Intimate life)ವಿಷಯಕ್ಕೆ ಬಂದಾಗಲೆಲ್ಲಾ, ಜನರು ಸೈಲೆಂಟ್ ಆಗಿ ಇರಲು ಇಷ್ಟಪಡುತ್ತಾರೆ. ನಿಮ್ಮ ವೈಯಕ್ತಿಕ ಕ್ಷಣಗಳ ಬಗ್ಗೆ ಬಹಿರಂಗವಾಗಿ ಮಾತನಾಡೋದು ಸರಿಯಲ್ಲ, ಆದರೆ ನಿಮ್ಮ ವೈಯಕ್ತಿಕ ಕ್ಷಣಗಳನ್ನು ಸುಧಾರಿಸುವ ವಿಷಯಕ್ಕೆ ಬಂದರೆ ಏನು ಮಾಡೋದು? ಇಂಟಿಮೇಟ್ ಲೈಫ್ ಸುಧಾರಿಸಲು ಸಹಾಯ ಮಾಡುವ ಅನೇಕ ವ್ಯಾಯಾಮಗಳಿವೆ. ಅವುಗಳ ಬಗ್ಗೆ ತಿಳಿಯೋಣ.  

ಈ  ವ್ಯಾಯಾಮಗಳು ನಿಮ್ಮ ಇಂಟಿಮೇಟ್ ಲೈಫ್ ಸುಧಾರಿಸಬಹುದು. ಅವುಗಳೆಂದರೆ,

1. ಪ್ಲಾಂಕ್(Plank)
ಪ್ಲಾಂಕ್ ನಮ್ಮ ಪ್ರಮುಖ ಸ್ನಾಯುಗಳನ್ನು ಬಲಪಡಿಸುತ್ತವೆ ಮತ್ತು ಅವು ಕಿಬ್ಬೊಟ್ಟೆಯ ಹೆಚ್ಚುವರಿ ಕೊಬ್ಬನ್ನು ಕಡಿಮೆ ಮಾಡುವುದಲ್ಲದೆ, ಈ ವ್ಯಾಯಾಮದ ಸಹಾಯದಿಂದ, ನಮ್ಮ ದೇಹದ ಕೆಳಭಾಗವು ಬಲಗೊಳ್ಳುತ್ತೆ. ಪ್ರಮುಖ ಸ್ನಾಯುಗಳು ಬಲವಾಗಿದ್ದರೆ, ಇಂಟಿಮೇಟ್ ಸಂಬಂಧಗಳನ್ನು ರಚಿಸುವಾಗ ತ್ರಾಣವೂ ಉತ್ತಮವಾಗಿರುತ್ತೆ. 

ಪ್ಲಾಂಕ್ ದಿನಕ್ಕೆ ಕನಿಷ್ಠ 1 ನಿಮಿಷಗಳ ಕಾಲ ಹಿಡಿದಿಟ್ಟುಕೊಳ್ಳುವುದು ಸೂಕ್ತವಾಗಿದ್ದರೂ, ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ನೀವು ಅದನ್ನು ಹೆಚ್ಚು ಅಥವಾ ಕಡಿಮೆ ಮಾಡಬಹುದು. ಪ್ಲಾಂಕ್ ಮಾಡಲು ವಿಭಿನ್ನ ಮಾರ್ಗಗಳಿವೆ, ನಿಮಗೆ ಹೆಚ್ಚು ಕಂಫರ್ಟ್(Comfort) ಆಗೋದನ್ನು ಆಯ್ಕೆ ಮಾಡಿ ಮತ್ತು ಪ್ರಾರಂಭಿಸಿ. 

2. ಜಂಪ್ ಸ್ಕ್ವಾಟ್ (Jump squat)
ಸ್ನಾಯುಗಳನ್ನು ಬಲಪಡಿಸಲು ಕೋರ್ ಪ್ಲಾಂಕ್ ಗಳಾಗಿದ್ದರೆ, ಜಂಪ್ ಸ್ಕ್ವಾಟ್ಸ್ ಕಾಲುಗಳನ್ನು ಬಲಪಡಿಸಲು ತುಂಬಾ ಒಳ್ಳೆಯದು. ಅವು ಇಡೀ ದೇಹವನ್ನು ಶಕ್ತಿಯುತವಾಗಿರಿಸುತ್ತವೆ ಮತ್ತು ಅವುಗಳ ಸಹಾಯದಿಂದ ನೀವು ನಿಮ್ಮ ದೇಹದ ಸಮತೋಲನವನ್ನು ಸಹ ಕಾಪಾಡಿಕೊಳ್ಳಬಹುದು. ದೇಹದ ಸಮತೋಲನವು ಸರಿಯಾಗಿದ್ದರೆ, ಇಂಟಿಮೇಟ್ ಲೈಫ್ ಉತ್ತಮವಾಗಿರುತ್ತೆ.  ಜಂಪ್ ಸ್ಕ್ವಾಟ್ಸ್  ಸಾಮಾನ್ಯ ಸ್ಕ್ವಾಟ್ ಗಳಿಗಿಂತ ಹೆಚ್ಚಿನ ಶಕ್ತಿಯನ್ನು ಸುಡುತ್ತವೆ, ಆದ್ದರಿಂದ ನೀವು 10-15 ಸ್ಕ್ವಾಟ್ ಗಳೊಂದಿಗೆ ಪ್ರಾರಂಭಿಸಬೇಕು ಮತ್ತು ನಂತರ ನಿಮ್ಮ ಶಕ್ತಿಗೆ ಅನುಸಾರ ಜಾಸ್ತಿ ಮಾಡಬಹುದು.  

3. ಪೆಲ್ವಿಕ್ ಫ್ಲೋರ್ ವ್ಯಾಯಾಮ (Pelvic floor exercise)
ನಿಮ್ಮ ವೈದ್ಯರ ಸಹಾಯದಿಂದ ನೀವು ಪೆಲ್ವಿಕ್ ಫ್ಲೋರ್ ವ್ಯಾಯಾಮ ಅಥವಾ ಕೆಗೆಲ್ ವ್ಯಾಯಾಮಗಳ ಬಗ್ಗೆ ಕಲಿಯಬಹುದು. ಇದನ್ನು ದಿನಕ್ಕೆ 25 ಬಾರಿ ಮಾಡೋದರಿಂದ, ನಿಮ್ಮ ಪ್ರಮುಖ ಸ್ನಾಯುಗಳು ತುಂಬಾ ಬಲವಾಗಿರುತ್ತವೆ ಮತ್ತು ಅವು ಗರ್ಭಾಶಯಕ್ಕೂ ಒಳ್ಳೆಯದು. 

ಪೆಲ್ವಿಕ್ ಫ್ಲೋರ್ ವ್ಯಾಯಾಮವು ಯಾವಾಗಲೂ ಮಹಿಳೆಯರಿಗೆ ಒಳ್ಳೆಯದು, ಆದರೆ ಅದನ್ನು ದೇಹಕ್ಕೆ ಅನುಗುಣವಾಗಿ ಮಾಡಬೇಕು.  ಯಾವ ವ್ಯಾಯಾಮವನ್ನು ಎಷ್ಟು ಸಮಯದವರೆಗೆ ಮಾಡಬೇಕು ಎಂಬುದರ ಬಗ್ಗೆ ನಿಮ್ಮ ವೈದ್ಯರು(Consult doctor) ನಿಮಗೆ ಉತ್ತಮ ಮಾಹಿತಿಯನ್ನು ನೀಡಬಹುದು.  

4. ಪುಶ್ ಅಪ್ಸ್ (Push ups)
ತ್ರಾಣವನ್ನು ಹೆಚ್ಚಿಸಲು ಪುಶ್-ಅಪ್ಸ್ ಯಾವಾಗಲೂ ಉತ್ತಮ ವ್ಯಾಯಾಮವೆಂದು ಪರಿಗಣಿಸಬಹುದು. ಪ್ರತಿದಿನ 15-20 ಪುಶ್ ಅಪ್ ಮಾಡೋದರಿಂದ ದೇಹದ ಮೇಲ್ಭಾಗದ ಶಕ್ತಿ ಮತ್ತು ನಿಮ್ಮ ತ್ರಾಣ ಹೆಚ್ಚಾಗುತ್ತೆ. ನೀವು ಏಕಕಾಲದಲ್ಲಿ ಅನೇಕ ಪುಶ್-ಅಪ್ ಗಳನ್ನು ಮಾಡಲು ಸಾಧ್ಯವಾಗದಿದ್ದರೆ, ಅವುಗಳನ್ನು ದಿನವಿಡೀ ಮಾಡಿ.  

ಈ ಎಲ್ಲಾ ವ್ಯಾಯಾಮಗಳು ಸುಲಭ ಮತ್ತು ಯಾವುದೇ ಸಾಧನಗಳ ಅಗತ್ಯವಿಲ್ಲ. ನಿಮ್ಮ ಸ್ವಂತಕ್ಕೆ ಅನುಗುಣವಾಗಿ ನೀವು ಅವುಗಳನ್ನು ಮನೆಯ ಯಾವುದೇ ಭಾಗದಲ್ಲಿ ಮಾಡಬಹುದು. ಹೌದು, ನಿಮಗೆ ಬೆನ್ನು ನೋವು(Back pain) ಇದ್ದರೆ ಅಥವಾ ನಿಮಗೆ ಯಾವುದೇ ರೀತಿಯ ದೈಹಿಕ ಸಮಸ್ಯೆ ಇದ್ದರೆ, ಮೊದಲು ಅದರ ಬಗ್ಗೆ ವೈದ್ಯರೊಂದಿಗೆ ಮಾತನಾಡಿ.