ಚಪಾತಿ ಹಂಚಿಗೆ ಅಂಟಿಕೊಂಡು ಸೀದು ಹೋಗ್ತಿದ್ಯಾ? ಸುಲಭವಾಗಿ ಮೇಲೆಳಲು ಇಲ್ಲಿದೆ ಸೂಪರ್ ಟಿಪ್ಸ್

Published : Nov 21, 2026, 11:59 AM IST

Chapati sticking to tawa: ಪ್ರತಿದಿನ ಬೆಳಗ್ಗೆ ಚಪಾತಿ ಅಥವಾ ರೊಟ್ಟಿ ಮಾಡುವಾಗ ಹಿಟ್ಟು ಹಂಚಿಗೆ ಅಂಟಿಕೊಳ್ಳುವುದು ಸಾಮಾನ್ಯ ಸಮಸ್ಯೆ. ಇದರಿಂದ ಚಪಾತಿ ಸೀದುಹೋಗುವುದಲ್ಲದೆ, ಅಡುಗೆ ಮಾಡುವವರ ಸಮಯವೂ ವ್ಯರ್ಥವಾಗುತ್ತದೆ. ಆದರೆ ಚಿಂತಿಸಬೇಡಿ, ಈ ಸಮಸ್ಯೆಯನ್ನು ಶಾಶ್ವತವಾಗಿ ಪರಿಹರಿಸಲು ಇಲ್ಲಿದೆ ಮಾಹಿತಿ.

PREV
15
ಸರಳ ಮನೆಮದ್ದು

ಸರಳ ಮನೆಮದ್ದು
ಗೃಹಿಣಿಯರು ಪ್ರತಿದಿನ ಎದುರಿಸುವ ಸಾಮಾನ್ಯ ಸಮಸ್ಯೆಗಳಲ್ಲಿ ಒಂದು ಎಂದರೆ ಚಪಾತಿ ಅಥವಾ ರೊಟ್ಟಿ ಲಟ್ಟಿಸಿ ಹಂಚಿನ ಮೇಲೆ ಹಾಕಿದಾಗ ಅದು ಅಂಟಿಕೊಳ್ಳುವುದು. ಇದರಿಂದ ಚಪಾತಿ ಸೀದುಹೋಗುವುದಲ್ಲದೆ, ರುಚಿಯೂ ಕೆಡುತ್ತದೆ ಮತ್ತು ಹಂಚನ್ನು ತೊಳೆಯುವುದು ದೊಡ್ಡ ತಲೆನೋವಾಗುತ್ತದೆ. ಈ ಸಮಸ್ಯೆಗೆ ಇಲ್ಲಿದೆ ನೋಡಿ ಒಂದು ಸರಳ ಮತ್ತು ಪರಿಣಾಮಕಾರಿ ಮನೆಮದ್ದು.

ಸಾಮಾನ್ಯವಾಗಿ ಹಳೆಯ ಹಂಚುಗಳ ಮೇಲೆ ಅಥವಾ ಹೊಸ ನಾನ್-ಸ್ಟಿಕ್ ಹಂಚುಗಳ ಲೇಟಿಂಗ್ ಹೋದಾಗ ಈ ಸಮಸ್ಯೆ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಈ ಸಮಸ್ಯೆಯನ್ನು ಹೋಗಲಾಡಿಸಲು ಮತ್ತು ಚಪಾತಿಗಳು ಹತ್ತಿಯಂತೆ ಮೃದುವಾಗಿ ಬರಲು ಈ ಕೆಳಗಿನ ಕ್ರಮಗಳನ್ನು ಅನುಸರಿಸಿ.

25
ಉಪ್ಪು ಮತ್ತು ಎಣ್ಣೆಯ 'ಸೀಸನಿಂಗ್' (Seasoning)

ಉಪ್ಪು ಮತ್ತು ಎಣ್ಣೆಯ 'ಸೀಸನಿಂಗ್' (Seasoning)
ಮೊದಲನೆಯದಾಗಿ, ನಿಮ್ಮ ಹಂಚನ್ನು ಒಲೆಯ ಮೇಲೆ ಇಟ್ಟು ಚೆನ್ನಾಗಿ ಬಿಸಿ ಮಾಡಿ. ನಂತರ, ಅದರ ಮೇಲೆ ಒಂದು ಚಮಚ ಉಪ್ಪು ಮತ್ತು ಕೆಲವು ಹನಿ ಅಡುಗೆ ಎಣ್ಣೆಯನ್ನು ಹಾಕಿ. ಈಗ ಒಂದು ಒಣಗಿದ ಬಟ್ಟೆ ಅಥವಾ ಟಿಶ್ಯೂ ಪೇಪರ್ ಬಳಸಿ, ಹಂಚಿನ ಇಡೀ ಮೇಲ್ಮೈಯನ್ನು ಉಪ್ಪು ಮತ್ತು ಎಣ್ಣೆಯಿಂದ ಸುಮಾರು ಒಂದು ನಿಮಿಷಗಳ ಕಾಲ ಚೆನ್ನಾಗಿ ಉಜ್ಜಿ (Scrub). ಬಳಿಕ ಒಲೆಯನ್ನು ಆರಿಸಿ, ಹಂಚನ್ನು ತಣ್ಣಗಾಗಲು ಬಿಡಿ. ನಂತರ ಸಾಮಾನ್ಯ ನೀರಿನಿಂದ ತೊಳೆದು, ಒರೆಸಿ ಮತ್ತೆ ಬಳಸಿ. ಈ ಪ್ರಕ್ರಿಯೆಯು ಹಂಚಿನ ಮೇಲಿರುವ ಸೂಕ್ಷ್ಮ ರಂಧ್ರಗಳನ್ನು ಮುಚ್ಚಿ, ಮೇಲ್ಮೈಯನ್ನು ನಯಗೊಳಿಸುತ್ತದೆ.

35
ಈರುಳ್ಳಿಯ ತಂತ್ರ

ಈರುಳ್ಳಿಯ ತಂತ್ರ
ಉಪ್ಪು-ಎಣ್ಣೆ ಸವರಿದ ನಂತರ ಮತ್ತು ಮೊದಲ ಚಪಾತಿ ಹಾಕುವ ಮುನ್ನ, ಅರ್ಧ ಈರುಳ್ಳಿಯನ್ನು ತೆಗೆದು ಹಂಚಿನ ಮೇಲೆ ಲೈಟ್ ಆಗಿ ಉಜ್ಜಿ. ಇದು ಹಂಚಿಗೆ ನೈಸರ್ಗಿಕ ನಾನ್-ಸ್ಟಿಕ್ ಲೇಪವನ್ನು ನೀಡುತ್ತದೆ ಮತ್ತು ಚಪಾತಿಗಳನ್ನು ಸುಲಭವಾಗಿ ಏಳುವಂತೆ ಮಾಡುತ್ತದೆ.

45
ಹಿಟ್ಟಿನ ಹದ

ಹಿಟ್ಟಿನ ಹದ
ಚಪಾತಿ ಹಿಟ್ಟು ನಾದಿದಾಗ ಅದು ತುಂಬಾ ಗಟ್ಟಿಯೂ ಇರಬಾರದು ಮತ್ತು ತುಂಬಾ ತೆಳ್ಳಗೂ ಇರಬಾರದು. ಸರಿಯಾದ ಹದದಲ್ಲಿ ನಾದಿದ ಹಿಟ್ಟು ಹಂಚಿಗೆ ಅಂಟುವುದಿಲ್ಲ. ಹಿಟ್ಟು ನಾದಲು ಸ್ವಲ್ಪ ಉಗುರು ಬೆಚ್ಚಗಿನ ನೀರನ್ನು ಬಳಸಿದರೆ ಚಪಾತಿಗಳು ಇನ್ನಷ್ಟು ಮೃದುವಾಗಿ ಬರುತ್ತವೆ.

55
ನಾನ್-ಸ್ಟಿಕ್ ಹಂಚಿನ ನಿರ್ವಹಣೆ

ನಾನ್-ಸ್ಟಿಕ್ ಹಂಚಿನ ನಿರ್ವಹಣೆ
ನೀವು ನಾನ್-ಸ್ಟಿಕ್ ತವಾ ಬಳಸುತ್ತಿದ್ದರೆ, ಅದರ ಮೇಲೆ ಚಾಕು ಅಥವಾ ಲೋಹದ ಸೌಟುಗಳನ್ನು ಬಳಸಬೇಡಿ. ಇದು ಲೇಟಿಂಗ್ ಅನ್ನು ಹಾಳು ಮಾಡಿ ಹಿಟ್ಟು ಅಂಟಿಕೊಳ್ಳುವಂತೆ ಮಾಡುತ್ತದೆ.

ಈ ಸರಳ ಟಿಪ್ಸ್ ಅನ್ನು ಅನುಸರಿಸುವ ಮೂಲಕ ನೀವು ಯಾವುದೇ ತೊಂದರೆಯಿಲ್ಲದೆ ರುಚಿಯಾದ ಮತ್ತು ಮೃದುವಾದ ಚಪಾತಿಗಳನ್ನು ಸುಲಭವಾಗಿ ತಯಾರಿಸಬಹುದು.

ಆರೋಗ್ಯ, ಸೌಂದರ್ಯ, ಫಿಟ್‌ನೆಸ್, ಕಿಚನ್ ಟಿಪ್ಸ್‌, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್‌ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್‌ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್‌ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್‌ಲೋಡ್ ಮಾಡಿ ಹಾಗು ಎಲ್ಲಾ ಅಪ್‌ಡೇಟ್ ಗಳನ್ನು ಪಡೆಯಿರಿ.

Read more Photos on
click me!

Recommended Stories