ಮಧುಮೇಹವು ಅತಿದೊಡ್ಡ ಆರೋಗ್ಯ (Health) ಸಮಸ್ಯೆಯಾಗಿ ಮಾರ್ಪಟ್ಟಿದೆ. ಚಿಕ್ಕ ಮಕ್ಕಳಿಂದ ಹಿಡಿದು ವೃದ್ಧರವರೆಗೆ, ಎಲ್ಲರೂ ಈ ಸಮಸ್ಯೆಯೊಂದಿಗೆ ಹೆಣಗಾಡುತ್ತಿದ್ದಾರೆ. ಸಕ್ಕರೆ ಖಾಯಿಲೆಯಿಂದ ಜನರು ತುಂಬಾನೆ ಕಷ್ಟ ಪಡ್ತಾರೆ. ಮಧುಮೇಹವು ದೇಹದ ಎಲ್ಲಾ ಅಂಗಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತೆ. ಅಷ್ಟೇ ಅಲ್ಲ, ಮಧುಮೇಹದ ಕಾರಣದಿಂದಾಗಿ, ಹೃದ್ರೋಗ (Heart Disease) , ಮಾನಸಿಕ ಸಮಸ್ಯೆಗಳು (Psychological problem) ಸೇರಿದಂತೆ ಇತರ ಅನೇಕ ಸಮಸ್ಯೆಗಳು ಉಂಟಾಗುತ್ತವೆ. ಡಯಾಬಿಟೀಸ್ ನಲ್ಲಿ ಎಷ್ಟು ವಿಧಗಳಿವೆ. ಅವುಗಳ ಲಕ್ಷಣಗಳೇನು ತಿಳಿಯೋಣ.
ಜಗತ್ತನ್ನು ಕಾಡುವ ಒಂದು ಸಾಮಾನ್ಯ ಕಾಯಿಲೆ ಎಂದರೆ ಅದು ಮಧುಮೇಹ. ಮಧುಮೇಹದಲ್ಲಿ ಅನೇಕ ವಿಧಗಳಿವೆ. ಹೆಚ್ಚಿನ ಜನರು ಟೈಪ್ 2 ಮತ್ತು ಟೈಪ್ 1 ಮಧುಮೇಹ(Diabetes) ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಕೆಲವು ಜನರು ಟೈಪ್ 3 ಮತ್ತು ಟೈಪ್ 4 ಮಧುಮೇಹದಿಂದ ಬಾಧಿತರಾಗುತ್ತಾರೆ. ಟೈಪ್ 4 ಡಯಾಬಿಟಿಸ್ ಬಗ್ಗೆ ನಿಮಗೆ ತಿಳಿದಿದ್ಯಾ? ಈ ಮಧುಮೇಹದಿಂದ ಯಾವ ವಯಸ್ಸಿನ ಜನರು ಹೆಚ್ಚು ಬಾಧಿತರಾಗುತ್ತಾರೆ ಮತ್ತು ಈ ಸಮಸ್ಯೆಗೆ ಕಾರಣವೇನು ಎಂಬುದು ಇಲ್ಲಿದೆ ನೋಡಿ.
27
ಎಲ್ಲಾ ರೀತಿಯ ಮಧುಮೇಹದಿಂದಾಗಿ, ದೇಹದಲ್ಲಿ ಇನ್ಸುಲಿನ್(Insulin) ರೆಸಿಸ್ಟೆನ್ಸಿ ಉಂಟಾಗುತ್ತದೆ ಮತ್ತು ರಕ್ತದ ಸಕ್ಕರೆ ಮಟ್ಟವು ಹೆಚ್ಚಾಗುತ್ತದೆ. ವಿವಿಧ ರೀತಿಯ ಮಧುಮೇಹವನ್ನು ವಿಭಿನ್ನವಾಗಿ ಚಿಕಿತ್ಸೆ ನೀಡಲಾಗುತ್ತದೆ. ಅದರಲ್ಲೂ ಟೈಪ್ 4 ಮಧುಮೇಹದ ಬಗ್ಗೆ ನೀವು ತಿಳಿದು ಕೊಳ್ಳಬೇಕಾದ್ದು ಬಹಳಷ್ಟಿದೆ. ಹಾಗಾದ್ರೆ ಬನ್ನಿ ಟೈಪ್ 4 ಮಧುಮೇಹ ಎಂದರೇನು ಮತ್ತು ಅದರ ರೋಗ ಲಕ್ಷಣಗಳು ಯಾವುವು ಎಂದು ತಿಳಿಯಿರಿ.
37
ಟೈಪ್ 4 ಡಯಾಬಿಟಿಸ್(Type 4 diabetes) ಎಂದರೇನು?
ಟೈಪ್ 4 ಮಧುಮೇಹವು ವಯಸ್ಸಾದವರಲ್ಲಿ ಇನ್ಸುಲಿನ್ (Insulin) ಪ್ರತಿರೋಧದಿಂದ ಉಂಟಾಗುವ ಒಂದು ಸಾಮಾನ್ಯ ರೋಗ. ಈ ರೋಗವು ಕಡಿಮೆ ತೂಕ (Low Wieght) ಇರುವಂತಹ ಮತ್ತು ತೆಳ್ಳಗಿರುವ ವಯಸ್ಸಾದ ಜನರಲ್ಲಿ ಕಂಡುಬರುತ್ತೆ.
47
ಟೈಪ್ 2 ಮಧುಮೇಹ ಸಮಸ್ಯೆಯ ಹಿಂದಿನ ಪ್ರಮುಖ ಕಾರಣವೆಂದರೆ ಸ್ಥೂಲಕಾಯ (Obesity), ಆದರೆ ಟೈಪ್ 4 ರಲ್ಲಿ ಅದು ಹಾಗಲ್ಲ. ವಿಜ್ಞಾನಿಗಳು ಪ್ರಸ್ತುತ ಇದಕ್ಕೆ ನಿಖರವಾದ ಕಾರಣ ಕಂಡು ಹಿಡಿಯಲು ಪ್ರಯತ್ನಿಸುತ್ತಿದ್ದಾರೆ. ವಯಸ್ಸಿನ ಕಾರಣದಿಂದಲೂ ಈ ರೋಗ ಉಂಟಾಗಬಹುದು ಎಂದು ತಜ್ಞರು ನಂಬುತ್ತಾರೆ. 2015 ರ ಒಂದು ಅಧ್ಯಯನವು ಟೈಪ್ 4 ಮಧುಮೇಹವು ಪ್ರತಿರಕ್ಷಣಾ ಕೋಶಗಳ ಅತಿಯಾದ ರಚನೆಯಿಂದ ಉಂಟಾಗಬಹುದು ಎಂದು ತಿಳಿಸಿದೆ. ಈ ಅಧ್ಯಯನವನ್ನು ಇಲಿಗಳ ಮೇಲೆ ಮಾಡಲಾಗಿತ್ತು.
57
ಟೈಪ್ 4 ಮಧುಮೇಹದ ಲಕ್ಷಣಗಳು(Symptoms)
ಟೈಪ್ 4 ಮಧುಮೇಹದ ರೋಗಲಕ್ಷಣಗಳು ಇತರ ರೀತಿಯ ಮಧುಮೇಹವನ್ನು ಹೋಲುತ್ತವೆ. ಇದು ಕಡಿಮೆ ತೂಕದ ಜನರಲ್ಲಿ ಹೆಚ್ಚಾಗಿ ಕಂಡು ಬರುತ್ತೆ, ಆದ್ದರಿಂದ ಇದನ್ನು ಊಹಿಸಲು ಸ್ವಲ್ಪ ಕಷ್ಟ. ಈ ರೋಗದಲ್ಲಿ ಇತರ ರೋಗಗಳಂತೆ ಕಾಣುವ ಕೆಲವು ರೋಗ ಲಕ್ಷಣಗಳಿವೆ, ಆದ್ದರಿಂದ ನಿಖರವಾದ ಪತ್ತೆಹಚ್ಚಬೇಕಾದ್ರೆ ವೈದ್ಯಕೀಯ ಪರೀಕ್ಷೆ ಮಾಡಿಸಲೇಬೇಕು.
67
ಟೈಪ್ 4 ಮಧುಮೇಹದ ಕೆಲವು ಪ್ರಮುಖ ರೋಗಲಕ್ಷಣಗಳನ್ನು ನೋಡೋಣ-
ಅತಿಯಾದ ಆಯಾಸ
ಅತಿಯಾದ ಹಸಿವು ಮತ್ತು ಬಾಯಾರಿಕೆ
ದೃಷ್ಟಿ ಮಸುಕಾಗುವುದು
ಗಾಯ
ಆಗಾಗ್ಗೆ ಮೂತ್ರವಿಸರ್ಜನೆ(Frequent urination)
ಹಠಾತ್ ತೂಕ ನಷ್ಟ
ಇವೆಲ್ಲವೂ ನಿಮಗೆ ಕಂಡು ಬಂದರೆ ತಿಳಿದುಕೊಳ್ಳಬೇಕು, ನಿಮಗೆ ಟೈಪ್ 4 ಮಧುಮೇಹ ಸಮಸ್ಯೆ ಕಾಡುತ್ತಿದೆ ಎಂದು ಹಾಗೂ ವೈದ್ಯಕೀಯ ನೆರವನ್ನು ಪಡೆಯಬೇಕು.
77
ಚಿಕಿತ್ಸೆ(Treatment) ಏನು?
ಇಲ್ಲಿಯವರೆಗೆ, ಟೈಪ್ 4 ಮಧುಮೇಹಕ್ಕೆ ನಿಖರವಾದ ಚಿಕಿತ್ಸೆ ಇಲ್ಲ. ಆಂಟಿಬಾಡಿ ಔಷಧವನ್ನು ಸಂಶೋಧಕರು ಅಭಿವೃದ್ಧಿ ಪಡಿಸುತ್ತಿದ್ದಾರೆ. ಇದು ದೇಹದಲ್ಲಿ ನಿಯಂತ್ರಕ ಟಿ-ಕೋಶಗಳ ಸಂಖ್ಯೆಯನ್ನು ಕಡಿಮೆ ಮಾಡಲು ಮತ್ತು ಟೈಪ್ 4 ಮಧುಮೇಹಕ್ಕೆ ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತೆ. ಈ ಔಷಧಿಯನ್ನು ಅಭಿವೃದ್ಧಿಪಡಿಸುವವರೆಗೆ, ವೈದ್ಯರು ಟೈಪ್ 2 ಡಯಾಬಿಟಿಸ್ ಔಷಧಿಗಳೊಂದಿಗೆ ಚಿಕಿತ್ಸೆ ನೀಡುತ್ತಿದ್ದಾರೆ.
ಆರೋಗ್ಯ, ಸೌಂದರ್ಯ, ಫಿಟ್ನೆಸ್, ಕಿಚನ್ ಟಿಪ್ಸ್, ಸಂಬಂಧ, ಫ್ಯಾಷನ್, ರೆಸಿಪಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.
