ಕೆಲವರು ಊಟದ ನಂತರ ಸ್ನಾನ ಮಾಡಿದರೆ, ಕೆಲವರು ಊಟದ ನಂತರ ಚಹಾ ಕುಡಿಯುತ್ತಾರೆ. ಈ ಎಲ್ಲಾ ಅಭ್ಯಾಸಗಳು ಆರೋಗ್ಯಕ್ಕೆ ಹಾನಿಕಾರಕವಾಗಬಹುದು. ಊಟದ ನಂತರ ಯಾವುದನ್ನು ಮಾಡೋದನ್ನು ತಪ್ಪಿಸಬೇಕು ಎಂದು ತಿಳಿದುಕೊಳ್ಳೋಣ.
ಅನೇಕ ಬಾರಿ ಆರೋಗ್ಯಕರ ಆಹಾರವನ್ನು(Healthy food) ಸೇವಿಸಿದ ನಂತರವೂ, ಆರೋಗ್ಯ ಸಂಬಂಧಿತ ಸಮಸ್ಯೆ ಉಂಟಾಗುತ್ತೆ. ಕೆಲವು ಅಭ್ಯಾಸಗಳು ಸಹ ಇದಕ್ಕೆ ಕಾರಣವಾಗಬಹುದು. ಊಟ ಮಾಡಿದ ತಕ್ಷಣ, ನಾವು ತಿಳಿಯದೆ ಅಂತಹ ತಪ್ಪನ್ನು ಮಾಡುತ್ತೇವೆ, ಇದು ನಮ್ಮ ಆರೋಗ್ಯದ ಮೇಲೆ ನೇರ ಪರಿಣಾಮ ಬೀರುತ್ತೆ. ಇದಲ್ಲದೆ, ಊಟದ ನಂತರ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಅನೇಕ ವಿಷಯಗಳಿವೆ. ಅದರ ಬಗ್ಗೆ ತಿಳಿದುಕೊಳ್ಳೋಣ ...
ಒಂದು ಕಿರು ನಿದ್ದೆ(Sleep) ತೆಗೆದುಕೊಳ್ಳೋದು
ಆಹಾರ ಸೇವಿಸಿದ ನಂತರ ಕಿರು ನಿದ್ದೆ ಮಾಡೋದು ಆಹ್ಲಾದಕರ ಅನುಭವ ನೀಡುತ್ತೆ, ಆದರೆ ಅದು ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಊಟವಾದ ತಕ್ಷಣ ಮಲಗೋದು ಆಸಿಡ್ ರಿಫ್ಲಕ್ಸ್ ಮತ್ತು ಎದೆಯುರಿಗೆ ಕಾರಣವಾಗಬಹುದು. ಆದ್ದರಿಂದ ಆಹಾರ ಸೇವಿಸಿದ ಸ್ವಲ್ಪ ಸಮಯದ ನಂತರ ನಡೆಯಿರಿ, ಅದು ಜೀರ್ಣಕ್ರಿಯೆಗೆ ಉತ್ತಮ.
ಅತಿ ನೀರು ಕುಡಿಯೋದು(Drink water)
ಊಟವಾದ ತಕ್ಷಣ ನೀವು ಹೆಚ್ಚು ನೀರು ಕುಡಿದರೆ, ಅದು ಜೀರ್ಣಕ್ರಿಯೆಯ ಮೇಲೆ ಪರಿಣಾಮ ಬೀರುತ್ತೆ. ಆದ್ದರಿಂದ, ಊಟವಾದ ತಕ್ಷಣ ನೀರು ಕುಡಿಯೋದನ್ನು ತಪ್ಪಿಸಬೇಕು. ಊಟ ಮಾಡಿದ 30 ನಿಮಿಷಗಳ ನಂತರ ಮಾತ್ರ ನೀರು ಕುಡಿಯೋದು ಉತ್ತಮ.
ಧೂಮಪಾನ (Smoking)
ಊಟ ಮಾಡಿದ ನಂತರ ಸಿಗರೇಟ್ ಸೇದುವ ಚಟವನ್ನು ಹೊಂದಿದ್ದರೆ, ಅದು ತುಂಬಾ ಅಪಾಯಕಾರಿ. ಊಟದ ನಂತರ ಸಿಗರೇಟ್ ಸೇದೋದರಿಂದ ಜೀರ್ಣಕಾರಿ ಸಮಸ್ಯೆಗಳು ಮತ್ತು ಕ್ಯಾನ್ಸರ್ ಅಪಾಯವನ್ನು ಇದು ಹೆಚ್ಚಿಸುತ್ತೆ.
ಸ್ನಾನ(Bath) ಮಾಡಬೇಡಿ
ಹೆವಿ ಆಹಾರ ಸೇವಿಸಿದ ನಂತರ ಎಂದಿಗೂ ಸ್ನಾನ ಮಾಡಬೇಡಿ, ಏಕೆಂದರೆ ಇದು ಆಹಾರವನ್ನು ತಡವಾಗಿ ಜೀರ್ಣಿಸಿಕೊಳ್ಳಲು ಕಾರಣವಾಗುತ್ತೆ. ಹೀಗೆ ಮಾಡೋದ್ರಿಂದ ಸ್ನಾನದ ಸಮಯದಲ್ಲಿ, ದೇಹದ ಸುತ್ತಲೂ ರಕ್ತದ ಹರಿವು ಹೆಚ್ಚಾಗುತ್ತೆ ಮತ್ತು ಜೀರ್ಣಾಂಗ ವ್ಯವಸ್ಥೆಯಲ್ಲಿ ಸಮಸ್ಯೆಗಳು ಉಂಟಾಗಬಹುದು.
ಸಿಟ್ರಸ್ ಹಣ್ಣುಗಳ(Citruis fruit) ಸೇವನೆ
ಕಿತ್ತಳೆ, ದ್ರಾಕ್ಷಿ ಮತ್ತು ಇತರ ಸಿಟ್ರಸ್ ಹಣ್ಣುಗಳನ್ನು ಆಹಾರ ಸೇವಿಸಿದ ತಕ್ಷಣ ತಿನ್ನೋದನ್ನು ತಪ್ಪಿಸಿ. ಇದು ಆಸಿಡ್ ರಿಫ್ಲಕ್ಸ್ ಮತ್ತು ಎದೆಯುರಿಯ ಅಪಾಯವನ್ನು ಹೆಚ್ಚಿಸುತ್ತೆ. ಈ ಹಣ್ಣುಗಳನ್ನು ನೀವು ತಿನ್ನಲು ಬಯಸೋದಾದ್ರೆ, ಅವುಗಳನ್ನು ಊಟದ ಮೊದಲು ಅಥವಾ ಊಟದ ನಡುವೆ ಸೇವಿಸೋದು ಉತ್ತಮ.
ಊಟ ಮಾಡಿದ ನಂತರ ಚಹಾ(Tea) ಕುಡಿಯಬೇಡಿ
ಅನೇಕ ಜನರು ಊಟ ತಿಂದ ತಕ್ಷಣ ಚಹಾ ಕುಡಿಯಲು ಇಷ್ಟಪಡುತ್ತಾರೆ, ಆದರೆ ನಿಮಗೆ ತಿಳಿದಿದ್ಯಾ, ಇದು ಅಜೀರ್ಣ ಸಮಸ್ಯೆಗಳನ್ನು ಉಂಟುಮಾಡಬಹುದು. ಊಟದ ನಂತರ ಚಹಾ ಸೇವಿಸೋದರಿಂದ ಆಹಾರವನ್ನು ಜೀರ್ಣಿಸಿಕೊಳ್ಳಲು ಕಷ್ಟವಾಗುತ್ತೆ.