ನಾಯಿ ಕಚ್ಚಿದ (dog bite) ನಂತರ ಸೋಂಕು ಹರಡುವ ಭಯ ಎಲ್ಲರಿಗೂ ಇದ್ದೇ ಇರುತ್ತೆ. ಆದ್ರೆ ನೀವು ತುಂಬಾನೆ ಟೆನ್ಷನ್ ಆಗಬೇಕಾದ ಅಗತ್ಯ ಇಲ್ಲ. ಯಾಕೆಂದ್ರೆ ನಾಯಿ ಕಚ್ಚಿದ್ರೆ ಆ ವ್ಯಕ್ತಿಗಳು ಕೆಲವು ಪ್ರಮುಖ ವಿಷಯಗಳ ಬಗ್ಗೆ ಕಾಳಜಿ ವಹಿಸಬೇಕು, ಇದರಿಂದ ದೇಹದಲ್ಲಿ ಸೋಂಕು ಹರಡದಂತೆ ತಡೆಯಬಹುದು.
ಅನೇಕ ಬಾರಿ, ಸಾಕು ನಾಯಿಗಳು ಸಹ ಬೀದಿಯಲ್ಲಿ ಜನರ ಮೇಲೆ ದಾಳಿ ಮಾಡುತ್ತವೆ. ಈ ಕಾರಣದಿಂದಾಗಿ, ಕೆಲವು ಜನರಿಗೆ ಜೋರಾಗಿ ಗಾಯವಾಗುತ್ತೆ ಅಥವಾ ಉಗುರುಗಳ ಗೀರು ಮೂಡುತ್ತದೆ. ಹೀಗಾದಾಗ, ಸೋಂಕು ಹರಡುವುದನ್ನು (infection) ತಡೆಗಟ್ಟಲು ತಕ್ಷಣವೇ ಪ್ರಥಮ ಚಿಕಿತ್ಸೆ ಮಾಡ್ಬೇಕು. ನಾಯಿ ಕಡಿತಕ್ಕೆ ಏನು ಮಾಡಬೇಕು ಮತ್ತು ಏನು ಮಾಡಬಾರದು ಎಂದು ತಿಳಿಯೋಣ?
ನಾಯಿ ಕಚ್ಚಿದಾಗ ಏನು ಮಾಡಬೇಕು?
ನಾಯಿ ಕಚ್ಚಿದ ಜಾಗದಲ್ಲಿ ಉಂಟಾದ ಗಾಯವನ್ನು ಅನೇಕ ಜನರು ಸ್ವಚ್ಛಗೊಳಿಸುವುದಿಲ್ಲ, ಅದು ವಿವಿಧ ಗಂಭೀರ ಸಮಸ್ಯೆಗಳನ್ನು ಉಂಟುಮಾಡಬಹುದು. ನಾಯಿ ಕಡಿತದ ನಂತರ ಏನು ಮಾಡಬೇಕೆಂದು ನಿಮಗೆ ತಿಳಿದಿದೆಯೇ?
ನಾಯಿ ಕಚ್ಚಿದ ನಂತರ ಬಾಧಿತ ಪ್ರದೇಶವನ್ನು ನೀರು ಮತ್ತು ಸಾಬೂನಿನಿಂದ ಸ್ವಚ್ಛಗೊಳಿಸಿ.
ತಕ್ಷಣವೇ ಉತ್ತಮ ವೈದ್ಯರನ್ನು ಸಂಪರ್ಕಿಸಿ.
ಗಾಯವನ್ನು ತೊಳೆದ ನಂತರ, ಪೀಡಿತ ಪ್ರದೇಶದ ಮೇಲೆ ನೀವು ಬೀಟಾಡಿನ್ ಅಥವಾ ಆಂಟಿ ಸೆಪ್ಟಿಕ್ ಕ್ರೀಮ್ (anti septic cream)ಸಹ ಹಚ್ಚಬಹುದು.
ನಾಯಿ ಕಚ್ಚಿದಾಗ ಇದನ್ನ ಅವಾಯ್ಡ್ ಮಾಡಿ :
ನಾಯಿ ಕಚ್ಚಿದ ನಂತರ ಗಾಯಕ್ಕೆ ಬ್ಯಾಂಡೇಜ್ (bandage) ಹಾಕಬಾರದು ಎಂಬುದನ್ನು ನೆನಪಿನಲ್ಲಿಡಿ. ಗಾಯವನ್ನು ತೊಳೆದ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ. ಇದರಿಂದ ವೈದ್ಯರು ಅದರ ತೀವ್ರತೆಯ ಆಧಾರದ ಮೇಲೆ ಅದಕ್ಕೆ ಚಿಕಿತ್ಸೆ ನೀಡಬಹುದು.
ನಾಯಿ ಕಚ್ಚಿದರೆ ಏನಾಗಬಹುದು?
ನಾಯಿ ಕಚ್ಚಿದಾಗ, ಅದು ವಿವಿಧ ಗಂಭೀರ ಸಮಸ್ಯೆಗಳಿಗೆ ಕಾರಣವಾಗಬಹುದು. ಈ ಸಮಸ್ಯೆಗಳಲ್ಲಿ ಸೋಂಕು ಪ್ರಮುಖವಾಗಿದೆ. ನಾಯಿಯ ಬಾಯಲ್ಲಿ ಬ್ಯಾಕ್ಟೀರಿಯಾ ಹೆಚ್ಚಾಗಿರುತ್ತೆ. ಅದು ಕಚ್ಚಿದಾಗ ಪೀಡಿತ ವ್ಯಕ್ತಿಯ ದೇಹವನ್ನು ಪ್ರವೇಶಿಸಬಹುದು.
ನಾಯಿ ಕಚ್ಚಿದಾಗ ಕೇವಲ ಸೋಂಕು ಮಾತ್ರವಲ್ಲ, ಇನ್ನು ಹಲವು ಸಮಸ್ಯೆಗಳು ಸಹ ಉಂಟಾಗುತ್ತವೆ, ಅವುಗಳೆಂದರೆ-
ನರಗಳು ಅಥವಾ ಸ್ನಾಯುಗಳಲ್ಲಿನ ಸಮಸ್ಯೆಗಳು
ಮೂಳೆ ಮುರಿಯುತ್ತದೆ
ಗಾಯವು ಆಳದವರೆಗೂ ಬಾಧಿಸುತ್ತೆ.