Fathers Day: ಜೂನ್ 3ನೇ ಭಾನುವಾರ ಯಾಕೆ ಆಚರಿಸ್ತಾರೆ, ನಿಮಗೆ ತಿಳಿದಿರಲಿ ಈ ದಿನದ ವಿಶೇಷತೆ

ಏಷ್ಯಾದ ಹಲವು ದೇಶಗಳಲ್ಲಿ ಫಾದರ್ಸ್ ಡೇ ಆಚರಣೆಯಲ್ಲಿದೆ. ಈ ವರ್ಷ ಜೂನ್ 15ಕ್ಕೆ ಫಾದರ್ಸ್ ಡೇ ಬಂದಿದೆ.

ತಂದೆಯರ ದಿನ

ಅಪ್ಪಂದಿರಲ್ಲದ   ಜಗತ್ತನ್ನ ಊಹಿಸಿಕೊಳ್ಳೋಕೂ ಆಗಲ್ಲ. ಮಕ್ಕಳಿಗೆ ಅಮ್ಮ ಎಷ್ಟು ಮುಖ್ಯನೋ ಅಪ್ಪನೂ ಅಷ್ಟೇ ಮುಖ್ಯ. ಬೆಳೆಯುತ್ತಿರೋ ಮಕ್ಕಳಿಗೆ ಮಾದರಿ, ಮೊದಲ ಗೆಳೆಯ, ದಾರಿದೀಪ - ಹೀಗೆ ಅಪ್ಪನಿಂದ ಮಕ್ಕಳಿಗೆ ಸಿಗೋದೆಷ್ಟೋ. ಪ್ರೀತಿ ಅಂದ್ರೆ ಅಮ್ಮ ನೆನಪಾದ್ರೆ, ತ್ಯಾಗ ಅಂದ್ರೆ ಅಪ್ಪನ ಮುಖ ನೆನಪಾಗುತ್ತೆ. ಅವರ ತ್ಯಾಗ, ಅರ್ಪಣೆ, ಹೇಳಿಕೊಳ್ಳದ ನೋವುಗಳನ್ನ ನೆನಪಿಸಿಕೊಳ್ಳೋಕೆ ಪ್ರತಿ ವರ್ಷ ಫಾದರ್ಸ್ ಡೇ ಆಚರಿಸ್ತೀವಿ.

ಜೂನ್ 3ನೇ ಭಾನುವಾರ

ಪ್ರತಿ ಜೂನ್ ತಿಂಗಳ 3ನೇ ಭಾನುವಾರ ಅಂತಾರಾಷ್ಟ್ರೀಯ ಫಾದರ್ಸ್ ಡೇ ಆಚರಿಸ್ತಾರೆ. ಅಮೆರಿಕಾ, ಕೆನಡಾ, ಇಂಗ್ಲೆಂಡ್, ಇಂಡಿಯಾ, ಯುರೋಪ್ ಮತ್ತು ಏಷ್ಯಾದ ಹಲವು ದೇಶಗಳಲ್ಲಿ ಫಾದರ್ಸ್ ಡೇ ಆಚರಣೆಯಲ್ಲಿದೆ. ಈ ವರ್ಷ ಜೂನ್ 15ಕ್ಕೆ ಫಾದರ್ಸ್ ಡೇ ಬಂದಿದೆ.

ಫಾದರ್ಸ್ ಡೇ ಹುಟ್ಟಿದ್ದು ಹೇಗೆ?

ಫಾದರ್ಸ್ ಡೇ ಆಚರಣೆ 20ನೇ ಶತಮಾನದ ಆರಂಭದಲ್ಲಿ ಶುರುವಾಯ್ತು. ವಾಷಿಂಗ್ಟನ್‌ನ ಸೋನೊರಾ ಸ್ಮಾರ್ಟ್ ಡಾಡ್ ಈ ದಿನಾಚರಣೆಗೆ ಕಾರಣ. ತನ್ನ ಅಪ್ಪನ ಗೌರವಾರ್ಥವಾಗಿ 1910ರಲ್ಲಿ ಫಾದರ್ಸ್ ಡೇ ಶುರು ಮಾಡಿದ್ರು. ಅಪ್ಪನ ತ್ಯಾಗ ಜಗತ್ತಿಗೆ ಗೊತ್ತಾಗಬೇಕು, ಎಲ್ಲ ಅಪ್ಪಂದ್ರೂ ಗೌರವಕ್ಕೆ ಅರ್ಹರು ಅಂತ ಅಂದುಕೊಂಡ್ರು. ಸೋನೊರಾ ಅಪ್ಪ ವಿಲಿಯಂ ಜಾಕ್ಸನ್ ಸ್ಮಾರ್ಟ್, ಒಬ್ಬ ಸೈನಿಕ. ಹೆಂಡತಿ ತೀರಿಕೊಂಡ ಮೇಲೆ 6 ಮಕ್ಕಳನ್ನ ಒಬ್ಬರೇ ಬೆಳೆಸಿದ್ರು. ಮಕ್ಕಳಿಗೆ ಅಮ್ಮನಿಲ್ಲದ ಕೊರತೆ ತಿಳಿಯದ ಹಾಗೆ ಪ್ರೀತಿ ತೋರಿಸಿದ್ರು. ಅವರ ಪ್ರೀತಿ, ಕಾಳಜಿಯೇ ಮಗಳನ್ನ ಚಿಂತೆಗೆ ಹಚ್ಚಿ, ಅಪ್ಪನ ಗೌರವಾರ್ಥ ಫಾದರ್ಸ್ ಡೇ ಆಚರಣೆಗೆ ಮುಂದಾದ್ರು.

ಜೂನ್ ತಿಂಗಳೇ ಯಾಕೆ?

ಸೋನೊರಾ ಫಾದರ್ಸ್ ಡೇನ ತನ್ನ ಅಪ್ಪನ ಹುಟ್ಟಿದ ಹಬ್ಬ ಜೂನ್ 5ಕ್ಕೆ ಆಚರಿಸಬೇಕು ಅಂತ ಕೇಳಿಕೊಂಡ್ರು. ಆದ್ರೆ ಜೂನ್ 3ನೇ ಭಾನುವಾರಕ್ಕೆ ಬದಲಾಯ್ತು. ಚರ್ಚ್‌ಗಳಿಗೆ ಪ್ರಾರ್ಥನೆಗೆ ಹೆಚ್ಚು ಸಮಯ ಸಿಗುತ್ತೆ ಅಂತ ಹೇಳಲಾಗುತ್ತೆ.

ವಿಶೇಷ ದಿನ

ಅಮ್ಮನ ಪ್ರೀತಿಗೆ ಗೌರವ ಸಲ್ಲಿಸೋಕೆ ಮಾತೃ ದಿನ ಆಚರಿಸಿದ ಹಾಗೆ, ಫಾದರ್ಸ್ ಡೇನೂ ವರ್ಷಗಳಿಂದ ಆಚರಿಸ್ತಾ ಬಂದಿದ್ದಾರೆ. 1914ರಲ್ಲಿ ಅಧಿಕೃತವಾಗಿ ಒಪ್ಪಿಕೊಳ್ಳಲಾಯ್ತು. ಇದು ಅಪ್ಪಂದ್ರ ವಿಶೇಷ ದಿನ. ಮೊದಲ ಫಾದರ್ಸ್ ಡೇ 1910, ಜೂನ್ 19ರಂದು ಸ್ಪೋಕೇನ್‌ನಲ್ಲಿ ಆಚರಿಸಲಾಯ್ತು. ಜೂನ್ 3ನೇ ಭಾನುವಾರ ಆಚರಿಸೋ ಪದ್ಧತಿ ಅಮೆರಿಕದಿಂದ ಬಂದಿದ್ದು.

ಅಧಿಕೃತ ಒಪ್ಪಿಗೆ ಯಾವಾಗ?

ಅಮೆರಿಕ ಜೂನ್‌ನಲ್ಲಿ ಫಾದರ್ಸ್ ಡೇ ಆಚರಿಸೋ ಪದ್ಧತಿ ಶುರುಮಾಡ್ತು. ಹಲವು ದೇಶಗಳು ಅದೇ ದಿನ ಆಚರಿಸೋದನ್ನ ಒಪ್ಪಿಕೊಂಡವು. ಕೆಲವು ದೇಶಗಳು ತಮ್ಮದೇ ಆದ ಪದ್ಧತಿ ಪಾಲಿಸ್ತಾ ಬೇರೆ ದಿನಗಳಲ್ಲಿ ಆಚರಿಸ್ತವೆ.

1966ರಲ್ಲಿ ಅಮೆರಿಕದ ಅಧ್ಯಕ್ಷ ಲಿಂಡನ್ ಬಿ. ಜಾನ್ಸನ್ ಅಪ್ಪಂದ್ರ ಗೌರವಾರ್ಥ ಮೊದಲ ಅಧ್ಯಕ್ಷೀಯ ಘೋಷಣೆ ಹೊರಡಿಸಿದ್ರು. ಜೂನ್ 3ನೇ ಭಾನುವಾರ ಫಾದರ್ಸ್ ಡೇ ಅಂತ ನಿಗದಿಪಡಿಸಿದ್ರು. 1972ರಲ್ಲಿ ಅಧ್ಯಕ್ಷ ರಿಚರ್ಡ್ ನಿಕ್ಸನ್ ಅಧಿಕೃತವಾಗಿ ಘೋಷಣೆಗೆ ಸಹಿ ಹಾಕಿದ್ರು. ಹೀಗಾಗಿ ಅಮೆರಿಕದಲ್ಲಿ ಫಾದರ್ಸ್ ಡೇ ಶಾಶ್ವತ ರಾಷ್ಟ್ರೀಯ ರಜಾದಿನವಾಯ್ತು.