ಯಾವುದೇ ಬೇಳೆಕಾಳಾದರೂ ಲಾಂಗ್ ಟೈಮ್ ಫ್ರೆಶ್ ಆಗಿರಲು, ಹುಳು ಹಿಡಿಯದಿರಲು ಹೀಗೆ ಸಂಗ್ರಹಿಸಿ

Food storage tips Indian kitchen: ಮಳೆಗಾಲದಲ್ಲಿ ದ್ವಿದಳ ಧಾನ್ಯಗಳಿಗೆ ಕೀಟಗಳ ಕಾಟ ಹೆಚ್ಚು. ಇದರಿಂದಾಗಿ ಧಾನ್ಯಗಳು ಬೇಗನೆ ಹಾಳಾಗುತ್ತವೆ. ಆದ್ದರಿಂದ ಈ ಟಿಪ್ಸ್ ಅನುಸರಿಸಿ, ದೀರ್ಘಕಾಲ ಫ್ರೆಶ್ ಆಗಿರುತ್ತವೆ. 

ಹದಗೆಡುತ್ತದೆ ರುಚಿ

ಅದು ಯಾವುದೇ ಬೇಳೆಯಾದರೂ ನಮ್ಮ ಆಹಾರದ ಪ್ರಮುಖ ಭಾಗವಾಗಿದೆ. ಬಹುತೇಕ ಇದನ್ನು ಪ್ರತಿದಿನ ಸೇವಿಸಲಾಗುತ್ತದೆ. ಬೇಳೆಕಾಳುಗಳಿಂದ ಅನೇಕ ರೀತಿಯ ರೆಸಿಪಿಗಳನ್ನು ಸಹ ತಯಾರಿಸಲಾಗುತ್ತದೆ. ಇವು ಪೋಷಕಾಂಶಗಳಿಂದ ಸಮೃದ್ಧವಾಗಿವೆ. ಬೇಳೆಕಾಳುಗಳನ್ನು ಸೇವಿಸುವುದರಿಂದ ಆರೋಗ್ಯಕ್ಕೂ ಪ್ರಯೋಜನಕಾರಿಯಾಗಿದೆ. ಆದರೆ ಜನರು ಬೇಳೆಯಲ್ಲಿ ಬಹಳ ಬೇಗ ಹುಳುವಾಗುತ್ತದೆ ಎಂದು ದೂರುತ್ತಾರೆ. ಬೇಳೆಕಾಳುಗಳಲ್ಲಿ ಹುಳುವಾದರೆ ಅವು ಬೇಗನೆ ಹಾಳಾಗುತ್ತವೆ ಮತ್ತು ರುಚಿ ಕೂಡ ಹದಗೆಡುತ್ತದೆ. ಮಳೆಗಾಲದಲ್ಲಿಯಂತೂ ಈ ಸಮಸ್ಯೆ ಸಾಮಾನ್ಯವಾಗಿದೆ. ಹಾಗಾಗಿ ಬೇಳೆಕಾಳುಗಳನ್ನು ದೀರ್ಘಕಾಲದವರೆಗೆ ತಾಜಾವಾಗಿ ಅಥವಾ ಫ್ರೆಶ್ ಆಗಿಡಲು ನೀವು ಈ ಟಿಪ್ಸ್ ಅನುಸರಿಸಬಹುದು. ಹಾಗಾದರೆ ಬೇಳೆಕಾಳುಗಳನ್ನು ಸಂಗ್ರಹಿಸುವ ವಿಧಾನವನ್ನು ತಿಳಿದುಕೊಳ್ಳೋಣ ಬನ್ನಿ...

ಈ ವಿಧಾನ ಬಳಸಿ

ಮಳೆಗಾಲದಲ್ಲಿ ಯಾವುದೇ ಪದಾರ್ಥಕ್ಕೆ ಆಗಲಿ ಬಹಳ ಬೇಗ ಥಂಡಿ ಆವರಿಸುತ್ತದೆ. ತೇವಾಂಶದಿಂದಾಗಿ ಬೇಳೆಕಾಳುಗಳು ಹಾಳಾಗುತ್ತವೆ. ಈ ಸಮಸ್ಯೆಯನ್ನು ತಪ್ಪಿಸಲು, ಕಾಳುಗಳನ್ನು ಸ್ವಲ್ಪ ಸಮಯದವರೆಗೆ ಬಿಸಿಲಿನಲ್ಲಿ ಒಣಗಿಸಿ ಭದ್ರವಾಗಿ ತೆಗೆದಿಡಿ.

ಡಬ್ಬಿಯಲ್ಲಿ ಸಂಗ್ರಹಿಸಿ

ಬೇಳೆಯನ್ನು ಸಂಗ್ರಹಿಸಲು, ಸ್ವಚ್ಛ ಮತ್ತು ಒಣಗಿದ ಡಬ್ಬಿಯನ್ನು ಬಳಸಿ. ಬೇಳೆಯನ್ನು ಸಂಗ್ರಹಿಸುತ್ತಿರುವ ಜಾರ್ ಅಥವಾ ಡಬ್ಬಿ ಒದ್ದೆಯಾಗಿರದಂತೆ ಖಚಿತಪಡಿಸಿಕೊಳ್ಳಿ. ಬೇಳೆಯನ್ನು ಹಾಕಿದ ನಂತರ ಗಾಳಿಯಾಡದಂತೆ ಡಬ್ಬಿಯ ಮುಚ್ಚಳವನ್ನು ಮುಚ್ಚಿ.

ಇದನ್ನು ನೆನಪಿನಲ್ಲಿಡಿ

ಬೇಳೆಕಾಳುಗಳನ್ನು ಸಂಗ್ರಹಿಸಿದ ನಂತರ ಅವುಗಳನ್ನು ಒಣ ಸ್ಥಳದಲ್ಲಿ ಇರಿಸಿ. ಮಳೆಗಾಲದಲ್ಲಿ ಬೇಳೆಕಾಳುಗಳನ್ನು ಸಣ್ಣ ಪ್ರಮಾಣದಲ್ಲಿ ಖರೀದಿಸಿ. ನೀವು ಬೇಳೆಕಾಳುಗಳನ್ನು ಗಾಳಿಯಾಡದ ಪಾತ್ರೆಯಲ್ಲಿ ಅಥವಾ ಜಿಪ್‌ಲಾಕ್ ಬ್ಯಾಗ್‌ನಲ್ಲಿ ಸಂಗ್ರಹಿಸಿ ರೆಫ್ರಿಜರೇಟರ್‌ನಲ್ಲಿ ಇಡಬಹುದು.

ಈ ಪದಾರ್ಥಗಳನ್ನು ಬಳಸಿ

ಬೇಳೆಕಾಳುಗಳ ಬಳಿ ಕೀಟಗಳು ಬರದಂತೆ ತಡೆಯಲು ನೀವು ಬಯಸಿದರೆ ಅವುಗಳನ್ನು ಸಂಗ್ರಹಿಸುವ ಮೊದಲು ಬೇವಿನ ಎಲೆಗಳು ಅಥವಾ ಬೇ ಲೀಫ್ ಸೇರಿಸಿ. ನೀವು ಬೇಳೆಕಾಳುಗಳನ್ನು ಸಂಗ್ರಹಿಸುತ್ತಿರುವ ಡಬ್ಬಿಯಲ್ಲಿ ಈ ಎಲೆಗಳನ್ನು ಮರೆಯದೆ ಹಾಕಿ.