Phone on silent personality: ನಿಮ್ಮ ಸುತ್ತಮುತ್ತ ಯಾರಾದರೂ ಯಾವಾಗಲೂ ಮೊಬೈಲ್ ಸೈಲೆಂಟ್ನಲ್ಲಿ ಇಡುತ್ತಾರೆಯೇ? ಹಾಗಿದ್ದರೆ ಅವರನ್ನು ಕಂಡು ಕೋಪಿಸಿಕೊಳ್ಳಬೇಡಿ. ಏಕೆಂದರೆ, ಫೋನ್ ಸೈಲೆಂಟ್ನಲ್ಲಿಡುವ ಅಭ್ಯಾಸದ ಹಿಂದೆ ದೊಡ್ಡ ರಹಸ್ಯವೇ ಅಡಗಿದೆ! ಆ ಕುತೂಹಲಕಾರಿ ವಿಷಯ ಇಲ್ಲಿದೆ ನೋಡಿ.
ಇಂದಿನ ಡಿಜಿಟಲ್ ಯುಗದಲ್ಲಿ ಸ್ಮಾರ್ಟ್ಫೋನ್ ನಮ್ಮ ದೇಹದ ಒಂದು ಭಾಗವೇ ಆಗಿಹೋಗಿದೆ. ಸದಾ ಕಾಲ ಬರುವ ನೋಟಿಫಿಕೇಶನ್ಗಳು ನಮ್ಮನ್ನು ಡಿಜಿಟಲ್ ಲೋಕದಲ್ಲಿ ಬಂಧಿಗಳನ್ನಾಗಿ ಮಾಡುತ್ತಿವೆ. ಆದರೆ, ಈ ನಡುವೆಯೂ ಕೆಲವರು ತಮ್ಮ ಫೋನ್ ಅನ್ನು ಯಾವಾಗಲೂ 'ಸೈಲೆಂಟ್ ಮೋಡ್'ನಲ್ಲಿ ಇಡುತ್ತಾರೆ. ಇಂತಹವರ ವ್ಯಕ್ತಿತ್ವ ಮತ್ತು ಅವರ ಈ ಅಭ್ಯಾಸದ ಹಿಂದಿನ ಮಾನಸಿಕ ಕಾರಣಗಳ ಬಗ್ಗೆ ಈ ಲೇಖನದಲ್ಲಿ ತಿಳಿಸಲಾಗಿದೆ.
25
ಮೆದುಳಿಗೆ ಹೆಚ್ಚಿನ ಶ್ರಮ ಬೇಕಾಗುತ್ತೆ
ಸತತವಾಗಿ ಬರುವ ನೋಟಿಫಿಕೇಶನ್ ಸೌಂಡ್ಸ್ ನಮ್ಮ ಮೆದುಳಿನ ಏಕಾಗ್ರತೆಯನ್ನು ಭಂಗಗೊಳಿಸುತ್ತವೆ. ಒಮ್ಮೆ ಕೆಲಸದ ಮಧ್ಯೆ ಫೋನ್ ನೋಡಿದರೆ, ಮತ್ತೆ ಅದೇ ವೇಗದಲ್ಲಿ ಕೆಲಸ ಆರಂಭಿಸಲು ಮೆದುಳಿಗೆ ಹೆಚ್ಚಿನ ಶ್ರಮ ಬೇಕಾಗುತ್ತದೆ. ಫೋನ್ ಸೈಲೆಂಟ್ನಲ್ಲಿಡುವವರು ತಮ್ಮ ಸಮಯ ಮತ್ತು ಮಾನಸಿಕ ಸ್ಥಿತಿಯ ಮೇಲೆ ಪೂರ್ಣ ನಿಯಂತ್ರಣ ಹೊಂದಿರುತ್ತಾರೆ. ಇವರು ಫೋನ್ನ ಸಿಗ್ನಲ್ಗಳಿಗೆ ಬಲಿಯಾಗದೆ, ತಾವು ಯಾವಾಗ ಪ್ರತಿಕ್ರಿಯಿಸಬೇಕು ಎಂಬುದನ್ನು ತಾವೇ ನಿರ್ಧರಿಸುತ್ತಾರೆ. ಇದು ಅವರಲ್ಲಿನ ಆತ್ಮವಿಶ್ವಾಸ ಮತ್ತು ಶಿಸ್ತನ್ನು ಸೂಚಿಸುತ್ತದೆ.
35
ಉತ್ಪಾದಕತೆಯನ್ನು ಹೆಚ್ಚಿಸುತ್ತೆ
ಫೋನ್ ಸೈಲೆಂಟ್ನಲ್ಲಿಡುವ ವ್ಯಕ್ತಿಗಳು ತಮ್ಮ ವೈಯಕ್ತಿಕ ಗಡಿಗಳ (Personal Boundaries) ಬಗ್ಗೆ ಸ್ಪಷ್ಟತೆ ಹೊಂದಿರುತ್ತಾರೆ. ದಿನಕ್ಕೆ ಕೇವಲ ನಾಲ್ಕೈದು ಬಾರಿ ಮಾತ್ರ ಫೋನ್ ಚೆಕ್ ಮಾಡುವ ನಿಯಮವನ್ನು ಇವರು ಪಾಲಿಸಬಹುದು. ಪ್ರತಿ ಸಣ್ಣ ಶಬ್ದಕ್ಕೂ ಪ್ರತಿಕ್ರಿಯಿಸದೆ ತಮ್ಮದೇ ಆದ ಪ್ರಶಾಂತ ಜಗತ್ತಿನಲ್ಲಿ ಇರಲು ಇವರು ಬಯಸುತ್ತಾರೆ. ಇದು ಅವರ ಉತ್ಪಾದಕತೆಯನ್ನು ಹೆಚ್ಚಿಸುವುದಲ್ಲದೆ, ಯಾವುದೇ ವಿಷಯದ ಬಗ್ಗೆ ಆಳವಾಗಿ ಯೋಚಿಸಲು (Deep Work) ಸಹಾಯ ಮಾಡುತ್ತದೆ.
ನೋಟಿಫಿಕೇಶನ್ಗಳು ಅನಗತ್ಯವಾಗಿ ಒತ್ತಡವನ್ನು ಹೆಚ್ಚಿಸುತ್ತವೆ. ಫೋನ್ ನೋಡದಿದ್ದರೆ ಯಾವುದೋ ಮುಖ್ಯ ಮಾಹಿತಿ ಕಳೆದುಕೊಳ್ಳುತ್ತಿದ್ದೇವೆ ಎಂಬ ಭಯ (FOMO) ಅನೇಕರನ್ನು ಕಾಡುತ್ತದೆ. ಆದರೆ ಫೋನ್ ಸೈಲೆಂಟ್ನಲ್ಲಿಡುವವರಲ್ಲಿ ಈ ಭಯ ಕಡಿಮೆ ಇರುತ್ತದೆ. ಇವರು ಸಂದೇಶಗಳಿಗೆ ತಕ್ಷಣ ರಿಪ್ಲೈ ನೀಡದಿದ್ದರೂ ಆತಂಕಕ್ಕೆ ಒಳಗಾಗುವುದಿಲ್ಲ. ಇದು ಅವರ ಭಾವನಾತ್ಮಕ ಭದ್ರತೆಯನ್ನು ತೋರಿಸುತ್ತದೆ.
55
ಎಲ್ಲಾ ನಮ್ಮ ಕೈಯಲ್ಲೇ ಇದೆ
ಬಾಹ್ಯ ಪ್ರಪಂಚದ ಶಬ್ದಗಳನ್ನು ಕಡಿಮೆ ಮಾಡಿದಾಗ ಮಾತ್ರ ಅಂತರಾತ್ಮದ ಧ್ವನಿ ಸ್ಪಷ್ಟವಾಗಿ ಕೇಳಿಸುತ್ತದೆ. ಫೋನ್ ಸೈಲೆಂಟ್ನಲ್ಲಿಡುವುದು ಕೇವಲ ಒಂದು ಸೆಟ್ಟಿಂಗ್ ಅಲ್ಲ, ಅದು ಒಂದು ಜೀವನಶೈಲಿ. ನಮ್ಮ ಪ್ರಶಾಂತತೆ ನಮ್ಮ ಕೈಯಲ್ಲೇ ಇದೆ ಎಂದು ಇಂತಹ ವ್ಯಕ್ತಿಗಳು ನಿರೂಪಿಸುತ್ತಾರೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
