Kitchen Hacks: ಶುಂಠಿಯನ್ನು ತಿಂಗಳುಗಟ್ಟಲೇ ತಾಜಾವಾಗಿಡುವುದು ಹೇಗೆ, ಅಜ್ಜಿ ಹೇಳಿಕೊಟ್ಟ ಸಿಂಪಲ್ ವಿಧಾನವಿದು!

Kitchen Tips: ಶುಂಠಿಯನ್ನು ಅನೇಕ ಅಡುಗೆಗಳಲ್ಲಿ ಬಳಸಲಾಗುತ್ತದೆ. ಆದರೆ ಮಾರುಕಟ್ಟೆಯಿಂದ ಖರೀದಿಸಿದ ನಂತರ ಅದನ್ನು ದೀರ್ಘಕಾಲದವರೆಗೆ ತಾಜಾವಾಗಿಡುವುದು ಸವಾಲಿನ ಕೆಲಸ. ಇದು ಬೇಗನೆ ಹಾಳಾಗುತ್ತದೆ. ಆದ್ದರಿಂದ, ಅದನ್ನು ದೀರ್ಘಕಾಲದವರೆಗೆ ಹೇಗೆ ಸಂರಕ್ಷಿಸುವುದು ಎಂದು ನೋಡೋಣ.

ಈ ಸೀಸನ್‌ನಲ್ಲಿ ಶುಂಠಿ ಕೊಳೆಯಲು ಪ್ರಾರಂಭ

ಶುಂಠಿಯನ್ನು ಅನೇಕ ಅಡುಗೆಗಳಿಗೆ ಬಳಸಲಾಗುತ್ತದೆ. ಇದರ ಬಳಕೆಯಿಂದ ಆಹಾರದ ರುಚಿ ಡಬಲ್ ಹೆಚ್ಚುತ್ತದೆ. ಶುಂಠಿಯಲ್ಲಿ ಅನೇಕ ಔಷಧೀಯ ಗುಣಗಳು ಸಹ ಕಂಡುಬರುವುದರಿಂದ ಶೀತ ಮತ್ತು ಕೆಮ್ಮಿಗೂ ಪರಿಹಾರವಾಗಿ ಉಪಯೋಗಿಸಲಾಗುತ್ತದೆ. ಕೆಲವರಿಗೆ ಶುಂಠಿ ಇಲ್ಲದೆ ಬೆಳಗಿನ ಚಹಾ ಅಪೂರ್ಣ. ಹಾಗಾಗಿ ಶುಂಠಿಯನ್ನು ಪ್ರತಿದಿನ ಬಳಸಲಾಗುತ್ತದೆ. ದಿನ ನಿತ್ಯ ಬಳಸುವುದರಿಂದ ಜನರು ಅದನ್ನು ಮಾರುಕಟ್ಟೆಯಿಂದ ಹೆಚ್ಚಿನ ಪ್ರಮಾಣದಲ್ಲಿ ಖರೀದಿಸುತ್ತಾರೆ, ಆದರೆ ಶುಂಠಿಯನ್ನು ಸರಿಯಾಗಿ ಸಂಗ್ರಹಿಸದಿದ್ದರೆ, ಅದು ಬೇಗನೆ ಕೊಳೆಯುತ್ತದೆ ಮತ್ತು ಕೊನೆಯಲ್ಲಿ ಅದನ್ನು ಎಸೆಯುವುದನ್ನು ಬಿಟ್ಟು ಬೇರೆ ದಾರಿ ಇರುವುದಿಲ್ಲ. ಮಳೆಗಾಲ ಇನ್ನು ಕೆಲವೇ ದಿನಗಳಲ್ಲಿ ಆರಂಭವಾಗಲಿದ್ದು, ಈ ಸೀಸನ್‌ನಲ್ಲಿ ಶುಂಠಿ ಕೊಳೆಯಲು ಪ್ರಾರಂಭಿಸುತ್ತದೆ. ಆದ್ದರಿಂದ ಶುಂಠಿ ಕೊಳೆಯುವುದನ್ನು ತಪ್ಪಿಸಲು, ನೀವು ಈ ಟಿಪ್ಸ್ ಅನುಸರಿಸಬಹುದು.

ಶುಂಠಿಯನ್ನು ಸ್ವಚ್ಛಗೊಳಿಸಿ

ನೀವು ಶುಂಠಿಯನ್ನು ಖರೀದಿಸುವಾಗ ಅದು ಒದ್ದೆಯಾಗಿದ್ದರೆ, ಅದನ್ನು ನೇರವಾಗಿ ಸಂಗ್ರಹಿಸಬೇಡಿ. ನೀವು ಒದ್ದೆಯಾದ ಶುಂಠಿಯನ್ನು ಸಂಗ್ರಹಿಸಿದರೆ, ಅದಕ್ಕೆ ಶಿಲೀಂಧ್ರ ತಗುಲಬಹುದು. ಆದ್ದರಿಂದ ಶುಂಠಿಯನ್ನು ಚೆನ್ನಾಗಿ ಒಣಗಿಸಿ ನಂತರ ಸಂಗ್ರಹಿಸಿ.

ಫ್ರಿಜ್‌ನಲ್ಲಿ ಸಂಗ್ರಹಿಸುವುದು ಹೇಗೆ?

ಶುಂಠಿಯನ್ನು ತಾಜಾವಾಗಿಡಲು, ನೀವು ಅದನ್ನು ಫ್ರಿಜ್‌ನಲ್ಲಿ ಸಂಗ್ರಹಿಸಬಹುದು. ಅದನ್ನು ನೇರವಾಗಿ ಫ್ರಿಡ್ಜ್ ನಲ್ಲಿ ಇಡಬೇಡಿ. ಶುಂಠಿಯನ್ನು ಕಾಗದದಲ್ಲಿ ಸುತ್ತಿ ಪ್ಲಾಸ್ಟಿಕ್ ಚೀಲದಲ್ಲಿ ಸಂಗ್ರಹಿಸಿ. ನೀವು ಶುಂಠಿಯನ್ನು ಗಾಳಿಯಾಡದ ಪಾತ್ರೆಯಲ್ಲಿಯೂ ಸಂಗ್ರಹಿಸಬಹುದು. ಗಾಳಿಯಾಡದ ಪಾತ್ರೆಯಲ್ಲಿ ಇಡುವ ಮೊದಲು, ಅದನ್ನು ಚೆನ್ನಾಗಿ ಒಣಗಿಸಿ ಟಿಶ್ಯೂ ಪೇಪರ್‌ನಲ್ಲಿ ಸುತ್ತಿ ಬಿಗಿಯಾದ ಪಾತ್ರೆಯಲ್ಲಿ ಇರಿಸಿ. ಈ ರೀತಿಯಾಗಿ ಶುಂಠಿ ದೀರ್ಘಕಾಲ ತಾಜಾವಾಗಿರುತ್ತದೆ.

ಅಜ್ಜಿ ಹೇಳಿಕೊಟ್ಟ ವಿಧಾನ

ಹಿಂದಿನ ಕಾಲದಲ್ಲಿ, ಕೆಲವೇ ಮನೆಗಳಲ್ಲಿ ಫ್ರಿಜ್‌ಗಳು ಲಭ್ಯವಿದ್ದಾಗ ಹೆಚ್ಚಾಗಿ ಬಿಸಿಲಿನಲ್ಲಿ ಒಣಗಿಸಿದ ನಂತರ ಸಂಗ್ರಹಿಸಲಾಗುತ್ತಿತ್ತು. ಶುಂಠಿಯನ್ನು ಬಿಸಿಲಿನಲ್ಲಿ ಇರಿಸಿ, ಅದು ಒಣಗಿದ ನಂತರ ಪುಡಿಮಾಡಿ. ಈ ಪುಡಿಯನ್ನು ತೇವಾಂಶದಿಂದ ದೂರದಲ್ಲಿರುವ ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಿಸಲಾಗುತ್ತಿತ್ತು.

ಪೇಸ್ಟ್ ತಯಾರಿಸುವುದು

ನೀವು ಶುಂಠಿಯನ್ನು ತುರಿದು ಫ್ರಿಡ್ಜ್ ಅಥವಾ ಫ್ರೀಜರ್‌ನಲ್ಲಿ ಸಂಗ್ರಹಿಸಬಹುದು ಅಥವಾ ಶುಂಠಿ ಪೇಸ್ಟ್ ಮಾಡಿ ಕೂಡ ಸಂಗ್ರಹಿಸಬಹುದು.